影片
港鐵樂富站 A 出口, 步行約3分鐘
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
各位食友，今日黎到上海姥姥試吓佢哋嘅招牌菜，先語你知，真係得！🥳 首先，佢哋嘅南瓜羹，話你知，一啖入口，啲雞肉、蝦仔同鵪鶉蛋喺濃厚嘅湯底裏面游嚟游去，食落真係正！再講講呢個醋溜魚，酸爽開胃，最啱配飯，真係令人停唔到口。🤤中間，我地又點咗粉紅色嘅小籠包，每個入面都有一粒帶子，即刻少女心爆棚！賣相唔止可以噏，味道都得。話雖咁講，食到尾聲，我已經飽到打橫，但個桂花糯米甜品實在拒絕唔到，甜甜嘅桂花同醬料混合，好過癮！真心講，一行四人食得洗腳皇帝咁舒服，啲食物質素正到飛起，又唔洗花多啲錢，實行性價比高爆燈！下次仲要約班友再黎圍一圍，話咁易！🙌
繼續閱讀
今日嘅心情就似天空嘅晴朗，搵到間街坊大推嘅小店嚟享受一頓放工後嘅晚餐。店內嘅裝修唔花哨，感覺樸實舒服💺。先點咗份炸魚薯條，外酥內嫩嘅炸魚，金黃色嘅麵衣咬落去「脆卜卜」嘅感覺，爽口！薯條配上蕃茄醬，正宗嘅經典搭配🍟。再來，就試吓呢間店嘅招牌烤雞扒。烤得啱啱好，雞皮焦脆，肉汁保持得宜，唔會乾身，香濃肉味令人垂涎🍗。食完肉類，當然少不了要有啲餸菜嘅平衡。所以我又來咗個涼拌黑木耳，配上些少蔥花同香菜， crunch嘅質感夾雜著微微嘅麻油香，簡直係清新提味嘅首選！全程用手機直播，邊食邊講，感覺就似啲粉絲坐喺我對面咁。這個大快朵頤嘅過程，絕對要適時分享。最後，嚟杯新鮮榨汁作ending，個人覺得好過癮，輕鬆滿足😌。這家小店，肯定令你食指大動，係幾好嘅打卡選擇，值得一試！嗱，咁我就慢慢咀嚼今晚嘅幸福感覺喇！
繼續閱讀
諗唔到食咩，係一條街見到上海姥姥，會選擇尼間。雖然都食過幾次，今次點左完全未試過而又係必點菜，都係朋友講先知道。本來對於既定印象原則，我係唔多會點尼幾個，大家都有既菜，食過一次麻麻，對於其他餐廳有同樣菜式就會卻步，今次聽朋友講就try try。蔥爆封門牛柳牛柳爆炒之後，都keep到嫩口，而吸收左大蔥味道更加惹味，加埋蔥一齊食既牛柳都好味到食多兩口飯。鎮江黑醋骨糖醋骨食得多，而黑醋骨就真係少食，而我以為係會酸酸甜甜，而佢係少少算，有陳年老醋醬既風味，而排骨份量都豐富，沒有包裹粉去炸都算係出的既，可能因為醋而覺得食幾多都唔膩。黃金蝦仁炒飯炒飯以為係應該乾少少先有個種炒飯既精髓，見上來好似有d唔夠乾，但係食落去確係岩好，差d被佢外表呃做想扁嘴，粒粒黃金鹹蛋黃包裹既炒飯，絕對係夠曬口感，仲有大蝦，值得點一碟。雞絲粉皮小碟嘗試一下，涼皮係Q彈彈，就係本身唔鍾意花生醬既人可能要走，得花生醬同雞絲涼皮，花生醬有d重。小籠包冇其他分店好食，個皮差dd。入面d肉算足，都有食到個湯汁。
繼續閱讀
同屋企去上海姥姥食嘢，叫咗鍋貼，小龍包，上海炒年糕，豆沙鍋餅，個小籠包多好多汁，炒年糕個份量都足，想推介俾大家就係鍋貼同埋豆沙鍋餅，鍋貼煎到啲皮脆卜卜🥟，啲䤾好Juice，豆沙窩餅皮薄同埋好香口，唔會大甜👍👍
繼續閱讀
今晚想食上海菜，於是同家人到咗上海姥姥用餐。餐廳裝潢甚有中國古代建築色彩，卡位之間採用圓拱門設計，牆上有啲中國古代女子掛畫，非常之古色古香。我哋主食叫咗四川擔擔麵同排骨拉麵，擔擔麵湯底濃郁，麵條口感唔錯。排骨麵排骨份量都幾多，不過略嫌肉質比較亁身。冷菜叫咗醉雞、雞絲粉皮、香辣貢菜同香煎素鵝。當中醉雞酒味香醇，雞肉入味得黎又嫩滑，幾出色。雞絲粉皮都唔錯，雞絲幼滑，粉皮彈牙，撈埋青瓜絲，芝麻醬，爽口開胃點心就叫咗招牌小籠包同炸銀絲卷。小籠包幾有水準，皮搓得夠薄，一咬落去啲肉汁泌晒出嚟，正整體來講，食物有啲水準唔錯，有啲就比較普通，不過價錢唔算貴，都係食上海菜嘅一個選擇。
繼續閱讀