上海姥姥 (Citylink)

營業中

休息中

今日突然好想食上海菜🤤🤤咁就自己一個去沙田連城廣場上海姥姥食啦🤤1.紅油抄手拌麵 配兩粒湯雲吞紅油抄手十分入味，濃郁，皮薄餡靚👍🏻❤️餡料十分足料，肉味濃，好好食好好食😋據我所知，上海姥姥嘅拌麵係手工麵，即打即製所以麵質特別好食😋煙韌又滑👍🏻上湯雲吞啲湯都可以飲㗎2.上海小籠包咁上海小籠包係必叫㗎！ 一籠有四粒！真係真係皮薄餡靚👍🏻一咬啲湯汁流晒出嚟🤤🥰入面嘅豬肉好新鮮，肉味濃郁，好有口感🥳點一啲醋，加一啲薑👍🏻湯汁十分好味，回味無窮大家如果想食上海菜嘅話就去上海姥姥啦🤤

個人真係好鐘意上海菜，除左小店之外，連鎖餐廳最好食就喺佢啦，上海姥姥尤其近大學，lunchset價錢都唔算好貴，如果喺較細食/share嘅朋友，單叫會較划算1️⃣姥姥家鄉粗炒（$76）好食，份量足，配料又多，有菇、椰菜、蔥等等，加上醬油醬料，口感唔同夾埋就好好食😋但食得多會覺得有啲油膩2️⃣姥姥手製排骨拉麵（$60）排骨好酥脆，feel到係即炸，炸粉好薄食到肉質好嫩，手製拉麵感覺冇咩特別，但有趣嘅可以睇住佢整，湯頭偏清幾好飲😂，平衡返3️⃣小籠包（4件）（$40）唔記得左影相， 但皮薄饀靚，湯汁同肉汁超juicy,精華，沾上醋超好食😋👍🏻👍🏻

又係好懶既日子夜晚唔想去買飯就諗起上海姥姥之前試過叫番黎食都幾好包括食物質素同包裝今次點左~水煮魚上次食過好味個水煮湯底好濃份量又多(用左兩個外賣盒裝)辣度正常辣得黎唔會食唔到除左魚仲有薯粉同大豆芽菜係底今次再食都讚唔知佢係咩魚但魚肉好滑又無咩骨啱晒大小朋友食好鍾意薯粉吸晒D湯味~雪菜肉絲炒年糕唔知係咪外賣關係D年糕痴埋一齊同埋年糕0係晒面頭雪菜肉絲就0係晒底味道叫做OK既但如果炒得均勻少少會好好多呀~酸辣湯(一位)姥姥既酸辣湯係偏酸少少但可接受既(尤其好酸既朋友)我自己都鍾意如果堂食再熱D就更好啦~干煸四季豆叫個蔬菜類黎平衡一下先呢個都大份既四季豆炒得幾入味少少咸香咁好送飯呀

因為平時出街食得太多西餐、日本野，想轉轉口味，所以去咗食中餐。這間店平日排長龍，加上本身唔太好食中菜，所以無食過這間。見今次限聚令無咩人排隊，就入咗去這間餐廳食晚餐。🤭可能是嚟得比較早所以人唔多，不用等位就可以入座了。餐廳裝修以中式時尚風格，沒有老茶樓的感覺，沒有牆上面嘅畫的話比較似西餐廳。職員添茶很勤，態度友善，亦會係落單時講解清楚份量。因為OpenRice本身已經有電子版menu，所以唔影餐牌了。食物味道因人而異，不作詳述(請參考附圖)。

星期四晚去左嗯間餐廳食飯 等左～10分鐘就有位呢間之前都有食過 都ok餐廳裝修唔錯 坐得幾舒服今之就試佢哋的：雞煨麵 味道麵唔錯 表現正常 麵的份量麵多蟹粉雲吞麵 一嚟到就聞到一陣海鮮味湯底黃色 望落去似南瓜湯 食落都有海鮮味麵上面有啲蟹肉 唔錯雲吞咬落會爆汁 熱辣辣 都幾好食 不過就食唔出蟹粉（張相開始食先記得影 請見諒）整體來講 呢間都唔錯 價格合理 味道都唔錯

今日的午餐用咗Deliveroo程式叫咗沙田連城廣場上海姥姥的蔥油餅、雲吞雞湯、雪菜肉絲炒年糕，消費$169。最好食係蔥油餅兩個$40，熱辣辣，超好味！飲咗少少湯先食就冇咁口乾，食完之後再飲幾啖湯感覺很好。雲吞雞湯$52的金華火腿太鹹加上沒有去雞皮所以好多雞油，一碗雲吞雞湯有兩件雞、一棵小棠菜、一粒雲吞，啲湯係白色的，唔怕鹹咗少少及雞的脂肪多就好味！雪菜肉絲炒年糕$77啲雪菜冇乜雪菜味，不過最欣賞係落咗好多冬筍，冬筍是貴的材料。

今日星期六想蛇王唔想煮午餐了！㩒完app 之後，決定食上海姥姥，原先只係諗住叫兩碗拉麵，一個甜品，點不知撳多咗一碗拉麵，所以送咗比對面屋鄰居哥哥仔食。原來上海姥姥嘅拉麵係用手拉的，落咗少少鹼水，雖然唔可以話係彈牙，但係質感好好，包裝將面及湯分開，炸的豬扒即是排骨也分開，包裝精美，食物送到來的時候仲好熱，不過啲手拉麵就要用筷子狂撩散！點了兩個上海排骨手拉麵，上海排骨其實即是一塊炸豬扒切件，排骨夠豬肉的鮮味、炸得很脆而不油膩，味道很好！嗰個青湯底嘅味道都很好！爸爸食咗一個上海排骨手拉麵，我就點了紅燒牛肉手拉麵另外加一份炸豬扒，紅燒牛肉其實等於牛展，雖然只係得幾片，好好味，牛肉香味很濃！原來我攞咗嗰碗上海排骨手拉麵比鄰居的時候係有兩粒菜肉雲吞的，試唔到乜嘢味。酒釀丸子好正！如果院子再多一點更加好！$272，三位食，每位$90左右。

難得偷得浮生半日閒 於是同兩老去沙田走走未開動逛街前 當然要搵個地方先填一填肚才有氣力吧 剛好正想吃中菜 選了鄰近火車站既上海姥姥舖面不算特別大 除了主舖 商場內還有一小部份都是食店 不過就有叫天不應叫地不聞既感覺 連點餐都需要自助手動 實在有夠不方便 還好我們被安排在內就坐 不安感頓時消除 望望餐牌 種類選擇不少 部分有圖可供食客參考 還是貼心 雞絲粉皮 涼拌小吃 賣相及份量不過不失 雞絲不會太大條 食落唔會鞋口 口感不錯 青瓜絲切得幼細 咬落爽脆清新 粉皮處理得軟腍剛好 爽口彈牙 拌上香滑既秘製麻醬 滑進口啖啖滋味無窮 別有一番風味 香煎素鵝 上枱賣相不算特別好 而且份量亦不算多 不過勝在餡料不少 食落惹味調味不錯 腐皮煎得非常香脆 外脆內軟 而且食落亦唔算油膩 配合好有口感既素餡料 兩者層次分明 每一口都有兩種不同口感感受 色香味俱全 招牌小籠包 上枱熱烘烘 香氣迫人 整得外觀精緻 稱不上皮薄 不過餡料不小 湯汁鮮甜味美亦不算油膩 肉餡不算肉汁豐富 不過食落亦未有感到乾 雖然唔算惹味 不過以集團式來說算是不差 姥姥手製排骨拉麵 拉麵以人手製

第一次食中午客飯，唔知係咪因為特價既關係，真係好唔得，我一坐低，佢比左杯豆漿同一碗白飯我！D 餸等左好耐未到，首先來既係蒜香豬肉餃子，每一隻都試左一啖，唔明點解豬肉餃有羊肉既羶味，諗緊唔知裡面仲溝左咩肉？之後來左個酸菜肉燥油麥菜，個酸菜無乜味，但都入到口，油麥菜好油，應該炸過，自己加返d 醋落去調味，但飯已經凍晒。杯維他豆漿同杯茶都好好飲！環境100分，下午茶小人，坐得好舒服。Staff 都好好人，唯一係嘢食唔得！之前食過夜晚就穩陣小小！

好耐都無幫襯上海姥姥，個日星期日同屋企人經過，雖然都要等位但係都好快可以入座，上菜既速度都好快，不過食物質素卻有啲下降🙈芝麻餅炸得不算脆口，賣相也一般，比較油膩，感覺用既油不太新鮮😣年糕份量一般，雪菜肉絲等配料都算足夠，但係年糕軟硬度有點不一，可能係幾塊黏起來一齊炒導致😣炒飯係三樣菜中最正常既一碟，黃金既意思係指加入左鹹蛋，調味都算唔錯，唔會太鹹，炒飯亦都算炒得乾身👍🏻對於食物質素有點失望，不過價錢尚算合宜

啱啱行完一田，好想食小籠包，於是特登行返去連城商場，去咗上海姥姥，佢哋啲小籠包皮薄喊靚，媽咪大贊雖然我哋一行三個人，但係食咗兩籠，而且忘記影低最鍾意食嘅炸銀絲卷，佢哋夾包了十分鬆化，而且咁岩做緊半價酸辣湯，今次覺得比較辣，而且落多咗好多分粉，感覺有啲漿糊另外我哋仲叫咗雲吞雞湯，呢個比想像中好味道，而且俾咗雞俾我哋，足夠share食！另外我也叫咗我至愛嘅素鵝，皮脆餡多另外仲叫咗牛展拉麵，牛展軟硬度適中！最後當然唔少得要叫個豆沙鍋餅做甜品，佢脆皮唔夠脆，下次可能是另一樣甜品！記得用QR code點餸，好方便！

放工太肚餓，第一時間搵餐廳食飯因為唔想去太多人嘅地方，所以地方寬趟會係首選，睇都冇睇餐牌就入咗去。一坐低，因為太肚餓，所以冇將餐牌影相本身想叫一個黃金炒飯，係鹹蛋黃炒飯$70見到流晒口水，問咗侍應，有冇午市套餐，佢話冇我心諗：額外加嘢飲再加一可能要$100埋單所以最後叫咗一個炸醬伴面，佢包一個杞子雞湯$60Order 完侍應話送豆漿😛😛😛溝通上有錯誤如果一早知道有嘢飲送，我會叫黃金炒飯唯有下次下次，下次大概可以😎😎😎

上海姥姥（沙田）唔想自己煮又唔想出街食，梗係買外賣啦！4個人食都食唔曬，淨係講份量都好足⚠️食物：⭕️蔥油排骨+蔥爆牛肉 配白飯 $55排骨炸得好香脆，雖然個皮有少少厚，但可以接受⭕️蔥油排骨+麻婆豆腐 配白飯 $55麻辣豆腐送飯一流⭕️蔥油雞半隻 +雞絲粉皮 $78雞肉質嫩滑/雞絲粉皮撈醬 係我其中一個最鍾意嘅小食，不過今次就麻麻哋，青瓜配菜比例唔係太夾，粉皮反而太多⚠️環境：外賣關係，冇特別留意店內裝修環境⚠️價錢：幾抵食，連埋紙盒兩蚊都係$198有六個小菜！

今日老公等埋我收工，本來一心返去屋企🏡附近食我地口中既飯堂食就算，點知老公接我時佢突然話想同我去拍下拖👩‍❤️‍👨，撐下枱腳，行下街，於是就去左沙田啦！#上海菜、#上海菜#餐廳資料：#上海姥姥#地點：咁多間分店，任由選擇我地係沙田行黎行去，揀黎㨂去，最後都係入左上海姥姥，餐廳環境乾淨，服務態度好好🤵🏻🤵🏻，呢方面呢間真係做得唔錯👍🏻👍🏻👍🏻。#雞絲粉皮係好濃既花生醬🥜做成，唔浠，粉皮唔怕硬，仲好彈牙🦷，我覺得最好既係佢唔同出面有好多都好凍冰冰，佢係近室溫，但仲有輕微既凍凍地。#水煮牛三寶🐃 我見到每枱都有叫既水煮系列，契爸爸就話係我最愛，一定要叫，有肥牛🐃、牛肚🐃同牛柏葉🐃，我地叫既時候冇指明要乜辣，契爸爸就話辣🌶左d，唔係咁食到，食左少少，我就覺得微辣🌶，佢仲有大豆牙同薯粉，真係正到暈😘😘😘差唔多一個人食晒😋😋😋，去到可以一試😍😍#紅油炒手拌麵🍜+杞子雞🐥湯 麵唔係用乾麵🍜個隻，佢係人手制，可以見到師傅係廚房整，紅油炒手結實，拌麵汁微辣，甜甜地，拌起個麵都幾夾。#上海姥姥秘制排骨🐷 叫個麵🍜加$25，炸得好鬆化，有肉汁🐷，唔會乾。

叫左3樣野食，整體覺得普通同埋飲水個陣個水杯痴左粒乾嘅飯粒，應該係上一手，同侍應講，佢好快手即換杯碎雞：個花雕酒味好濃好香，酒味好重，我本身唔係好飲得酒，勉強食到，如果係鍾意食酒味濃嘅雞，可試呢個，雞有小小鞋口黑醋骨：食呢個要配白飯，個餸唔包飯，要自己另外叫。個黑醋味勁香！！個汁炒到杰身再撈埋排骨，每舊排骨都痴到黑醋汁，排骨又炸到外面脆脆地，好好食😍紅油五香牛肉伴麵＋$25牛肉：所有手打麵都可以加錢叫指定小食，所以我加多左份牛肉。呢個期望過大，牛展唔夠「林」，又冇牛味，個麵有陣鹼水味，食唔落口，拌麵個汁冇乜味，搞到個麵好淡口，紅油汁又好辣，我本身食得辣，都覺得辣，唔食得辣嘅人就唔好叫啦，個麵淨係得辣味，食落好怪。個餐仲包埋個雞湯，入面有兩件雞，食落好滑，湯就正常味整體中間啦，係個麵整得唔好，其餘兩樣都ok，有機會會試埋其他款