上海婆婆 (已結業)

一行三人在平日吃一個lunch見到有客飯餐.點了一個鱔糊.一個糖醋魚塊和咕嚕肉鱔糊比較一般,,有點咸,,但大大舊肉幾有口感最正係糖醋魚...甜酸適中..炸得都幾香..但不熱器..無大多油酸辣湯幾正路..但我本人最愛酸辣湯..因此不作評論坐位幾舒服,會再去去

好少會入屯門...但老公仔太多野做喇，所以今次調轉我入屯門搵佢食飯啦~~搭西鐵ge時候上左黎open rice...諗緊今晚不如食上海婆婆~D食評好似唔錯~點知去到屯門，老公仔就問今晚食上海菜好唔好~~XD~~原來佢都諗住帶我黎上海婆婆呢^^我地叫左：小籠包~~皮薄又多汁!!樟茶鴨~~個皮好脆但唔會有肥膏，好香~~火腿津白~~唔會太咸，D菜又唔會老~~黑醋排骨~~酸酸地~~好正~服務正常丫~冇果種叫極都唔應ge情況，佢地真係好鬼忙，但都好有效率~~難怪可以入圍啦~~好少可以O係一間餐廳叫幾個菜都好味~~一定會再黎~~

行經上海阿婆，發覺原來"阿婆"響呢個網都入左圍！呢個網既食評都幾可信，見又冇以前咁多人等，決心去食多次啦！之前試過等位太耐！第一件事梗係嗌小龍包啦！窩貼！醉雞！雲吞拉麵！松子魚！野食質數都冇咩點變！除左小龍包！最鐘意都係個拉麵！幾十蚊，又即叫即做！門口仲有早市既餐ｔｉｍ！幾抵食！個小龍包一到，就有個人埋黎：阻阻兩位，或者一陣同兩位轉張大Ｄ既”木台”．．梗係好啦！我地只係坐張二人”木台”，真係唔係好夠位擺野！其間都有人不停加茶！可能而家冇咁忙，服務都好似好左，幾有禮貌！難怪屯門既食店都入到圍！下次會試下黎食下午茶！！

見咁多人排隊, 即管試下. 叫左5樣野食:1. 四喜烤夫 - 嘩, 簡直經典, 色水已經唔夠, 有啲仲有半隻手掌咁大, 我要自己用筷子將佢撕開成10多舊放得入口既size. 一入口, 再嘩多一聲, 呢啲係烤夫?! 似係濕左糖水既毛巾多啲...仲要唔入味....我當時即刻諗起杭州酒家既味道, 跟住覺得好傻, 呢碟野點可以同人地比, 好似侮辱左人地!....食左兩舊都費事食, 叫個waiter攞走左. 阻住啲位!2. 鱔糊兩面黃 - 鱔糊都仲可以入得口, 係唔夠香啫. 嗰碟兩面黃, 見到個樣都嚇死, 係用左美白o既兩塊白雪雪既面. 點兩面黃呀??!....放入口, 一如所料, 唔好話要香脆可口, 係直頭好似半脆唔軟, 想炸又炸唔起, 但又明明睇得出放過落油鑊俾油浸過下既面一樣....Sorry, 又係食唔落.3. 水煮魚 - 個樣點解會咁架?! 我大大話話係國內香港都食過幾十次, 乜原來水煮魚可以咁煮...有啲杰杰地既汁液浸住架咩?! 好似平時我地炒餸落多少少水, 打個茨咁. 我當你叫上海婆婆, 淨係識煮上海野, 唔識煮水煮魚. 係我衰, 唔識叫. 但做食肆切記: 唔

是日係我個仔仔一歲生日,我地大人想食上海野,咁見佢冇以前咁多人等位,我同我細佬,媽媽,姨媽同細佬女朋友等人去食飯,佢都見到我地有旦糕,但唔出聲....佢除左小籠包好食之外,我地叫左個雲吞雞...嘩...又油又咸,真係咸到我食左小小都唔敢食,炒年糕--一"patpat"...仲有個咩醬茄子..又係咸到咩咁..上海野係咁咸既咩...??!呢度係第一間囉...食完哂野("隔硬"食),就諗住同bb食旦糕..好啦..問佢拎碟..佢拎哂野黎,開埋個cake,有個黑衫既女人先走埋黎話要收旦糕費$100喎....嘩~~樓下兩位食家講得冇錯,態度差兼搶錢..收我一百旦糕費..人地酒店都係收咁既價錢,你地呢間野未去到呢個LEVEL囉..開頭諗住廿蚊都比你架...一百喎,癲架,仲貴過個CAKE,唔該態度好D啦你地..又唔一早講,拎哂野埋黎再拆哂個CAKE盒先話要收錢,好似阻住你收工咁..差差差~~~

去 屯門上海婆婆見到d伙計唔認真++叫茶no茶,幾個伙計站住傾計,黑色西裝人無反應,服務差,好在食物ok!!!!!!! 上海婆婆要有服務先可以做多d生意,小籠包,多汁,黑醋排骨正!!!!!!!

去上海婆婆食DINNER, 佢竟然要收BB茶錢 喎, I.E., BB 都無食/飲佢D嘢.我以為佢唔小心入錯, 同佢講啦. 點知佢話要收.發錢寒到咁, $2 茶錢都貪.我個BB得一歲多D,都未試過去邊間食肆要收茶錢. 廸士尼咁窮都唔收BB入場費啦.

星期一放了去了「上海婆婆」食午餐,等了一會,便到我們了!之前想試很久,但因新開張有很多人,要等很久故放棄了.試之前聽到早前二哥一家試過後覺很差勁,食物端到桌已涼了,但我仍想一試.一入到去牆上掛了多幅大畫,都是面圓圓的兒童,有點像林海峰最近演唱會那張海報,大大個口那種感覺.我們3個大人加幼子,共點了三個客飯+1個酸辣湯麵事前聽聞它提供的茶只是茶餐廳的茶水,並不是龍井.碧螺春等,這和它的裝修很不配,卻會收茶錢2元一位,當日所見,因我是平日去光顧,叫套餐免茶錢免加一酸辣湯麵: 碗超大,份量一般,麵條口感不錯,有嚼勁,只是湯略酸但不夠辣.銀芽炒鱔糊: 尚可糖醋魚塊: 最好的是這個,油不多,酸甜口味加在魚塊上很不錯,細細塊的,一口一塊剛好獅子頭: 真的太普通,沒有驚喜跟套餐的白飯略嫌份量少點.

同老公入屯門辦年貨，見未試過上海婆婆，即管試試！雖然要等位，但都唔算等得耐．入座前，知客小姐話每檯限食個半鐘，兩個人ｏｋ啦！小籠包～稱得上皮薄餡靚，肉汁鮮甜不在講，餡料亦有淡淡豬肉香味，正黑醋排骨～勁香黑醋味，酸酸甜甜非常開胃，排骨亦唔會乾到柴晒皮，咬落仲有肉汁溢出，正雪菜肉絲炒年糕～好耐無食過咁好味嘅雪裡紅！年糕ＱＱ有咬口，難得炒年糕一Ｄ都唔覺得膩，非常清新黃金四季豆～呢味係因為見到菜譜張相先決定叫嘅，因為原來黃金即係咸蛋黃，雖然膽固醇高Ｄ，但應該會好味．結果無令我失望，真係好香咸蛋味，超正酸辣湯～呢味係全晚最失色嘅，好普通值得一提嘅係，由落單到上齊五樣餸，竟然不出十分鐘，連埋單都奇快，唔怪得可以個半鐘交檯，效率一流，但服務就同Ｄ酸辣湯一樣，普普通通啦！

是晚回家已晚，沒辦法，唯有到上海婆婆吃晚飯。輪了差不多半小時，終於可以開餐！二人份，又肚餓，叫多一點也無妨！油豆腐粉絲湯，例牌，＄４８。粉絲質素未及翡翠好，豆腐卜多件，可惜的是湯底略遜一籌，頗鹹，吃後會口乾。樟茶鴨半隻，比翡翠的貴，差不多一百大元。但此店的樟茶鴨比翡翠的好，鴨肉多，味道不會太鹹，配上包包，味道是一流。鴨皮也很脆，不過皮下脂肪厚了一些，吃時要把肥膏咬掉。雪菜毛豆百頁，不多提了，是我例點的小菜。但今次的服務的確有點問題，侍應不斷走過來問：「請問仲要唔要？」，即是想收碟。明明碟上還有未吃完的，是不是想催促客人埋單走人？？我認為是幾不禮貌的做法。結帳二百一十五，不是太貴。吃飽了！

市中心有兩間尚好的滬食肆，分別是翡翠及上海婆婆。翡翠，一直都是我的飯堂，因為勝在味道好、環境舒適，而且麵條彈牙。今天與家人吃個開ＳＥＭ飯，決定換個環境，到婆婆吃晚飯！時近六時半，婆婆沒有太多人，可直接入座。由於太久沒有到婆婆，所以要花點時間看餐牌。應該太久沒有到婆婆，發現好像轉了食物。二人因為吃了個ＬＡＴＥ　ＬＵＮＣＨ，午飯還未落格。點了三樣食物。無錫骨湯拉麵，三十五元，已經很大碗。無錫骨有點像叉燒，有五件，不過肥肉太多。麵好像有點進步，一條條很分明，不過始終不及翡翠的彈牙。雪菜毛豆百頁，是例行食品。與翡翠不同，此店的是比較濕潤，有水份的，而且比較大碟，可惜偏鹹，吃畢後有點口乾呢！椒鹽小黃魚，有兩條，而且很大條，一點也不小。魚皮上有粉，白色的一層，幾脆，但魚肉的口感則不及翡翠的好。坐位比較貼，坐得不太舒服。不過價錢實在是比翡翠便宜很多，整體都算可接受的！

山長水遠來到屯門過聖誕。由於屯門市中心實在太大太易迷路，都費事通度搵食，就係呢度解決啦。呢間上海婆婆的口碑都唔錯，所以就算多人都試下。我地叫左：松子雞米：好味，唔會太鹹，又唔係太油，就咁食都ｏｋ黃金四季豆：即係鹹蛋黃炒四季豆，比較少見，味道唔錯，ｄ蛋黃起晒沙京蔥牛肉餅：同清真牛肉餅差得太遠，冇乜料，又冇乜汁，味道又冇乜特別，唔太有牛肉味螺肉冷麵：唔錯，ｄ醬的味唔錯，甜甜地，大細適中黑醋排骨：韌左ｄ，同多肥膏得滯整體來講食物都幾好味，又唔算等好耐，價錢唔貴，食物份量又啱，但隔離個枱就叫得太多食唔晒，有碟排骨成碟冇掂過，認真浪費。

午飯時間入去...４３元叫了二種食物雪菜肉絲麪大大碗足料...的雪菜又新鮮又多.....小籠飽肉汁夠...肉又甜....好食...服務都好好

那天星期六和女朋友到屯門逛街，雖然仍未肚餓，但正為晚上吃什麼東西頭痛不已，其實我對屯門不可說不熟，但說到吃東西，我實在沒什麼頭緒。剛巧經過「上海婆婆」（還記得早前我們和伯母在荃新天地想去「上海婆婆」吃飯，結果因為太多人，最終去了「北海道活壽司」，詳情可參閱食評-《有辱北海道之名》）屯門的「上海婆婆」亦不見得冷清，等位的大不乏人。不過女朋友興之所至，說想吃上海菜，於是我們便先拿了籌，再去逛街，逛一陣再回去等候。當我們逛完後再回到「上海婆婆」，再詢問接待員輪候的號碼，巧到極點，下一張枱就輪到我們了；不一會，我們就有位了，侍應安排我們坐了一張二人卡位，女朋友嚷著肚餓，於是我們看過餐牌，點了花雕醉雞、婆婆擔擔麵、上海炒年糕及酸辣鍋巴，女朋友還言之鑿鑿說等一下要吃香蕉高力荳沙（女朋友一向都是眼闊肚窄的）花雕醉雞花雕醉雞先來，醉雞用上原隻雞脾切件，雞皮晶瑩剔透，上面還灑了十數棵杞子，賣相相當精緻討好。用鼻一嗅，酒香撲鼻；先試一口，雞皮爽口，雞肉嫩滑味濃，雞肉中夾著黃油，肉香油香兼具（從外觀及雞味推斷，應該用上冰鮮黃油雞，加上骨中的血色鮮紅但呈凝固狀，應該是用上冰鮮雞無疑，而且雞應該用浸熟的處理方式

20:00入坐上海婆婆度食飯...見到個奇景囉...我地坐左一陣就落單喇...舉左好耐手 當我發現個個待應忙到甩輥果陣但明顯見到果d著晒西裝(疑似高級人員)企左係個櫃旁(呆企)見到我舉手都扮睇唔到之後仲叫其他待應(忙緊)黎招呼我地係佢唔識落單 定佢地餐廳有規定西裝友唔可以幫客落單呢???好喇...終於有人幫我地落左單喇岩岩開始食...個待應就走埋黎問我地仲有無野加 仲要唔要甜品 仲叫我地就著時間食但我枱面既餸先岩岩開始食咁快就叫我就著時間 即係想趕客走???明明入座前 問得好清楚有個半鐘用膳時間但待應想"趕客"走果陣 我都唔知有無坐左40分鐘仲要出面已經無人等位佢"趕"我走...唔通就可以早d收工咁我唔走佢都吹我唔脹既我地幾個一直坐到10點幾(期間無人再黎催我地走)到埋單果陣個知客(岩岩企係門口叫位果個)就走左埋黎幫我埋單佢行左埋黎我先搵銀包出黎搵左一陣喇我明顯見到個知客黑面大佬呀 我係客..搵銀包埋單無嘜問題jar唔使一行埋黎 見到我無拎定銀包出黎就黑面ma之後嬲起上黎 1蚊貼士都無個知客塊面仲黑過之前等我拎銀包果陣呀