上海弄堂菜肉餛飩 (綿發街)

營業中

休息中

好耐冇行過跑馬地了，今天約了朋友去了一間跑馬地的舊建築看展覽，順路覓食一番。有點想食中式野，行行下見到位於上斜的上海 餐廳。雖然裝修不算華麗， 它的掛畫和擺設，也洋溢著老上海的感覺。正值午市時段叫了兩個套餐加兩款小點。花雕醉雞配擔擔麵醉雞十分嫩滑入味，擔擔麵幼滑，叫了一個小辣的版本。蔥爆牛肉配上海菜飯牛肉炒得很香，很入味，份量也不少，整體不算太油膩 。弄堂菜肉餛飩是他們的招牌餛飩，小棠菜 加碎豬肉，皮薄餡靚，用料新鮮，好好味。小籠包即叫即蒸 肉汁豐富。

以前在跑馬地上海弄堂吃過午餐，覺得不錯，今天到跑馬地辨事，便順帶買了兩個外賣。～黃金排骨湯麵排骨和幼麵條是放在外賣盒內，而湯是另外放開，這樣麵條便不會浸在湯內太久而變得過腍。黃金排骨果然炸得黄金顏色，賣相討人。將排骨放在湯麵中吃便不會太乾。上海麵條軟硬適中，放在湯內也不會過腍。清湯掛麵配炸排骨是最好不過，完全沒有油膩感。～蔥爆牛肉菜飯蔥白吸收了醬汁的精華，絕不能放過，薄切牛肉有口感又不會韌。菜飯令人感覺健康些，纖維增加了，配肉吃便不會感到肥膩。不經不覺就吃掉了整個飯。午市套餐均送凍豆漿一杯，味道微甜而有豆味，亦算是一個健康的飮品。

好恨食上海菜，上次經過上海弄堂， 我估計應該都幾出名上海菜，所以我就入去試下。我最鍾意食銀絲卷，雖然味道淡淡， 這個銀絲卷熱辣辣裏面一絲絲銀絲， 點一啲煉奶，做得不錯。上海菜好出名食煎餃子， 這個餃子皮厚了一點， 但是裏面的肉充滿肉汁，好juicy。

為何偏偏是我，今日奉太后之命出街買外賣，太陽極度猛烈，帶着口罩熱到想暈，但為了安全冇辦法！所以快快手去間相熟，食過知道幾好抵食，就是上海弄堂。這𥚃雲吞出名，必吃，薺菜是上海特色，少見都有，所以馬上點了八隻薺菜錕饨，手藝幾好，細心配上辣椒，錕饨醬及一碗湯。給外賣的餸，回鍋肉炒年糕唔差，返到屋企涼了少少都可以食到冇影響質素，回鍋肉肥美年糕軟軟熟熟，口感好好，又滋味。點了個 $98 一人餐，但原來外買飯盒每個多收穫$2，共二個，變了$102，選擇了肴肉、獅子頭、菜飯，肴肉兩少件，獅子頭兩個伴青菜，份量適合一個人，菜飯份量唔少可以食得好飽。包裝企理，等陣唔會瀉，是即時炒熱，食物水準都過得去。

這星期剛轉了新工作，每天也很晚才下班。有見今天工作輕鬆一點，約了好友吃晚飯，順便把之前台灣的手信交給他。上海弄堂菜肉餛飩位於跑馬地綿發街，時代廣場走大約20分鐘便到。餐廳以老上海為主題，牆上掛著不同的擺設挺有特色。食物選擇頗多，而且有套餐提供。我們一行二人便叫了兩份這個全日供應的一人套餐。小食(⭐⭐⭐⭐💢)小食從四盤中選一款。鎮江肴肉一份有兩小粒，膠質豐富，充滿彈性，吃起來冰涼可口，令人食慾大增。朋友叫的那個酸辣湯也不錯，足料，包括了冬菇，木耳絲，蛋花等等。酸辣適中，不太好辣的我也覺得好吃。 糖醋魚塊(⭐⭐⭐⭐💢)這個糖醋魚塊份量也不少，一份大約有五至六舊。魚塊用了炸粉輕輕炸過的，而且比較厚身，吃起來口感不錯。配合菠蘿，青椒，紅椒等等，吃起來甜甜酸酸，夏天送飯一流。芙蓉蝦仁(⭐⭐⭐⭐💢)然後便到這個山東名菜，芙蓉蝦仁。蝦仁大隻，吃起來爽口，肉質結實，一份大約有五至六隻。炒蛋白也十分嫩滑，而且不算太油。菜飯(⭐⭐⭐⭐💢)每個餐可選配白飯或菜飯，轉湯麵或擔擔麵就要加錢。菜飯用料十足，質感比較乾身，而且十分大碗。其實兩個人吃一碗也十分足夠。 總括而言，這間餐廳質素評高，而且食物調味不太重，十

上海弄堂菜肉餛飩疫情雖然有減退跡象但係都唔敢鬆懈日日食住家飯都真係會悶嘅間中買外賣返屋企食得開心又輕鬆啲唔洗又除又戴口罩今日去完跑馬地探完人準備返屋企於是乎就睇下附近有咩外賣順便買返屋企食咁啱見到呢間好出名嘅上海弄堂唔洗食埋果啲茶餐廳碟頭外賣飯餐牌上所有菜式都可以外賣連雲吞雞都可以真係唔點唔得-🔅回鍋肉炒年糕非常有鑊氣甜甜辣辣好惹味年糕煙煙靭靭好入味回鍋肉肥瘦適中充滿油香-🔅雲吞雞招牌雲吞雞真係都唔洗點介紹雞肉嫩滑雞湯香濃估唔到1/4 一隻都唔少啖啖雞肉仲有成5、6隻雲吞同菜真係超抵食-🔅春卷返到屋企都仲係熱辣辣脆卜卜餡料豐富-上海弄堂菜肉餛飩 (跑馬地)跑馬地綿發街10號地舖

突然想食中菜，上網搜到咗附近既呢間上海菜，餐廳位置唔大，不過都幾乾淨整潔，叫咗蝦仁跑蛋配菜飯和涼菜黃瓜。黃瓜都幾新鮮，菜飯清淡但係好食，蝦仁唔係超市速凍個種，好彈牙爽口，而且有鮮甜的蝦味，炒蛋嫩滑好食，下次會再過來試下其他菜式的。

「弄堂」是指上海小巷的意思。跑馬地上海弄堂菜肉餛飩店正正是位於綿發街的微斜小巷裏，是在黃泥涌市政大廈斜對面的小街。店舖地方不算大，但坐位整齊，裝修擺設有點書卷味。坐下不久，服務員已遞上熱苿莉花茶。餐牌內的選擇頗多，亦有午市優惠和全日供應的套餐。最後我們各點了一個午市套餐（包括了凍豆漿）和一些小食。～無鍚小排骨配湯麵 （$56）這是服務員的推薦，果然味美。小排骨的糖醋味道適中，肉和軟骨都炆得恰到好處，肉質腍滑，軟骨頗有𡁻口，配清湯上海麵來吃，更是一流。～花雕醉雞配擔擔麵 （$62+$10）花雕味濃郁，醉雞肉爽滑，絕對是一個好涼菜。選了微辣的擔擔麵，麵質軟硬適中，麵上的碎肉亦增添了味道層次。一涷一熱的配撘，加上花雕入口的餘香和微辣的刺激，讓人胃口大開。～凍豆漿此店的豆漿有不錯的豆味而非一般水汪汪的感覺，清而微甜的凍豆漿是夏日的好選擇。～香煎鮮肉餃 （$40）新鮮煎好的餃子，外脆而內裏的饀料豐富，啖啖肉，一點也不會乾，亦不覺膩，洋蔥和姜蓉味亦突出。～上海春卷 （$32）新鮮炸的春卷果然外脆內軟，饀料內有津白、豬肉絲和香菇，味道不會太濃，其中大大片的香菇更是吸引，沾醋來吃味道更佳。～ 黃金排骨

平日都會去啲上海店同埋台灣水餃店食餛飩或者水餃，試完呢間餐廳嘅雲吞暫時覺得係喺香港食過最好食嘅，值得推介！可能呢間餐廳嘅位置唔算起眼，所以都係隨便入去食，冇話太大期望...點知就好有驚喜！點咗個三拼小食，有花雕醉雞、四喜烤麩同肴肉...三樣都好食，尤其係花雕醉雞，佢充滿咗酒香，但係就冇酒嗰種苦味，而且雞肉嫩滑，雞皮食埋都唔覺得肥膩！肴肉夠凍，肉質結實而彈口，食嘅時候好有口感。另外點咗個菜肉雲吞麵同埋紅油抄手，食得出佢嘅菜肉雲吞係新鮮整，因為菜肉粒粒分明，啲菜仲會索索聲，夠脆口！豬肉有肉汁，而且雲吞皮又薄又滑，其他地方食嘅菜肉餛飩通常菜同肉都搞得稀爛似肉餅狀，食嘅時候就冇乜口感...但係呢個就完全唔同， 有口感又新鮮，做得非常之好！佢嘅紅油抄手紅油偏少，所以冇乜油膩感，但係個辣度 都仲keep到...配埋類似甜豉油嘅醬汁，同菜肉雲吞麵嘅雲吞係兩種唔同嘅味道，不過個口感同埋freshness係一樣嘅！另外點咗一個小籠包，同樣都係好多湯汁，可能佢嘅雲吞做得太出色，呢個就冇咁突出，不過都屬於中上之作嘅。值得一提嘅係呢間餐廳嘅侍應同埋老闆(?) 服務態度好好，點餐嘅時候又會推介菜式，食嘅時候又會

擔擔麵淨係得麵，肉碎少到冇咁濟！大辣冇味，又冇擔擔麵味，湯又冇味！何來花生香味？差唔多50蚊淨食麵，好離譜！本身想同朋友試下上海菜，咁岩跑馬地又有，見到留言又ok去到都多人食，點知伏到咁既？有冇搞錯！冇下次

星期日, 同朋友約了一齊去個Friend位於跑馬地綿發街的屋企, 上去她屋企之前, 偶然見到在她家樓下有間食上海菜的小店, 叫”上海弄堂” , 眼見間店舖細細卻是門庭若市, 好多食客出入, 雖然過咗午餐時間, 但依然有好多食客在裡面享用午餐, 雖然我不是太肚餓, 但我喜歡食上海嘢, 咁啱見到間上海食肆就當然要入去食番餐. 我們兩人叫了好幾款食物, 全部都是我們平日鐘意食的, 有紅油抄手, 煎餃, 小籠包, 擔擔麵及脆皮素鵝, 紅油抄手最先上枱, 濃濃的醬汁浸住抄手(菜肉雲吞), 上面有層辣椒油及好多蔥花, 見到都流口水, 舀一個送入口, 菜肉雲吞脹卜卜, 入口有少少辣, 繼而有好香的菜味, 雲吞皮薄厚適中, 餡料有濃郁的菜香, 加上雲吞浸在醬汁裡入晒味, 好好食呀!  之後擔擔麵都來到我們面前, 未食已聞到好香的花生醬香味, 我們叫的是小辣, 碗中仲有層紅油, 待我們將肉碎與麵條撈勻share來食, 擔擔麵每條都沾有濃湯汁,香濃惹味, 讚! 小籠包上枱時, 個皮仲係脹卜卜的, 是剛蒸出來的, 夾起的小籠包, 拎得起層皮, 點D薑醋之後, 送在匙中慢慢吸吮小籠包中的湯汁, 香! 濃! 鮮

屋企是上海人，一家都喜歡吃上海菜，所以久不久就會過來上海弄堂吃晚飯。 店內的裝修古色古香，環境寧靜舒適。  陳年花雕醉雞配湯麵，雞肉嫩滑，帶酒香，味道回甘。湯麵份量多，麵身爽滑煙韌。 無錫骨蚊得夠入味，肉味香濃，入口即溶。菜飯旳菜量很多，口感頗佳。 小吃我選了涼拌小黃瓜，味道酸甜醒胃。 素鵝的耳和蘿蔔絲爽口清甜，炸得夠香脆！ 菜肉餛飩的餛飩餡料清香豐富，菜份份量比例剛好，湯底清甜。上海弄堂的出品果然是樸實質量高！

星期六下午，天口有點熱，入到跑馬地嘆番下。點知要等位，一等都要15-20分鐘。出哂汗！反正未齊人，睇下食咩好。最後揀左菜肉雲吞，幾乎個個都叫，又係幾新鮮，幾有肉汁嘅。再叫無錫小排骨配菜飯，可以選擇配湯麵，白飯，菜飯同擔擔麵，不過擔擔麵要+$10呢個D醋好正，排骨夠哂林夠哂入味，食個唔停口。每人一杯豆漿，可以選擇凍或熱，其他飲品加$8追加前菜冷盤，$78 兩款選了醉雞和烤麩醉雞超入味，烤麩也不錯。不過份量很少呢！

夜晚要喺跑馬地做野，所以諗住早少少去準備，去到先醒起早餐&晏晝嗰餐都未食，而我同事食完晏又話肚餓，於是就一齊去搵食，行經一個橫街見到有間上海菜，突然好想食小籠包，於是就同我同事提議黎上海弄堂菜肉餛飩食上海菜。打開度門有幾級樓梯要上，由於已經過哂食晏時間，所以店員可以即刻安座位比我地。餐廳點菜好方便，可以電過落單由於我同事想食炒飯，所以決定唔叫餐。先黎咗個陳年花雕醉雞...雞肉好滑，而且雞肉入哂花雕味好香。到我同事指定要嘅雲腿蝦蛋白炒飯，個炒飯上到枱時佢先解釋點解點呢個炒飯，事源佢喺頂x私房菜到食過呢一味，想做一個比較...佢食第一啖已經話好味過X爺私房菜嗰碟，雲腿好香，蝦夠爽，最緊要D飯硬度適中，喺呢到食個飯百幾蚊，抵過x爺好多喎！到我嘅主菜出場喇—小籠包平時食開小籠包，好多地方包到頂頂個圈位都好厚皮，每次我都會唔食，但呢個小籠包我咬第一啖，個頂頂嘅皮已經Feel到好薄，到內裡嘅肉汁好鮮味，然後一啖放入口，好好味，個皮成粒都好薄。最尾食埋個脆皮素鵝，呢個脆皮素鵝係即炸，上枱仲熱辣辣。而內裡嘅配料好鮮味，特別係冬菇，雖然切哂片，但食落時都Feel到冬菇好滑。食咁多野埋單都唔使$300，抵

友人移居外國多年，最近回港渡歲，想趁假日去舊居行下，順道往馬場一遊，問我是否有興趣同行。既然友人相邀，我當然樂意奉陪。友人愛吃上海菜，記得綿發街有間「上海弄堂」，之前曾到訪過，食物味道不錯，而且服務亦很有水準，午飯就一於選在區內解決。雖然沒來一排，但店內裝潢與上次來時分別不大，牆身上掛有字畫和油畫，中式的風格，顯得優雅自然。選了一張近門口的餐桌，旁邊配有一大片玻璃窗，景觀雖然不是十分開陽，但有點自然光，真的特別舒服。翻開餐牌，菜式比上次到訪時更加豐富，散點項目有餛飩、小食/點心類、冷盤、肉類/雞鴨、河鮮類、蔬菜/豆腐、湯類、煨麵/湯麵、炒麵/拌麵、年糕類、飯類、甜品及飲品；另外亦有兩款全日供應的一人套餐，至於茶位方面就每位 $5。友人想吃砂鍋雲吞雞，而我就睇中咗小籠包同香煎鮮肉餃，一於三樣點齊。原來餐廳非常先進，客人可以掃描二維碼進入點餐，只需四個步驟，便可以輕鬆完成！小籠包 ($40)  率先送上，上檯時仍熱辣辣，挾起一看，外皮雖然未至於薄到透光，但頗為墜手，可以感受到裡頭盈滿的肉汁。輕輕咬開頂部，吸啜湯汁後再放入口，湯汁澄澈、調味自然；餡料質感有層次，既有瘦肉的嚼勁，也有肥肉的脂香