上海真真豆漿大王 (已結業)

仍是舊舖店名，裝修後人面全非，以前的老婆婆應是退休了吧，依家由年輕人管理。以前無套餐，多數單點的。雙拼上海麵選油豆腐上海麵拼上海排骨，油豆腐是將雪菜豬肉餡釀入細細的豆腐卜中，兩者很夾，軟靱彈的豆腐卜中吃到泡了湯的豬肉餡料，還可以；上海排骨，以前鬆脆肉厚，依家薄咗好多，炸起來難免會較乾，無乜肉味。大王小食雙拼選咗油豆腐、上海雲吞拼上海燻魚。上海雲吞水泡泡咁，雲吞皮同肉分離，同油豆腐也是一樣的餡料，但以油豆腐的口感較好。最後上海燻魚，賣相幾黑炭，很乾很薄，碎濕濕咁，咬落好柴，唔知乜嘢味。質素大不如前，很失望。

剛剛在這店吃完鹹粢飯，凍豆漿，問問女服務員是否漏了一同點的三隻鍋貼; 沒料到給金毛四眼男店員在平日下午三點幾冇乜客時，依然晦氣地醒了一句: 整緊啦，催乜!食物方面，粢飯ok, 豆漿有朕尿壓味，而鍋貼的豬肉係霉嘅。埋單$54過往二十多三十年來見證過此店的鼎盛，沒料到黄埔，何文田兩港鐵站開通以後，水準反而以光速急劇下降。區内食肆選擇越來越多元化，尤其在重建動作頻密的這區，實在希望下次如果再幫襯可以有改善嘅空間，只怕是佢地未必等得切我嘅下次........

去開紅磡, 都會心思思想去蕪湖街食上海真真豆漿大王。心動不如行動，即去！今次黎裝修左, 舊上海舖的感覺不再，換嚟一翻新鮮感覺，比以前企理得多了...例牌我都係會食出名好食嘅咸豆漿再加個炸餃子🥟必食咸豆漿裡有少量油炸鬼, 蝦乾，蔥, 辣油同鹹菜粒,食落口好有層次，非常惹味! 聽到好多人話比裝修前差咗，我又無呢種感覺喎。香脆炸餃子, 餃子餡料十足, 再配埋甜酸醬, 兩樣都好開胃~ 冬天食真係冇得彈!!繼續支持屹立多年的傳統小店！

裝修前的豆漿好有豆味，而且味道也很好，我經常一星期都去買2-3次來早餐飲,現在裝修後,舖面是美觀了,但豆漿的味道淡了,像白開水一樣,我以為是一兩次失手而已,但我買了4次,4次的味道也是一樣,足以證明了,現在的他們是放了很多水,弄至味道很淡,而且又不夠熱,每我買外賣回公司都是5分鐘路程,居然回到公司可一口氣飲下,可想而知,裝修後,食物味道完全不同了,我之後也會去買多1-2次來飲,如真的沒改善,那以後也不買了,真的希望他們看到我的留言,可以改進一下。

下晝3點幾經過，外賣個粢飯試吓先，因為聽街坊講，呢間老店嚟架我經過好多次都唔知道添。大大嚄粢飯賣廿二蚊，攞上手份量就好夠，但係微暖嘅。料就好足夠，油炸鬼、肉鬆、菜脯，味道都可以啦。

喺紅磡住得嚟嘅朋友都知道，喺紅磡蕪湖街附近有間豆漿大王，以往的豆漿大王，裝修比較舊。但今時今日已經換時尚設計嘅裝修，擺脫以往傳統裝修嘅風格，加入時尚元素，但美味依然。 由於裝修後都未試過佢嘅美食，於是今日的起心肝去豆漿大王試下食唔食得番以往嘅滋味，餐牌內的食物無咩大變動，依舊有好多唔同種類嘅食物，但對我嚟講，佢嘅上海雲吞麵係呢間店舖嘅招牌菜，再加上五香牛展，認真美味，再加上店裏面提供嘅辣醬同埋醋，加埋一齊 食簡直係非常美味。佢個上海麵非常之有咬口，唔會太淋，佢個湯 唔係好似出面嗰啲味精湯咁一味死鹹 ，另外佢嘅雲吞裏面菜同肉嘅比例恰到好處，個皮唔會太厚，如果食佢個套餐一個上海雲吞再加另一個餸都係45蚊，非常之經濟抵食。

I am a big fan of Shanghainese food and salty soy rice is one of my favorite items.There’s little dried shrimps, green onions and spicy oil in the soy milk. The salty soy milk smelled extremely delicious. The fried Shanghainese dumplings were ok, and good match with the soy milk.I personally think this is a good meal for breakfast or afternoon teatime

難得過黎紅磡，梗係要幫襯下懷舊小店啦。去到已經有人龍啦，好彩小店流轉得快，等一陣就有位啦。入到去小店完全唔同曬，新裝修後變左茶餐廳風格，闊落左光猛左。小店主打豆漿餈飯，最岩我地呢D想食得輕盈D既人。我地叫左個熱咸豆漿、凍豆漿、餈飯、鍋貼、炸餃子同茶葉蛋。逐樣講下：＞熱咸豆漿：第一次試，初初以為係熱既無味豆漿，但原來加左好多餡料，如蔥花同油炸鬼等等。食落去個口感都幾特別，小小咸又有小小豆香，不過豆味唔重，都係叫返甜豆漿好飲D＞凍豆漿：好好飲，豆味重，亦唔係好甜，幾健康既飲品＞餈飯：餈飯上到榙熱辣辣，入面有好多油炸鬼、酸菜等既配菜，煙煙韌韌幾得意＞鍋貼：新鮮包寧舍好食，入面D肉汁好juicy又唔乾＞炸餃子：出乎我意料之外咁好食，出面炸到脆卜卜，入面餡料又足料，點日式沙律醬應該會更好食＞茶葉蛋：一般，唔夠入味呢整體黎講都唔錯，咁多年都保持到個水準。依家係香港真係愈黎愈難搵到上海老字號既小店，見到小店由以前得幾樣食品，加到依家又有麵食，又有碟頭飯，都知生意難做。希望大家多D支持本土小店啦

早幾日行經紅磡，發現一間傳統嘅豆漿店 ，裝修成為一間比較有設計特色食店。 作為紅磡嘅街坊，我當然要入去試一試啦。 一入去發現鋪頭光猛咗， 裝修後枱凳亦都換上新嘅。入到去感覺比以前舒服，而呢一次我就點咗我最鍾意食嘅上海雲吞面， 配炸排骨，簡直絕配。炸排骨非常之熱辣辣， 呢間舖頭裝修後各食品都加了價，但係個水準依舊keep得唔錯，而且價錢亦唔算係太貴，因為始終都係做街坊生意。大家如果得閒嚟到紅磡蕪湖街記得呢試下嘅上海菜肉雲吞麵 非常好味道㗎。

上海真真豆漿大王 係唔同豆漿大王架！呢間上海小店係我由細食到大，好有癮久唔久就要食下。見證佢由$28到而家$36。雖然價錢貴左，但品質一直都無變。以前雖然裝修比較舊但一樣乾淨企理。 最近佢仲新裝修左，店舖靚咗好多，價錢加左 , 餐牌選擇亦都多咗好多!包括一些上海小食獅子頭，炸雲吞，上海燻魚，糖醋排骨，五香 牛肉。每次我揀嚟揀去，我最終都係選擇上海雲吞麵。因為呢度嘅上海雲吞係最最最好食的！！其實佢都係菜同肉，唔係有咩好特別，但個味道就好啱我！推介推介❤

幾個月冇來真真，所以心熱來潮想吃粢飯。結果一入到店舖，嘩！嚇左一跳，原來剛剛裝修完，門面光猛了而且欠加了更多空調，座位設計當然更有規劃，變到成間連所粥店一樣。真的有一刻在想自己是不是入左店。到坐下先看看menu，果然比以前的多了很多食物選擇（還是我以前沒有留意？）。但以前叫開的湯麵加雞翼加豆漿沒有了，在這慌亂的情況下🤣，我唯有先點了一個粢飯及凍豆漿，其他再等友人到來才決定。等待的時候再望一望店面，加入了電腦，方便結算及統計，樓面亦多了兩三個年青人做伙計，但在廚房的還是幾位熟悉的嬸嬸，亦我放心一點。細看餐牌亦覺得食物價錢沒變，所以只擔心味道會失準。幸好，粢飯一上桌的時候還是令人會期待，飯身結實、既足料、油炸鬼一咬下去是香脆的！令我不禁放心🤤友人這時候到了、對於新門面又是被嚇倒😆😆看了一會menu，還是點了平常叫開的淨雲吞及酸辣湯。以前我們通常叫雲吞湯麵餐會跟炸雞翼，今次決定點炸雲吞試試。上海式菜肉雲吞依然厚皮多肉大大隻，可惜朋友說湯底味道有點變了，但我覺得比以前更清甜😅😂我最愛的酸辣湯亦沒令我失望，它的湯是真材實料的，豆腐豬紅荀等都是大大舊，湯底沒有用粉開、酸度和辣度配合得剛剛好😋😋炸雲

今晚晚餐突然好想食上海野就揾左呢間位於紅磡 幾出名嘅上海餐廳食.一開頭以為餐廳有啲歷史 會比較舊式去到先發現 原來餐廳啱啱裝修左所以環境都好乾淨 亦都坐得幾舒服.上海粢飯.粢飯係我係食上海野必嗌嘅野食🤘🏿雖然粢飯嘅材料好簡單 只有油炸鬼 肉鬆 炸菜 但三樣野加埋一齊又好匹配好合襯🤤呢間小店嘅粢飯比其他店嘅粢飯粗身好似係堪稱數一數二好食嘅粢飯🤘🏿拎上手好聚手 好足料 中間嘅油炸鬼非常粗身入面肉鬆同炸菜都好足料 食到最後都唔會寡出出嘅糯米飯壓到實一實 口感煙煙韌韌 好有嚼口每件拎上手都新鮮熱辣 簡單食材的大滿足.鹹豆漿.另外仲叫咗一碗鹹豆漿 其實今次係我第一次試 見好多人推介所以想試吓原來鹹豆漿嘅底下係有好多榨菜井底之蛙嘅我食到最後先知 哈哈所以食到最後就好鹹😂我都係比較鍾意甜豆漿多啲.上海排骨菜飯.另外仲加左個上海排骨菜飯菜飯嘅份量都幾多如果菜嘅比例多啲就好了..佢哋嘅粢飯真係幾推介但係價錢都唔算平 都要＄22 不過間唔中食下都唔錯

不經不覺呢間上海舖已經有十年歷史，裝修完重開過，感覺上味道唔同左，唔知係咪心理因素，不過今晚病病地，想食啲簡單野，求奇黎食少少，又唔使太飽。叫左例排愛食嘅鹹豆漿，內有油炸鬼，鹹菜粒，蝦米，蔥粒等，足料嘅，但感覺無以前咁多料，豆漿稀左無乜味，豆漿無豆味仲叫乜鬼豆漿，希望只係偶有失手啦。粢飯又係例牌會叫嘅野，呢度條粢飯比其他店粗身，因為佢入面包孖條，半截油炸鬼塞入去，再加菜莆，豬肉鬆等，飯粒黏口，軟硬適中，但可惜油炸鬼過左氣，又淋又韌，唔好食。兩樣野都失望而回，只剩下老店風味了。

美女初來步到不怎懂附近搵食，就帶您試試上海湯麵吧！一向質素平平的真真，居然能煮出 100 分的湯麵，令我刮目相看，十分驚訝！上海雲吞雪菜湯拉麵，賣相沒怎麼精雕細琢，雜亂地送上，未能使我有極想食的渴求。輕嚐湯底，濃郁香醇，菜味甜而肉味強，意料之外。白雪雪嚥韌滑溜極富彈性的麵條掛著可口湯汁連雪菜，加上蒜蓉辣椒醬點綴，大快朵頤。菜肉雲吞餡料塞得滿滿，菜爽肉嫩，回味無窮。熱燙燙的越食越起勁，越啜越忘我，比起對面街的滄涼亭更好食更高質！瑞士雞中翼，喜歡她的不太甜不太濁，難得沒有浸到霉霉爛爛，還保存少許肉汁，皮滑肉嫩，讚。上海炸排骨，有人喜歡咸，但不是我。即叫即炸好有鑊氣，吱吱喳喳送上，香噴噴，不過味道咸左少少。脆炸有點吉列感覺，質地鬆化，微弱的肉汁，不過不失。

經過裝修後的真真，門面更企理，感覺乾淨粢飯是用孖條，加點炸菜，肉鬆一起包住黎食，由於內涵不少，要一路握一路食，風味十足。另一最佳配角，咸豆漿實在功不可抹，加上小小辣油，裡面有蝦米，油炸鬼，比甜豆漿而言，層次更凸岀，兩者都是最佳拍擋，只是重開的真真已經偷偷地加左價承惠你39個大洋，雖然係同區最貴，但真的貴得有點道理，好味！