上海麵家 (已結業)

朝早凍冰冰,想起在台北時最愛在西門町東龍飯店對街的小店買飯團夾蛋做早餐！即叫即包,咬開飯團時隻蛋仲有蛋黃漏.....在香港唯一想到栥飯是即做的只有這間.凍荳漿---略甜,都仲有荳香味.咸栥飯---夠晒熱!肉鬆下得比以前少,炸菜粒略咸,油炸鬼幾脆!睇嚟又係時候三日兩夜自由行喇.....

lunch time銅鑼灣人山人海想吃得清一點, 所以和親愛的決定來這裡這裡操一口外省語的阿姐完全唔得閒招呼要自動波去找位, 搵人落order都要叫好耐同親愛的點了以下食物:小籠包: 皮略嫌厚、無乜肉汁, 用來過下口癮熱豆漿: 一碗上，個人覺得比凍豆漿更有豆香, 配上栥飯一流鹹栥飯: 新鮮製作, 現貨即銷，和親愛的一人一半拿上手, 熱辣辣幸福的，油炸鬼尚可唔算脆、肉鬆加埋榨菜，簡單就是美味~不過台面的筷子都是“林chichi” 的好似過完洗潔精無過水未洗過咁拿第二對試下, 都係咁…懷疑成筒都係一樣情況連我都頂唔順, 問阿姐拎木筷子佢拎地俾我地同時加多句一對原本要$1唔係呀嗎？講到好似蝕俾我地咁？這裡由細細個六七蚊條變到成十五蚊條真係物價騰飛, 幸好大致上的水準保持到…

本來諗住去登隆街食泰菜或越南河，但因為太多人，所以冇去食，行o下行o下去到呢間上海麵家，見冷氣夠又有空位，就求其入去試o下。由於小黃極愛食菜飯，於是叫了個五香牛肉菜飯加凍荳漿，好老實凍荳漿基本上唔會有乜野期望，因為呢o的都可以係交來的大路貨，反而菜飯就真係希望會有一些新鮮感。幸好老店真係老店，菜飯雖然未能做到香味濃郁，但一入口就知係頗正宗做法，食落口帶油味，滋滋地。兼且菜是煮了很透的，不像坊間有些標榜健康o既菜飯，到你叫飯時才切些新鮮菜粒撈埋一碗就算。五香牛肉看來是醃了很久，肉已經一入口即化，兼且味道濃烈，配以淡口的菜飯一流。而附送的黃豆瘦肉湯出奇地好飲，感覺冇乜味精。其實呢間野出名o既應該係粢飯，我見個個食客十個有九個都係粢飯加豆漿，無它o既十零蚊小小野又食到飽飽，o岩哂一o的OL同打工仔，可惜小黃由細到大都唔鐘意食粢飯，所以冇辦法囉...聽住o的職員唔咸唔淡的廣東話加埋o的制服式樣..忽然好似返o左大陸...

9 May 2007 (Wed) - 晚飯一心諗住食勁平既嘢，最後埋單居然要每人$55，好貴啊！三人叫咗担担麵，酸辣麵，小籠包，炒年糕，同埋老板極力推介既雞絲粉皮，再一人一杯凍豆漿！樣樣嘢都唔錯：雞絲粉皮既麻醬勁多，好似太多，雖然又真係幾好味，但食到落底就有啲咸；担担麵就幾正，但一樣係食到落底有啲咸，而似唔夠辣；酸辣麵好似太酸，又唔夠辣，都OK；小籠包唔錯，唔係大酒樓，但個皮算唔厚，而且有汁；炒年糕好呀，夠大碟，唔太油，味道清清地，不過漏咗少少！呢度係唔錯，但其實每樣嘢啲價錢都唔平！

甜粢飯﹕在香港算不錯了﹐可是油條不脆﹐不然會跟好。如果常在台灣吃粢飯你就會覺得做這樣是基本的﹐因為那裡你很難找到太難吃的飯團。

五點幾先出CWB行下, 行到咁上下就向呢間舖坐底. 問有無齋湯年糕叫, 有之餘重勁美味@@多謝晒~勁好味(因為每年除左MAMI煮的齋好食之外, 其他都很難食)~u made my day温暖窩心地回去@@

食完餐唔飽團年飯, 跟住兩口子就肚空空拍住拖咁去行年宵, 行左差唔多兩個鐘啦, 係時間要醫肚喇! 本來好想去榮記食車仔麵, 點知佢地收左, 咁咪條街度行左一陣, 知道呢度食上海野好出名, 而女友又話未食過粢飯, 咪同佢入去食下囉!我地叫左一個粢飯, 一客小籠包, 一客炸銀絲卷同埋一碗咖哩粉絲牛肉湯! 粢飯十分正, 軟熟好味, 連女友都話好味; 小籠包有五隻, 個餡好味, 皮就厚d, 不過可以接受; 炸銀絲卷好脆好鬆, 真係一絲絲架, 正呀! 咖哩粉絲牛肉湯就一般啦, 粉絲同牛肉都可以, 個咖哩湯就最正! 服務幾好, d野食又快又熱, 埋單都好似唔使六十蚊, 抵食!

星期六早上約了好友, 之前來個豐富早餐.熱甜豆漿–唔太甜, 未食已聞到陣陣豆香.粢飯–好熱, 飯唔瀾, 味恰當.$11已食到飽飽.

上次经过因为觉得太多人，所以转而去了隔壁的那家上海小馆，可原来人数真的是食肆的不二指标，疏落的环境换来了贵兼无味的菜肴。所以这一次立定心思要试人头涌涌的这间。虽然环境很挤逼，地面不甚干净，还要搭台，胜在一众伙计态度很好，街边小店，也算是如此了。门口一位阿婶现场制作鲜香热辣的粢饭，虽然感觉有些似早餐，我们两人也只管叫了一条（10），配咸豆浆（8），另外，男朋友仔点了一碗菜肉水饺面（28）。因为接下来要打波，不宜吃得太饱。健康起见，还有一碟白灼小棠菜（19，相比较而言，这个最贵，据说是有机蔬菜喔~）。咸豆浆内有虾米、碎豆花（？？？）、油炸鬼，不算太咸，也还香口，略觉油了些。面底很值得一赞，可惜怀疑火候不足，似乎不够熟。外加足料水饺四大只。哎呀已经没时间，索性将粢饭打包回家做明朝早餐罢了。p.s.见到同台的另外一位阿哥，独叫粢饭一条、豆沙窝饼一客（23），未及已风卷残云，水都不用一口，也是一个旁证，说明两者均糯软易嚼：）菜牌中还有无数菜饭与上海面的选择，留待下次吧：）

放學經過呢間平時食開粢飯既上海舖..今次試左擔擔面..唔係好大碗..唔辣..但超多MSG!!..仲要收$27一碗! no more next time!P.S 有點dirty..

早上去左check body, 空肚check完就去左附近吃早餐.二個人叫左:1. 熱&凍豆漿- 我飲熱既, 不太甜, 也頗滑.2. 粢飯一條- 幾好味, 料都算多, 有油條, 炸菜, 肉鬆.3. 煎鍋貼- 不太好啦, 皮唔脆, 油膩, 肉唔香, 又唔夠熱.

Their San Jin Bao and Wo Teep tastes ok, Chi Fan was also ok. However, if their Dou Cheung could be a bit thicker with more beans to water, result would have been better.After the meal, my body was really tired and extremely thirsty, a result and symptom of too much MSG intake.

看到大家的食評，真的嚇了一跳，還以為找錯店呢！這店從小已開始光顧，初嘗粢飯也是從這裡開始的──坦白說，這麼多年來，真的找不到別家比他們造得好！但再看大家下評的日期，已是差不多一年前的了。的確，幾年前，在第一任老闆轉手之時，水準真的大跌。不過，約一兩年前再光顧時（似乎又換了老闆），水準雖未復當年（粢飯餡料少了，壓得也不夠實；蔥油餅不新鮮），但終究是變回了那份上海味道。事隔幾月，很懷念那粢飯的味道，決定前往晚膳。「例牌」粢飯豆漿──天氣有點涼，選了咸豆漿。粢飯比上一次的改善了（雖然還是不及起家時的好……），餡料多了；最愛他們的糯米飯不稔，有嚼勁，也壓得比較實，讚！咸豆漿的味道還是那樣咸香，不過如果蝦米多一點便更好了。另加上海粗炒──油多是一定的了，但這次雖油多，但不膩；那味道，是街頭小店的保證，沒有修飾，沒有驚喜，但保證上桌的就是你所預期的，穩定可靠。光顧多年，才發現連他們的名字也不知道呢！連忙看了一下，原來是「香港上海麵家」……這名字是哪時起的、是否跟另一家同名店舖同一老闆，我並不清楚，但好像又換了老闆了……

以前覺得呢間野既餈飯+豆漿=完美的一餐...又好味....又飽肚....又抵食...員工態度親切~不過宜家....又污穢....佢地態度又差....10蚊個餈飯....唔算平囉.....食十蚊碗麵好過~~~

星期六晚上一家人來這兒宵夜，要了餈飯、上海粗炒、豆腐花、豆漿、酸辣湯、銀絲卷同鍋貼。覺得除了酸辣湯同銀絲卷外，其餘食物都冇以前咁好食，先講餈食，好鹹，食身唔得軟糯；粗炒唔知點解會濕晒，一都唔乾身，而且麵多料少，雖然味道還不賴，但冇真正o既上海粗炒那感覺；豆漿同豆花都算ok，豆香亦夠；至於鍋貼嘛，是全晚最差的一碟，想起來我是未試過在這兒吃鍋貼的，我從來未試過在上海舖食到有菜o既鍋貼，認真令外驚訝，蒸完再煎的效果，令餃底不夠脆，同普通煎餃子根本沒有兩樣，失了鍋貼本身的特色。