中興牛雜粉麵

營業中

休息中

中興牛雜粉麵- 平時Lunch首選之一。感覺就好似回到從前的懷舊時光，一碗清幽的牛肉河粉 ,簡單而又豐富。牛肉河粉，湯底清澈如水，湯汁香濃入味，配上鮮嫩滑滑既牛肉片，格外惹味，好符合我對家常味道既期望。除咗美味的佳餚,呢間小店嘅整體環境都有種特別的味道。陳舊既招牌同木質桌椅,散發住一股懷舊的氣息,仿如回到從前的歲月。店員態度親切,為顧客提供細緻周到嘅服務,令用餐體驗更添溫暖。總括嚟講,呢間小店以簡單的食材同烹調手法,帶來家鄉溫暖的滋味。唔論係湯品,定係整體氣氛,都令人有種熟悉親切嘅感覺,真係一個難得好去處。

本人購買牛腩河走蔥熱奶茶，但樓面啲阿姐搞到錯晒，給我的是牛腩河多蔥跟咖啡。目測只有我一個購買外賣，咁都可以搞錯，錯到離晒大譜！非常不專業，可以說樓面啲阿姐是但給你一碗。大家小心。

很久以前看飲食文章講沙瓜供應較少，某些出名的雲吞麵店很早就賣光，食客要鬥早去食...我一路想試，家附近的小店最近大大隻字有沙瓜供應，就去試試。這店我經常光顧，湯和粉都唔錯，至於沙瓜...可能期望太高，味道和金錢肚無分別，上面皺嗰部份軟淋淋的，我不太喜歡這種口感，下半部的口感和味道和金錢肚一樣，$38見識過一次就夠，下次食返$33的金錢肚河粉

食過咁多間牛雜麵，大多數都係食完之後不停要喝水，但係依間就恰到好處，唔係太多味精，而且牛雜好多時都用草肚來代替金錢肚，而且牛蒡相當厚肉，牛肺都相當鮮甜，仲食到鮮甜味，牛腸內裏還充滿粉，十分邪惡，生麵嘅麵質相當爽口，沒有太大嘅鹼水味，題外話，不得不讚佢杯咖啡，諗住都係茶餐廳式嘅酸味咖啡，估唔到佢哋係用咖啡機炮製嘅即磨咖啡，雖然談不上第一級嘅咖啡豆，最基本沒有帶酸味；食過咁多間牛雜，中興算係不過不失，牛雜控可以一戰。

好吃的牛腩牛雜麵店不多，剛好小西灣街市裏面的中興牛腩牛雜麵，是我吃過的較好味的一間，顧客經常川流不息，我久不久也會去食碗牛腩麵，他的牛腩是用清湯崩沙腩，牛腩夠冧，湯底清甜不太鹹， 大大碗，還可以加五元配凍飲，埋單才35元 😋

入去的時候正正是中午最多人的高峰期，幸好一個人不用等位太久，剛坐下就已經被追問點什麼餐。牛孖筋河粉 ♥♥♥主角牛孖筋不像平時食的Q彈或是脆，反而好像連咬也不用咬的炆得非常軟，也很入味。清湯連咸味也不太覺得有，幸好辣椒油配淡湯效果非常好。雖然不太辣但比較香，好像令河粉也更順滑，最厲害是份量多到我最餓的時候食也剩了幾口。因為中午時間需要加錢才有飲品，我就直接省了沒喝，但看見旁邊的阿姨說她有長者卡，於是不用加錢也可以享用免費贈送的飲料。

經過呢度幾次都見到裏邊食嘢嘅人好多，差唔多坐滿。於是乎我就揾一日入去試下啦，我叫咗牛腩河粉。一試之後，我覺得同出邊嗰啲牛腩河粉差唔多，唔算話特別好食，同埋個湯底都係普通清湯嘅湯底。

自從屋企附近的13座牛雜結業後已經好耐冇食過牛雜 咁啱喺附近放食飯 見到有牛雜 就即刻走去試一試 餐廳喺小西灣街市檔口入面地點比較容易搵 冷氣都十分足夠門面像舊式 潮州 粉麵店餐牌都冇睇已經叫姐姐落咗一個牛雜米粉油菜凍奶茶 唔使五分鐘已經上齊菜趕時間必食之選牛雜入面有牛蒡牛心牛腸牛肚 大路嘅內臟都有齊 味道十分入面我會比六分 始終本身食過一啲好好味嘅牛雜有比較之下都係比較遜色至於油菜同奶茶就同一般茶餐廳差不多 沒有特別驚喜如果下次喺附近趕時間一定會再食

此店價錢合理，但十一點前粉麵送茶只需三十元就超值，加十四元整碟油菜，多纖多膠又飽肚，感覺良好。奶茶滑溜有茶味，飲完整天都不會打嗑睡。十四元份量合理，菜夠淋，好味！埋單返工 店員亞姐服務好，都係街坊客，記得哂他們食開咩嘢！

公司搬左新office黎左柴灣，咁就梗係要發掘下附近有乜好野食啦；正當諗到頭都爆之際，有個為食同事就介紹左呢間中興牛雜粉麵俾我地，話去到就會搵到初戀啦....!!! (因為得到喺《喜劇之王》入面飾演尋找初戀嘅有錢佬戴龍鼎力捧場嘅關係，現實中戴龍係香港四大名廚之一)講到咁緊要，梗係要去試下啦。麵鋪位於小西灣本灣街市入面，地點毫不起眼，甚至有啲難搵；中午十二點，尚未坐爆，仲有幾個位，於是就搵位坐低。一坐低就點左碗牛腩牛雜河。湯底清甜有牛味，河粉彈牙，牛腩略肥，口感未算突出，還是英記的好。牛雜反而有驚喜，牛肚牛肺都處理得不太差，牛肺略嫌有點實；牛膀夠軟糯，喜歡它的人一定會喜歡，最出色嘅係牛粉腸，唔會有太多脂肪，內裏夠粉，有種綿滑嘅感覺。總括黎講，$42食到大大碗有水準嘅牛雜河仲要有埋野飲，真係抵食之選！

住開小西灣都知道牛什粉麵有三家一家在富欣花園；一家在富怡花園；第三家就在街市小西灣街市是領展發展是樂富街市之後第二個“高級街市”之一可惜嘅係短短裝修幾年已經執左無數家店舖至從街市開了中興後已經非常少到富怡那家了(除非晚上收工後沒什麽選擇)而且富怡那家味道跟中興有很大對比呢！雙併牛什河足料的牛什河肺；小腸；大腸；金錢肚；膀很大一碗！而且切得大件俗語話唔食得都睇得先而且炆得夠淋身，鹵水很夠味只係覺得偏咸少少墨丸不過不失有兩粒河粉係用比較粗身厚身的那一種，有咬口凍啡沖得像茶餐廳水準夠滑夠濃，非常好缺點：地方較細而且對住街市魚檔

20幾30蚊一碗麵算係好平。。有好多牛腩。。但d筒就放正係你身邊覺得唔多乾淨。。服務ok...選擇多。。又可以俾8達通。。。唔錯。。。。。。希望長做長有喇。。。

小西灣街市開左呢間粉麵店已有2年幾。。街市內而衛生都okay, 冇臭味。。因為對面係水果店29蚊一碗麵。。可以揀米粉,米線, 粗麵, 河粉, 幼麵, 而餸就有10種, 有墨丸, 魚蛋, 牛什, 牛腩做既係街坊生意, 多數係老人家, 可能因為長者卡送熱飲墨丸幼麵麵底份量好大, 墨丸有5粒。 冇腥冇臭冇雪味, 就有墨魚肉粒。。十分彈牙。。而幼麵一開始比較硬。。都咬得開同食到。。食多幾啖就軟d, 係okay既。。湯底我假設係味精湯底。。都應該係味精湯底。。但食完之後冇口乾wor。。。 牛腩米粉我朋友食呢個。。牛腩就一定唔係靚果種。。但食落都仲係牛腩黎既。。同埋有成8塊。。。係好抵食。。 飲品我叫左西洋菜蜜。。食完碗麵杯飲品仲係勁熱。。我完全飲唔到。。。醋同辣椒醬都好味既因為係做街坊生意。。所以坐落你會覺得同d街坊好close。。。係領展街市內做生意好難。。呢兩年可以維持到生計既店舖少之又少。。所以呢度cp值高既就要支持一下喇。