串燒屋 (已結業)

負責人吳先生認真招待客人，我們5人光顧，其中一位生日，所以book位時問有沒有生日優惠，而店是沒有做生日活動的，吳先生為了客人開心，想辦法特別出外買了蛋糕仔再碟上加工字體圖案在適當時候播出生日歌送給生日客人🎂熱誠的吳先生怕我們不夠吃，其他4位也奉上蛋糕仔，真是驚喜中之驚喜。 食物質數很有，串串燒很有BBQ風味另有送的生蠔、扇貝很新鮮🦐吃得太飽末能全部點齊食物，下次再來繼續試。

我同朋友黎食，可能平日既關係，唔多人，店員亦有行過黎同我地吹下水，問我地食品方面，我同3個朋友都覺得唔錯，好味既亦有免切餅同開瓶費。一開始店員亦有禮貌、介紹 有啲咩係自助同有啲咩野新嘢食咁、又燒蠔、又燒青口、又清酒煮蜆、又燒肉醬茄子咁，仲有大大隻扇貝、 呢個時候，女店員就走過嚟我哋張枱同我哋講 :「你地咁多人，不如我幫你哋攞啲扇貝同蠔、 到隔離枱幫你哋燒啦！」嘩，我地緊係話好啦，有專人服侍，燒埋俾我地食。食完我問個女侍應生可唔可以幫我地上蛋糕 ，佢笑笑口話:「ok得」，之後我就坐返埋位， 點知個店員囉個蛋糕出嚟個時，仲要播埋生日歌，果一該係有驚喜既、因為冇諗過會有咁嘅服務。總括嚟講 咁嘅價錢，有咁多海鮮任食、啤酒汽水任飲、抵食、 招呼唔錯、服務態度唔錯（冇黑面先😜）

話說一早已經知道開左間串燒鋪頭加上見Fb有人分享見好吸引所以就決定同朋友去試下我就食最早嘅時段，因為唔怕無位店員由頭到尾都勁細心服務態度完全係一流的！串燒種類都算多嘅，唔特別去介紹最好食嘅都係和牛串同牛肩肉同埋都會有蝦，青口依啲海鮮比你燒由於我地4個人，有生蠔同刺身送生蠔係新鮮到不得了<3!!超正而刺身就係每人一大隻赤蝦！亦都係超鮮甜一直燒肉嘅同時我地都有食其他炸物同埋熟食清油煮蜆我自己一個都食左三兜仲有雞翼炸物粉漿唔厚，個芝士炸雞直頭一流期間有幾次店員都有細心位勁加分的我地叫左燒蠔但無奈地我地一直都無時間無位我燒，店員係主動話幫我地開另一個爐燒埋比我地呀⋯⋯另外Like FB亦都係會送每人一隻扁貝，都幫我地燒埋會主動提醒邊啲要食先或者怕我地點得太快凍左會唔好食叫我地食完直接話佢知佢再即整比我地食食下，應該係喺廚房嘅店員竟然自己拎左一兜雜菜出黎叫我地食下菜，岩岩炒起好sweet!!!最後我好欣賞嘅係飲品方面，佢竟然有最新個隻纖解茶同埋佢有幾款應該係自家製嘅杯裝飲品檸檬薏米，菊花茶，涼茶，洛神花等等勁好飲！原諒無逐一影相，因為掛住食野..總括來說依一間串燒係幾高分一定會繼續幫襯的

係FB見到呢間既廣告， 見幾得意 ，咁就約埋幾個朋友一齊去試下， 佢個位置喺斜路， 唔係喺大街， 所以唔係住呢頭呢都有啲難搵㗎😅入到去呢間餐廳都算企理乾淨， 一坐低店員就過嚟介紹食法，店員都幾有禮貌。跟住馬上送咗一碟刺身蝦畀我哋， 跟住因為我哋有六個人， 店員話有即開生蠔送， 我哋有兩個人唔食生嘢 店員話可以轉送扇貝畀我哋燒， 生蠔呢 好新鮮好肥啊😍 扇貝都好新鮮🤤。串燒款式都算幾多， 加上又有啲 燒蠔燒青口嗰啲任食， 同埋最正就係有，和牛串同埋安格斯牛肩串， 店員同我哋講可以加啲岩鹽落去食， 岩鹽落去食啲牛肉味真係出曬嚟相當好食🤤，食串燒最怕熱氣嘅 好在呢佢有啲自家製嘅涼茶下火一流👍🏻整體質素都相當唔錯 值得推介👍🏻

今日閏蜜提議去 九龍城 食串燒，話食過幾好， 於是佢打去book枱，點知今日星期一都full曬、O咀囉😦， 點知店員話筲箕灣同 觀塘分店都仲有位。吓原來 筲箕灣都有分店仲要咁近我哋、點解我唔知㗎 😖哦原來新開嘅，好啦， 拿拿淋過去食，是关都餓到爆炸喇， 入到去、睇下有咩即刻食得嘅， 食左先講💃🏻 攞咗一堆炸嘢食、 沙律呀嗰啲囉， 個芝士炸雞好濃芝士味好香口、 其他炸嘢 就一般般， 反正都係脆口嘢。輪到講下啲串燒啦， 安格斯同和牛衣啲實正啦， 不過個人覺得和牛不能夠食太多，是关有少少"膩"、都係西冷啱我多啲， 重黑椒味好淋好正， 我最鍾意😍。閨蜜話要回本一定要食燒蠔， 好肥美好大隻 、可惜我唔係咁好蠔，食左2隻乍、佢食左2打囉😅、 救命。必食嘅仲有 豉椒炒蜆 、燒茄子， 蜆超鮮甜👍、 茄子上面放咗肉醬好惹味👍。食完見到仲有雪糕、啫喱泡芙……哎呀， 飽到食唔到啦😂好開心好正嘅一餐👍# 唔好意思我哋兩個八婆講嘢太大聲 、請見諒😂😂

今日咁啱過去筲箕灣做嘢， 收工同幾個同事原本諗住去大排檔啤一啤， 經過新成街见到串燒屋筲箕灣有分店，上次喺觀塘食過，覺得幾好同埋有啤酒任飲， 於是入去食。一坐低例牌又有三文魚送啦，我哋四個又送咗一碟8只即開生蠔， 生蠔又鮮又肥，正跟住去攞啤酒飲見到隔離個保溫櫃有豉椒炒蜆於是拿拿林攞咗兩兜 正， 啲串燒 水準都唔錯， 跟住店員介紹加咗好多新嘢食， 話寫咗喺個黑板度 ，嘩！ 有和牛，燒蠔，秋刀魚，安格斯牛肩，青口， 燒茄子， 梗係拿拿臨全部叫曬啦，正

再次黎食過⋯今次已經約好多朋友一齊黎食，因為有朋友生日！因上次黎食時比較熱，今次已經打電話問可否比啲位涼爽啲，佢哋話可以，之後再同我講因之前冷氣溫度唔夠所以已經加多部風扇⋯⋯之後我到左入座但啲朋友未到我就點左我喜歡食嘅麻辣雞翼食到朋友到之後再叫啲燒蠔、青口、秋刀魚嗰啲黎燒，咁店員問我地話有冇Facebook？我地一定有啦⋯⋯佢話分享一下佢地串燒屋就可以有送扇貝，我地分享完之後就問下佢生日有冇野送佢就問個經理，之後就同我地講（經理話公司冇做呢啲活動，但經理話當自己送一份扇貝比你地。）下次有朋友生日時再黎

網上見到筲箕灣開分店所以就嚟試下 我食完嘅感想係價錢真係好合理 嘢食可以任食 嘢飲可以任拎 食到勁飽 啲食物種類都幾多 有炸有唔炸仲有甜品 一上枱仲有我最鍾意食嘅三文魚魚生 啲員工態度又好好 總括而言 我會不斷再嚟幫襯🤤🤤🤤

收工後屋企人話落雨唔煮飯所以去左樓下間串燒屋度食睇完個價錢覺得還可以，就入去食，店員問我地有冇訂，我地話冇（心想：雖然我地冇訂枱你唔係想我地訂左先有得食呀）之後店員睇完佢個本唔知係唔係訂枱薄，就話安排到枱比我地，仲好有禮貌咁同我地講下次黎可以訂枱因為有好多時食飯時間可能未安排到。當帶坐低左店員解釋個爐點樣操作同問我地要生蠔或刺身蝦咁樣有得選擇梗係選擇一半一半啦，跟手點咪啲串燒。之後再出去攞野飲，發現有好多種飲品有汽水、紙包裝同台式珍珠奶茶、自家製涼茶。最欣賞在佢哋自己整嘅珍珠奶茶台式飲品，因為同出面一樣味道如果同女朋友黎佢一定飲珍珠奶茶多個食野。啲嘢食都算燒得快同啲醬汁都好好味，雖然係放題但都不過不失，啲串燒完全有自己的味道⋯⋯尤其是個麻辣雞翼、豬頸肉、牛舌都好好味，其實計起上黎一家人都食左好多串大概每人二十幾串下次要約咪女朋友同啲朋友黎試下食唔食到每人四十串先

本身自己住係筲箕灣附近，係網上見到開左間串燒屋， 就係宵夜時段同朋友落黎試下，一開始就送左份魚生，感覺都仲係好新鮮。之後落 order, 種類唔係算好多，但都唔算少。個人覺得西冷，肉眼同牛舌值得推介（可能因為個人鐘意食牛 ge 關係）。果度野飲同甜品（總類一定唔係多，始终唔係主打）都係任飲，野飲有汽水，啤酒，仲有d類似自制ge 飲品， 個人覺得飲個蝶豆花蜜幾好飲同幾特吃，一路食串燒一路飲都感覺冇咁熱氣。同殺友人食左兩個半鐘，d 侍應態度都幾好，亦都唔會趕你走。總括200蚊左右同朋友吹下水食下飯都係個 唔錯 ge 選擇PS: 燒蒜蓉麵包都真係幾邪惡，飽飽地都仲會口痕食多件

串燒屋（筲箕灣分店）推出夏日優惠！分別有三個時段，首先第一時段係下午五時至七時優惠時段，第二輪時段係晚上七時至九時半黃金時段，第三段就係九點半至十二點呢個優惠時段啦⋯⋯直頭方便上班族民眾的時間呀⋯⋯聽說店員話會推出燒蠔之類海鮮，真係想試試呀🤤🤤🤤🤤

筲箕灣新開咗一間BBQ店，有部機比你自己燒。 我哋有四位所以送咗生蠔比我哋， 仲有三文魚餸㖭。食物有好多種選擇， 我最鍾意食鴨舌、 牛肉、雞翼、冬菇、菠蘿。 除咗燒嘢食，仲有即炸嘅嘢食， 有炸蝦、炸鮮奶、炸薯角、炸春卷等等。 冷盤有八爪魚、螺肉、蟹籽沙律、泡芙、啫喱等等。飲品都有好多選擇。店裏面有三個特色醬，泰式花生醬、沙嗲醬、東南亞風味醬。我最鍾意東南亞風味醬。侍應態度好好，慢慢講解個機器點樣操作。呢度冇做午餐，只有兩個時段，18:00/20:30$238一位