串燒屋 (已結業)

今日咁啱過去筲箕灣做嘢， 收工同幾個同事原本諗住去大排檔啤一啤， 經過新成街见到串燒屋筲箕灣有分店，上次喺觀塘食過，覺得幾好同埋有啤酒任飲， 於是入去食。一坐低例牌又有三文魚送啦，我哋四個又送咗一碟8只即開生蠔， 生蠔又鮮又肥，正跟住去攞啤酒飲見到隔離個保溫櫃有豉椒炒蜆於是拿拿林攞咗兩兜 正， 啲串燒 水準都唔錯， 跟住店員介紹加咗好多新嘢食， 話寫咗喺個黑板度 ，嘩！ 有和牛，燒蠔，秋刀魚，安格斯牛肩，青口， 燒茄子， 梗係拿拿臨全部叫曬啦，正