串Grill 自助燒烤專門店 (廣華街) (已結業)

依間串燒嘅爐係自動轉轉咁燒好啱懶人坐係度等食呀老闆好好介紹點用爐同調味料我地叫左大部分食物例如：和牛，豬，雞軟骨，雞腎，另外會有菠蘿，秋葵，菇，綿花糖，雞蛋仔等。飲品任拎，有可樂，無糖茶等。和牛入口好軟好好食，雞腎同牛舌幾爽口彈牙！肥豬肉入口即溶，雞軟骨同墨魚咀都好有咬口。秋葵同墨魚丸燒左特別好食，菠蘿就可以消下濟。食完咸嘅，再食甜嘅綿花糖，雞蛋仔，仲有甜蕃薯中和翻，食得好滋味調味方面好多款，有韓式醬，辣粉，海鹽，孜然粉，個人最愛落孜然粉好襯串燒！另外仲有魚露都好惹味呢！慢慢自動燒一路食一路傾，真係幾chill食完仲有haagendazs雪糕，超滿足喎！落左單好快上菜，整體食物質素好，服務好，可以再食！

今日同屋企人嚟到廣華街試下呢間串燒自助燒烤放題因為我哋下晝都冇嘢做，所以就決定食Happy Hour嘅時段($208+1)，由5點半入座食到7點半串燒嘅選擇有好多！餐廳好貼心咁寫晒每樣嘢要燒幾耐出嚟叫咗嘅串燒會擺晒喺呢個三層盤上面，我哋一round都叫咗唔少店員喺開始之前會brief下點樣用個爐，亦有提醒我哋可以喺串燒就熟嘅時候搽呢個燒烤汁，作用就好似平時bbq啲蜜糖咁個筒就係比我哋放食完嘅竹簽，如果覺得啲串燒唔夠味架上面亦有唔同嘅醬汁同埋調味粉可以用只要放啱位置，串燒就會識自己轉㗎啦呢度飲品嘅選擇都唔少，我就主攻咗支裝嘅凍檸蜜我全晚最鐘意嘅係呢度嘅雞蛋仔，加埋棉花糖一齊食好好味埋單之後店員就會比我哋一人一杯雪糕，幫呢餐飯埋返個靚尾

如果你喜歡食串燒，要享受即燒即食，但又怕麻煩要自己燒嚟食。咁樣呢間串燒店就啱晒你啦！又新鮮又省力，全自動化，你只需將已經點好送嚟嘅串燒，一條一條放在機器，串燒會跟隨滑輪自動旋轉，無需力氣，不斷反轉的美味串燒，燒得均衡。而且，店主好細心，每檯都有一個串燒所燒時間表，詳細列出並建議每種食物所需的燒烤時間，你就可簡簡單單按唔同食物所需時間燒烤，這樣就可以品嚐燒得剛好嘅串燒啦！而且，話明放題，你可以在指定時間內任選任食。選擇超多，有和牛，西冷，羊肉，豬肉，冬姑，翠肉瓜，墨丸，棉花糖等等，各式各樣，應有盡有。飲品也有多款選擇，豆漿，烏龍茶，汽水等等，也都一應俱全。燒好後，可以點不同店舖秘製醬汁。提升味道。最令我心動，就係結尾埋單前，每位都有HÄAGEN-DAZS 雪糕。食飽串燒，配杯美味雪糕，可以話係完美句號。總括而言，呢個食法，都幾新鮮有趣，不妨一試。但由於店舖座位有限，請先預約，較為穩妥。

又想燒野食又怕熱？又想燒野食又怕落雨？又想燒野食又覺得好遠？又想燒野食又嫌買野麻煩？✨我朋友知我咁懶，就介紹左呢間會自己轉住自己燒既餐廳比我。鋪頭面積唔大，建議大家都係提前book位，餐廳大部分都係卡位，闊落又坐得舒服。入到去又唔會覺得好大味或者污煙漳氣。✨一個價錢任燒任飲，食完仲有杯Häagen-Dazs雪糕添😋😋✨入到去坐低，店員就會教點用個自助燒烤爐，所有食物都已經整理好而且細細件串好晒，方便快熟。按個人食量於點菜紙上點單就得，另外仲有一張好貼心嘅食物烹調時間參考表，方便一d煮食白紙😆😆上菜速度好快，亦都冇出現漏單情況👍🏻👍🏻✨每一張枱都放有多款醬汁同調味料，可以按個人口味選擇😋😋以下係我比較推介款式：✨🎈荷蘭豬五花燒完都好juicy, 配甜甜地既燒汁一流😋✨🎈美國牛肋腩有油又有咬口，簡單配胡椒鹽已經好好味😋✨🎈燒菠蘿淨係食肉一定會膩，中間食下酸酸甜甜既菠蘿都好爽😆✨🎈雞翼冇得解，燒雞翼，我自細鍾意食🤣🤣🤣✨🎈棉花糖BBQ必備🤣🤣✨有得玩又有得食，同朋友傾吓偈時間好快過😆食到最尾我地仲好低能咁數下食左幾多枝籤🤭🤭🤭✨#YummyLifeKat

一直都好想試吓串燒機 可以偷下懶 由得佢自己燒😂今日終於嚟到串grill試吓佢 佢個位置喺廣華街 鋪面好易認 好容易就搵到我哋揀咗Happy hour時段嚟食 係最抵食 大家想食就記住要訂位 平日去都係滿座入到去舖頭細細間 但係都算乾淨企理 店員會好細心同你介紹返點餐嘅方法 唔同嘅醬汁 點樣用個燒烤爐 仲親身示範埋 服務質素唔錯😆飲品方面有兩個飲品櫃 有唔同汽水 茶同豆漿 選擇都唔少 我就揀咗黑豆漿嚟飲拎完嘢飲就返去睇吓有咩食 種類都幾多 牛豬雞羊都有齊晒 估唔到甜品都有兩款 除咗落單紙 佢仲有一張寫晒所有串燒嘅燒烤時間建議 咁大家就唔驚燒燶嘢啦食物好快就嚟到 唔使點樣等 亦都冇漏單 好整齊咁放晒喺個架度 一眼就睇晒有咩食燒烤爐嘅用法好簡單 而且都好安全 夠熱力 完全係懶人之選 因為佢不停轉動 所以食物都燒得好平均不過如果啲食物大件就記住要隔開佢哋 唔係嘅話就變咗淨係燒一面仲有幾種嘅醬汁 唔同嘅鹽 辣粉俾你點 中間嗰支就係俾你燒到差唔多熟嘅時候搽 提升返成個味道介紹翻幾個心水先 牛肉方面佢嘅M6和牛牛柳同牛舌好好食 肉質鮮嫩得嚟有口感 而且牛味好香 雞肉方面 我覺得雞皮 雞軟骨唔錯菜同

喺香港呢個地方，要搵好食嘅串燒店都唔易。尤其喺油尖旺呢啲地區百花齊放，舖頭質素都幾參差。咁啱經過，就同朋友行咗入去試。串燒款式都幾多，基本嘅牛豬雞肉都有，仲有海鮮、丸類、蔬菜、連甜品都有! (燒雞蛋仔同棉花糖認真幾特別) 🐮🐷🐓🐑最推介係牛舌，豬頸肉，鯖魚，冬菇，菠蘿同雞蛋仔，必食!如果鐘意自己燒串燒嘅話，呢間係個唔錯嘅選擇。每張枱都有自己部串燒機，放上去就識自己轉，又方便又唔洗驚會燒焦。串燒任食仲包埋野飲同雪糕，好抵食，下次會再同朋友幫襯!

平時食串燒都偏貴，一串都十幾廿蚊，見呢到有串燒放題，都幾抵食! 串燒種類都幾多下，有基本既豬牛雞，仲有墨魚咀，台灣腸，日本甜薯連燒賣都有。呢到係自助形式，落完單就可以自己燒，都幾有趣，仲有個牌仔教您每樣食物要燒幾耐。調味方面，有韓式烤肉醬同泰式魚露，仲可以點佢既辣粉/海鹽/孜然粉/味椒鹽。蝦卷串燒都幾唔錯，而呢到既墨魚丸，係黑色一粒粒架。燒雞皮燒到脆脆地，好好食! 魚肉年糕燒完中間係煙煙韌韌咁，呢款都幾推介！食到最後仲可以叫埋雞蛋仔同埋棉花糖。仲有雪糕，係haagen-dazs! 食完一餐咁樣都幾飽架！抵食過散嗌好多，位置又方便，推介大家黎食呀呢間！

突然有個癮好想好想食串燒🍡，就約咗個朋友嚟呢間食串燒，同埋係兩小時任飲任食！喺旺角既地鋪位好方便，唔洗上樓上鋪個啲。服務態度好好，一嚟到就同我哋解釋串燒既流程，串燒好方便，放喺架串串機到就可以等佢自己自動轉自動燒，好方便！仲有張指引講每樣唔同既食物燒幾耐係最好👍食物方面，肉類全部都好好味，啲牛就算燒過咗時間都唔會硬，入口岩岩好，好香牛味🐮😋 另外仲有蔬菜類🥗，食肉類食到膩既話就可以食啲翠肉瓜或者秋葵解下膩，又或者食紅薯，紅薯真係好香甜，食到唔停口，仲有仲有，雞蛋仔同埋棉花糖燒完之後一齊食實在好食到上天堂！ 飲品又有得任飲，一定會再嚟食！

☟非專業最真實食評☟𝙂𝙧𝙖𝙙𝙚 𝘼- / 𝘽+ ：食物種類都夠，有齊唔同嘅肉類，海鮮，翠肉瓜等等同經典串燒必食嘅燒波蘿👍🏻肉類醃得夠入味👍🏻甜品雖然得棉花糖同雞蛋仔兩款但燒完出尼有驚喜👍🏻而且個燒爐都唔算細，放入去自己識轉，可以一路食一路等啲野燒好🤤餐廳仲好貼心有寫明每樣食物大概燒幾耐先熟，唔怕燒唔熟食到肚痛👍🏻

餐牌寫晒燒幾耐👍🏻 而且適合懶人唔洗自己燒但選擇似乎少左d 如果可以有多d選擇就好喇每串份量都唔太多，唔怕浪費食物Lunch時間食都唔錯 比較少人 上菜都好快 不過都係貪新鮮 試過一次就夠了😆😆😆

#dinner第一次食串燒放題！٩(˃̶͈̀௰˂̶͈́)疫情之下好耐冇食過放題/自助餐類型嘅嘢了，好興奮٩(˃̶͈̀௰˂̶͈́)و一坐低就有店員來介紹有咩串燒可以揀，點樣用個爐，有咩醬搽，燒完啲叉放係邊度，同埋有張紙話比你知每樣串燒大概要燒幾耐先熟，唔洗驚唔識燒或者燒唔熟ʕ •ᴥ•ʔ通常都係7-8分鐘就燒好了係落單紙寫好之後就會一盤盤串燒咁送嚟放係架上面，好靚有啲去afternoon tea嘅感覺(=´∀｀)人(´∀｀=)燒之前可以去拎飲品，除咗一般汽水果汁之外仲有鴻福堂豆漿飲(⁎⁍̴̛ᴗ⁍̴̛⁎) 每人仲有一杯haagen dazs雪糕，一啲都唔慳！串燒方面有牛🐮豬🐷羊🐑雞🐔魚🐟丸🍡蔬菜🥒甜品類🍮，應有盡有，燒得好唔好食就睇手勢啦◉‿◉ 我地個日太貪心！成日一次過放滿個爐，搞到好多都燒燶咗( ･᷄ὢ･᷅ )以下係我地覺得幾好食有encore嘅item(≧v≦)

一兩年前突然興起自動串燒，今日先同friend去試🙈燒烤最怕就係要坐喺熊熊烈火前面，㷫到紅都面埋啲嘢食都唔熟🔥有呢種串燒爐就解決到問題喇！用電熱爐嘅熱力燒熟串燒，仲可以自動旋轉，放咗落去之後就可以解放雙手等食😎·<120分鐘和你燒> ʜᴋᴅ 248 🥩肉類選擇有齊雞🐥牛🐂豬🐖羊🐑魚🐟當中牛舌、牛腩肋、豬五花同靖魚都係我地不停encore嘅選擇，有番咁上下油脂嘅肉類真係好香口😋🍡丸類同腸類選擇都好多魚肉年糕係魚蛋包住年糕，燒燒下啲年糕就會膨漲好得意，食落味道同口感都唔錯！台灣腸好香黑椒味🧂貪得意試埋豬柳漢堡腸，真係同豬柳漢堡一樣味，不過會偏咸😆🥗蔬菜坐陣唔怕乾爭爭種類雖然唔多，不過雞髀菇同冬菇已經可以滿足我，仲有本場✨MVP 燒！菠！蘿！🍍食到多汁香甜嘅菠蘿真係好幸福😌仲有放題必備日本甜薯都深得我心😚甜品類🍭係燒烤必備棉花糖，呢度就唔怕明火太大咁易燒燶，輕鬆燒到外脆內軟😎雞蛋仔唔係街邊嗰隻，比較似pancake，不過燒到外皮脆脆哋都幾得意🤪除咗串燒任食，飲品都係任拎，呢度比較多鴻福堂嘅樽裝飲品，仲有豆漿🥛感覺都下火啲😆最後的甜品包一杯Häagen-Dazs雪糕做一餐嘅完美

懶人轉轉串燒hit左好耐😚終於跟上潮流來試左一轉😛bk17:30來到都有好多位揀😉食完就發現好長人龍！所以來食一係襯早一係就一定要bk位啊！旺角舖空間唔係好大，只係約10張檯但係都唔會為左坐多啲人就搞逼啲！每張都係卡位🤪坐落闊落又舒適😇係最入面bar檯後面仲有兩張檯！半開放式空間夠曬隱蔽！唔洗擔心職員見唔到我地🤪因為佢地時不時都會望入來睇下入面啲客嘅需要👍🏻落單、上菜、收碟果啲都做得好密，抵讚👍🏻講到服務就真係比個like先得，一入座職員會先上個層架攞來放嘢食，然後教我地燒肉爐嘅使用方法同埋介紹下啲調味料😆過程都講得好詳細👍🏻調味料都有好多款孜然粉、海鹽、椒鹽、串Grill辣椒粉😝另外仲有日式燒汁係燒野食過程中落，可以避免食物過乾又可以令食物增添風味🤩除此之前仲有韓式梨汁燒烤醬同泰式魚露提供 重口味之人都可以再另外點呢兩個醬食😋Mune方面就係一張寫曬有啲咩食寫低檯號要幾多串就得👍🏻上菜速度非常之快🤪所以大家唔洗擔心走單漏單野食方面其實都算豐富，有肉類、蔬菜、丸、腸同埋甜品。第一輪職員會先上一盤肉，包括幾款牛、豬、雞翼，然後教我地點放係個爐上面，同埋提我地可以參考張時間表啲食物要燒幾耐

。。諗住係黃先幫襯下。。一入到去價錢都唔太清楚列明。。埋單嘅時候先話假期要加多$20。。食嘢落單嫌你叫得太多。。話幫你hold住張單先 點知一陣成張單都cancel左。。食到冇嘢可以再食 都唔上嘢。。過程中係咁過嚟話 轉得唔好。。食到覺得有啲煩。。本身諗住輕鬆傾吓偈食吓嘢。。店員就係咁過嚟打擾 語氣都唔好。。價錢唔抵食。。食物質素一般。。剩係得生嘢食 所以都要等一段時間之後先至有得食 唔太食得飽。。飲品唔太多選擇。。整體食得唔開心。。唔會再幫襯。。特別係一大班人過去更加唔抵食。。唔推介。。。。。。。。。。。。。

依家呢啲日子已經熱到咁想BBQ真係好難！可以係冷氣房bbq仲要冇煙、唔洗人手燒！太啱我呢啲懶人🤪一開始仲驚燒好耐先食到可能兩個鐘唔夠用點知食到飽都仲有時間剩😋食物雖然唔係話好多選擇但係其實都好夠食😛重點係食材夠新鮮而且燒完好好味啊🤩🤩佢仲提供多款醬汁同埋調味粉，自己隨心落都輕鬆做廚神🤓而且部機係自己運作啲食物可以均勻受熱，所以啲食物都燒得好靚好香🥳仲有多款飲品提供，最後仲有haagendazs食omg會否太抵😆推薦！！！