串Grill 自助燒烤專門店 (廣華街) (已結業)

同朋友兩個人嚟食任食串燒，個爐係而家都幾popular嘅自動串燒機，我哋一坐低店員就俾咗一盤唔同嘅串燒比我地燒住先，服務態度一流🥰第一串食嘅係牛舌，好好食！好香，平時食牛舌我都唔敢食太多，食太多有啲驚，但係因為佢細細粒，食完幾串都好回味😋 樣樣都好食（除咗秋葵😂），我覺得最出色嘅係雞腎、和牛、多春魚、日本甜薯、菠蘿、棉花糖、雞蛋仔。佢既肉係無事先醃定，完全係我鍾意食嘅style，出街食成日覺得啲燒烤醃定嘅肉太鹹，佢隔離仲有一堆嘅醬同埋調味料，想要咩口味自己整👍甜品黎講，燒棉花糖就唔使講一定好食，但我估唔到原來燒雞蛋仔咁好食，一串有兩粒，燒完之後外皮超脆然後內裏好軟熟，再加上熱辣辣即食，比街邊買嘅雞蛋仔好食好多，正！😍最後最後，店員仲會每人比一個Häagen-Dazs雪糕，我揀咗mango raspberry，朋友揀咗brownie macchiato，我嗰個好好食😋 食完任食燒烤再食返個Häagen-Dazs甜品，呢個價真係好值😍 留意返平日夜晚7:30間餐廳已經full晒，想嚟之前要記得book位啦😌

近排開始入秋，想bbq但又遠，見到d 人食呢類懶人串燒又幾得意就同朋友黎試下。我地特登揀左平日黎無甘多人，5點既入位都吾洗等正！環境都幾舒服，2個人左卡位，都幾大張枱夠放個五層食物物架。一坐底就有人好熱情介紹，問我地有無黎過，唔知係咪老闆黎，好nice教我地點燒，串燒放入個爐到會自轉超方便！仲有張卡上面寫曬每樣野食要燒幾耐，好貼心。枱上面仲有泰式魚露，韓式梨汁燒烤醬，海鹽，孜然粉，椒鹽同串grill辣粉可以用黎調味。一黎餐廳會比一盤肉比我地燒先，再慢慢揀食咩。M6和牛、牛西冷、牛肋腩、牛舌、鷄翼、豬五花、豬肉眼、同豬肩肋應該係第一盤送既肉。M6和牛不得了， 油脂豐富肥瘦分明，食完即刻想再encall！牛西冷油香都好重，牛舌好彈牙。平時好少會食豬，但豬五花真係不得不讚，油香撲鼻，肉質鬆軟，有少少肥真係好正！除左肉類，燒賣同雞蛋仔都係必食！燒燒賣再點椒鹽簡直一流,而雞蛋仔係好有驚喜，燒到外脆内軟，忍吾住即刻再叫。仲有燒豬大腸，一定要叫，肥肥既豬大腸燒完逼曬d油香出黎。海鮮選擇就比較少，靖魚同多春魚好食，都新鮮。最後棉花糖吾洗講啦，食到超開心呀。最後仲有2杯雪糕，已經飽到食吾落hahaove

《旺角食好西 》之食玩自助燒烤樂旺角廣華街多美食多多人氣咖啡店 台灣牛肉麵 泰國菜 越南菜 糖水……餓底 👭 今次玩室內燒烤🍢大熱天時 無需爆汗🥵嘆住冷氣食串燒放題最爽😚任飲任食 超過40多款配料自動轉 自動燒 有得玩有得食👍首先店員會詳盡介紹點樣串燒餐牌上印有食物燒烤最適當既時間👍至於調味方面 有孜然粉 海鹽 辣椒粉 椒鹽粉及醬料👍最鍾意佢哋嘅牛舌~ 切成粒狀 食落脆口多汁😋單骨雞翼~ 容易燒 香口容易食😚其他牛肋腩 和牛牛柳 台灣香腸 ………等都唔錯😆燒菠蘿 除咗甜食外 今次是落咗辣粉調味又出奇地搭喎 不妨試下 🤪另外一定要燒雞蛋仔外皮燒到好鬆脆 也不容放過呀😋有得食有得玩足兩粒鐘 最後食埋哈根大雪糕 飽飽走人😆請幫幫忙到 睇下我哋食到幾多支🍢

自助燒烤自動熟，食嘢就係咁簡單！第一次去到自助串燒，真係幾好玩，而且都算幾慳時間食嘢，一次過亦都燒到幾多！我自己覺得款式種類多，食物都幾新鮮，自己調味想點食就點食！首先蔬菜類我覺得最好食嘅係雞髀菇同翠玉瓜，想知燒幾耐大家可以喺餐牌上睇到，不過最後我哋都就咁睇佢熟唔熟都好易！翠玉瓜會好爽，燒雞比菇都好好食！燒番薯仔超甜！其次當然要講吓肉類啦，除咗牛舌之外牛肉類我都幾鍾意！我自己鍾意加椒鹽食，係燒到七八成熟嘅時候可以落一啲燒烤梨汁， 會更加香！海鮮方面我好鍾意墨魚咀同多春魚，都好好食墨魚咀好爽脆甜品唔可以少嘅係棉花糖一定要食！到最後你一定要留返個肚，因為每個人都會有一杯Häagen-Dazs，我要左蜜瓜味唔使講啦好好食！

今日行街行到好攰，好早五點幾就去咗食晚餐🙈 呢間餐廳有Happy Hour，早啲嚟食平啲又唔使等位💓 我哋走嗰陣門口條龍長到爆😂食物方面，豬牛雞都有好幾款唔同嘅選擇🥰 款款啲肉都好嫩，呢個價錢來講可以食到呢個質素嘅肉真係好抵食🤤 個人最推介M6和牛牛柳、牛舌同埋牛肋腩😍 佢地肥瘦適中，唔會太油膩，而牛肋腩係特別惹味🙈 食多左肉都叫左唔少蔬菜類嚟食，最推介食燒菠蘿同埋日本甜薯😬 燒菠蘿可以解膩 食完又再叫多一round肉🤣另外，不得不提嘅係呢度嘅燒烤機😬 啲串燒會自動旋轉，令到啲嘢食平均受熱，唔會話燒到燶曬🥰 方便易食，嘆住冷氣食到BBQ嘅質素💯醬料方面，燒到6-7成熟嘅時間就可以揸啲燒汁，令到啲嘢食燒出嚟好惹味💓亦都有泰式魚露同埋韓式梨汁燒烤醬，可以根據自己嘅口味來點🙈佢亦都有唔同嘅調味粉提供，小編最推介係串Grill辣椒粉😬 呢個粉唔辣但係會令到啲食物更加惹味！

平時出街食黎食去都係米線茶餐廳 男友話想食啲特別野 所以今次我就帶左佢黎位於旺角食串燒放題120分鐘嘅黃店 - 串grill😋 佢食完話好滿足喎其實我自己都未食過 一入到去職員就比左一個拼盤比我地 好有禮貌咁同我地講解個爐點樣用 串燒放入個爐到會自轉十分方便😆 只要睇住依張紙嘅時間燒就可以 咁哂我依啲懶人🤣 而飲品就自己出去任拎呢到冇honey 比我地搽落去食物到 但有燒汁!! 🐻🐻覺得搽多啲好味啲 特別係蔬菜類 因為燒燒下佢地會干哂 肉類就加埋孜然粉就夠哂惹味😋🐻🐻誠意推薦以下食物:M6和牛牛柳 (肉質軟稔 配埋燒汁十分不錯)荷蘭豬五花(脂肪比例均勻 咬落十分juicy),台灣腸脆身 肉質厚實彈牙翠玉瓜清甜爽脆菠蘿甜得黎冇渣👍🏻‼️但必食嘅一定係雞腎同雞軟骨 雞腎新鮮爽口 雞軟骨香脆得黎好多肉汁 好surprise😋最後有haagen dazs 雪糕食 識食一定食cookies and cream wakaka 食完係一個完美嘅句號Overall 回頭率: 4.5/5 (十分不錯)

如果你鍾意自己即燒即食 又驚麻煩燒唔好嘅話 呢間自助串燒放題就好岩你啦！有多達40款唔同類型嘅串燒比你慢慢點 慢慢燒🔥✾ 串燒星期六晚市放題 (hkd278)佢除左串燒種類多之外 環境衛生都感覺幾好 仲有tips建議翻各款串燒嘅燒烤時間 我幾推介鯖魚 雞中翼 台灣腸 雞蛋仔👍🏻 而且值得加分係店員服務好貼心♡不過要改善嘅地方係個烤爐真係轉得好～慢😂 心急嘅人要留意一下啦🤭 建議1-2人黎就好 如果3個人以上黎就真係有排先食到飽🐌

懶到出汁BBQ🍖🤣🤣🤣-晚市成人每位$248 (平日) 串燒同飲品任叫任攞，包一杯Haagen-Dazs雪糕，都算抵食🥰一入座老細就教我地點落單同放啲野食落去燒，基本上淨係需要擺佢哋落去燒🤣佢就會自己轉，所以燒得好勻巡🥰店舖仲有張紙寫曬啲「燒烤時間建議」，咁就唔怕燒得唔夠熟/燒燶啦～👏🏻💕-枱面有好多粉同醬汁任君選擇，個人最推薦食鹽+孜然粉+辣粉mix埋一齊🧂🤣🤣又鹹又辣，好惹味嘅呢～😋-有好多唔同種類嘅飲品任君選擇，有汽水、茶同鴻福堂，可以下下火🤣-食材方面，牛舌、雞腎同雞軟骨真係好好好好食！好有咬口同好重肉香味🥰菠蘿都好好食好多汁～去埋皮比你，燒完之後啲汁好似仲旺盛啲🤣我哋食左幾round🤣

收左消費卷緊係要狂出街食下野，刺激下經濟，呢期食串燒食上引，今晚又同阿女出動去旺角 串grill ，之前去過另一分店食過，覺得係可以返踔嘅愛心食店😆。呢間店係正旺角最旺區嘅地下鋪，鋪頭細細，目測大約只有5至6枱，所以想食一定要預早卜位。我地卜左5:30，去到已經全場坐滿，好彩一早卜左位😋。呢度嘅爐係將串燒自動轉動，所以食得好自在，使到每一串🍡🍡🍢🍢串燒底面都平均受熱，燒到6、7成熟就查些小蜜糖燒汁，再翻兩翻就可以食架啦😋呢個時段$208再加一，就120分鐘任飲任食。入座後即刻爭取時間，先每樣肉類都點兩串，睇下邊啲可以返踔🤣⋯⋯M6和牛、牛西冷、牛舌、荷蘭豬五花，今晚鎖定呢幾款不停order ， 牛舌有咬口且味濃、M6和牛同西冷，入口油脂豐腴，油香四散，有牛味之餘又淋滑；豬五花，一層肥一層瘦互相交疊，入口鬆滑，燒過後嘅肥肉消減不小，非常甘香，一啲都唔會覺得肥溜👍🏻。雞皮同雞軟骨都係可以推介，雞皮燒過後，脆卜卜，酥香可口；雞軟骨必定係串燒必食，好鍾意咬倒果舊軟骨，卜卜聲。食左一輪肉食後，開始燒秋葵、鮮冬菇、雞脾菇，甜薯同菠蘿，清清味蕾後再同啲肉大作戰😆。雞脾菇，越燒越香，口感又爽又滑溜，菠

串grill自助燒，係朋友推介我試既一個新餐廳。懷住好奇既心情，去一探究竟.餐廳如其名，主打串燒為主。首先值得一讚，係款式夠多！雞羊牛豬海鮮，樣樣都有。蔬菜茹類，應有盡有。基本上，平時係街叫到既，呢度都叫到黎燒。實在滿足到大家貪心想每樣都食下既心理。而自助餐既特色，就真係全自動。每部機可以燒大約十串。自動旋轉，唔怕受熱不均而半生熟。燒一轉大約六至七分鐘。只需要自動預好時間，較個鬧鐘。夠鐘就可以放開懷抱甘大吃。一個字，爽呀。而自助燒又唔怕傾計傾耐左，唔記得幫串燒返另一面再燒。設計貼心。加上調味粉有多種，燒汁海鹽辣椒粉，隨自己口味添加。燒出個人獨特口味。實在特色滿滿。當然，食物質素都十分高。店家比既肉，色澤及油脂分布平均。絕對唔會係下價肉。牛舌同牛西冷係必點！因牛味十足，入口陣陣肉香。而豬肉眼較嫩滑多汁。口感甚佳。燒雞翼更係我哋港人至愛至一。燒到皮脆肉嫩，香口惹味。當然，唔怕肥仲可以燒雞皮。咬落香脆可口，又一絕作！如果你中意魚，仲有多春魚同鯖魚添！一晚上，同朋友開懷盡情食，簡單開心又盡興！

每次經過廣華街見到呢間串燒店都會想試吓，香港好似唔多呢一種串燒餐廳見隔離餐廳咁多人排隊，我哋就轉場去咗呢間串燒餐廳一試！入到去餐廳環境比較細，雖然係串燒，但比想像中油煙味唔算好重，入到去店員就安排座位後，介紹點樣點餐同燒串燒▧ Menu菜單上嘅選擇比想像中唔多，有豬牛雞海鮮同丸等等，好可惜本身想食嘅羊肉串暫時未有提供😔除咗肉類方面，仲有蔬菜類，如果蔬菜類可以提供更多就更好啦👍🏻▧ 串燒烹調時間店員都好細心提醒可以參考返串燒建議烹調時間嘅餐牌😊聽到隔離枱用手機計時，我哋都建議參考返烹調時間，因為我哋冇參考到，導致部份食品燒得過熟，就會比較乾身▧ 調味料以及醬料側邊分別有粉狀嘅調味料以及醬料可以調味，粉狀調味料分別有孜然粉，鹽，味椒鹽，串Grill 辣粉👌🏻▧ 日式調味醬汁店員話當串燒燒到七八成熟嘅時候，就可以好似BBQ蜜糖咁，搽上呢一款日式調味醬汁▧ 推薦串燒菜式牛舌夠爽口，豬五花有油脂，燒起黎好香口，另外仲有雞軟骨都非常之好食，推薦菠蘿甜酸甜酸夠juicy，當食到覺得有啲油膩嘅時候，可以燒翠玉瓜同車厘茄，雞髀菇▧ 飲品飲品方面種類都唔少，可以任拎任飲▧ 雪糕店員最咪見到我哋差唔多食完嘅

之前去過觀塘嘅串燒燒烤店令我失望而回， 今次嚟到旺角試下呢間燒烤店睇下會唔會有驚喜。味道嚟講我會推介牛舌＆牛柳粒 ，肉味濃郁又幾Juicy。 不過其他食物就比較一般， 太乾身。 呢到d串燒好似全部都冇進行過先前調味， 所以唯有靠醬汁同調味粉嚟調味， 導致無論食咩都係差唔多味😢 而且部分串燒串得比較求其， 燒嘅過程中會掉落。比起其他放題店，依度d飲品款式也較少，只有常見嘅幾款汽水， 道地烏龍茶和豆漿。 由於店舖空間較細，目測只有約4張4人枱和一1張2人枱， 所以人手算是足夠，每次下單很快就能上菜。 但係由於燒烤爐空間不足， 我哋四個人每次燒烤淨係可以每人食兩三串左右， 令速度非常慢， 兩小時過後仍未食飽😥 後來發現我哋嘅4人枱和2人枱的燒烤爐都係一樣大， 相較之下顯得四人放題不化算。。。另外服務態度都唔係咁好， 明明仲未夠鐘， 已經不停催我哋離開。衛生方面， 呢度都比較殘舊。 點餐紙明顯已經畀人用過好多次， 成張嘢立黐黐。 而且飲管放咗喺收銀處隔離，又冇用蓋蓋住積咗唔少塵。總括而言， 我個人認為呢個價錢(約$270)換嚟咁樣嘅食物和服務質素實在係唔不值得。

同朋友行街，突然間好想食串燒，於是就係附近random揀左間串燒店試下。呢度係串燒放題，120分鐘仼食任飲，我同朋友2個人一張枱一個爐，所以就算燒烤需時，但都夠我地食飽。串串放落爐度會自轉，可以由得食物係一邊自己燒，我就同frd傾計，就係要留意串燒支叉要卡啱位先會自己轉，而且有張紙列明曬所有串串嘅燒烤時間，唔使驚自己會燒過濃。呢度有燒汁代替蜜糖搽肉串，但我都係覺得唔夠味，所以我會點完魚露再點孜然同辣椒粉，甘就夠曬惹味啦。我最推薦日本甜薯、菠蘿、台灣腸、雞軟骨，多春魚都可以一試，而雞軟骨係我心目中top1，燒完食落好脆，而且仲有啲肉汁，好驚喜！ 台灣腸既水準亦很高，唔似街邊貨，食落亦好有肉香味，燒完再沾孜然粉，非常惹味。而日本甜薯食落香軟甜香，亦唔洗燒好耐，我一口氣食咗好多串。另外，值得一提既係菠蘿，香甜Juicy, 而且無渣最後有個haagen dazs雪糕做甜品，我揀左蜜瓜味，蜜瓜味超濃郁，即刻滿足埋第二個胃。

今日同朋友去旺角行街，行到大约5點半想去吃晚餐，途經廣華街的串Grill自助燒烤專門店，大家都想食燒烤，就走左入去。店內環境乾淨整潔，沒有一般燒烤店的油淋淋的感覺，好舒服，服務員安排我們入座。服務員先上頭盤，包括各種肉類，有豬牛雞和蔬菜等，再同我地講解燒烤方法，一啲都唔hea，原來有張卡詳細列出各種食物的燒烤時間，不怕燒到過曬時都唔知。我同朋友先把各種串燒放在爐上，發現串燒會自動轉動，不用我們動手，是真正的懒人燒烤。我們一邊燒一邊等食，十分舒服。食完仲可以任叫任食，每款食物都好好味。可能是因為不停轉動，每一串肉燒出來都非常均匀，味道好，肉汁美味。桌上還有很多不同的調味料，有辣粉、孜然粉、燒烤醬和泰式魚露等，滿足我們的需要。串燒鐵籤非常乾淨，用手拿着不會有油淋淋感覺，真是抵讚。食完之後，仲每人有一杯雪糕，能夠照顧埋飯後甜品，可以話是畫上完美句號。

睇到附近有間串燒放題就試下 好似幾過癮咁佢依家串燒放題係任飲任食嘅 舖頭比較細 但都坐得舒服嘅 未開始落單嗰陣時候佢哋都會準備好一盤食物俾我哋同埋順便會同我哋介紹吓枱面啲醬汁係點用嘅 好貼心而且服務一流佢話個燒烤爐上面有齒輪 只要你一放個串燒落去佢就會自動轉 咁樣嘅話就可以令到啲食物燒得平均好多唔同種類嘅調味料 有味椒鹽 辣椒粉 海鹽 孜然粉 都少咗咁上下就可以落呢啲調味料 咁就可以令到佢每樣嘢食更加惹味 另外佢食物嘅種類都幾多 肉類嘅選擇都有豬牛羊雞 海鮮蔬菜嗰啲佢都有 我十分之推介燒菠蘿 酸酸地但係好Juice燒雞皮 燒到脆卜卜好似食緊薯片咁 豬大腸 燒到外脆內軟 口感豐富棉花糖 燒嘢食必然會點嘅一個甜品 燒到金黃色勁靚除此之外其實佢啲肉類燒完出嚟 每舊都燒到岩岩好鎖到啲肉汁係入面不過最估唔到嘅係有啲我諗唔到嘅嘢食原來都可以攞嚟燒嫁 就好似雞蛋仔同埋燒賣咁 都幾驚喜