串Grill 自助燒烤專門店 (廣華街) (已結業)

最近突然想食肉類任食嘅自助餐👀，所以就嚟咗呢間位於廣華醫院🏥附近嘅自助燒烤專門店。第一次食呢類淨係串燒嘅自助餐，比想像中方便同埋乾淨，而且冷氣好夠唔會令人覺得焗熱。感覺似去barbecue 但係有比較舒服既環境同埋唔洗生火或自己轉動食物。店舖地方唔算大，所以唔會太多人或者嘈吵，雖然枱唔算多，但座位都算寛敞，職員有清楚講解自助燒烤爐既用法以及注意事項，燒烤爐方便易用而且唔會整到周圍污糟。食物種類尚算繁多，除咗基本既豬牛雞同各種丸之外，亦有羊肉、海鮮以及蔬菜等等。我自己比較鍾意食嘅有外脆內軟既棉花糖同燒賣、口感唔錯嘅和牛牛柳以及又香又滑嘅豬五花👍。環境以及食物唔差、煮食方法有趣方便而且職員友善，整體來講值得一試。

餐廳位置方便，位於旺角廣華街，係油麻地站A2出口步行約6分鐘就到啦👍今日係星期三，大約5點半到餐廳，價錢$208一人（Happy Hour 7:30前離坐），餐廳運用自轉式燒烤爐，可以360度轉，確保燒得均勻，唔會燒燶，真係好方便， 岩曬d懶人🤩侍應態度好好，一坐低就好細心講解點樣燒烤👍我地一落完單，幾分鐘都唔洗就將串燒送到枱上，而且又冇漏單，真係值得一讚！枱上亦放左唔同嘅調味粉同醬料，可以根據個人喜好黎調味，加落串燒度食更惹味🤩任食食物：分左牛、豬、海鮮、雞、羊、腸、丸、菜、甜品九大類別，我地數過有成超過40款食物可以選擇，我同朋友都試左大部分食物，基本上每款串燒都好正，推薦食物👇😍M6和牛牛柳、牛舌、美國牛肋腩、多春魚、荷蘭豬五花、雞卷肉、雞軟骨、雞蛋仔枱上面重有一張燒烤時間建議，比客人知道食物需要燒幾多分鐘，好貼心😍任飲：雪櫃有多款飲品，有支裝有罐裝，例如有：豆乳、可樂、菊花茶、凍檸蜜、OOHA用餐時間最後30分鐘last order，每人重會送一杯Haagen Dazs雪糕🍦，令到今晚有一個完滿的Dinner🍽大滿足💗

今日同朋友心血來潮想食燒肉放題諗起成日經過都見到依一間串Grill之後就衝左入去試下試5點半黎到已經好多人食緊每人$208加一😁😁😁咁早都唔少人已經bbq緊一入去店員已經細心介紹餐廳教埋點樣燒同有咩醬料成個過程非常貼心好好禮貌同態度一流值得一提係依間燒肉店唔似係其他餐廳咁大煙味仲要係唔洗自己燒自己反燒得均勻又方便依樣好正一黎到已經串好晒特別推介美國牛筋腩菠蘿雞蛋仔 (香脆甜)甜薯蛽任食 2個鐘包你飽到爆炸而且野飯仲任飲添呀😍👍🏻😍👍🏻棉花糖都有得燒 真心正!平時係出面唔係燶左著火就跌左落爐依一到就唔會發生依d事而且燒得好好食 外脆內軟牛唔洗燒太熟見到50%就啱啱好 好好食食咁多野2個人埋單只係$457炸💃🏻💃🏻💃🏻💃🏻💃🏻💃🏻💃🏻💃🏻💃🏻💃🏻💃🏻

今日星期三又撞正打風前夕 , 相約早收工既朋友晚餐短聚就想近近地旺角搞掂佢 , 一齊行左陣好景轉入廣華街見 串GRILL就入去試下麻雀雖小 , 五臟俱全全場大約7-9個卡位全部野飲自助拎 , 酒精飲品除外120分鐘串燒放題 , 餐牌簡而精爐位夠熱 , 自行調教火力大細調味粉 , 醬料等一應俱全值得一提的有多春魚, 墨魚嘴 : 新鮮 , 前者香脆可口 , 後者爽口彈牙 , 爽食後再加單蝦卷 : 一串4舊 , 脆得黎蝦味重 , 好推薦雞卷肉 : 肉嫩 , 油脂豐 , 沒雪臟味美國豬肉眼 : 肉質肥美 , 油脂入口滿滿豬大腸:肉厚 , 洗得乾淨無怪味, 轉烤到外皮薄脆內裏依舊充滿肉汁M6 和牛牛柳 : 主角之一 , 油脂極豐 , 肉味香濃 , 好有咬口紐西蘭牛西冷 : 主角之二 , 脂肪均勻 , 惹味香口 , 個人鍾意配椒鹽或魚露佐口 更佳雞蛋仔 : 必叫之選 , 味佳又不會太甜 , 烤2-3分鐘食得臨尾會人頭送一客哈根大師 , 有幾款口味你揀總體唔錯 , 俾 8/10 分

成日行過見到隻連豬🐷，想幫襯和你燒好耐自助串串燒烤，放完上去咩都唔使做就有得食啱哂我呢啲懶人😜串串燒款式都唔少，好想每款都試吓飲品就自助，有OOHA啊～出面成十幾蚊，緊係要飲返夠本啦🤣WOW 見到啲肉嘅顏色就口水都流埋😋佢仲有個好搞笑嘅濕紙巾🤣記住唔好唔小心袋走咗，會俾人誤會🙈佢地提供幾隻調味粉，隻隻都好出色本番來了！！除咗肉類其他都好好味😋可以自製椒鹽炸燒賣👍🏻👍🏻👍🏻仲有串Grill自家製燒烤醬👍🏻👍🏻👍🏻睇住佢地轉吓轉吓都幾治癒最後仲有雪糕送，大滿足😋

機動自轉式燒烤爐，好方便，岩晒J妹呢啲懶人🤭 而且自動旋轉燒烤，食物360度都受熱得平均，無咁容易燒燶，又可以全方位烤熟！任食 ：燒烤食物類別，分有9類，估唔到有得揀棉花糖同雞蛋仔！任飲：飲品有菊花蜜、可樂、OOHA等等，仲有放題少有供應的豆漿我哋食咗：M6和牛牛柳 (👍🏻)紐西蘭牛西冷 (👍🏻)美國牛肋腩 (👍🏻)牛舌 (好嫩👍🏻)雞卷肉(惹味👍🏻)雞皮(燒得脆卜卜👍🏻)菠蘿(甜👍🏻)荷蘭豬五花 (👍🏻)雞蛋仔(甜👍🏻)棉花糖 (👍🏻) *留意燒得耐，開始溶會容易跌日本甜薯(甜👍🏻)蝦卷(香口👍🏻)每人仲會送一杯Häagen-Dazs迷你雪糕🍨_______________❣️LAST ORDER ： 每個時段完結之前的30分鐘❣️星期一至四 HAPPY HOUR7:30前離座 $208晚市時段 $2489:30pm後入座 $218❣️星期五、六、日、假期及假期前夕7:30前離座 $238晚市時段 $2789:30pm後入座 $248❣️星期六，有午市時段， 3:00pm前入座 $198_______________串Grill 自助燒烤專門店 (廣華街) (旺角)旺角廣華街2-20號翠苑大

居酒屋大家就食得多，通常有人燒串燒俾你，但係呢一間係一間可以自己動手玩嘅串燒放題😍麻雀雖小 五臟俱全👍🏼舖頭空間不算好大，但勝在設備齊全，卡位、廁所、自助飲品機，一應俱全💝進餐時間兩個鐘，同朋友飲吓嘢，都唔使擔心冇廁所。😆款式眾多 自由下單🍽餐單很清晰，將食物分類，例如蔬菜類、甜品類、牛肉類、豬肉類等等，令人一目了然。👀下單嘅時候只需要寫上想叫嘅串燒數量，店員就會切好一盤盤送上。😋餐廳提供多種醬料，烹調是可因應個人喜好塗上醬料，不同款式嘅肉可以煮出唔同嘅味道！仲有台灣腸，冇得去旅行就當去咗轉台灣🤣火力充足 等食期短🔥烤爐火力集中，而且可以同一時間擺放超過十串串燒，仲識得自動旋轉，唔使驚唔識燒，亦都唔使驚燒燶， 十分方便😍一路嘆住冷氣，一路食住野，一路燒串燒，正！飲品多元 自助清熱🍻飲品唔係剩係得汽水，仲有涼茶，或者另外加錢叫啤酒🍻食串燒少少熱氣，飲住涼茶就冇咁大罪惡感！最後仲有haagendazs雪糕食！大滿足😋😋玩味十足的濕紙巾🤣💛

食物質素差到一個點。牛羊豬就中國冰鮮肉，冇味，係叫食得落口。啲丸就利害，乾到以為食緊肉乾。蜆肉就直頭唔新鮮有尿味。食物種類算少。環境方面，地方算逼，坐得唔算舒服，加上我哋坐咗喺儲物房隔離，一餐飯起碼要移櫈俾waiters 入房拎3-4次野，不過小店地方淺窄，可以理解。至於服務，大家同路人先幫襯你，你真係夠膽死成間鋪一半吉枱都出聲趕客，吹脹。埋單人均消費270 左右，唔係話好貴，但咁嘅質素，評論話抵食，好食果班，仲記唔記得咩係良知？唯一可以叫好食，係杯Häagen-Dazs雪糕，講完

喺香港都好少食呢類型嘅串燒店, 因為以前都比較多喺內地食, 今日同同事放工試試呢間餐廳解解串燒癮。呢間鋪頭好細, 只有5-6張枱, 如果想食最好book定位先, 入到嚟有餐牌可以點野食, 限時內任叫, 雖然款式唔係太多, 但豬牛雞羊菜都有晒, 我個人而言最鍾意就係食佢既牛柳粒, 呢到既肉大部份都係冇落醃料, 追求重口味嘅人可能就冇咁鍾意, 但係我認為咁樣可以更加清楚食到肉本身嘅鮮味, 肉味夠嘅話落少少鹽已經好好食。鋪頭內係用自動燒既形式, 將串燒放係爐上就會自動旋轉, 而且可以調校爐頭嘅火力, 我自己個人就非常之喜歡食辣, 而且佢呢度都有辣粉提供。燒既過程油煙都唔會好大, 而且熟左既食物可以放喺上面個架慢慢食。店員既反應都好快, 可能係因為間舖頭唔大嘅關係😂。

今日朋友帶咗我去佐敦道一間串燒餐廳，聽落都冇咩特別感覺，去到之後見到門面都幾吸引，入到去又見到座位唔係太多，細細嘅一間餐廳；坐落之後服務員好細心咁講解一吓餐廳嘅串燒食法；重即刻拎咗個串燒頭盤嚟，我哋試下將呢啲串燒擺落個爐嗰度，嘩全部都會自己轉㗎，真係可以不經人燒嘅串燒呀！我哋只係需要睇下啲肉燒好未，塗上唔同嘅醬料，完全唔需要點樣理佢；咁多時間就當然要睇下有咩飲呀，我發覺飲嘅種類都好多吓，有有氣嘅有冇氣嘅有兩個雪櫃咁多，攞完想要嘅飲品，就不停咁樣試食唔同嘅串燒，足足食咗個半鐘頭有多，試咗超過50串不同嘅串燒，覺得最好食嘅就係M6和牛，五花腩，雞蛋仔，棉花糖，雞腎，雞卷，燒菠蘿，燒甜薯，燒豆卜同埋台灣腸等等。飲嘢方面最吸引嘅就係OOHA，和燕麥豆漿，OOHA有4款，真係好好飲；食到飽飽諗住埋單走人喇，嘩原來仲有驚喜嘅Häagen-Dazs雪糕食，重有四款味道任揀，真係大滿足呀。仲要一題就係嗰個濕紙巾呀，真係用得好有feel！

一早book咗位食懶人燒嘢食，咩叫懶人燒嘢食，就係咩都唔使做就可以食到嘅燒嘢食，放啲串燒喺上邊，跟住就會自己轉動轉動轉動…開頭覺得好似好耐先熟，等好耐..不過過咗幾分鐘過路開始熱，都好快就熟，同埋又將時間表，每一串要燒幾耐幾多分鐘都會列晒出嚟，唔怕過熟同埋唔怕太生。重點啊梗係要講一講個醬油啦，佢有三個醬，有泰式魚露，韓式梨汁執燒烤，同埋普通燒烤醬。仲有四樽調味粉，秘製辣粉，孜然粉，椒鹽粉，海鹽。我覺得啲肉查咗燒烤醬，跟住再落孜然粉係最好食嘅，好入味，提升左肉嘅味道。不得不提就係翠玉瓜，燒翠玉瓜非常之外脆多汁，Juice到爆，同埋食得多肉食下瓜可以中和一下，可以再戰肉肉串😂😂最後食埋雪糕就好Perfect啦，係Häagen-Dazs嘅朱古力味呀。

感覺呢幾日想食啲熱氣嘢，上網揀咗呢間食燒烤，好彩有book定位咋，因為間舖頭唔算好大，枱唔係好多張，行入去全部枱都滿座。揀呢間嘅原因仲有佢係用全自動燒烤，感覺都幾新奇，將烤串放上燒烤架上面，佢會自動旋轉燒嘢食，真係啱晒懶人燒烤。值得一讚嘅係侍應上菜都好快，落咗單幾分鐘就即刻上到，而且冇一張都冇漏單，快靚正！一坐低我哋係咁叫，乜都叫啲試吓，我個人覺得值得推介嘅有雞腎，食落好爽口，秋葵同翠玉瓜，好Juicy同清甜，配埋熱氣嘅燒烤都唔錯。仲有魚肉年糕我都encore左好多次，一串嘅份量只係1.5舊， 其實唔多，但配上串grill 辣粉同味椒鹽就令我食極唔停口了。飲品方面我就推介鴻福堂嘅燕麥豆乳，好似平時冇乜喺超市見到過，佢真係幾有燕麥味嘅，口感都幾香濃唔錯👍

平日放係到燒既串燒係咪已經好悶呢！旺角有間全新體驗的串燒店，一次過可以幫你轉埋反埋串燒，滿足你8個願望！食物更加係用層架疊起，包你唔會漏左任何一個。食店亦都會為食客提供約6款醬汁，想「點」乜就「點」乜！

我已經幾年都冇食過燒烤或者串燒，因為通常都會諗到會好熱，同埋會燒到成身好臭。嚟到串Grill先發現依家有d咁方便咁新奇嘅自助燒烤，食完出番嚟完全唔臭！一入到店內，即刻覺得冷氣好充足，絕對唔驚燒到身水身汗。而且座位闊落，環境乾淨，感覺好衛生。開始燒嘢食之前，店員好親切有禮咁介紹燒烤嘅方法，未試過都唔會尷尬唔識整。😂我地一開始就擺滿曬十幾串肉落去燒烤爐，擺咗落去就唔洗理！真係超方便！個爐會自動慢慢咁轉動每一串串燒，可以非常均勻咁燒，唔洗驚會燒焦😂😂食物方面，種類繁多，肉類豬牛羊雞有齊曬，腸仔丸類都有好多款，每樣食齊曬一round都已經好飽好滿足😂 我最鍾意係M6和牛牛柳，牛味香濃，肉汁豐富。同埋魚肉年糕，燒完外面好香脆，入面D年糕好軟糯，外脆內軟☺️另外燒波蘿同雞蛋仔都十分推介。波蘿好甜，多汁，食完可以解膩消滯。雞蛋仔外脆內軟，好食過街邊買😂飲品方面有下火嘅菊花茶、豆漿、汽水等等，好多選擇。醬汁同調味粉都有好多款，我覺得韓式梨汁燒烤醬好好味，甜甜地，同好多肉類都好夾！仲有Haagen Dazs 雪糕食🤤食完真係好好玩，過下燒烤癮之餘，唔洗驚燒到燶曬，真係好新奇嘅體驗🥰

今晚突然想食啲香口嘢就諗到呢間一直未有機會試嘅串燒店，好彩黎得早可以walk-in，大家黎食之前最好都book定位先，事關我地坐低冇耐，陸陸續續已經有預約左嘅食客坐滿成間鋪呢種燒烤爐真係啱晒懶人，就咁成串擺上去就識自己轉，仲燒得好均勻冇平時人手燒咁易燒燶，喺呢度真係要讚下講返食物，常見嘅豬牛羊雞海鮮當然少不了，竟然比我地發現仲有棉花糖同雞蛋仔供應擺上去燒兩燒再流心嘅口感認真過癮，但大家記得唔好燒太耐，唔係嘅話會融晒落台面。成個爐都係肉串，望到都流晒口水，肉醃得好入味，基本唔使點落調味料都好夠味。哈哈，睇下我地唔驚唔覺已經差唔多塞滿成個簽筒，大滿足飲品方面，舖頭大多數都係提供枝裝飲品，免卻我呢啲要飲大量水嘅人要行多幾轉。最後仲會有哈根達斯雪糕做甜品結尾