串Grill 自助燒烤專門店 (廣華街) (已結業)

呢一間串燒店非常特別，唔止任食， 仲要有得玩！餐廳提供特製嘅燒烤爐，串燒籤都有一個齒輪位，卡住就可以自己轉動，又方便又唔怕啲食物燶~非常貼心嘅設計！ 食物可以均勻受熱，又唔使好似傳統嘅燒烤咁自己係咁轉， 一路同朋友傾偈，一路等佢差唔多熟就可以掃燒烤醬，當玩埋Cooking Mama添！火力夠熱夠大，一個唔留神小心變咗玩overcooked😆 任食店嚟講，肉類比起其他店舖更加新鮮，可能貨源去得快，例如多春魚呢類講求新鮮度嘅食物，絕對唔會腥或者覺得唔新鮮，性價比十分高~當中我覺得最優秀係牛舌同埋頭盤上嘅牛肉粒特別出色，其他例如雞膝頭雞腎、豚肉等等都好好食！最後仲有透心涼嘅雪糕，食完燒肉最適合食返個凍嘅甜品，而且唔係雜嘜牌，係 Häagen-Dazs，實在喜出望外 ^_^ 總括而言，呢間串燒店食材高質，任食又食得飽，有得食又有得玩，仲要價錢合理，絕對推介😉

見到有『澳州和牛』，『黑毛豬』，刻意訂座去燒一燒烤，感受一下久違的燒烤樂趣。有四十二款食物選擇，有兩款食物沒有提供，而這兩款當中，『墨魚咀』是我特別喜歡吃的。店員安排好座位後，已經好主動來了一份肉類頭盤，幫我開埋燒烤爐同示範放燒烤串的方法，超有心。真心講，今餐吃得很飽。原則上，這裡的食物都起碼吃過一遍:肉類:美國牛肋腩、雞肉卷、墨魚咀蔬菜：秋葵、翠玉瓜、菠蘿等等小食:  棉花糖、雞蛋仔飲品方面有無糖茶、紅茶、可樂、豆漿，都有不少選擇。燒烤醬料方面有韓式梨汁燒烤醬，泰式魚露。調味料有味椒鹽，串Grill辣粉，海鹽同孜然粉。我比較推介牛舌，雞軟骨，豬大腸，青魚，菠蘿同棉花糖。坦白說，燒烤除了食材要新鮮，同時都講事究燒食物的功夫。雖然燒烤爐具本身有轉動食物的功能，但是也要靠大家用心去燒。這燒烤店附上一份燒烤時間的建議指南，很適合新手參考。當然小店也有進步的空間: 食物如果太大件，爐具不能盡用空間燒食物。不能盡用空間燒食物，四人同桌，未必能盡情飽腹。如果你不能把握燒烤食物的時間，坦白說，你會浪費很多食物。在燒烤的過程，肉汁慢慢流出，令人垂涎三尺，食指大動。牛舌，雞軟骨，豬大腸: 香口，外脆內嫩

今日去到旺角食串燒，入到去發現舖頭都幾細下但座位非常之闊落，估唔到食串燒都可以嘆住冷氣咁舒服，啱晒夏天去！一坐低店員就會介紹唔同嘅醬料同埋點用個壚，只需要將串燒放入適當位置就識自動轉，完全係懶人食法唔使給油煙同用力燒！如果男朋友應該會好開心，因為唔使幫女朋友串燒！重點係肉質非常驚喜，肉味好香唔會有醃味/雪藏味！食落去配埋唔同嘅調味粉或調味醬，無論你重口味定淡口味都岩食！我重點咗雞蛋餅，燒完之後個皮好脆入邊軟綿綿，好好食！而且仲有燒賣、台灣腸、墨魚咀等等，調味亦可以跟個人口味去選擇飲品選擇亦非常之多，有茶、雪碧、可樂、檸檬茶、菊花物、豆漿等等應有盡有！100分鐘任燒時間非常之夠！

串Grill 自助燒烤專門店（旺角廣華街）🔸串grill 係任飲任食串燒店，食物款式大概有40多款，每款食物都有建議既燒烤時間，放上串燒機就自動燒熟，懶人唔使煩之大恩物😂🔸食材選擇多，食肉獸的朋友唔使擔心食唔飽，海鮮、肉類（豬、雞、牛）蔬菜都有！每款食材都好新鮮😍特別係牛類，肉味都偏濃 特別推薦牛舌☺️encore 左幾次牛舌 🔸其他款式 墨魚咀，菠蘿，魚肉年糕，雞軟骨都好🤤🔸飲品選擇都極多，罐裝汽水，樽裝涼茶（解熱氣下火 好細心）同埋 好特別會有豆漿🤗整體來講 每個侍應服務態度都好好好，環境方面每個卡位都好寬敞，燒既時候又唔會有油煙味，食物質素都好幾高質😀肉類無雪味 而且好新鮮 即使唔落調味料都覺好好食❤️

🍡呢間串燒一早就想試，因為之前疫情關係一路冇晚市，終於可唔可以開頭男朋友去食呢間好多人排隊，好彩我哋一早6:30就到咗，唔使等位就入去😝裏面嘅座位唔多，所以大家記住提早訂位😉呢度串燒可以就咁放上個爐自己轉，方便啱晒我呢啲懶人👍🏻飲品提供嘅種類都唔小，有支裝嘅凍檸茶、凍檸蜜、菊花蜜同多款唔同嘅汽水🥤牛肋腩同埋牛舌都好值得推介，唔會好硬，有適當嘅肥肉混合雞軟骨都燒到好脆佢個Menu上面好好有寫每一樣嘢燒幾多分鐘同埋都有幾款唔同嘅調味料可以自己加，可以加辣椒同埋燒汁我覺得最正嘅就係燒棉花糖同埋雞蛋仔雞蛋仔裏面有朱古力🍫唔會太甜，外脆內軟同埋店員啲禮貌都好好，一去到坐低都有教我哋用邊啲醬料會比較好食😋，但記住一定要早啲book位

終於開返晚市啦，平時一直book唔到依間高質串燒專門店，今次決定留返個肚，同女朋友book咗5:30撐枱腳位置非常方便，旺角廣華街，就喺廣華醫院附近，店面唔會話好大，座位唔多，所以我哋預先就訂左位，可以食足兩個鐘😎首先店員送咗一輪肉類頭盤過黎，同埋詳細介紹左燒烤爐嘅用法😋燒烤醬料方面有三種可以選擇，燒烤梨汁，泰式魚露，韓國燒肉醬。個人推介魚露，特別香調味料有椒鹽，海鹽，孜然粉，辣粉可以選擇🤔比較鍾意食物都係冇用醃料，原汁原味咁等我去調味肉類方面，牛肋腩同埋豬五花，肉質都唔錯，烤香左，味道幾正，肉汁會噴出黎，😛加埋椒鹽辣粉一流牛舌極都值得推介，整成串燒咁嘅方形狀，非常好咬口雞軟骨豬大腸燒雞皮，三樣都非常好食，超級香脆，極度推薦。😏海鮮方面比較推薦墨魚咀同青魚，好咬口好味蜆肉唔建議食，細粒嫲嫲地😣總體來講，人頭228一位，都幾抵食，值得一試

因為呢家禁堂食，所以呢間餐廳要係4點前入座，閒日每位$208，各位如果想食bbq，而又懶得燒嘅話，呢間餐廳最適合不過啦！因為師傅會幫你吉好晒啲串燒，然後自己放上個齒輪到慢慢轉黎燒，而且每樣食物都寫左應該燒幾多分鐘最為適合，完全唔洗擔心容易燒到燶嘅問題！另外，啲調味料都係自己落！唔洗擔心因為師傅調味得太鹹太淡嘅味道，完全係親力親為添架！食物款式都好多，除左有豬牛雞羊蔬菜類之外，仲有棉花糖燒添呀！有幾種食物較為突出想推介- M6和牛牛柳（7成熟）：牛味香濃，非常juicy，咬落去好淋好好食，千奇唔好燒太熟呀！如果唔係會韌架！- 雞中翼：食落去雞皮有少少焦香+香脆嘅感覺！基本上茶少少燒烤醬，就自己好入味啦，完全唔洗額外加調味粉～- 日本甜番薯：食落去好甜，係天然甜個隻，連燒烤醬都唔洗茶添呀！原汁原味仲好食！- 棉花糖: 燒到金黃色，睇住佢愈燒愈漲大嘅感覺，真係好吸引，垂涎三尺🤤呀！- 台灣腸：燒耐左啲肉汁慢慢bit晒出黎，有滋滋聲嘅感覺，再茶啲燒烤醬食，真心一流最後，啲飲品都係出去自己拎，款式都好多。有興趣BBQ而懶得成日拎住支叉燒嘅朋友，呢間餐廳絕對適合啲懶人用呀！

當日同一個朋友黎旺角廣華街呢間串燒店食串燒，因為我地係7:30前離座，都係$208一個人（平日），非常底食，滿足左我食燒烤又唔想去郊野公園燒的燒烤癮。餐廳環境唔大，但坐落都好舒服，每檯人都係一張卡位，唔會同附近的食客太近，同埋環境都企理。進食時間有120分鐘，每一樣嘢食都係大概燒7分鐘左右，兩個人食有突，如果係四個人食就可能要燒得勤力啲，但我地慢慢食吹下水，進食體驗唔錯食物選擇不過不失，甜品都有平時燒烤必備的棉花糖，竟然會有雞蛋仔，食落又真系唔錯，外脆內軟，超驚喜。食物都有水準以上，對得住價錢，亦都有M6和牛牛柳，肉味濃又唔會有筋。而最正嘅一定係脆玉瓜，加埋薑黃粉等等調味，真系超級惹味。最後食到未都有一人一個的haagen-dazs，滿足滿足。

串Grill係我bookmark咗好耐嘅一間放題餐廳，之前係ig見到有好多foodie都推介呢一間係比較特別嘅放題餐廳，因為佢係一個全自動嘅燒烤舖頭咁就唔使我哋自己長期咁樣望住佢嘅進度，佢都可以自己轉住燒，比起去燒烤場輕鬆好多，又唔會好大油煙。我哋去嗰日係平日晏晝，舖頭入面都有兩三枱人食緊 喺宜家冇得晚市堂食，加上呢一間鋪本身淨係開夜晚，人流都算係唔錯。講返食物質素，咁我哋一開始入去嘅時候店員就畀咗一set肉畀我哋嘅，唔使我哋自己嗌。 咁喺肉類方面，首要推薦雞腎同埋牛舌，因為佢哋嘅肉質好爽，就算食好多串都唔會覺得好滯，啱曬放題食！ 另外燒得咁上下，到尾聲嘅時候如果覺得滯，都有啲蔬果可以燒，我就推薦菠蘿同埋車厘茄，因為佢哋好甜同好fresh。飯後甜品都可以選擇燒棉花糖作為呢個放題嘅完結。唯一美中不足嘅係我哋去嗰日冇曬羊卷肉，可能係太暢銷，所以試唔到燒羊肉，呢個係一個遺憾><

前排有日同完鐵飯腳行完山，有d攰又有d餓，就決定要食個有份量既early dinner😝 喺廣華街遊走，我地最後決定揀串grill自助燒烤專門店💛 諗諗下，佢地餐廳模式喺禁晚市堂食既制度下係最受影響既一群😪➿ 120分鐘任飲任食和你燒 (happy hour: $208)一坐低店員就會講解下燒烤串點樣放喺爐度燒，燒到7成熟可以加既醬，燒完之後可以點韓式梨汁燒烤醬～ 食過正宗石頭鍋飯既醬汁都會用新鮮既梨🍐打出黎，欣賞呢度既醬汁都係咁樣去處理，中和燒烤汁既濃味，點肉食唔會蓋過肉味👍🏼冇耐之後，店員就會遞上一盤肉類雜串，可以善用時間😛 一邊燒，一邊填order食咩～menu上大部分既items我地都有試過，其中encore左幾次既有👇🏽➿ M6 和牛牛柳 - 的的式式，又有牛味既啖啖肉，有誰不愛吃？😋➿ 牛舌 - 鐵飯腳覺得不錯吃，所以叫完再叫～➿ 日本甜薯 - 甜薯粒好快就燒到好軟冧，迷你版煨蕃薯🍠咁！➿ 台灣腸 - 重黑椒味道，唔洗搽/點任何醬汁已經好夠味😀➿ 魚肉年糕 - 年糕燒熱後，黏黏的，好軟糯☺️➿ 蝦卷➿ 街頭燒賣 - 鍾意燒完既蝦卷同燒賣外皮脆脆的，外脆內軟👍🏼👍🏼👍🏼甜品時間

難得平日收早約下朋友食飯，因為好耐無燒調野食，所以為食既我地簡左呢間試下🤣😂當然我地5係lunch time去食，我地到步已經4點半！6點就冇堂食啦🤪一坐低店員就拎左盤「頭盤」簡單咁講左下點燒 見我掛住畫餐單仲好貼心咁提我圩先燒住唔係就燒唔切啦🙈🙈間鋪好貼心咁提供左張建議燒烤時間表，對我呢種燒野白痴黍黎講真係及時雨😍😍為根本唔太分到熟未🥲🥲😂另外佢張劃單張都幾環保可以重用！☀️燒咩食？緊係又係燒下菠蘿🍍啦😂😂不過一串得一舊真係唔夠！😂🤣鍾意食🍍🍍既朋友記得叫多幾串🤩🤩🌙燒雞翼簡直就係燒烤必食啦😍正所謂燒雞翼我鍾意食🤣🤣🤣一隻雞翼分半咁燒易熟又好食🤤🌟燒肉食得多既朋友不妨試下燒蜆肉🤣冇沙又唔乾都係個唔錯既選擇😋😋☀️勁推薦大家燒五花腩🤩真係勁好食🤩🤩燒出黎真係唔膩仲好香口👍🏻

今日同阿仔嚟到油麻地一間串燒店玩一玩雖然店舖地方不是太大，但已經很清楚列明串燒放題的價錢及時間～～ 就讓我同阿仔入嚟試一試！店舖職員很有禮貌地講解串燒爐的用法及注意點！！！ 起初以為係要自己手動燒食物～原來這個串燒爐會自行自動自轉！將食物燒熟！還可調較溫度，因我和阿仔太肚餓所以溫度調較至3000W，想食物快快燒熟趁熱食！我哋分別在order card 寫上不同種類的食物數量，例如：m5和牛柳丶牛舌丶 紐西蘭牛西冷丶 雞翼丶羊肉捲丶多春魚丶翠玉瓜丶 雞髀菇 丶雞軟骨丶 棉花糖丶雞蛋仔丶 台灣腸等～燒出嚟味道各有各出色！尤其m5和牛丶羊肉捲丶 棉花糖及雞蛋仔～特別最欣賞棉花糖仲燒到大大粒丶脹卜卜丶 外脆內軟的感覺，很好味啊～～店鋪也很細心，專程印有一張食物串燒的時間表作為參考燒好的食物自己再加上喜歡的調味料更加令食物入味丶 惹味！飲品自行在雪櫃取🥤🧃🍷最後每人一杯 Haagen Dazs 雪糕作為總結

聽聞左自動串燒已經好一排但一直都未有機會去食 尋日終於拉左朋友一齊試 整體感覺係新奇同方便有趣🤤店員一直既招待同講解都非常清晰 而且做野都算快手 嗌完既餐店唔洗好耐就已經有齊仲冇漏單既情況出現！👍🏾👍🏾而店內環境亦都乾淨企利唔會充滿任何油煙味 食完個身唔會痴曬串燒味😌而醬料同調味粉既選擇都豐富 係燒緊同燒完都會有汁提供 而我幾中意用孜然粉同黎提味🤪而且個燒烤蜜糖汁都幾特別唔係出面商店賣既普通醬汁味係菜單方面 選擇足夠但未算十分豐富 不過想食既基本款式都有 例如海鮮有墨魚咀 雞皮 得意啲既連雞蛋仔都有🤤😳仲有埋建議燒既時間飲品方面就有曬一般大家放題有既野 可樂 烏龍茶之類 到個燒爐 我覺得整體好順暢好簡單操作 又唔會食到鬼死咁熱 而且上面仲有個位方便放未食既串燒唔會放到凍曬🙆🏽‍♀️咁多選項入面差唔多好多都試曬 而我最欣賞既係個五花肉同牛舌仲有豬柳漢堡腸 個五花肉建議燒耐啲等啲油滴曬出黎個時入口係唔會太油膩之餘仲好脆口😋😋牛舌就燒完之後好軟得黎又有咬口仲有個豬柳漢堡腸係出面冇食過既腸勁得意 係漢堡排既味道又有黑椒既香🤪最後係整體感覺舒適 2人差不多食到50串就飽滿 非常衛生

🔺 串Grill 自助燒烤專門店 (廣華街) (旺角)呢間係💛既任飲任食串燒鋪，呢到係order 完之前比你自己燒既，雖則話係自己燒，其實都只係放上去等佢自轉等食，唔使自己轉到手軟😂🔻食物款式大概有40多款，都係平時食開既野黎，其中我比較推薦牛舌，墨魚咀，菠蘿，棉花糖，呢幾款都係我每次ancall 都會再點既野😂🔻飲品方面就有罐裝汽水同茶，樽裝涼茶同豆漿，我只要可樂就滿足了～食到最後仲有哈根大師雪糕一人一杯tim❤️係我推薦及我會ancall 既食物當中，牛舌切成一粒粒，燒既時候好均勻，有牛味而口感彈牙唔un.墨魚咀好少地方有得食，口感爽口彈牙，冇腥味，有得意，做小食一流。菠蘿好甜好多汁，而且批阻皮食既時候更加方便。棉花糖係我bbq 必食既野，燒到外面脆卜卜，入面就流心勁軟屬，入口即溶，不過燒既時候都要有技巧，小心唔好跌阻落去😛總結：侍應服務好好，一坐低會問你有冇黎過，再解釋個運作比你聽。環境方面雖然自己燒，但唔會成身油煙味，抽風都幾好，係對住個爐熱d 姐😂

與友人到旺角呢間好有特色嘅燒烤舖頭，食燒烤，呢度嘅燒烤嘅特色係個烤爐會有自動轉齒，只要將燒烤嘅串燒放入自動燒烤個齒輪入邊，佢會自己自轉360度，幫你燒熟呢啲嘅肉串。呢度落單係自己寫完，再交俾店員，佢會將你點嘅串燒，送上，呢度仲會教你每一樣串燒要燒幾多分鐘，非常之體貼。呢度嘅濕紙巾都好有特色。我哋點左牛，豬，雞，呢啲嘅肉都好新鮮，顏色好鮮，睇得出係新鮮嘅食材，擺上燒烤爐燒，燒得金碧輝煌。如果你點得多，佢哋會用木架咁樣擺上去，等你可以每一層都有唔同嘅食物，非常之貼心，同慳位。佢呢度種類豐富，有蔬菜，有菠蘿，有腸仔有車厘茄，等等選擇好多。呢度嘅燒烤真係好有特色，用料新鮮，係高質嘅食材。仲有棉花糖，同格仔餅燒，真係好有特色好好味。