丸亀製麵 (已結業)

行商場諗唔到食咩好，見到呢間未食過嘅餐廳，又係我最鍾意嘅讚岐，就入去試吓啦！小店都幾有特色，係好似日本嘅食店一樣，差唔多全自助式嘅。先揀咗自己食啲乜嘢，俾錢，最後先返埋位。鳥冬方面有大概十款揀，都係唔同嘅湯底，冷熱烏冬。可以加埋上面嘅配菜，配菜係幾種熱食，都有差唔多十個選擇架。最後去前面，揀乾嘅配料，就係各式嘅炸物等等。最後一次過先俾錢，呢跟佢哋既侍應就會指引我哋去坐位嗰邊坐低 。我叫左最簡單嘅熱烏冬，基本野先考功夫嗎麻！加左一個燒豚肉，然後再加左野菜魚餅。先睇烏冬，烏冬係傳統讚岐烏冬，好彈牙，煮到剛剛好。而醬汁都好夠味，有一種真係食緊日式烏冬嘅感覺。燒豚肉反而就有少少失望啦，肉比較「鞋」。而野菜魚餅又係另一個驚喜，魚餅好有魚味，唔油，少少彈牙。整體來講，成個組合都唔錯架。而且價錢唔貴，值得一試！

由於轉了工，雖然仍需外出工作，但地點跟以前的已大為不同了。這天來到樂富，一個好像已有十年沒來過的地方。搞不清樂富商場與UNY是否是合二為一之時，工作過後找吃只看到有人龍的店子。在疑似迷失方向的見路便走，轉眼間來到了丸龜的店前。細心一想，這家店好像是丸龜踏足香港的元祖店。已經餓到一個點的時候，看到只有半滿的丸龜，天氣有點熱其實吃個冷烏冬也是不錯？取了烏冬、再選了配料，結帳後便快快坐下吃午餐了~冷烏冬(大) $35很奇怪，每次來到丸龜只懂得點冷烏冬，無非是那爽彈的口感挺討我歡心。論口感，同樣爽彈的麵條沒教我失望，可是份量似乎比以前少了？蕃薯天婦羅 $7對了，蕃薯天婦羅也是必然點選的一項，可惜質素並沒有烏冬般穩定。這是炸得太硬之餘，蕃薯也太薄，粉漿天婦羅是也。鱈魚排 $15之前在荃灣廣場分店吃過一次，味道倒算不俗。可是這個下午，卻遇上了還未炸透的鱈魚排！吃到那仍是糊狀的粉漿層，說它不合格已是仁慈？鮭魚飯糰 $10由於太餓，結帳前隨手拿來一個從未嚐過的飯糰。以為只有表面的鮭魚碎，吃下去卻發現飯糰裡還混了點鮭魚。整體味道鹹鹹香香，這個價錢算是足料有餘了。吃個飽飽，也得繼續這天的東奔西走了。待續。

丸亀製麵登陸左香港好耐, 但我每次經過佢既食店都發覺人流好少。覺得好可惜。一直有原則地堅持烏冬即製、即煮、即食既食店, 就因為marketing做得唔多, 而被人遺忘, 好應該要多啲支持下!食店的餐牌及價錢不夠清晰, 門外貼住既menu沒有包括餐廳所有的烏冬選項, 而且配料區既標價同實際價錢有出入, 原來有$20/2件配料呢個優惠價, 但無標示出黎。開放式廚房最有利顧客監視製作過程, 一路排隊等烏冬時, 就見到有員工正在即製烏冬。然後又見到另一員工會先用熱手溫熱個麵碗, 再放高湯同烏冬, 真正感受到日本人對食物既執著。豬軟骨高湯烏冬(大) $49烏冬真係好彈牙, 而且豬軟骨入味軟腍, 軟骨爽脆易咬。明太子 追加價$10明太子癮發作, 見到有得追加明太子就雙眼發光。明太子好香, 有點偏咸, 但撈埋烏冬食岩岩好! 甘樣就好似一麵兩食, 好滿足。魷魚天婦羅 $10一份  雖然凍哂, 但食落又唔覺好油膩, 而且魷魚有嚼勁, 伴烏冬食唔錯。炸蝦餅 $15 ($20/2份)蝦餅入面蝦肉唔算多, 咬開會見到一粒粒粉紅色既蝦肉, 蝦肉爽脆但味道較淡。食完呢餐覺得好滿足, 如果口渴想飲水記住丸亀製麵屬於

係日本好多時都要自己黎，係香港先好多人服侍。呢度就好似係日本咁，自己搞掂😎食個日本快餐⋯————————————————————#咖哩牛肉烏冬（$42）40令蚊有個烏冬🍜，仲有其他低過40蚊，梗係要入去試下，一睇原來係自助既。叫完主食，之後可以再自己夾d天婦羅呀、飯團🍙呀等等，但好明顯就唔係即炸既。烏冬熱辣辣睇住佢煮，唔會差得去邊，係手打稻庭烏冬。用咖哩🍛黎撈直頭係絕配，擺係平價既甘味都應該要50蚊啦。烏冬都彈牙，普通日本偏甜既咖哩，牛係肥牛🐮，都ok架窮遊指數：8/10好味指數：7/10————————————————————

近排喉嚨痛，唔食得辣野，於是轉戰食烏冬，我几鍾意呢度，一黎人唔太多，地方舒服，另外佢半自助式咁點餐好方便，咁呢次我就食腐皮烏冬，個湯清清地，不過不失，另外有香香地既葱花，再黎個腐皮甜甜地咁好入口，加上又索左d湯汁，几好味，再黎就係主角烏冬了，烏冬過過冷河，所以都几爽同彈牙，唔會煮到好腍，總括都唔錯。

之前團購咗呢一間，於是今日就來試吓啦。我叫咗個豚肉烏冬，同埋加咗一個野菜天婦羅。食物效率好快，但係收錢就搞好耐。服務同衛生程度都係一般般。講返啲食物，首先試咗隻蛋，我覺得好入味！至於天婦羅，幾好味，炸得都ok，只係有啲野菜太淋。烏冬質素都唔錯，同上次未做openrice會員食嗰時有好大進步，堅韌度剛剛好。豬肉賣相唔係幾好，但係都整得幾好食。不足之處就係湯底好淡，連味精味都冇。希望餐廳可以做得更加好！

已經食咗3次呢間分店，第一次係因為佢新開嚟試下;第二次係9點都未食飯，見佢仲開又有位所以食;第三次係因為去完隔離超市，唔想返去煮，又係見佢有位。基本上除咗第1次，後者都唔係有心去食。今次再次驗證我的失望係啱的…記得上次食佢的烏冬感受太un而到牙鉸好攰，今次即管比個機會佢的咖哩牛肉飯，心諗都好難會整得難食啩!? 上到枱，只見咖喱汁和飯，牛肉呢？得2小薄片。2小粒紅蘿蔔，1粒仔薯仔。果一刻的確有d嬲，咁無誠意的! 老實真是唔值呢個價，味道亦相當普通無咖哩香也無辣味! 拎返碗飯出去搵個職員反映，佢就細細聲咁話唔好意思幫我加返牛肉。原來佢的牛肉係一缸嘢咁已經撈埋喺d咖哩汁入面，所以佢加返牛肉比我同時亦加埋汁，多咗3片牛肉仔，仲搞到碗飯變成咖哩水塘，汁多過飯，唉。老公就食腐皮烏冬，仲夾咗炸雞同炸南瓜極泰來。今次烏冬反而正常，唔un, 咁即係話烏冬的制作係相當浮動，沒有準則，好食與否全靠撞彩。炸雞係見佢剛炸起所以夾，呢個反而有驚喜，雞件係暖的，肉嫩滑（其實要有咁的水平先係正常吧！?）。炸南瓜就太薄了，唔熱又唔脆…… 不值一提。我記得9點後d天婦羅係有特價的，好似15蚊3件咁，但果個鐘數，唔會有啱

第一次黎，試左D最基本既野食。首先叫左個中size既熱醬油烏冬，份量比較少，四、五啖就食曬啦，但味道是很好的。醬油湯底咸度適中。當中仲帶有小小甜味，而烏冬質地十分煙韌彈牙，配合埋湯汁，食落口非常順滑，烏冬亦都吸曬D湯，味道濃郁。小食一，蕃薯天婦羅，外皮炸得金黃鬆脆，入面橙色既肉好腍，略帶微甜。小食二，野菜魷魚，外皮都好脆，入面既魷魚就好嫩滑，好彈牙，野菜粒可以吸走炸物既油膩感覺。

早排行過樂富見到有間日式烏冬就去試吓，行到入去先知道，原來佢係半自助形式。一開始叫左個冷烏冬，然後店員好快會攞俾你，之後你就可以推住個托盤一路去睇吓有冇乜嘢餸岩食。我跟住再加多左一件炸鱈魚，然後自己係雪櫃拎多左罐汽水。之後就去咗收銀處埋單，感覺好似返咗去學校飯堂食飯咁樣。跟住講下啲食物係點樣架啦，冷烏冬食落口幾爽口彈牙，你仲可以加埋蔥之類嘅配料，加左之後會仲好食啲添。如果你去好肚餓的話，我會建議你叫一個大嘅份量嘅冷烏冬。因為中份量嘅會好快食晒。另外講下塊魚，可能因為炸左一段時間嘅關係，食落口好似唔係太新鮮。雖然有射燈照住，但都同新鮮炸起嘅有好大分別。我覺得啲肉質比較堅硬，不過都係可以接受嘅。加埋日本甜醬油，其實都幾好食。如果係新鮮煮起的話會更加好。如果下次再來的話，可以用上一次嘅收據當＄5用，但係要注意只係平日先可以用。

呢間野開左o係樂富都有一排,但都未試過,所以今日見冇人就試下因為時間早,所以冇咩人,呢度個玩法係先買野食後搵位,但係其實都傻o既,買左野食冇位點算...anyway,講返d野食,我叫醬油烏冬+芝麻炸雞烏冬: 其實冇咩特別,滑係滑,但唔係特別彈牙.....吉x家下午茶d烏冬同佢差唔多,或者可以自己買稻庭風烏冬自己煮...我諗都差唔多...炸雞: 其實佢d炸野應該都擺左一段時間,所以呢舊野係凍o既,同埋個炸皮真係有d硬....食到我個咀損左...但個味道唔錯

第一次食丸亀是在尖沙咀, 估唔到佢會向平民既樂富開了分店.所以帶同一家4口來此分店試一試.平日既7PM 都未見有人龍, 此分店沒有尖沙咀分店甘嚴要先買野後找位.(唔係唔想守佢地既RULE, 而係2個大人, 有2個手抱BB 真係買完先搵位就有D危LOR)今次我地點了1. 豬肉烏冬 - 湯式不錯, 烏冬很煙un.2. 牛肉烏冬 - 牛肉分量很足, 味道亦唔錯.3. 大量天婦羅 - 炸粉真的有點厚, 亦沒有味道....除左天婦羅有點令人失望, 50元以下食到碗甘既質量既鳥冬確是唔錯.另外最大問題係冷氣太凍個向住個位勁吹, 碗面一上台不用2分鐘已經凍曬.所以希望店方在黎個問題上真係要好好改善. 食物本來更好食, 一上台被吹到凍曬都會變得唔好食啦.

一個人去樂富買野，不知不覺逛到午飯時間，又想試新野，就試下丸龜的讚岐式點餐。一個人食飯最怕要搵位，拎住食物，又搵唔到位坐，是一件很麻煩的事。丸龜的先點餐後入坐的方式，可以為一個人吃飯的人減少了不少煩惱。門口的店員要一心三用，一方面要煮麵，一方面又要問顧客的order，另一方面又要睇住店面，防範有人未點餐就入去霸位。一見到未點餐就霸位的人，就大聲指出，令全店的眼光都落在那些人身上...|||（就算和朋友一個去排隊買，一個霸位都唔可以，佢都會大大聲地「請」該顧客回隊伍等候）不過，店內比較嘈，加上店員的廣東話唔係好"正"...點單時，發生左小小麻煩店員：xxx？(店內太嘈，佢又愈行愈遠，行左去煮烏冬個位，聽唔到佢講咩）我：？店員：幾多位？（行返轉頭）我：１（同時舉起一隻手指）店員：咩烏冬？我：１（同時舉起一隻手指）（店員轉身放烏冬去煮，煮煮下，又轉身一望住我）店員：xxx？（佢的廣東話唔太好，我完全估唔到佢想講咩）我：下？店員：問你幾位呀？！（燥底）我：１位呀，岩岩咪答左你囉店員：咁咩烏冬呀？！我：１位，１號烏冬（無言，心諗，咁你岩岩放ｄ咩入去煮嫁- -?）釜揚烏冬：煙韌彈牙南瓜天婦羅：正正

丸龜製面是讚岐烏冬專賣店, 營運模式和日本的一樣, 客人需先點餐和選配料, 之後再到收銀處付費, 最後才找座位, 用餐也要自行把餐盤送到“返却口”（即食具返回處）。我們點了一冷一熱的烏冬和數款天婦羅。熱的烏冬很一般, 和家裡煮的差不多。想不到冷烏冬卻有驚喜, 雖然有點偏硬, 但非常煙韌。天婦羅半熟蛋是流心的, 必吃。至於海苔魷魚天婦羅和天婦羅雜菜可能已放了一段時間,已經不脆了, 如果是即炸應該很不錯的。

收工後特燈由九龍城行去樂富，為既都係想試下依間既湯烏冬，我點了一個溫泉蛋湯烏冬，另加兩件炸蝦天婦羅，共$51比錢個陣真係嚇一嚇，因為都無諗過價錢……味道方面，我覺得湯烏冬ok，我認為口感適中。配上温泉蛋同七味粉，味道一流。而炸蝦我卻認為麻麻，唔夠脆，且凍了和不夠味。但整體來說算是不錯，值得再去。

今日係樂富行街，行到食晚飯時間係樂富見到依間餐廳未試過，今晚就試下。    入到店內，見有好多座位，所以直接行去點餐，我前面有位哥仔慢慢點左兩個麵，企左四分鐘，之後到我點左個豕肉烏冬（大）$46，我再前行又等同一位哥仔點完佢兩件天婦蘿，之後我點左胡麻雞件同海老天婦蘿$20，加罐可樂$8，加埋$74，不過我前面位哥仔同店員爭論優惠既問題，我攞住碗有湯既烏冬等左三分鐘先可以比錢坐埋枱食飯。    我一開始食左兩件天婦蘿，胡麻雞件幾好食，好原創，不過兩件天婦蘿一d都唔熱。之後食烏冬，湯味好濃，不過烏冬麵質過冧。食完，慢慢張盤放返比餐廳。     今日依餐飯食物除左烏冬外，全部都係d已經煮好而且唔熱既食物，服務方面，入餐廳就知唔會比多我，不過我覺得我行去點餐，店員問聲我想要咩，總比今次，唔出聲等我講野好，而且如果我前面如果有十個人等點餐，我相信過烏冬都唔洗食，我比較喜歡用同價錢食到更好食既野或更好服務。