丸·茶手作 (已結業)

個個都飲珍珠奶茶，唔通個個都淨係想飲黑色一粒粒嗰啲珍珠咩？？🥤🥤🥤相信大家對〈丸。茶手作〉都唔會陌生，最近終於開到嚟佐敦區，即係我公司附近啦。😍😍😍新開就當然要即刻去捧場，佐敦鋪嘅特色之處係真係會見到店長喺度即製〈手工珍珠〉！！（戴曬口罩😷同手套🧤，絕對唔使擔心衛生問題👍👍👍）除咗店長整緊嘅淡粉紅色〈櫻花🌸珍珠〉外，仲有紫薯，桂花，黑芝麻同芒果，當然仲有傳統嘅黑糖珍珠啦😋😋😋另外仲有很多不同的手工飲品，真係試都有排試。😆😆😆首選一定係TOP3🥇🥈🥉同特別推介嘅桂花珍珠同櫻花珍珠。🌸🌸🌸〈櫻花珍珠奶茶（微甜微冰）〉到手啦到手啦！櫻花珍珠🌸嘅質地比較挺身有咬口，味道亦相對甜一些，有點像棉花糖🍡的味道。甜甜的襯上濃郁的奶茶，味道剛好。🥤🥤🥤〈紫薯珍珠奶茶（小甜微冰）〉老公的奶茶選了少甜，相比下紫薯珍珠就沒有這麼的甜。但口感更Q彈，細細粒很好咬口，滲出淡淡的紫薯清香。🍠🍠🍠雖然有學生👧🏻🧒🏻優惠，但不關姐的事好耐了💔💔💔不過買同款嘅話都有買一送一，下次可以夾埋同事一齊買。😁😁😁仲可以外賣喎！！這是想肥死姐嗎？？😅😅😅

台灣珍珠奶茶，行過路過都一定買返杯，近期的黑糖撞奶hit到爆曬燈，如果冇飲過真系好蝕底，連我嫲嫲80歲都話要反啅，你就知道丸·茶手作的味道是No.1我最愛的珍珠奶茶而家佐敦分店有promotion 第二杯同款可以半價手調珍珠奶茶製作過程可自由追加topic 黑糖撞奶$28～銷量No.1真系100分，奶味香濃配合黑糖，甜甜的滋味⋯⋯真系一試難忘，珍珠好煙韌、口感特別好瘋芒畢露$32～芒果沙冰的極緻版濃濃的芒果味，香甜滋味，帶點甜酸味道好freash,再有一層厚厚的奶蓋，十分滿意這個味道，奶蓋的 mango smoothie 又系最新的寵兒了真系好重好濃的cream cheese 味道丸·之茶作😍😍😍😍

台式飲品近年真係越嚟越受歡迎，各種唔同嘅台式飲品店開到成巷成市，要吸引客人真係需要唔同嘅特色，今日經過佐敦嘅"丸。茶手作"，見到佢哋以全球首創嘅桂花珍珠做賣點，心郁郁就想試下。就係因為呢個牌標榜"全球首創桂花珍珠"，吸引到我嚟買番杯。收銀處放咗各種唔同嘅珍珠，每款嘅顏色同味道都唔同，真係想每款都試下。最後我地揀咗桂花珍珠奶茶及熱嘅抹茶拿鐵。珍珠奶茶茶味香濃，桂花珍珠口感比一般珍珠煙韌，入口有淡淡嘅桂花味，為珍珠奶茶帶黎一種清新感覺。抹茶拿鐵綠茶味香濃，牛奶嫩滑，趁住今日天寒地凍，飲番杯真係暖意十足。下次有機會真係要試埋其他口味嘅珍珠呀。

今次打破我之前對丸茶既印象由於上次係其他分店飲過一般般但今日行過又想飲台式飲料就決定比多次機會點知有驚喜最近香港勁興"黑糖珍珠鮮奶"丸茶都有,不過撞奶~每日都有幾款珍珠供應店面我覺得幾簡潔黑糖珍珠撞奶 $28size得一款, 味道上唔會好甜, 好難入口珍珠qq, 唔會太膠黑糖味道幾出可以再濃多少少,因為飲到最後已經無晒黑糖味道但今次真係推番左我之後既印象~桂花珍珠奶綠 (熱)桂花珍珠口感好好,一d都唔膠口感好好~口感好好~口感好好~重要既野要講3次溫度上熱飲唔係太熱, 係暖暖地, 珍珠有d溶溶桂花味幾足, 仲會飲到有啲桂花唔會太膩，幾清新整體味道唔甜，好啱唔鍾意甜既朋友因為同我一齊行街既朋友, 勁唔中意飲甜野桂花珍珠幾特別~btw, 我下次想試新野

當珍奶店開到成巷成市，個個爭梗最佳黑糖珍奶嘅時候，呢間丸．茶手作就聰明得多，自己行條新路出嚟。呢度有多款珍珠揀 (+$6)，唔加珍珠嘅話大部分茶都平過其他舖頭好多，但珍珠真係必必必加！今次試咗芋香奶茶+黑芝麻珍珠同埋鐵觀音奶茶+桂花珍珠。茶嚟講比較鍾意鐵觀音奶茶，因為茶味比較濃，真係飲得出係咩茶葉。而桂花珍珠有啲似酒釀丸子，丸子本身冇乜味，但側邊嘅桂花糖水就好清香，所以加呢款珍珠嘅時候要唸吓襯唔襯你款茶。而芋香奶茶味道都算濃，杰身飽肚少少，但就打到啲芋頭碎晒，食唔到肉有啲可惜。但黑芝麻珍珠真係超正！味道就同芝麻糕一樣，食得到黑芝麻粉。珍珠十分黏韌，形狀不一，證明唔係機製。

近日台式飲品店開到成行成市, 完全係梗有一間在左近嘅感覺～今日咁岩去佐敦學野，之後喺附近行行下就見到呢間新野！新開張仲有好抵嘅優惠！咁我同個friend就梗係唔執輸一人一杯啦！睇吓呢度有咩特色飲品：估唔到又幾多選擇喎，一於飲番杯我至愛嘅抹香奶綠！店員推介我哋加桂花珍珠，一於試吓啦！我哋要咗一凍一熱其實有好多唔同配料可以加等左一陣就有得飲！識飲一定飲大杯加左桂花珍珠真係好飲，珍珠食得出有桂花香味，而且口感非常軟糥茶底唔算好濃味，同桂花珍珠非常搭配天寒地凍一路行一路飲返杯熱珍珠奶綠真係人生一大享受

星期五冇心工作，會議一個接一個，lunch break 後想飲杯甜野振作一下。見到間新開的台式飲品店，仲有一個同款飲品第二杯半價的優惠，即刻沖入去。朋友想試黑糖珍珠撞奶，我叫咗桂花珍珠奶綠。我地呢啲健康女士梗係揀熱飲微糖啦，店員好細心解說黑糖飲品不能做微糖。我杯桂花好有驚喜！珍珠是白色的。好有咬口，完全吾似其他飲品店的好軟身。呢個配搭幾特別，又吾會好甜。朋友話個黑糖好香茶味，吾係得個甜字。我見仲有很多不同的囗味，我仲有好多款想試。個熱飲杯好靚呀！店內還貼有另一優惠哦

今日同男朋友出街，行行下就行到去佐敦呢頭睇下有咩食。咁岩見到台飲店，就口痕買番兩杯黎飲，上到黎寫文先知原來係新開張。佢地menu上面既選擇唔似其他舖咁多，但最特別既係佢地既唔同味既珍珠😨！平時飲台飲，最多都係加芋圓已經叫做特別，佢地除左一般既黑糖珍珠外，仲要有芝麻味、紫薯味、櫻花味（好想知櫻花係咩味😂）、桂花味既珍珠，仲有個芒果寒天蒟蒻球。最後都係參考左佢地既top5(?)，買左一杯黑糖珍珠奶茶同一杯桂花珍珠奶綠🥤。奶茶係男朋友揀既，我飲左一啖反而覺得有咖啡味🤣，可能就係黑糖既味（我之前未飲過黑糖珍奶⋯我太out🤣）。至於我杯奶綠，我覺得奶味既味重過茶味，茶味濃番啲會更好。我幾鐘意佢地既桂花珍珠，好煙韌，又有淡淡既桂花味（真係有加埋桂花既碎碎入去！），飲落同杯奶綠好夾。本人都幾推薦佢地既桂花珍珠😋，下次有機會再試埋櫻花味🤣！

在附近上班，中午lunch 經過原來開左間丸茶手作珍珠奶茶店， 作為珍珠奶茶fans 的我當然不會錯過啦， 佢地標榜手作， 點了黑糖珍珠奶茶， 奶茶有茶味，很有黑糖的濃味，奶而且夠滑，配答得天衣無縫！ 另外還有紫薯珍珠，黑之麻珍珠， 黑之有很濃濃的之麻味，配以香滑的奶茶，吃下另外有一種新鮮感， 這店比一般珍珠奶茶店更創新，值得一讚👍👍。 另外店員態度友善，服務好，而且在新開張期間會有特別優惠， 下次會同同事再光顧， 試試其他新產品!