丸·茶手作 (已結業)

抹茶拿鐵 + 櫻花珍珠凍 / 熱 HK $24櫻花珍珠 + HK $6聽講丸茶手作好飲，今日上堂前去左試。不過試完之後完全失望。本身諗住只係叫抹茶拿鐵，不過見到有櫻花珍珠，好似幾特別咁，所以加黎試下。櫻花珍珠雖然質感煙韌，不過偏淋身，而且帶有藥水味。抹茶味淡，五係好飲得岀抹茶味。飲左幾啖之後發現成杯飲品靜係飲到櫻花珍珠嘅藥水味。

路過試新野，其實都係俾手作珍珠吸引了，有五款口味 **黑糖，紫薯，桂花，櫻花，芒果** 除了黑糖珍珠外未試過其他的口味，感覺很新鮮。最後試了鐵觀音奶茶+桂花珍珠！叫了熱的其實是暖，溫度剛好。珍珠份量大約是1/5杯，桂花珍珠雖然不算煙“un”但桂花清香會慢慢滲出 很清甜鐵觀音奶茶味較淡，再加上要求半糖的關係令到桂花珍珠味道很特出。喜歡清淡口味的朋友不妨試試除左奶茶外，latte都好吸引，下次可以試試其他口味配搭喇

台灣店主主理飲品店由何文田開到尖沙咀，主打每日自製珍珠，店主每日都一早起身整珍珠保證新鮮，無加人造色素做出黎，飲落都會安心好多喇。一壺壺整好左既茶已經放好係度，店員都沖得幾快手，店入面牆上面仲見到有報道，可以見到都幾出名架。飲左兩杯《鐵觀音奶茶》($20)加六蚊有珍珠，奶茶就一般台式奶茶味無咩特別，試左黑糖同桂花珍珠，桂花珍珠真係有淡淡桂花香味較推薦。店名：丸茶手作地址：尖沙咀加連威老道地下60A號舖餐牌:

本來只有何文田一間舖終於係tst 開左分店， 好開心立即去同男朋友試叫左一杯普通奶茶加黑糖珍珠 微糖另一杯鐵觀音奶茶加好特別的紫薯珍珠 半糖我。好。鐘。意d 珍珠 omg紫薯珍珠真係有紫薯味 無甘甜好有咬感 最怕d 珍珠無咬感yeah 好正 又多一間珍珠奶茶on the list

2月頭夜晚買過杯嚟飲，當時飲芋頭拿鐵配桂花珍珠，覺得幾好味，係有芋頭蓉個口感都幾好，唔係假芋頭味，滑就無鹿XX咁滑，但個桂花珍珠好特別，覺得可以再飲⋯⋯今日就再去買，沖完個量少到不得了！哇唔知係人沖嘅問題定咩⋯⋯難飲到不得了，桂花珍珠成陣藥水味，係根本飲唔落，奶茶更不值一提，如果唔係因爲個桂花珍珠個奶茶底根本係唔值哩個價錢，完全無茶味，只係似飲緊糖水，我覺得如果佢維持唔到水準真係不如唔好做，盞拆自己招牌！

早一排見📺介紹，話珍珠是日日新鮮做，有桂花珍珠，剛好今日經過走去買來飲，見到還有幾款不同味道珍珠。甜度、冰量同其他的飲料🥤鋪頭都可選擇的。今日先買杯茉香綠茶🍵+桂花珍珠，珍珠粒咬落去係沒咁硬還附桂花整體上不錯。尾頭仲見到有2款飯類供應

公司附近又開左間台式飲品店，鍾意飲珍珠奶茶的我當然即刻去試下！嘩！一去到見到咁多選擇嘅！樣樣都好吸引！最後揀咗水蜜桃烏龍茶 + 桂花珍珠！黑糖珍珠食得多，桂花珍珠真係未試過，結果令人滿意，珍珠有咬口又有桂花味，幾特別，值得推介！下次要試埋其他味嘅珍珠至得！

丸茶手作嘅桂花珍珠奶茶係勝利道飲左－次，真係－試難忘，因為好多珍珠奶茶店都係得－種味道，但呢度唔同，有不同手作珍珠，例如桂花味，芒果味及黑糖味。今日經開尖沙咀，比我發現係加連威老道開左分店，梗係入去試下啦。雖然條隊有小小人龍，但店員下單快又有禮貌，好快就拿到桂花珍珠奶茶，呢度d桂花係手作做，不是用機器整，所以特別煙紉，又有桂花味，奶茶茶味濃，又唔太甜，甜度啱啱好。再試埋佢地嘅魯肉飯，簡直係台南風味，多汁肉味濃，非常好食。今日食得太飽，下次要試埋香竽latte及手作雞蛋布甸!

以前小編都有幫襯過何文田嗰間總店，不過質素真係超級差，去試真係只係為咗啲珍珠。但佢而家係尖沙咀亦都開咗鋪，除咗地理位置比較方便之外，估唔到飲品嘅質素都有進步（可能佢都知以前自己啲嘢到底有幾難飲😂）仲記得以前叫少甜都仲係超級甜真係好無奈。因為新店嘅開幕，所以都有新Menu，多咗兩款新口味嘅珍珠，不過小編之前超級想試嘅抹茶珍珠就已經唔見咗。雖然小編今次就一次過介紹咗四隻唔同口味嘅珍珠，不過小編留意到其實佢哋每一round大概只會有三隻珍珠到，所以有機會要行多幾次先可以試到唔同口味嘅珍珠。1️⃣黑糖珍珠撞鮮奶自從鹿角巷嘅黑糖鹿丸鮮奶買到成行成市之後有唔少嘅台式飲品舖都跟住出，就連丸·茶亦都唔例外。首先呢杯嘢飲一樣都係固定糖，因為飲品嘅味道主要都係尼至個黑糖珍珠，所以甜度一早就已經set死咗😊雖然嘢飲嘅用料其實都係差唔多，不過總係覺得唔夠鹿角巷嘅黑糖鹿丸鮮奶好飲。個人覺得呢度嘅鮮奶入口比較脪身，但奶味都係足夠嘅。而黑糖珍珠方面亦都唔及鹿丸咁煙un，另外隻黑糖得個甜字唔係好夠香。但係呢杯野飲飲得多仍然都係會覺得有少少膩。雖然講到佢乜都唔夠人哋好，但小編覺得有時口痕經過尖沙咀又唔想去排成個鐘嘅話都可以

原來珍珠都可以有好多味道，而且呢間舖嘅賣點係手作珍珠同一般嘅唔同，本人好喜愛珍珠奶茶中嘅珍珠，今次有口福。配上茶味濃嘅奶茶及有口感嘅珍珠，很絕配。可能因為新舖，所以等嘅時間會耐一點。

每次我經過加連威老道 都會去x茶度買杯嘢飲 但今日見到對面開咗間新嘅丸茶手作 就過去試吓兼買咗一杯薰衣草綠茶 加紫薯珍珠 ,覺得 啲珍珠都好煙韌 而杯薰衣草綠茶又香又好好味， 呢個味道都好特別！

見返工附近開左呢間店 見到都有人排隊 所以都想試下點知完全中伏！ 叫杯皇室珍珠奶茶$22。埋單時見到有自制口味珍珠，心諗都好似幾吸引，芒果口味買前無清楚望過個價錢表，就咁雙併珍珠變左$28問返店員係咪就咁芒果珍珠$22？店員話係。咁當然要單併芒果珍珠。成杯野我只係飲左2啖無再飲，杯野好甜，完全無乜奶茶味！芒果寒天珍珠口感好差（係好爽口果隻彈）如果軟返d個口感會好好多咯，芒果味好假。一定唔會再飲！天仁好飲太多

早就想試呢間丸。茶手作，終於喺尖沙咀開左分店喇，真係方便好多！！！可能岩岩新開，人流唔算話劇多，等左一陣就買到了，太好據聞係用呢部機每日新鮮即製珍珠，都係第一次聽/試呢今次試最出名嘅桂花珍珠：烏龍奶茶配桂花珍珠（左）$22鐵觀音奶茶配桂花珍珠（右）$22呢個桂花珍珠真係比較特別，好彈牙同有陣陣桂花香，珍珠亦有桂花花桂花不過兩款奶茶之中，以為烏龍茶茶味會濃d，分別只有奶味，完全無茶味，失望.....

不可再以為多人排隊就好飲？錯啦！間鋪劣食第一員工服務差十個有九個都成日黑口黑面而加係我俾錢買嘢 就西我面第二講就講到自己有好多隻珍珠事實呢？布丁又冇！珍珠始日淨系得黑糖芒果開鋪冇耐都可能話冇喱樣冇果樣未凖備好就唔好營業啦又想賺錢又咩都冇沖嘢飲又慢XX亭 XXI 都好多人排都唔會等超過半粒鐘都未有嘢飲慢工岀細貨都可以原諒佢又唔係 只係啲員工沖嘢慢黑糖珍珠個名幾好聽 只係同平時珍珠冇分別芒果珍珠似塑化劑紫薯珍珠又一pat pat桂花珍珠煙靭得好假話就話係手制，你又唔係望住佢整佢買翻黎都可以話係手制 又唔係多人手翻工 連煮珍珠都未煮得切又何況親手整？呃啲無知婦孺款又吾系多，又貴飲第二間好過佢啦個飯又唔係坐喺度食又收甘貴岀去食X元X了都好食過佢起碼人地有得坐喺度食！以為自己上左電視雜誌就好多人買佢只係一朝得志 語無倫次啲frd劣食 垃圾唔想有太多人同我一齊再上當我試過好多隻但佢真係杯杯都好劣

最近尖沙咀開左好多茶飲店,呢間之前o係勝利道我一直都無機會試,今次機會黎啦~~佢每日新鮮製作gei珍珠都有幾款味道,我自己一直都想試紫薯珍珠,可惜我去幾次都無T.T天氣凍,所以就算我幾咁想買色彩繽紛gei凍飲,最後我都係簡單叫左個鐵觀音拿鐵(我最愛的飲品),當然要無糖啦~雖然睇唔到裡面,不過個杯都幾靚~而且鐵觀音茶香非常濃郁,完全感受到鐵觀音gei存在,就算無珍珠,無糖都一樣好好飲~希望下次有機會試到紫薯啦...或者有無人試過?