丸·茶手作 (已結業)

喺尖沙咀食飯 食完心思思想買杯野飲 咁啱經過新開嘅丸茶手作 就試吓啦😋店面有大大個logo 唔驚搵唔到 又可以玻璃窗就見到伯伯整珍珠嘅過程 感覺幾衛生🤓去到見到伯伯整緊櫻花味珍珠 好似幾正 都想試吓 但係又煮又浸起碼要40分鐘 等唔切就叫左鐵觀音奶茶 配桂花珍珠😛 朋友就叫咗杯Royal latte 配黑糖珍珠餐牌好似仲有紫薯同黑芝麻味嘅珍珠揀😯由於我哋叫咗熱飲嘅關係 係外面唔會望到啲珍珠係咩樣 唯有偷影一杯人哋叫嘅凍飲😂桂花珍珠望落係咪好靚呢😛至於熱飲就係用呢款杯裝 我個杯鐵觀音奶茶呢 茶底其實係唔夠天仁嘅913好飲 都唔係好襯我揀嘅桂花珍珠 (my bad😂) 但啲珍珠食落去幾有桂花味同好有咬口😋朋友叫嗰杯latte黑糖珍珠就正好多 配搭正常 粒珍珠一樣好有咬口 佢讚不絕口😂😂😂另外值得一提係呢間丸茶價錢平過天仁同茶湯會 性價比唔錯🙊可以推介🤘🏻

聽說何文田丸茶分店，專門過來試試花樣珍珠。今天五味珍珠都有，也見到製作珍珠的儀器。小小隊伍，效率奇快，等五分鐘今天叫鐵觀音奶茶加紫薯、桂花珍珠，32蚊一點都唔平⋯奶茶也就一般台奶味道，桂花珍珠有驚喜，啖啖桂花，應當用乾桂花而非醃漬的糖桂花，味道清雅！紫薯珍珠雖然也能吃出紫薯味道，但估計是選料問題，有股澀味但是！最大問題是太甜。叫少甜走冰，成杯好似糖水。是珍珠糖水加太多，越喝越覺得甜下次必叫走甜總的來說都還可以再試，下次叫桂花珍珠就好

呢間飲品店想試好耐，主打唔同口味嘅人手製珍珠，但店鋪喺何文田⋯對我黎講唔太就腳！🙈 但早前喺尖沙咀開咗新分店，番學順路，咁就冇藉口唔去啦！😬一心想試抹茶latte配黑芝麻珍珠，點知當日珍珠口味只有黑糖/芒果/桂花揀！咁我唯有揀款同抹茶latte冇禁違和又特別嘅桂花味⋯🤔 桂花珍珠有驚喜喎！熱嘅，好煙韌，好濃桂花味，好正！☺️🌼 相反嘢飲就有啲失望，抹茶味唔錯，有淡淡回甘，如果甘味濃啲更好！😀 但我都要彈吓，抹茶粉明顯有唔少仲未溶⋯😐 奶部份真係好好好失望，零奶味&淡如水，真心麻麻！😶 珍珠可以encore,但下次會揀烏龍茶/綠茶就算⋯🙈Ps1.所有珍珠口味一樣+$6Ps2. 點解我睇人哋嘅抹茶latte有層奶泡，而我嗰杯冇嘅？🌚Ps3. 明明要走冰，我嗰杯有唔少冰⋯🙄IG:90sfoodie_carman

尖沙咀真大獲，個個禮拜有新台式飲品舖咁前幾日經過赫德道麥當勞隔離一間，厚福街一間，行到尾轉左又一間，咁飲落去會破產會肥本身想試茶理史，但咁啱冇開，行行下加連威老道竟然見到有間丸茶手作，入去買返杯野飲暖下身先。印象中銅鑼灣近希雲街好似有間一樣名，但店員話佢地得呢間同勝利道分店..咁我就有印象喇勝利道果間我就試過，但印象中一般，茶唔算香濃，珍珠又成日sold out，但勝在夠平。今日試杯熱黑糖珍珠鮮奶($28)，感覺比勝利道店貴少少結論係還好。夠暖夠甜，但d甜唔係煮到入去粉圓果種，所以咬落d珍珠雖然好淋但冇味，得杯奶有個甜字。飲過鹿x巷真係返唔到轉頭...

一直久仰何文田總店既名字，今早在尖沙咀行過時，見到滿是花牌既分店，真的是大大驚喜。點了鐵觀音奶茶配手作桂花珍珠，奶茶可選500/700cc, 500cc $17 ，配珍珠$6，$23一杯埋單既手作奶茶實在是經濟，而且性價比超高，少甜既鐵觀音很清，飲到茶底既原味，加上桂花珍珠好好趙，趙落仲有桂花粒，好好食！仲送左張儲印仔卡比我，飲夠10杯送一杯😌

每日經過都期待快d開將，終於開左喇，lunch time 即係刻買黎試試先。買左芋頭拿鐵加桂花珍珠，先試正常甜度，偏甜，下次可以減甜，感覺就似鮮奶加左d芋蓉，無乜特別，桂花珍珠亦無乜驚喜，由於加珍珠要加$6，所以呢杯飲品就成為32大元，都幾貴。相隔一個星期，我是了他們的冬瓜茶加黑糖珍珠，冬瓜茶味不特出，黑糖珍珠黑糖味亦不濃烈。可能有期望，所以亦覺失望🤦🏿‍♀️