丸·茶手作 (葵涌廣場) (已結業)

胚芽好立克奶茶加桂花珍珠🌼$36珍珠台式飲品飲得多😁桂花珍珠又試過未呢😃呢個配搭係perfect😊就咁飲都已經覺得佢超香好立克味😊同埋重胚芽嘅味道😌食落去又有少少口感🤩加埋桂花珍珠真係非常驚艷😊好好飲😚嗌咗走甜但係本身好立克係甜同埋珍珠係甜😊所以加埋個甜度就啱啱好🥳珍珠嘅份量都多可以一啖都食到10粒珍珠😁同埋佢軟硬適中😇咬落去好有口感😉又煙韌😛唔知係咪太耐冇去所以見到佢個杯設計有啲分別😂都幾靚幾有質感🤩

疫情關係好耐冇去過葵廣喇🥲咁啱經過梗係要叫返杯手搖 行到2樓美食區就見到丸茶嘅身影 佢哋新出嘅四款飲品 吸引到我嘅注意 分別係：1️⃣美祿恐龍奶茶(凍)2️⃣胚芽好立克奶茶(凍)3️⃣薑母奶茶(熱)4️⃣黑糖薑母奶茶(熱)-我細細個已經對美祿 阿華田情有獨鍾😍所以諗都冇諗就揀咗美祿奶茶🧋甜度同冰量都可以選擇 非固定 亦都推薦大家加款配料增加口感😉- 🦖美祿恐龍奶茶 $29 (加黑糖珍珠 +$6)第一眼就留意到杯上嘅設計☺️印晒台灣最主要嘅地標🇹🇼例如台北 台南 台中 我對上一次去旅行就係去台灣🇹🇼所以隻杯都有啲觸動到我🥺而且店內都有賣台灣特色零食同飲品🤪haha好似有啲扯得太遠 講返正題先🙈·台式奶茶上灑滿美祿恐龍粉😙佢哋嘅珍珠同樣出名 所以我仲另外加咗黑糖珍珠 size有分中杯同大杯 不過我覺得嗌中杯已經好夠飲 因為飲完好飽肚😂味道就係飲緊濃厚版美祿 之後就係淡淡嘅奶茶茶香😌黑糖珍珠煙韌甜度又適中 三樣配埋都幾match 不過某幾粒珍珠有啲硬😵如果對珍珠冇興趣 都可以加寒天 仙草 雞蛋布丁 唔知呢幾樣配美祿奶茶又夾唔夾呢？😆-另外佢哋而家仲推出抗疫優惠～每日12-6pm可以優惠價$20 買到大杯裝奶茶

喺葵廣行街經過見到呢間茶飲店推出咗兩款新飲品🤩 有我鍾意嘅美祿恐龍飲品所以試咗~🧋美祿恐龍奶茶台式奶茶聯成美祿, 將奶茶味道昇華至更濃郁嘅層次! 上面鋪上一層美祿恐龍粉, 令美祿味🆙 另外再加咗Q彈嘅手作黑糖珍珠, 口感層次更豐富ꕀ🧋好立克胚芽奶茶 以丸茶王牌皇室奶茶加上好立克製作, 上面再鋪上一層台式胚芽, 更添麥芽風味‎⸝⸝⸝ 𓆸

自從上次飲完之後就一直都好想再飲珍奶🧋😭仲要因為病咗一排冇乜食到野仲想飲！一解返封就要衝去買🏃🏽‍♀️🏃🏻🏃🏽‍♂️yeah胚芽好立克奶茶（大杯）$32好耐冇飲過好立克所以想試下佢地呢杯新產品👀飲到一半都覺得幾飽肚，因為入面有胚芽～好似麥皮咁👾我覺得少甜都ok👻黑糖薑母茶（熱） $24薑味好重，個黑糖唔係太甜，非常好👍🏼👍🏼飲完個身體會好暖笠笠☺️☺️📍 丸·茶手作 (葵涌廣場) (葵芳)葵芳葵富路7號葵涌廣場2樓2009號舖

真係好耐冇行街，今日出去買防疫用品嘅時候，經過葵涌廣場，見到丸茶手作出咗新產品🤩 我叫咗一杯美祿恐龍奶茶，少冰半糖，唔會太甜☺️估唔到台式奶茶可以溝美祿，味道都幾夾，唔錯喎！上面鋪咗一層厚厚嘅美祿恐龍🦖粉，望上去好吸引，脆脆嘅口感好正，非常可口😆另外仲有好立克胚芽奶茶，仲有冬季薑母系列，依家天氣反覆，轉涼嘅時候一定要飲番杯黑糖薑母茶😝我仲見到呢度有唔同嘅嘢食賣，不過手上拎住好多嘢，下次再出街要拎定多袋黎呢度掃貨先得

【葵廣掃街多個選擇?!🥤】/////由細到大去茶餐廳都會叫華田或者杏霜唔知有冇人同我一樣呢？😝嗰日行行下葵廣見到手搖飲品小店都開始推出凍冰冰好立克胚芽奶茶同美祿恐龍奶茶呢類飲品 可以加配唔同質感配料〰️珍珠、仙草etc 好吸引!!😳熱飲就有新推出嘅薑母奶茶同黑糖薑母茶 你夠唔夠薑試？🤫招牌皇室奶茶加上薑汁 冬天飲完個身一定好温暖 養生首選🙆🏻‍♀️👉🏻美祿恐龍奶茶 (+手作雞蛋布丁🍮) $34自己一個就叫左微糖少冰中杯size trytry😋滿滿嘅美祿恐龍粉 為飲品賣相加左唔少分有好香濃可可同朱古力味道👅微糖甜度啱啱好小店手作雞蛋布丁多左蛋同焦糖味 sweet(´▽｀)雞蛋布丁好飽肚 可惜質感唔夠滑身🤧————-📍丸·茶手作 (葵涌廣場) (葵芳)葵芳葵富路7號葵涌廣場2樓2009號舖(重慶小吃食街直入, 細妹姐隔離)

見到佢岀咗咁多新品今日就試吓蜂蜜柚子綠茶🍵柚子味好岀 仲有柚子肉係入面杯野冇得揀糖但係都唔會好甜仲可以加配料添不過我就冇加到另外就叫咗個布丁杯加芒果寒天可以滿足到鐘意食配料嘅大家原本想試佢吔嘅手作珍珠不過過到去已經冇晒聽店員講每日都有唔同味仲要限量😶

做完野係要慰勞下自己，丸茶手作除左一般既珍珠奶茶，佢仲有芋頭鲜奶，芋香奶茶，沙冰，杏仁芝麻味擂茶， Nespresso 珍珠咖啡，不過最吸引我注意係佢既桂花珍珠。一般既珍珠都係黑糖，唔係黑糖既通常都係無咩味，不過既然佢地自己都POUND OF自己既桂花珍珠，即管試下你。叫左個鐵觀音奶茶加珍珠，少甜少冰。茶底唔算好濃，正正常常。桂花珍珠好煙韌而且珍珠食落去感覺幾清新，好香既桂花味，真係食到桂花都驚喜。珍珠既份量都唔少好滿足！下次要試下其他味Follow佢地ig全單有九折優惠

近排晚市冇左堂食 唯有幫襯下💛小店 多得某人所賜😡😡咁岩嗰日做緊限定買二送一 橫掂都要飲 咁不如同朋友夾份一齊買幾杯啦 咁就又慳左幾蚊😚😚 話時話成日經過丸茶手作都見佢做唔同既優惠 都幾好 可以慳錢之餘又可以飲下肥仔水🤪🤪特愛呢杯奶蓋綠茶 茶底不會太濃，加埋甜鹹既雙重芝士奶蓋，真係幾match。完全唔似岀面30幾蚊一杯咁，但嗰茶底飲得岀係冇搖過既茶，好乸脷😖😖呢杯就算係正價都係26蚊咋，加上如果有follow佢地舖頭ig 都有九折，都好划算🤑🤑只能話，一切都成正比。🥺🥺 加上見到佢地岀左窩夫！omg！等我下轉試下先！🤩good！珍珠都有幾隻味，日日口味不同，私心推介紫薯珍珠！💛世一

@bubbleteawork @bubbleteawork_kwaifong 本身好鍾意飲丸作，因為佢哋嘅自家製珍珠有好多款，好出色，下次有機會再介紹☺️但分店比較少，所以會去佢地嘅姐妹店（？）丸茶☺️⏪解釋返，係兩個唔同既品牌黎㗎😜🤪今日想飲芋香奶茶，因為唔多茶舖會有香芋味道嘅奶茶🙌🏻🙌🏻佢哋嘅香芋奶茶除咗有芋頭味之外，仲有茶香🍵唔似d cheap cheap 齋用粉沖嘅奶茶😮👍🏼👍🏼今次黎仲要適逢Edan 生日應援，有好多靚相打卡，仲有佢細個啲相😮😮😮🥁男朋友被逼要企隔離影相（我就唔放出黎啦🤣🤣🙌🏻）#黃店 #黃色經濟圈 #葵芳黃店📍 丸·茶手作 (葵涌廣場) (葵芳)葵芳葵富路7號葵涌廣場2樓2009號舖

話說前排丸茶有個應援活動，咁我就好開心諗住去睇下。去到店舖，見到金色頭髮扎住辮嘅女職員企係counter位，為咗大家清晰明白，我電話開埋嗰post有禮貌咁問唔知仲有冇應援包攞，因為每間店應援包數量都有限，所以我第一下已經問清楚。嗰女職員聽完我問嘅問題就話：「有啊，如果你消費嘅話。」咁我都覺得合理，因為嗰post都講明要喺店舖消費就可以問職員索取，所以我就求其買咗幾杯嘢飲。到杯嘢飲整好喇，咁我就問咗第二個近等候飲品區嘅職員係咪有應援包攞，佢就問返金髮嗰個女仔應援包係邊，然後佢講：「應援包？冇晒啦喎。」所以個男職員淨係俾咗幾個杯套我。我拎左嘢飲之後滿頭問號，忍唔住搵返喺counter位嗰個金髮女職員，佢話：「呢個我哋已經無唒啦。」如果你一早知道冇，點解唔一早同我講？咁樣玩消費者開心啲？如果冇咪冇，點解要人地攞晒嘢飲之後你先講冇唒？個女職員仲要笑笑囗咁，真係離唒譜！！

🍠芋頭拿鐵 $28佢哋嘅芋泥同熟悉嘅沐白唔一樣 係比較綿密而且無芋頭粒粒嘅 甜度固定 因為芋泥本來已經調咗味 覺得蜜糖味好出偏甜咗啲。另外為咗保持牛奶個新鮮度所以冰度都固定咗 一向都嗌無糖少冰 因為怕啲冰好快融會溝淡咗杯嘢 不過呢杯竟然無 可能因為偏甜所以冰融咗甜度就低翻就更好飲～雖然店鋪無寫明用邊個牌子嘅牛奶 但鮮奶飲得出唔係平價奶水🍵抹茶拿鐵+珍珠 $28+6抹茶拿鐵帶微微茶甘味珍珠軟腍唔太有咬口 偏好更煙韌嘅😙

冇飲一排難飲左好多杯野冇得教甜度 勁甜 飲糖水咁飲d芒果似果jam咁上面層芝士奶蓋鹹到漏 d質感勁似白膠漿 一d芝士味都冇 🙈🙈🙈好唔掂 飲翻上面上海灘仲好 起碼個芝士奶蓋真係正

平時為咗提神，都會早上飲一杯奶茶今日出到街，好眼訓，都會想飲杯奶茶行過見到有間台式飲品料理，就想試吓叫左個鐵觀音奶茶，承惠$19價錢公道飲品較多奶味，味道教甜下次除咗少冰，要記得少甜

唔講唔知 其實豬豬好鍾意去奶茶舖！🤟🏻每次經過都有茶香味🤤搞到成日都想整返杯歎 豬豬今次就同朋友試咗兩杯啦😙性價比🐷🐷🐷🐷🐷🐷🐷好食指數🐷🐷🐷🐷🐷🐷🐽可可拿鐵 $22一杯飲品其實係豬豬個朋友叫嘅 試咗幾啖之後覺得 雖然佢叫可可拿鐵 但係其實比較似係可可奶🤣拿鐵味唔太突出 唔似普通mocha 呢點有少少失望😢但係變相奶味同朱古力味就突出好多 就會比較啱番啲小朋友🤣🐽烏龍奶茶加桂花珍珠 $24呢杯飲品豬豬就比較鍾意啦🥰講咗啲珍珠先啦 桂花珍珠真係好Q彈 一食落去勁香桂花味 入面亦有啲桂花碎🌸烏龍奶茶都飲得出好濃嘅烏龍味 亦有奶香味 唔錯！