丼丼屋 (HomeSquare)

營業中

休息中

同朋友平日夜晚去homesquare搵飯食，見好似唔使等太耐就攞飛，大概等咗20分鐘就有位喇。帶位女店員見我朋友大肚，入座時無要求都俾咗杯暖水佢，好細心，加分。其他食客只會得室溫水。三河一色鰻魚三味丼($158)。鰻魚有炭燒味卜卜脆，唔係超市幾十蚊嘅貨色。另外有碗鰻魚汁，不過個飯同魚已經有汁，夠味唔使再加。第二食要彈嘅係紫菜喺熱嘅飯面上好快淋曬，同埋應該有wasabi但佢無。最後第三食加高湯變湯飯，大滿足。滑蛋吉列大蝦丼($78) 。炸蝦大大隻，略嫌個飯淡咗啲。蟹柳沙律，薯仔沙律同個湯不過不失。特上刺身 ($58)。叫得過。三文魚同帶子新鮮，仲有 大大隻嘅牡丹蝦，抵曬。總結係，絕對無欺場，必定會返食。

同朋友臨時約食晚飯，大家都係沙田友....係返沙田食就最fit啦😙雖然係blue Monday但沙田搵食都有難度，原本想食個間排長龍咁有小朋友一齊就即刻搵plan B，好在附近有丼丼屋，可以用apps拎飛仲有小朋友都啱食嘅豚肉飯~~大人又可以開開心心食魚生飯啦😋我食嘅大蝦魚生丼，有幾款魚生仲有我最愛嘅帶子份量剛剛好，為食想試多d野又有人一齊share 就加左廿零蚊有炸豆腐，湯同薯仔沙律性價比高👍🏻埋單時仲有驚喜，原來而家每食滿＄200有$20 coupon送，正！～沙田友食飯唔錯嘅選擇～

天氣好熱，竟然有凍烏冬，簡直正到無朋友！雞肉冷烏冬定食$82 （日本悠然雞）成個定食跟menu相一樣，一啖已經食得出係日本雞，跟本地係唔同，煮得好柔軟好嫩，面頭本來以為係辣椒油，心諗死啦，落咁多實辣到不得了，所以第一時間撥開左，後來發現係炸蒜加辣椒油渣，一點都唔辣，仲好香，放少少同雞肉夾住食好香口另外係有一兜麻醬，加埋落撈烏冬味道更加美味，再加少少炸蒜辣椒，而烏冬唔係我地平時食開果隻咁滑咁粗，口感係實在有咬口而且幼d配菜有牛油果，青瓜絲及車厘茄切片，配牛油果係新穎，切粒好過做醬，真係食到牛油果嘅味道，車茄厘新鮮定食之中仲有沙律，昆布湯，凍荔枝紅茶，極少甜，非常喜歡加$18/2件芝麻雞翼，係抵架（正價3件$42），雞翼一貫水準，炸得脆卜卜總括無論present，配搭，味道我係滿意，惟獨是要挑剔係個炸蒜辣椒油應該另上，我可控制份量，不過亦明白係特色，因為夾住雞食係一絕，呢個係我自己問題

之前去Ikea 買野，之後發現咗井井屋，想去試試！之後叫咗個「和牛烏冬」要91$左右！上桌後，發現所謂嘅和牛完全冇味！而且得好少！鳥冬又唔係好多！所以價錢根本唔符合！所以建議大家可以試吓其他！

本身好少食丼丼屋，但見佢同日本既喝鈍Crossover，係拎左全國丼物大賞金獎🥇即刻去左試😍蛋真係超級滑🥰仲要除左鰹魚汁之外，仲食到濃濃既蛋味💯豬扒炸完都唔會老，肥瘦剛剛好，同埋肉味都幾重，據說係用左日本產既豚肉🐖不過唔知係咪掛住影相，搞到層炸漿淋左😅•定食包左沙律🥗海帶湯🥣白飯🍚沙律我就麻麻既，不過粟米好好食🌽海帶湯居然有蜆肉，即刻升lev😂飯食到米飯香，對得住價錢😌 •雖然價錢唔係平，但真係食到日本既質素🇯🇵佢仲有番茄芝士味，大家等我包膠🤣

🍳🐖🍛| 滑蛋吉列豬扒丼定食 | $105（另加一）好耐冇食過丼丼屋啦～今次試咗呢個滑蛋吉列豬扒丼定食！好飽好滿足🤤不過略嫌個滑蛋唔夠滑同埋將塊吉列豬扒擺埋一齊落啲汁度，個皮好快就淋晒🤧本人一直覺得炸嘢係唔可以用汁浸太耐！唔係個皮淋咗就好難食....但呢個丼整體味道都ok的！

丼丼屋今期又出新野，忠粉朋友拉咗小編去試～👭-滑蛋吉列豬扒丼定食 $105日本產豚肉及雞蛋，豬扒炸得脆又嫩滑又熱辣辣，唔會比滑蛋汁浸到淋左；滑蛋汁配合洋蔥嘅甜味，撈飯食一流👍🏻定食除左主菜，仲有一份酸酸甜甜嘅沙律同味噌湯，整體份量比想像中多，好飽肚。另外，聽講呢個丼係來自大阪吉列豬扒丼專門店喝鈍 ，係全國丼連盟新一屆全國丼物大賽中獲得金賞🏅👇🏻特別口味👇🏻1. 芝士番茄滑蛋吉列豬扒丼2. 泡菜滑蛋吉列豬扒丼如果食飽想食甜品，米雪糕係不錯嘅選擇，論口感上，滑滑雪糕配有米粒；論味道，有點似豆腐雪糕，便利店都見唔到類似的，所以都可以一試。

今晚黎咗呢間來自大阪吉列豬扒丼專門店「喝鈍」，佢地係新一屆「全國丼物大賽」中獲得金賞🏅🏅係香港都有好多分店，今晚就黎咗試佢地最出名的日本產豚肉及雞蛋。估唔到7點左右已經有人排緊隊😱😱😱🧡滑蛋吉烈豬扒定食（$105）看似普通的滑蛋豬扒飯，好多日本餐廳都必定有，但要整得好食並唔係間間都做到。呢間真係有驚喜🤩🤩🤩不但豬扒件件都超厚，非常飽滿，而且肉質軟腍，薄薄的炸皮沾上濕潤的滑蛋和洋蔥，食落口非常Juicy😋😋😋即使係厚切豬扒，都勁入味，真係忍唔住係咁食😂😂😂之前食過嘅豬扒一係好薄，炸粉多過肉；一係就厚肉，但越食越乾的柴口感，真係一件起二件止。真係禁橋坐我附近的食客都係叫呢款主食，但點了不同口味，果然滑蛋吉列豬扒丼係必食👍🏻👍🏻👍🏻👍🏻

星期日下午行下沙田家俬鋪，行到攰想食個下午茶，周圍都好多人，每間餐廳都要等幾十張枱，最後丼丼屋最快有位就入左去食。揀左個拖羅丼set 另加芝麻雞翼，個set有湯有前菜有沙律幾抵食！芝麻雞翼有少少辣，而拖羅大約有9塊，雖然唔算厚但都夠入口即溶，係好味既！建議：大家預左自己行完家俬會去丼丼屋食野既話，最好用Gulu個app拎飛排隊先！咁就至smart啦！

如果叫主食，加$58有限定拖羅定食，有三大件拖羅剌身，好新鮮，入口即溶，未入口先興奮。我當然選了signature豚丼並盛 (即regular size煎豬肉片飯)，豬肉很入味，分量超多，飯又大碗。女仕們選regular size就夠了。Yummy!我囝囝當然揀咗佢嘅至愛的兒童套餐:有香腸、雞肉、蟹肉沙律、甜蛋和豆沙甜品。不過杯橙汁的味道好古怪，有血腥嘅味道。我試咗，我都覺得係，所以叫佢唔好再飲啦。 不過，佢話啲雞好味。 我就覺得兒童餐一般罷了。

今天想吃點清淡口味，所以就決定食丼丼屋。沙田來說環境10分不錯，中午時分也不太多人不用排隊。一個人的午餐所以選了一份定食，四色海鮮丼飯，配上沙律和味增湯，沙律以連鎖店來說不錯，不會水汪汪，蕃茄同蔬菜好爽脆新鮮，挺開胃的！四色海鮮丼賣相吸引，雖然魚生分量不太多，每款有2-3件，有蝦、三文魚、油甘魚同帆立貝，但勝在款式都唔會悶，各種海鮮味道都不錯，挺新鮮的，三文魚偏肥了一點、蝦爽口鮮甜肉不會梅、帆立貝有鮮甜的味道同爽身，油金魚油滑彈性，味道甘甜很不錯。

係沙田Home Squre行完IKEA，先知原來呢個商場開咗間「丼丼屋」，由於行到好累，都唔想再去其他商場搵食就試下呢間啦。(係元氣旁邊)由於我地冇預先禁票，所以等位都等咗15分鐘左右。餐廳主要係四人枱，但係今日多數都係兩位客人，所以眼見8-9成客都係搭枱坐嘅。我地分別叫咗兩個單點:名古屋鳥開親子丼 HKD$83望落去個樣幾吸引，可惜內裡都搵唔到5件雞肉，成個飯只係食到生蛋味(澳洲和牛)十和田燒和牛洋蔥丼 HKD$95食落去同普通牛肉冇分別!不過總好過碗親子丼......而且兩碗飯的分量都係偏細碗，男仔未必夠飽。每枱都有一樽水比客人自己添，幾方便，唔駛下下叫侍應幫手。

終於有新餐廳@HomeSquare，平日午餐原來都要早到。今天早點去試下個新menu，我發現12:10南蠻丼已經可以賣晒，味道我喜歡同雞也炸到剛剛好(厚到似豬扒🤣)。其實我有一段時間無食過丼丼屋，個價錢也升高了⋯⋯正常menu也有很多選擇，下次落雨就不用走出去，商場裏面又多一個選擇⋯⋯不過位好似太少，如果有班人大聲啲講就會好嘈。正常午餐menu就包飲品，下次就可以試個主menu嘅餐(maybe鰻魚飯)

行完傢私舖想搵個地方食夜晚，但諗起新城市廣場嗰邊好多人又逼，就留返喺呢個商場搵嘢食。呢到食肆選擇唔多，得宜家傢私餐廳，元氣同丼丼屋。諗住去元氣食，點知又係好多人排隊，就去隔離少啲人嘅丼丼屋食喇。餐牌同其他分店一樣，所以唔特別介紹喇，但呢到值得推介嘅係多左個拖羅定食，分店限定黎咖主食叫左個炙燒海鮮丼 ($88)海鮮刺身幾新鮮，燒得啱啱好，但飯嘅份量唔多，啱女士食，男士就可能唔夠飽喇。呢個丼有帶子，牧丹蝦，蟹子同三文魚，價錢好合理。黎到緊係要試下個分店限定拖羅定食喇加$58 有一個拖羅剌身，一個沙律，一碗面鼓湯，好抵！拖羅入口即溶，估唔到有驚喜$58有呢個質素同份量，好超值。餐廳唔大，位唔多，如果想食就要早少少排隊喇

今日去左home square 睇傢私🤓要買嘅野都買哂7點幾係時候要食飯啦🍽呢到餐廳選擇唔算多😕上openrice見到丼丼屋係新開😄就試試啦三河一色產鰻魚三味丼🍱鰻魚來自愛知縣三河一色町🐟鰻魚界當中嘅上品魚肉柔滑且油脂均勻☺️魚皮燒到微脆配以紫菜、蔥、醬油拌勻飯一齊食😙白飯係日本米🍚特別煙韌食到一半😜旁邊有壺昆布湯將湯加落鰻魚丼變成湯飯😉另有一番風味份量唔算大碗😙女生食就剛剛飽男生就......😬嘻嘻