九份飽 (蜆殼街) (已搬遷) 新店位置

行過見有人排隊，諗住一試無妨心態，叫了牛肉麵+冬瓜茶，牛肉好軟諗肉味好濃，湯都好濃好味，整體食物都很好。但舖頭大部份員工都係新移民，我並唔係歧視新移民，但就係啲陋習改唔到。有啲員工都好盡責，執枱面都好清潔，但就係吹水好大聲，成間舖啲食客都係安靜或小聲談話，佢地吹係蓋過哂，大聲談話大聲笑不止，大大聲開視像同個仔講嘢，大大聲跟同事鬥嘴。唉！我都係想食個快飯休息吓啫，我唔想知你個仔做咗功課未，你老公瞓到幾點呀喂！

好掛住台灣既蛋餅呀😭 香港要搵到好食既蛋餅真係一啲都唔易，好彩炮台山就有一間！肉鬆起司🧀️蛋餅⬆️皮薄餡多，餅皮唔會太淋或太乾身最簡單嘅嘢永遠係最好食😋鹽酥雞扒滷肉飯⬆️份量唔算話好多，雞扒炸得好鬆脆，配埋啲椒鹽粉好香口😚 不過滷肉粒就太少，要外加$10要多一份先夠撈飯食😹姐本來就係重口味！紅燒牛腩麵⬆️湯底非常之濃，同出面食的差太多了😍 一碗麵除咗湯底同埋主菜之外，配菜其實都好重要，佢啲蔥花同雪菜絲同蘿蔔滲晒紅燒湯汁🙈一定要encore!仲叫左兩杯台式飲品，埋單$200有找！正！

個人喜歡食台灣菜，味道夠濃但又比較貼近香港人口味，屋企又整唔到，要出街食☺而且台灣菜價錢又唔會太貴👍 今次嚟到九份飽，餐廳細細，裝潢都幾特別，想做到老台灣嘅味道😍有點令人懷念台灣，又要問：幾時先可以去旅行呀🥲 🔔餐廳人氣頗高，但空間不大，可能等候時間較長 台灣擔仔米粉($40)擔仔米粉第一次食，有蝦、有蛋、有貢丸，仲有大量蒜蓉，唔錯，味道適中👍因為未食過，所¹以味道好新奇 懷舊魯肉飯/細 ($30)魯肉飯係皮+肥肉+瘦肉，唔係間間餐廳都做到架，係小店先會做到足😍雖然係細嘅魯肉飯，但都唔少野架。🌑 海苔培根蛋餅 ($30)蛋餅有海苔培根做餡，好足料幾好食，但個人覺得加埋芝士感覺更滿足☺ 鹽酥雞 ($35)鹽酥雞正常發揮，夠酥夠脆👍做到台灣嘅味道，好想去一轉台灣 冬瓜茶/蜂蜜檸檬 (跟A類主餐只需+$10)可以揀唔同甜度(10/8/5/3/0分甜度)，分得好仔細，啱哂嘴叼嘅人🤣

見到佢個下午茶$39真係十分吸睛，九份飽、十分抵！🤩🤩 我哋2人前行，就叫哂個A,B 餐喇。A餐：培根蛋餅🥞、鹽酥雞、薑汁芋圓B餐：魯肉飯、腐皮卷、九份芋圓我本身鍾意❤️魯肉飯，覺得呢個飯個汁好有肉汁味😋撈飯一流，魯肉肥美，食得就把卡路里拋於腦後啦⋯⋯食物質素好高質，個粟米腐皮卷係即炸的，夠熱👍🏻👍🏻 $39 滿足哂唔同嘅願望，仲有埋甜水食，點至九份飽，仲係十分滿足！味道：4.5/5環境/服務：4/5價錢：5/5

🍽 #九份飽 #HooLunJeng小編係機緣巧合下試過九份飽餐廳後，就深深愛上呢間餐廳，真係超級推介比大家，餐廳雖然唔大，但真係值得一試再試。小編今次推介餐廳食物☝🏻香酥排骨飯 $42滷味拼盤 $32酥炸花枝丸 $35懷舊魯肉飯(大) $40鹽酥雞 $35台灣香腸 $35冬瓜茶 $20蜂蜜檸檬 $20小編對台灣餐廳情有獨鍾，經常在香港發掘好味既台灣餐廳，呢間九份飽既香酥排骨飯我暫時未係其他地方食過做得咁好，排骨外脆內軟，滷味拼盤中規中矩，懷舊魯肉飯超級香，勁有台灣風味，而酥炸花枝丸、台灣香腸及鹽酥雞都好值得食☝🏻當食左咁多炸嘢要飲返啲野中和下

餐廳細細間，次次行過都坐滿人，一係抵食，一係好食，堅決要搵日試吓 今日早放工，有位喎，即刻 call 人。餐紙好簡單，款式唔係太多，樣樣幾十蚊，乜都有啲三個人呢餐當晚飯食，點左 懷舊魯肉飯，紅燒牛腩麵，刈包，鹽酥雞，酥炸魷魚，雙層起司蛋餅，九份芋圓，黑糖珍珠鮮奶。埋單$280+，都幾飽下 刈包，魯肉飯和牛腩麵，我比較喜歡牛腩麵。麵質幾好，湯夠濃，肉好冧同入味。魯肉飯我就覺得肉比較少，同有點膩。刈包好似無乜特別，好似舊肉乾乾地。鹽酥雞同酥炸魷魚一齊上，有啲似樣 好食嘅，唔似整定。雙層起司蛋餅。呢個我鍾意喎 無諗過芝士蛋餅加左辣椒醬係咁夾 台灣菜要食芋圓同珍珠飲品啦！賣相和味道普通，飲品勝在可以㨂甜度。食物上枱全部都夠熱，鍾意食多食少都得。小店招呼好又有禮貌。唔錯！

香酥雞扒魯肉飯 hkd45雞扒炸得表皮酥脆但同時保持雞肉嫩滑,  魯肉飯都多滷肉, 但覺得D肉太肥。香酥排骨米粉 hkd 42似用新竹米粉, 排骨好大塊亦炸得酥脆。海苔肉鬆起司蛋餅 hkd35呢個配搭冇得輸, 蛋餅皮煙靭而且超爆餡, 仲有配埋個辣醬一齊食好味!炸甜不辣hkd35份量多, 外脆內軟, 調味適中, 仲可以沾泰式辣醬都幾夾。百香果綠茶加珍珠 +hkd13胚芽珍珠奶茶 hkd28飲品好好有得簡甜度, 但珍珠奶茶要俾正價。

今日放工去食台灣菜，行到這間之前食過的台式餐廳，下午茶優惠好抵食，一於放工獨自享受下環境好好，雖然地方唔算大，但是好台式感覺；播放台式音樂，好有氣氛！服務員也是台灣人，友善又勤快下午茶餐好抵食又吸引，有2選1的套餐，今次點了蛋餅餐（薑汁芋圓）薑汁味道唔會太濃烈，暖暖的溫度及微甜的味道加上軟軟口感的芋圓，好好食（鹽酥雞）即點即炸好香脆，熱辣辣，雞肉嫩滑好味，椒鹽味唔會好鹽，我好愛（蛋餅）台灣人好喜歡食蛋餅，這個也是熱熱的，外皮煙韌有咬口，中間夾住火腿雞蛋，點上甜辣醬料，好惹味39蚊一次過食晒全部的，抵食又美味

懷念台灣小食，叫到成枱都係野紅燒牛肉麵，港式風味，湯底有如車仔麵塊牛肉已經係筋位，點解都可以煮到咁乾魯肉飯汁底好似豉油咁，肉又炒得唔香，都係好港式既台式豬肉飯，真係無咩好講鹵水拼盤，比起亞元來了，差好多，真係食唔出邊到係台式野只有蛋餅係好味熱辣辣，芝士夠香，溶晒落蛋餅百份百港式風味，再吃，不了。

就喺銅鑼灣行街行行吓朋友問我想食乜我話乜都好啦地道嘢就喺銅鑼灣搭叮叮去北角一落車就見到呢間舖頭古色古鄉當晚係夜晚8:30都要排下隊等幾個啦大概15分鐘入座環境好靚呀好有感覺好似去咗台灣一樣服務員都非常有禮餓到不得了立即叫嘢食台灣牛肉麵、細滷肉飯、酥炸雞、酥炸魷魚鬚、叫咗兩杯凍飲、又肉鬆芝士蛋卷、滷水拼盤另外仲有一個好似年糕嘅嘢都係好好食仲叫咗四樣嘢拎走（滷肉飯x1酥炸雞x2酥炸魷魚x1)兩個人都係每人$200非常超值啦最重要係好好食囉下次要再嚟值得推薦啦好好味呀食到我哋攬住個肚走兩個人

午餐時間到炮台山附近覓食，搵到尼間台灣菜既餐廳即係要試一試！因為太耐冇得去旅行，好掛住台灣味啊😔 咁啱一個人去唔多人唔使排隊～裝修上都幾花心思營造台灣小餐館既風格，而且又有台灣歌播住～但店員傾計聲太大，有時仲會蓋左啲音樂聲😓紅燒牛腩麵。 7/10一碗入面有4大件牛腩，幾大件，份量足之餘都炆得幾入味麵底用左意麵，都幾夾！略嫌荽茜太多同酸菜太少蜂蜜綠茶+珍珠。 7/10叫左3分甜但都有啲甜，但都可以接受，因為珍珠冇咩味。 蜂蜜味都幾濃。不過不失啦。整體用餐體驗一般，冇特別大驚喜，下次可能會試其他小食

呢間台灣野排哂隊～試下先紅燒牛肉麵湯底好濃牛肉香～啲牛肉好薄，口感好，牛肉味重！配合芫荽、酸瓜、蘿蔔，菜脯浸住湯底好正👍🏻美中不足係個麵底，有鹼水味；如果唔係呢隻麵底就Perfect喇！懷舊滷肉飯鹽酥雞+滷肉飯D飯係爛飯黎，太淋仲差過自己煲既飯🤣滷肉太少啦！同埋冇乜魯肉汁（如圖）Ps： 食完好口渴炸甜不辣有驚喜！配埋個泰式辣醬外脆內軟，表面仲係鹽酥粉。口感Q軟有彈性極推薦👍🏻玉米起司蛋餅好正😍😍要熱辣辣快手食，凍左就唔正蛋香濃郁，餅皮香口，爆滿粟米粒再加埋半溶芝士，口感煙韌。咸咸又甜甜，味道好夾！！！推薦！！胚芽珍珠奶茶好好飲，我揀咗少甜。淡淡的麥香，胚芽味，加埋奶茶🥤建議唔好加珍珠，個人覺得唔搭。唔加黑糖珍珠會比較好。檸檬蜂蜜套餐加$10就有一杯又係揀咗少甜檸檬味重，好清新，但係少甜都好甜。人爆滿。

港島區風味十足嘅台式小店 — 九份飽✨#90cp台灣篇 #90cp天后篇➖➖➖➖➖呢間位於北角同埋天后固間嘅台式小店已經想試咗好耐😋 佢嘅裝修風格非常懷舊 十足十台灣當地一啲比較地道嘅小店🤩 雖然都要排隊 但一場嚟到梗係要試試佢啦！美味指數 😋: ⭐️⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🔸懷舊滷肉飯 (小) $30滷肉飯來講佢都算唔錯 滷肉都算入味而且肥瘦均勻🤪 雖然係細size但都唔係太細碗👍🏻🔸海苔肉鬆起司蛋餅 $35呢個絕對冇得輸🤤 佢嘅肉鬆配上蛋餅本身口感已經好出色 再加埋芝士簡直係錦上添花 正到不得了😍 🔸炸甜不辣 炸花枝丸 各$35兩款嘅炸物都係中規中矩啦 老實講又未至於極好食 份量都OK不過不失🔸大腸包小腸 $35呢個就真係失望🤢 失望在真係太油膩 同埋佢嘅大腸 亦即係佢嘅糯米飯有啲多🙈 口感亦都唔能夠同台灣嗰隻相比 可能真係太掛住台灣正宗嘅大腸包小腸就覺得呢個普通😂🙈🔸香酥雞扒肉操米粉 $45佢呢一隻係類似新竹米粉 味道都唔差正常🧐 雞扒亦都係普通貨色未至於要特別一試🙈💰Total

 ❤搵食地圖❤台灣美食--九份飽 (蜆殼街)同朋友行過北角，朋友話呢間網上好多人提，想去試試咁耐冇得去旅行，我都真係好掛住台灣D美食見到佢個設計同台灣都有D似都可以解解我對去唔到台灣旅行既怨念佢個整體設計都好台灣既感覺快子都有包好，感覺衛生食得台灣野， 滷肉飯就一定要食佢有大有細可以選擇，感覺大同細唔係差太多，又唔係好肚餓，所以同朋友share食試下比我睇睇下，見到香酥雞扒滷肉飯，都係差5蚊咁梗係食呢個又平又抵食 主食可以加10蚊有野飲，不過就冇珍珠奶茶。。。可惜配珍珠奶茶要原價。。。咁個飯到左都好大碗，香酥雞扒都真係幾好食表面酥脆，雞肉嫩滑，味道又唔會太濃，感覺啱啱好滷肉飯D汁幾香，D肉有肥有瘦，感覺適中又唔太油不過可能係'雙拼'，滷肉，同汁份量唔多，唔夠撈哂個飯，下次餓少少，可能分開叫好D苿香珍珠奶茶，店員都有問我要唔要少甜，但我都係鍾意原味，甜度係10不過飲落覺得唔係好甜，有香味，唔會飲2啖就飽左，珍珠偏軟身，但有口感，唔會咬到好累芋頭奶茶，感覺都唔錯總括黎講，有驚喜，味道同環境都有台灣既感覺，下次會試多D其他野

「九份飽🇹🇼」..最衰未到三點如果唔係可以試佢嗰下午茶🥺..懷舊滷肉飯(大)🍚$40佢個「大」其實就唔係好大,屬於正常size✨肉方面既份量幾足,由其是D汁👍🏻,好鬼足！可以撈哂成碗飯,簡直一流🤤至於個蛋方面就正正常常🥚整體黎講都幾好味🇹🇼.. 🍽環境 ：🌟🌟🌟✨👀賣相 ：🌟🌟🌟🌟💰抵食 ：🌟🌟🌟🌟👅味道 ：🌟🌟🌟🌟🗺地址 ： 九份飽 北角蜆殼街4號宇宙商業大廈地下1-3號舖#hkfoodie#foodblogger#hkfoodblogger #hkfood#lunchhk#午餐#食好西 #lunchhk#食食食#fortresshillfood#台灣菜#打卡#好西#台灣#香港#香港美食#炮台山美食#炮台山#九份飽#台灣美食 #香港好去處 #吃貨#吃貨日記 #抵食 #eatwchelle#eatwchelle_fotresshill#foodiegram