九份飽 (蜆殼街) (已搬遷) 新店位置

這間台式小店經常都有人排隊，令我非常好奇入去試吓！小店嘅裝修佈置充滿台灣色彩，令無得外遊嘅客人可以偽台灣遊一陣子。懷舊魯肉飯 $40白飯淋上燉煮五花腩肉碎及醬汁，滷汁五花腩肉好入味，肥瘦肉勻稱，食到有少少軟骨，味道鹹中帶甜，唯白飯煮得太腍。滷水拼盤 $32有豆腐、雞蛋、豬耳、牛展、雞翼， 勁足料又入味，鹵水豆腐實淨有咬口， 豬耳就腍咗少少。鹽酥雞 ($35)雞肉好嫩滑，炸甜不辣 ($35)煙靭彈牙，兩樣都香脆而不膩， 確實係佐口美食。飲品方面就較為遜色，我哋嘅茉香珍珠奶茶同黑糖珍珠奶茶都唔夠茶香味，珍珠就好有咬口。

搵到呢間人氣唔錯，價錢又唔貴，就試一試。果然有驚喜。紅燒牛肉麵唔會輸比通街的日本拉麵，但只要一半的價錢。滷味都非常入味。I'll be back to try other offerings soon.

平時呢間店好多人排隊等堂食，所以今次決定叫外賣自取，外賣預約左8點拎，未夠8點已經可以拎得我叫左個香酥雞扒滷肉飯，$52一大豌, 一打開蓋已經聞到好香ge鹽酥雞味道，鹽酥雞應該係即整, 打開果時重係熱辣辣，脆ge，鹽酥雞下面有滷肉，滷肉味道幾好，食食下重發現碗入面有半隻滷蛋，超開心滷肉飯飯量唔少,最後係食唔曬ge同事唔想食太多野，叫左個海苔肉鬆起司蛋餅，佢都話好好食會encore下次應該會試下蛋餅同芋圓

大碗抵食九份飽 (蜆殼街) 地址: 北角蜆殼街4號宇宙商業大廈地下1-3號舖電話: 36195049去台灣夜市必食，懷念鹽酥雞的香味 $35 ，就算明知一個人食完會上火出暗瘡，都要食架。要雙份一個人慢慢食,因為我打機都會拮來食充電的。$44 雞扒魯肉飯，個人心水首選，多肉。個魯肉汁甜而不膩，配上香糯柔軟白飯，每次都會吃光光。好似無乜蔬菜，一份$20小黃瓜，爽口又可以幫我降低炸物架油膩同罪惡感。$16 燙通菜都好抵食, 主動多食菜。想食湯麵但怕拿回家影響口感，還是點香酥排骨飯$42 安全。排骨一樣香酥！

如果想食正宗台灣野，講真，唔好黎。要檢測一間台灣菜是否用心出品，就係食佢嘅牛肉麵。客觀評價:1.呢間牛肉麵係油麵，車仔麵周街可以食到🥵🥵🥵湯底又唔入味，完全失敗。所謂嘅牛肉，係現成切成片嘅牛展，直接加入去，唔係燉過嘅牛肉。另一細節，酸菜，冇咩味，明顯冇認真去選購。只係裝飾下咁。2.唯一欣慰，甜不辣係好食嘅，冇問題。3.滷肉飯啲肉斬的太大塊，肉塊唔夠細。味道上只可以話中規中矩。配菜係一片酸黃姜，仿似日式便當，搞笑。4.滷味拼盤也都一般，不建議。如果你只係路過想飽肚，對食物無特別要求，甚至本身唔知台灣味道係點，不妨排隊去試試。(如果對食物有翻少少追求，千其唔好好似我咁傻，專程到訪兼排隊半個幾鐘，真係唔值得)

［利申：一向都是支持者］今個情人佳節，同bb嗌外賣自取，竟然比約定時間遲27分鐘先有食物，只能夠呆等，在場20多個食客群起鼓譟。我已經估到D單一定錯漏百出，所以check過D兜係啱數嘅。豈料番家後揭開個兜先發覺「嗌紅燒牛肉冇牛肉」俾個齋湯都夠膽死。好心冇咁大個頭就唔好接咁多單，食餐飯都要破壞晒個心情同胃口，限聚令已經令到大家心情好差，過年又冇得同親朋好友暢聚，而家食碗麵都要被人當小丑馬戲變走我D餸。真係應該好好反省囉。

咁耐冇去旅行，自自然好掛住其他地方嘅美食🍽特別係台灣🥺真係好多好好味嘅嘢！所以今次特登介紹一間台灣菜俾大家，佢環境好有氣氛，以九份老街為題，木枱木凳都好有地道風味，因為我都係幾個月前食，個時唔係影咗好多相😢本來嚟係想試佢個芋圓，點知個鹽酥雞同魯肉飯仲驚喜🤤魯肉飯雖然好common但真係做得好嘅唔多，係台灣我食開程味珍，佢個魯肉飯真係冇得輸😋今次呢間嘅魯肉飯竟然都做得幾好！個人唔鍾意太乾太瘦嘅魯肉🐷呢間嘅魯肉半肥瘦啱啱好～用嚟送飯拌飯一流。-鹽酥雞冇影到😢因為佢係即叫即炸，都要等耐少少🤏外面好脆好熱辣辣，炸粉唔會太厚，入面好juicy唔會老，好味🤤反而重點個芋圓麻麻地😢啲芋圓都似係手工搓，係幾有誠意，但係冇乜記憶點，同埋唔夠凍，芋圓唔係特別煙韌彈牙。-整體嚟講，佢係幾抵食，熱食唔錯，推薦。不過地方淺窄，要等位，同都比較逼。

今次黎到位於北角既九份飽～～之前食過一次已經覺得好好食😋😋今次再黎食希望可以解下想去台灣旅行既癮🥲🥲-🍚懷舊魯肉飯(大) $40✨呢個魯肉飯絕對係必點的👍🏻👍🏻魯肉汁好香，攞黎送飯一流！！肉質半肥瘦，食落淋淋地又幾有口感🤤🤤同埋魯肉份量都好多，絕對唔會食食下得返白飯🤣🤣-🍗鹽酥雞 $35✨鹽酥雞炸得好酥脆，炸衣又唔會太厚～～食落好香口，入面雞肉都好juicy😋😋有一種台灣既風味🇹🇼🇹🇼-🍳肉鬆起司蛋餅 $32✨蛋餅皮好煙韌，裡面仲有滿滿既肉鬆！！肉鬆加芝士呢個組合真係冇得輸😎😎食落好好味，點埋個辣醬一齊食都好正～～-🍜香酥排骨麵 $42✨呢個麵既份量都好多！！麵條彈牙，湯底都好濃郁～～仲有3大塊脆排骨，炸得好香脆😋😋-最鐘意呢間餐廳既裝修❤️❤️佢以九份老街做主題，入到去真係有種喺台灣既感覺🇹🇼🇹🇼野食都好高質，價錢又唔貴👍🏻👍🏻值得推介🤗🤗

份量好足料，70蚊一個雲林肉燥飯加半隻滷蛋,食完好有幸福感。特別一提，杯芋香奶茶真係唔講得笑，大大杯，粒粒芋頭喺度，好有芋頭味。小記：我在門口等外賣，店員見我等得辛苦，加快備餐進度，比預定時間早左幾分鐘就攞到，服務真係唔話得，值得一讚！👍🏻

兩小口無得去台灣旅行，惟有食住台灣菜頂擋先。估唔到呢間小店咁受街坊食客歡迎，雖然已經過左食飯時間，但門口仍然有人龍要排隊等位👥👥👥。🧡紅燒牛肉麵牛𦟌炆得好淋好入味，所以輕輕一咬已經咬得開，而且牛肉既份量都幾多下，一碗入面都有四五塊，好滿足。💕湯底清甜唔油膩，面質比較似我地平時食開車仔麵的油麵口感。🧡肉鬆起司蛋餅還點了一份我每次到台灣旅行必點的蛋餅，蛋餅中間夾住芝士和肉鬆，最喜歡這兩款配料組合，味道咸香可口。😋🧡鹽酥雞當然不少得來一份台灣夜市名物鹽酥雞，炸雞熱騰騰炸起，外層相當鬆脆，炸粉漿不厚。中間的雞肉仍然保持嫩滑多汁，很好吃👍小店的台式小菜質素不錯，價錢合理不算貴，怪不得整天門外都有長長人龍啦！

之前已經留意到這間特色小店，經常排長龍，一看之下發現價錢頗優惠， 今日剛好放假，一於買回家品嚐下。香酥雞扒魯飯 $45酥脆雞扒頗厚身，外脆內嫩滑，魯肉肥瘦剛好，感覺不會肥膩，拌飯一流。台灣香腸 $35不能缺少的台式香腸，燒到好香脆，令我食唔停口，配菜蒜頭口感清脆，食落有D辛辣。海苔肉鬆起司蛋餅 $35濃郁蛋香再配上芝士肉鬆，口感豐富。酥炸魷魚 $42炸魷魚香脆口可，越食越想食，非常邪惡。台灣擔仔面 $40一碗有貢丸，半隻滷水蛋，一隻蝦，肉碎，湯底濃郁，麵條爽口彈牙。

尋日放學之後，屋企人諗唔到煮咩，經過炮台山，見到呢間台灣餐廳，諗起呢排冇得去台灣旅行🙈又掛住台灣嘅嘢食😆就嚟買外賣返屋企食～適逢下午4:30，餐廳有下午茶餐，$39就有一個套餐，好抵食👍🏻下午茶餐A $39有粟米蛋餅，炸甜不辣同埋九份芋頭圓～好鍾意食蛋餅💕個餡入邊有好多粟米粒😆蛋餅蛋皮薄薄地，幾香🥰炸甜不辣有好香濃嘅椒鹽味😊少少辣不過接受到～九份芋圓入邊有好多料☺️除咗有芋圓，仲有涼粉，紅豆，珍珠粒添～好抵食👍🏻下午茶餐B $39懷舊滷肉飯雖然係細碗，其實都有好多飯😆表面有滷肉粒粒，調味嘅滷肉汁好香☺️好好送飯😊仲有涼拌小黃瓜🥒凍凍地，有少少辣，不過幾新鮮👍🏻仲有黑糖花生麻薯，煙煙韌韌😍夾心係好香嘅花生餡😋甜甜地，幾正💕海苔肉鬆起司蛋餅$35因為鍾意食蛋餅🥰所以見到呢個覺得幾吸引☺️夾心有好厚嘅肉鬆😍仲有芝士添～層次好豐富🤗同埋有紫菜碎，全部夾埋好好味😋台灣香腸$35有蒜粒醃製嘅台灣香腸，味道好濃郁😋幾香口☺️送飯一流👍🏻滷味拼盤$32有滷水雞翼，豆腐，牛展等等～滷水汁幾香🤩同樣好好送飯☺️

九份飽台灣菜之前都有吃過，但因為最近疫情未能吃晚飯，外賣自取也是一個不錯的選擇！餐牌選擇多多，外賣自取也有一些優惠涼拌豬耳朵$25 （辣）非常爽口香辣，辣味比較突出，喜歡爽脆口感的不要錯過。珍珠奶茶$23黑糖珍珠奶茶$25飲品方面黑糖不算非常多，比較清淡的黑糖香味，珍珠份量適中，懷舊滷肉飯（大） $40比想像中大盒得多，懷舊滷肉飯有好多肉碎以及骨膠原魯肉，鹹香適中，配上白飯完全唔會乾或者dry。飽肚又惹味紅燒牛肉麵$46紅燒牛肉麵屋企人一致讚好，除了棉質彈牙之外，主要是牛肉香味十足，好入味，十足十在台灣吃到的台式麵風味。九份芋圓 $35 食台灣菜當然不少得甜品，芋圓還有兩份等配料，口感煙韌，具有甜香，下次也可以再試其他款式。

最近都好想食台灣野🤪🤪店舖佈置非常有風味😗 不過依家6點後冇得堂食😟 唯有外賣食下台灣野 都唔錯😌🐽 玉米起司蛋餅🍳 ($30)食台灣一定唔少得蛋餅!平時比較多食肉鬆 今次係九份飽就試下個玉米🌽芝士份量夠曬多 玉米香甜🧀🧀蛋餅既厚度適中 好食🤩•🐽 香酥排骨飯🍚 ($42)大大塊既香酥排骨🤤🤤好酥脆👅 底下有滷肉配飯 fatfat又好食😼🐽 酥炸花枝丸🦑 & 鹽酥雞🐓 ($35 & $35)再嗌左兩個小食🤣花枝丸大粒又彈牙🤩🤩 鹽酥雞份量多 炸粉唔會太厚😙鹹度剛好🤪🐽 芋圓仙草豆奶🍡 ($39)當然要嘆多個甜品🥰有超多粒芋圓! 而且夠煙韌🥳🥳

無晚市,好難搞,平時D小店已經要排隊,而家唯有改外賣返屋企食啦叫左杯台式特飲,配返個鹽酥雞米粉同滷肉飯配雞扒另外叫左炸魷魚小吃個魷魚小吃夠香脆,加多少少椒鹽就會更加滋味另外台式檸茶夠清新酸香,好飲鹽酥雞扒有代切,雞扒亦夠厚身,份量多之餘味道亦唔錯另外仲有一客台式蛋餅,放滿肉餅,的確幾好食,個皮又夠薄外賣等侯時間:5分鐘 ,食物水準: 8分(10分滿意) 價錢:好抵食 有堂食一定會再黎,佢已經係九龍開左新分店了