九州鯛魚 (已結業)

聖誕節長假已經玩左上2日 其實有少少跩Boxing Day晚餐就吃得light D 去左西灣河太安樓吃鯛魚湯烏冬內裡裝修是全木日式設計 寬敞嘅坐位我就叫左花膠調魚湯烏冬 追加左墨魚丸同象拔蚌魚湯非常足料 好龍嘅魚香味 烏冬彈牙 象拔蚌有啲韌Hk$88 一碗烏冬 加每項追加hk$12性價比都唔錯

朋友話帶我去食魚湯烏冬，西灣河筲箕灣道57-87號太安樓，餐廳明亮裝修，乾淨企理，我們點左牛肉飯拼九洲叉燒鯛魚湯烏冬$82，牛肉飯，牛肉很惹味，鋪滿飯面，配洋蔥，加醬汁，很美味。鯛魚湯烏冬，有二片九州叉燒加濃味的鯛魚湯，野菜加芝麻醬很香又清爽。鰻魚飯配义燒烏冬$86，有半條鰻魚，甜甜地的豉油汁， 十分好味。义燒烏冬，烏冬彈牙，濃魚湯底是我至愛，飲完吃光回家都唔會口渴。超正沙律，清爽夠健康。煙三文魚二片$18，都不錯👍象拔貝三片$18，很爽口。一個價錢價有飯、有烏冬，我們都很滿意，會回頭再吃其他食物。

有時唔到你唔信，冥冥中往往好似真係有主宰咁。究竟命運係應該由自己掌握抑或是根本已經一早寫好哂D劇本呢？我睇唔透。但有樣野我就一定睇得通通透透，邊樣好食邊樣唔好食，逃唔過我把口既。今日我就黎到西灣河太安樓呢間「九州鯛魚たい」，唔洗飛到九州一樣試到餐廳既拓牌菜，正宗日本直送既「黑鯛魚湯底」，咁你話我把口既命運係咪掌握係我自己手呢？👇📌波士頓龍蝦鯛魚湯烏冬 - $138👉九州鯛魚湯之所以咁出名，當然係佢既營養價值非常高啦，當中既魚肉已經包含蛋白質鈣、鉀、硒，女仕們食就最岩咖啦，夠哂養顏。而呢到每日都會用到黑鯛魚骨熬煮超過4個鐘，所以你見到湯底係有明顯奶白色，魚香出哂黎，完全唔會有腥味。加埋份量十足既波士頓龍蝦，將個層次再推更高。配合彈牙爽口既稻庭烏冬一黎可以加強口感，二黎刺激魚湯既鮮味，呢個價錢絕對係抵食之選！▪ 白桃味梳打 - $26▪ 信州提子味梳打 - $28▫ 每次食烏冬或者拉麵我都一定會嗌梳打，因為咁樣係最夾既。白桃味道甜甜酸酸，冰涼中帶點解膩感；信州提子比較上清甜，但一樣做到解渴既功效，正！

太安樓真係美食嘅集中地。好耐無黎過太安樓搵食，好似入面檔位嘅格局都有少少唔同左。至於太安樓外圍嘅食肆亦都有唔少改變左。行到攰攰地，想搵一間正正經經有得坐嘅地方食晚飯，揀左太安樓外圍嘅九州鯛魚。鑑於太安樓環境太大，可能話比人知個鋪位其實係對住鯉景灣會方便大家搵多d。話歸正題，今日叫左個鳥唐揚定食，同一個咖喱手打漢堡扒飯。鳥唐揚定食都有d驚喜，雞塊炸得好juicy之餘，跟餐個鯛魚湯好濃味好香。至於咖喱漢堡扒，就無配餐嘅選擇，如果餐廳可以將佢配埋餐有湯跟就好喇！

同我屋企相隔10分鐘都冇既路程🤣，西灣河好小日式料理餐廳，雖然開咗冇耐但一食飯時間都爆場，所以都幾吸引到我🤣-位置於太安樓後面，環境裝修得真係幾日式，以木製為主，內裏環境圍邊坐為卡位，中間為長枱，都唔算太窄。-1️⃣江戶豚肉定食$98⭐️⭐️⭐️定食有沙律、飯、鯛魚湯、溫泉玉子，豚肉用麵包糠黎做炸粉，都夠香脆，不過肉質就唔算話嫩，而且都幾有份量，較厚，所以都需要用啲牙力去咬。鯛魚湯味道都幾重魚鮮味，有小小咸，不過可接受😊/2️⃣鰻魚飯拼九州叉燒鯛魚湯烏冬 $86⭐️⭐️⭐️原本以為2個主食會多得滯，不過原來一人食都岩岩好，鰻魚飯既鰻魚仲一啲都冇比小，兩條都幾長下，鰻魚都有小小彈牙，唔會話腍啤啤咁樣，而叉燒鯛魚湯烏冬，個湯底我以為會同定食個味噌湯一樣，原來唔係！依個比較淡，個鮮味再岀啲！烏冬係扁身滑嘟嘟個種，冇煮過頭而一夾就斷既問題。-環境：7/10服務：7/10好味指數：7/10回頭率：7/10

天氣轉冷的時候，特別想吃熱騰騰的湯烏冬，於是來到位於西灣河開業不久的「九州鯛魚」日式餐廳，試試他們主打的鯛魚湯底。我跟朋友各自點了一份午市定食，除了龍蝦、蟹腳和花膠等豪華版的湯烏冬外，大部分的套餐都是$100以下，價錢也算合理。✨吉列廣島蠔鯛魚湯烏冬($79)✨吉列蠔一共有三隻，外層炸得頗為酥脆，裏頭則包着口感滑溜的廣島蠔。鯛魚湯底呈奶白色，帶魚的鮮甜味，多喝幾口也不覺口渴。餐廳選用了扁身的烏冬，麵條順滑有口感，是我愛吃的那種。✨鯛魚片湯飯✨湯鍋底下有個用來加熱的小火爐，上枱時已點起了火，令湯飯保持溫熱，這個貼心設計在冬天的時候特別需要啊！鍋裏的鯛魚片在端上來的時候已是全熟，並不是餐牌圖片所示的生魚片，店員在點餐的時候也有作出提醒。魚片大約有四至五片，全都沒帶骨，魚肉肉質結實，不過稍為帶土腥味，沒有想像中的好吃。午市套餐可免費選一杯凍柚子茶，茶味淡淡的不算太濃。綜合來說，我比較喜歡這裡的吉列蠔定食，相信其他吉列炸物的質素也會不錯。

九州鯛魚たい-款式多日本料理門面掛著餐廳名字的木牌匾招牌，上面有著酒紅色的鯛魚招牌，配上木屏風的門口，內裡貫徹日系木元素的風格，木製的桌椅，另設有卡位配以和鯛魚圖案一樣酒紅色的梳化。江戶豚肉定食熱騰騰即叫即炸的吉列豬扒，厚切的豬扒，外脆內嫩，採用江戶豚肉，肉質腍身，配上沙律醬和豬扒醬，更加惹味，白飯配上溫泉蛋，蛋汁滲到飯當中，最後還有濃郁的鯛魚湯。鰻魚飯 拼 九州叉燒鯛魚湯烏冬一個價錢就嘗到兩款主食，首先是鰻魚飯，大大片的厚切鰻魚，配上香濃的鰻魚汁，鰻魚肉嫩滑沒魚骨，經典美味。令一款是九州叉燒烏冬，半肥瘦的日式叉燒，入口即溶，烏冬煙韌彈牙，最重要的主角是濃濃的鯛魚湯底。

冬天終於都黎喇天寒地凍又乾燥最啱食啲暖身暖胃嘅食物雖然打邊爐就最正但都唔可以日日打架湯烏冬同湯泡飯都係唔錯嘅選擇今日黎到香港大部份人都識嘅太安樓搵食寒風凜凜都係搵間餐廳坐低食好啲眼見呢間日式餐廳裝修雅致食物款式多於是入去試下先🔅廣島蠔鯛魚湯泡飯 $88泡飯上枱時仲有個小火爐熱住煲飯到我差不多食完個飯個煲仲熱架鯛魚湯同埋隻蠔一啲腥味都無亦唔會太咸浸滿魚湯嘅飯非常入味但又唔會令到啲飯淋晒真係食唔停口🔅江户豚肉鯛魚湯烏冬$88魚湯配烏冬當然係絕配最正係佢個烏冬真係超級滑炸豚肉外層亦炸得非常鬆脆可口🔅紫薯甘栗餅 $38除咗魚湯係本店推介之外我自己就非常推介呢個小食外層炸得超脆唔在講紫薯甘栗蓉好夾又香幼滑軟綿綿絕對值得一試

I ordered king crab udon. The food looked really good. But the taste was not good as looking. The soup was like fish base. The soup was not good with king crab. The noodles were tender but the potion is small.The shop was very clean and nice.No service charge and only cash.

西灣河太安樓係香港著名嘅平民美食天堂，最近睇美食節目發現呢間位於太安樓嘅九州鯛魚專門店新開幕，標榜「每日使用大量的鯛魚骨，先焗後燒至金黃完全收乾水份，再用小磨麻油落鑊壓碎慢炒，後配合獨家自製的配料及水經長時間每天新鮮熬製，才能做到色、香、味俱全的一碗上等鲷魚骨湯。」 非常吸引😍 唔試吓又點得。九州著名嘅物產—鯛魚，響接近無污染環境下生長，而且高鈣高鉀高蛋白質，營養價值豐富而且鮮甜美味，絕對值得一試。呢度嘅裝修好有日本風情，有少少懷舊日本嘅味道。睇吓個Menu，龍蝦、鮮蟹同松葉蟹腳嘅圖片都非常之吸引😍 除咗鯛魚湯烏冬之外，佢地仲有定食類別亦都有附上一小碗鯛魚湯，照顧埋無飯不歡嘅朋友。松葉蟹蟹腳鯛魚湯烏冬 $128上枱嘅時候係用火爐熱住嘅👍蟹腳好大隻好吸引😍呢度主打鯛魚熬製嘅湯，即刻試下先，飲得出堅係用魚淆嘅湯底，好鮮甜好滑好夠魚味，完全唔會腥👍 最後個湯俾我清曬咁滯😋蟹腳好大隻多肉，好鮮甜，加上浸過落魚湯更香更甜，而且啲肉都好有口感唔會梅。日本烏冬彈牙好味😋江戶豚肉定食 $98定食有吉烈豬扒，沙律，鯛魚湯，温泉蛋同飯~沙律菜好新鮮，而且醬汁好夠~温泉蛋熟度啱啱好，個汁都好好味，😋個湯好鮮

西灣河太安樓不嬲都多嘢食，今次覓食就搵到嚟呢間主打九州雕魚湯烏冬嘅店，平時食日本拉麵就食得多，魚湯烏冬真係未試過裝修好別緻，好有日本風味叫咗鯛魚片鳥冬$75 同 煙三文魚鳥冬$75魚湯味香甜濃厚，一啲都唔腥，仲有膠質嘅黏口感添！至於烏冬係扁平狀易入口索曬啲湯汁超正！主食份量都好足鯛魚片無骨而且相當滑煙三文魚入口即溶，煙薰味香濃另加有象拔貝$18 同 烏賊$18推薦象拔貝，夠曬爽口彈牙除咗魚湯烏冬外仲有好多小食同定食選擇，緊有一款啱心水

我唔太愛食魚，但愛飲魚湯～睇到介紹呢間主打鯛魚湯底，今日特登帶咀刁老公去品嚐品嚐～食完返屋企，佢竟然問我幾時再去食🤣好雅緻的日式裝潢六點半入座，好彩早嚟，食食下抬頭一看，突然滿座，出面仲有人等位～門外掛著日本米使用的木板～話明係主打鯛魚湯～定食都有一碗魚湯，而其他麵/鍋的湯底都係鯛魚🐟🐟🐟牛肉飯定食，份量足！有菜沙律，仲有薯仔沙律～～牛肉味道不錯，濃而不膩，溫泉蛋滑滑，老公將蛋與飯混合，好吸引！我就揀烏冬，魚湯都大碗啲！一上枱試啖鯛魚湯底！好好味呀！甜～～～～～高營養，飲完都覺得自己靚咗🤣炸蠔三大隻，蠔味濃郁～烏冬滑嘟嘟～扁身帶點煙韌，好多配菜，海帶、腐皮、木耳、娃娃菜、葱。結果：飲勝！Say Hi to 碗裡的鯛魚~除咗烏冬/定食，仲有泡飯都幾特別，原隻蟹/龍蝦/花膠/鮑魚，好勁呀！咖哩飯就要另外加$18先有鯛魚湯嘞～此店只免費供應水。有好多日本直送飲品～仲有唔洗加一！鯛魚湯無得輸！好飲到無朋友！食完顏值上升！

朋友就黎結婚，約咗係西灣河拎喜帖順便一齊食dinner~因為好耐無食過烏冬，朋友就話不如試下九州鯛魚餐廳日式裝橫，乾淨企理，坐得好舒服先黎一客兩粒墨魚丸（$18）肉質幾彈牙，碗底有d煮熟咗既洋蔥和椰菜絲，味道唔錯啊主食方面，我點了「花膠烏冬」$88，一碗烏冬入面都有4、5舊花膠，好足料炆得好淋身，又入味，食完即刻覺得好滋補再講返碗烏冬，烏冬好彈牙，又軟綿綿，附有幾款唔同配菜：豆卜絲、木耳絲、洋蔥絲，奶白色的鯛魚湯底味道鮮甜，配上彈牙烏冬一齊食，好味啊之後朋友點既係「吉列豚肉烏冬」$88 沙津幾清新～香脆吉列豚肉另上，唔會整比烏冬整淋～吉列豚肉炸得好鬆軟食得出係即炸兩個人埋單$194，唔洗加一，性價比唔錯啊～

事源最近喺電視節目見到介紹呢一間新開嘅日式烏冬店，於是乎同埋屋企人一齊去試下。我先生就嗌咗佢哋主打嘅龍蝦鯛魚烏冬，而我同我媽媽就嗌咗個鰻魚丼拼叉燒鯛魚烏冬試下。另外再叫咗吉列豬扒同埋吉列紫薯餅。龍蝦鯛魚烏冬:龍蝦仔D肉都算幾弹牙，而嗰鯛魚湯煮嘅烏冬 有煙韌嘅質感 ，整體我覺得都唔錯。鰻魚丼拼叉燒烏冬: 條鰻魚都算肥味,不過篇淋身, 口感一般。吉列豬扒:最令我哋失望反而係個吉列豬扒, 因為塊吉列豬扒本身已經係雪肉， 塊豬扒好似都冇乜調味，所以食落去淡而無味。紫薯餅: 呢個紫薯餅炸得唔錯，幾脆口。加上本身已經甜甜哋，算係唔錯。呢間舖頭仲有一個好處就係唔使加一，雖然食物嘅 價錢唔算太平，但唔使加一又可以慳番啲錢。另外佢本身個舖頭個裝修風格都好日式下，呢個我都非常欣賞。 總括而言呢間鋪頭都可以值得一試。

食左幾日麻辣，約左朋友係東區就食下其他清清地，佢接囡放學，所以就佢近近地入左呢個九州鯛魚。喂有驚喜。佢強項食鯛魚湯同龍蝦，我地一人一個試下佢係咪同參考圖咁。前菜係薯仔沙律，好野喎佢加左少少海鮮料，令到鮮味出來個沙律同主菜好一致。鯛魚湯飯，熱辣辣上菜，如圖一樣，都幾足料，個魚肉好入味，個魚湯都包都啲飯，飯中吸收魚湯精華，幾好食喎｜加少少胡椒就連湯都飲清左。好食喂～呢個就係驚喜位啦，龍蝦無花無假，真係同圖一模一樣 原隻上，湯味好濃，個蝦我同朋友一人一半都有肉食喎，能夠在東區搵到優質日式泡飯，我覺得都幾方便同想食好啲終於唔洗行咁遠了。合理價錢，讚