九州鯛魚 (已結業)

九州鯛魚唔只係舖頭名，仲係餐廳採用嘅食材🤣——滑蛋江戶豚丼($68)汁係正常甜甜地嘅日本豉油味醂味，洋蔥唔會淋到溶，仲有些少咬口。炸豬排嘅外皮好脆口👍🏻，肉質還好唔太韌，豬排本身調味比較淡，但因為有個滑蛋汁所以撈埋一齊都ok！.鰻魚飯拼叉燒鯛魚湯烏冬($88)個湯真係值得一讚，果然係招牌。重重嘅魚湯味🤤鰻魚飯就正正常常不過不失。.明太子手羽($48)入面嘅明太子係辣辣地嘅，燒得幾香口，還好啦。.芝士年糕($36)估唔到嘅好食😂外脆內軟，餡料味道啱啱好。.Overall: 6/10Value of money: 3.8/5——🎏九州鯛魚 (西灣河)西灣河筲箕灣道57-87號太安樓地下G25號舖

朋友知我鐘意拉面，特別帶我來呢間位於西灣河太安樓的九州鯛魚話有好野介紹，我當然刻不容緩應約啦。第一次來九州鯛魚呢間餐廳，宜家覺得這裡裝修風格十分好，很有日本特色，而且播放著日文歌，好似到了日本食野咁。我們點了兩個餐，一個係賣相相當之勁的鮑魚花膠鯛魚濃湯泡飯，原來可以轉烏冬，我選擇了烏冬。而另一個係下午茶餐，滑蛋鰻魚飯，加野飲都係$58好抵。我再點了一個廣島蠔，都係$18。這個鮑魚花膠鯛魚濃湯烏冬真係無得彈，大大塊花膠，加上有兩隻鮑魚咁多，而且這個湯底真係用心炮製，絕對係這家料理店的主打，新鮮的鯛魚熬製而成，就這碗湯都已經超值了。下午茶的套餐種類也多，大家會有很多選擇而且划算，來的話一定要試試我吃過的鮑魚花膠鯛魚濃湯烏冬，包你們食過翻尋味。

九州鯛魚（鯛，漢語拼音diao）今晚餐來這間日式餐廳，因為全民抗疫，平時要等位的旺舖顯得冷冷清清，晚上7點，只有兩桌客人...真有些辜負了這窗明几淨的環境！我們一家三口order如下：- 煙三文魚鯛魚湯烏冬 HKD75.- 餐牌👇食物還是挺有樣的👇- 牛肉飯+叉燒鯛魚湯烏冬 HKD82.- 餐牌👇食物如下，有飯有麵有沙律，應該飽肚啦👇- 江戶豚肉鯛魚湯烏冬 HKD88.- 餐牌👇食物呈上👇👇👇，那塊厚厚的豚肉呦！可能是豚肉特色吧，肉質緊密又大件，我一個人肯定食唔晒！益咗老公和仔仔～出乎預料的是：鯛魚湯竟是我無法接受的！和一般日式拉麵中的湯不同，我覺得這魚湯有非常重的魚腥味！可能有些人覺得那就是魚鮮味～食咗一啖帶魚湯的烏冬，我就放棄了！問老公和仔仔，他們也覺得是有一種味道，但他們能接受，好吧！算我比較奄尖😛以後我可以再來，但一定不會食鯛魚湯的餐！

今日天氣都唔錯，周圍出走行下，走左去石澳沙灘慢步，不過因為太凍既關係，所以好快就走返出去筲箕灣行街街，慢慢行行下開始肚餓仔，去到西灣河見到好出奇既太安樓，聽就聽得多啦，不過今次真係第一次黎到，咁當然要搵下野食啦。走下走下，發現左一間日本餐廳，門面又大又靚，所以俾佢吸引左入去！入到去唔洗等位，可能冇咩人夠膽出街食飯既關係？不過已經嗅到好大陣魚味，好香！搞到勁肚餓啦，快Ｄ叫野食啦～－波士頓龍蝦鯛魚湯烏冬－原來魚味咁重係因為呢到最出名鯛魚湯，我叫左全場最大張圖個份，原隻龍蝦，真係原隻！勁大隻！下面仲會熱住，等我有時間食龍蝦，烏冬都仲係熱，真係好細心，不過我都係忍唔住食左烏冬先，真係因為好香，烏冬超彈牙，又滑！鯛魚湯勁濃郁，魚味又重又香，勁好味！最後慢慢食龍蝦，超鮮甜，肉質爽口，膏多，肉多，真係材料豐富！－北海道咖哩手打和牛漢堡－日本咖哩最出名就係好濃郁咖哩味，但唔辣，甜甜地，同其他地方既咖哩非常之唔同，呢間日本餐廳一樣做得到，咖哩味非常濃，甜甜地，配飯非常岩，手打和牛漢堡又大又厚，好正呀！和牛肉汁豐富，濃郁，每一啖都有肉汁流出！

朋友介紹有一間鯛魚湯好鮮甜，試吓先😌個日平日去到6點令，店內只有幾枱食客，唔洗等位。慢煮豬軟骨定食$98定食有沙律，前菜，溫柔蛋同鯛魚湯👆🏻👆🏻豬軟骨連骨都溶化，炆得好淋好入味😋鯛魚湯奶白色，飲落好足料仲好香魚味，果然冇介紹錯👍🏻👍🏻😋江戶豚肉定食$98吉列豚肉既表皮見到粒粒麵包屑，炸得好香脆而且肉好厚又冇皮肉分離👍🏻好食呀😋原本仲諗住會唔夠飽可以入太安樓再掃街，點知飽到咩都食唔落😅

去到西灣河太安樓，唔一定要掃街既可以去試下呢間日本野，抵食又好味，最出名係魚湯無論叫烏冬湯底係魚湯、定叫飯都會配個魚湯俾你一定要飲晒，好味又有益！🔶江戶豚肉鯛魚湯烏冬 $88濃濃魚湯浸滿烏冬，豚肉大大塊，又厚又鬆軟配上兩款醬汁，可以隨自己喜好點醬🔶十和田牛肉飯定食 $98前菜係薯仔+沙律，食完前菜開左胃就可以開動食飯飯軟硬適中，用左日本珍珠米，牛肉超多，感覺多過飯牛肉加洋蔥絕配，洋蔥煮好淋好入味味道好似吉野家啲牛肉咁，但好食過！配上魚湯，唔怕食飯又飲唔到魚湯！🔶柚子茶 $16總結：平價有質素之選，份量多一定夠飽仲要無加一，十分超值！

今日去接朋友放工 係西灣河食飯經過一間日本野又好想食烏冬😆 所以就入咗去入面座位唔多 但坐得好闊落 我同朋友都覺得好凍所以就嗌咗個泡飯食🤪-廣島蠔鯛魚湯泡飯😋泡飯係用鍋上 唔驚會凍哂 一想到枱仲滾下滾下 店員建議我地放落個碗食 可以冇咁熱成個泡飯好足料 有三隻蠔 而且好大隻 個魚湯亦都好濃味 完全唔似係味精湯 仲有少量嘅配料 有木耳同紫菜 仲多到食唔晒-鯛魚片鯛魚湯泡飯😋朋友就叫咗依度出名嘅鯛魚片 魚片好滑而且唔會有腥味 配埋個鯛魚湯簡直係Perfect match -我哋仲叫咗專誠由日本送來嘅白桃梳打同提子梳打個人鍾意白桃多啲 唔會太甜 -鍾意食日本嘢嘅你哋不妨黎試吓😎

今日啱啱經過西灣河，諗起同事講起在太安樓附近有一間食鯛魚湯烏冬的日式店子，我咁鍾意飲魚湯，一定要試吓la!店子光潔整齊，裝修以木為主，座位闊落，感覺舒適。鯛魚湯系列也有很多選擇，有湯烏冬和湯飯，又有龍蝦，長腳蟹、鮑魚、花膠，大蟹等，真係樣樣都想試，淨係睇menu已經覺得好吸引。最後決定order了波士頓龍蝦鯛魚湯烏冬$138嘩！成隻波士頓龍蝦開邊跟住個熱爐一齊上，未食已聞到一陣陣的魚湯香味，好正呀！首先緊係要試啖鯛魚湯先la鯛魚湯係用日本直送的鯛魚骨淆製而成，呈奶白色，魚味濃郁，絕無味精非常鮮甜美味，好好味呀！波士頓龍蝦啖啖肉，肉質彈牙鮮甜，龍蝦頭仲有好多蝦膏，好正！配料有木耳絲，豆腐絲、海帶，紹菜，好健康！稻庭烏冬爽滑彈牙，沾滿鯛魚濃湯超美味！

太安樓的鯛魚湯專門店，朋友勁中意飲魚湯我就帶佢黎試一試。十和田牛肉飯定食 $98份量好多，有野菜沙律，溫泉蛋，薯仔沙律，主食同鯛魚湯，野菜沙律新鮮爽口，加左芝麻醬酸甜得黎好開胃，温泉蛋時間掌握得很好，好滑，牛肉份量多，好惹味，略有少少咸不過送飯就剛好，舖頭係用日本米，飯香軟熟。蟹棒鯛魚湯烏冬 $72白白嘅鯛魚湯令到人好想飲落去，好大碗，魚湯熱辣辣，好鮮甜，雖然係煎過嘅魚去熬湯但一點都唔油膩，飲得出係無添加味精，烏冬爽滑，吸哂湯汁好正，蟹棒鮮甜。

買嘢行過見到間餐廳餐牌標榜鯛魚湯底烏冬，因為我好耐冇飲魚湯，所以就入去試吓。我叫了豬軟骨鯛魚湯烏冬。可能掛住影相，面頭D湯凍了少少，聞到有少少腥味。不過飲時就沒有，祇係有濃魚湯味。烏冬爽滑。豬軟骨好林兼入味。應該會再嚟試其他。

這餐廳喺屋企附近，上次嚟過試過呢度嘅鯛魚湯烏冬，今次就試下佢嘅定食。囡囡就鍾意食滑蛋鰻魚丼，配咗喜歡的波子汽水。我就揀咗吉列豚肉定食，定食都有一碗鯛魚湯飲㗎。魚湯味道濃郁鮮甜，仲好有營養添。因為係下午茶時段，價錢更加優惠。我哋仲用優惠價追加小食，甘栗紫薯餅同埋雞肉串。鰻魚滑蛋飯的鰻魚厚身，飯上有好多嫩滑嘅炒蛋，同埋鮮甜嘅洋蔥絲，令人胃口大開。吉列豚肉嘅水準都好高，外皮脆卜卜，裏面嘅豚肉好juicy，定食還包括麻醬沙律，前菜，分量好充足。

今次食第二次了之前delieroo嗌過覺得好食今次帶埋屋企人 五個人去吃晚飯～一坐低座位逼得緊要。。。堂食不適合四人以上去食食物都叫好食，牛肉飯同炸物最出色，泡飯試一次就夠，特別係花膠鮑魚，係完全唔入味有兩個女侍應服務態度好差，落單時黑口黑面 然後食物鋪滿枱上時又唔識點擺，成張枱超逼，食都好辛苦，連開枝波子汽水都無位問女侍應幫手仲要拒絕，有欠細心。總括來說環境係靚但不適合大圍食。堂食來說，咁嘅經驗試一次就夠了。

馬拉松將近，要拿拿林加操！放工後約左跑友一齊跑步之後一齊晚餐。其實跑完步又唔係特別肚餓，不過比賽前一星期我會食多少少飯，鯛魚有烏冬又有飯選擇，大家都可以選自己需要。我點左鰻魚飯拼九洲叉燒鯛魚湯烏冬，好似好大食咁，其實份量剛剛好！仲附送前菜沙律一份。鰻魚飯超吸引。厚厚既鰻魚燒得剛好，塗上鰻魚燒汁後特別香噴噴。至於九洲叉燒鯛魚烏冬，先喝一淡魚湯，好正呀！用魚熬出黎既湯底特別鮮甜好味。烏冬係揀選過，口感煙銀。至於跑友居然叫左波士頓龍蝦鯛魚湯烏冬！好大碗！不過龍蝦就唔算好大！食龍蝦烏冬好似好豪咁，但其實價錢一d都唔貴，只需$138。湯底同我個叉燒鯛魚湯烏冬，一樣咁香濃鮮甜魚味道。跑友分享左隻大大龍蝦鉗比我，唔錯唔錯！

首先叫咗一個波士頓龍蝦鯛魚湯泡飯。個龍蝦好大隻，而且有蝦膏，肉都幾爽😋。個鯛魚湯好清，可能因為有蔬菜係入面，而且都好有鮮味。啲飯同啲湯一齊食好夾！最重要係個鍋有火熱住，令個飯同湯食到最後都好熱，加分！👍另外叫左個鰻魚飯拼九州叉燒鯛魚湯烏冬。鰻魚入口的質感柔軟，咀嚼時彈牙，燒鰻魚嘅時間拿捏得準確。而淋係條鰻魚嘅醬汁同條鰻魚搭配，個鯛魚湯亦都相當有鮮味😝，即係指佢有海水果陣鹹味，但係又唔會過於鹹，作為一個烏冬湯底係十分適合。烏冬本身亦都好滑，而且好有口感，有嚼勁。舊叉燒品質都唔錯。🥰

下午茶時段鯛魚片鯛魚湯烏冬 配熱柚子茶HKD60味道: 8️⃣環境: 8️⃣性價比:8️⃣推介度:8️⃣==================下午茶時段鯛魚片湯烏冬原本係配豬骨湯底嘅$48, 加$12可以改配鯛魚湯🐟佢嘅烏冬有配木耳絲、娃娃菜、海帶同埋大蔥絲😀一嚟到梗係試飲一啖鯛魚湯先啦😍😍嘩不得了, 個湯勁鮮甜飲得出好濃郁嘅魚湯味超正呀😋👍🏻同埋嗰啲配料一齊食好爽脆清甜, 雖然佢嘅鯛魚片有成6塊不過肉質偏淋味道好淡😅但用$60食到有咁嘅質素嘅魚湯又包埋一杯野飲, 性價比好高呀❣️如果佢啲烏冬可以再煙韌啲就更加好啦🤪-