九重鮮 (已結業)

之瓶都聽好多朋友介紹呢間餐廳，食蒸海鮮同埋海鮮粥，今日終於有機會同朋友一試喇!!!佢會有幾個package俾你選擇，貴同平都有，一黎到係一個高塔咁，入面有哂海鮮，大家記得自己叫左咩餐，有咩食，如果唔係，有D海鮮冇上都會唔知道，而我好中意佢地呢個塔，因為最底果層係粥黎既，上面D海鮮蒸到熟之後，就會流D汁到個粥到，所以個鮮食起上黎好鮮甜美味^^同埋唔好以為佢唔飽呀，食食下都幾飽，所以呢個價錢黎講，都幾抵食嫁!!!

如果大家係為味道而去，請不要浪費三百多元（每位）！好失望😞環境同服務都好好。可是。。。星期日晚，我地兩個女仔，叫左兩位江南塔。但每一層好可以用不值，近乎難食來形容。。。首先，第一層，泡菜豚肉，豬肉係好臊，有少少臭味。第二層海鮮，未熟就已經開煲蓋，睇落去似熟，但一咬落去個感覺梅梅地。食到第三層，終於忍唔住叫個職員再蓋返個蓋，先真正熟，正常返。不知是否休漁期，總之就係所有海鮮都冇鮮味。蜆裡面好多沙。最後個韓式豬骨粥算係比較正常。總體，非常失望。。。

平日放工經過開黃埔花園都唔發覺呢個位置係一間好好食嘅蒸氣火鍋，前身其實係一間日本料理，但係現在已經成為一間韓國嘅蒸氣火鍋海鮮店。裝修格局非常精美，我哋今日就買咗隻長腳蟹，加唔同嘅海鮮。上菜速度都非常之快，老闆話佢哋啲海鮮每日都係新鮮運到，長腳蟹放入電腦嘅時候仲係非常之生猛，不停咁跳，蒸氣下面係粥底，當你所有海鮮煮熟之後，佢哋嘅精華就會全滲入落煲粥度，非常之鮮甜。加埋呢度仲有好多唔同嘅韓國特別飲品可以俾你選擇，所以鍾意食蒸氣鍋嘅朋友可以試一試！

父親節諗住近近地同老豆食餐飯揀左附近幾間餐廳都已經 full 哂無得訂位見到呢間仲有位訂大鄉里又未試過蒸氣海鮮鍋一於就試下呢間啦訂左位去到等左差唔多 15 分鐘先入座佢有幾個餐揀釜山塔 $328/位首爾塔 $398/位濟州塔 $568/位我地叫左個首爾塔感覺較為經濟抵食前菜有沙律、白菜仔、醃苦瓜同埋泡菜我地有添加左一次店員幫我地分左兩個爐兩個塔塔頂插住支溫度計交帶左要等夠 85 度就食得到差唔多夠熟有走埋黎幫我地開蓋都幾細心逐層食完後最底層仲有個海鮮粥底海鮮質素唔錯都幾新鮮整體服務都算幾好收垃圾都收得幾密個芒果啤幾特別一定要試下

韓風襲港，海鮮塔在香港流行了一段時間，試過好多間食店，始終鍾情於九重鮮：新鮮，美味，服務好，有質素！店內裝飾精緻仲有韓國服飾，應該可供穿著影相。這晚我選了中檔價錢的套餐，跟據過往經驗，係好足夠、好飽的！我地另外點了日本和牛，侍應講解係要連埋泡菜卷起來吃，我不特別喜歡泡菜，所以起初有點擔心，但食落卻很美味！無介紹錯！我地兩個人，有五層塔。頭兩層建議食快啲，才不會蒸過火。之後三層可以慢慢食。最後係人參雞湯嘅粥底，真係好飽，好滿足！

補祝朋友生日，諗住近紅館，就揾左呢間餐廳，餐廳環境唔錯， 內部裝修新派，座位都寬敞，所需物品一應俱全，你一定可以係枱面揾到，服務亦都好好， 服務員會解釋畀你聽要蒸幾耐，同埋幾時要叫佢哋幫手，收垃圾亦都好密，但係食物嘅質素有待改進，正常黎講蒸氣火鍋已經係唔俱備任何要求，只需要你嘅食材係新鮮，但係收人四百位咁既份量與質素好似差左D!

備註：韓式蒸氣火鍋必需2位起，出示「黃埔新天地貴賓卡」可獲九折優惠 香港近年興起一股蒸汽鍋餐飲模式極受大眾歡迎，甚至連中菜館及酒樓都爭相轉型加入戰團。而「九重鮮」是首間率先引入韓式九層塔海鮮蒸鍋的食肆，其實韓式九層塔跟港式的蒸氣石鍋非常近似，目的都是吃海鮮的原汁原味，而不同之處在於九重塔每層吃完後侍應會把精華倒往下一層，這樣子鮮味就會逐層添加。「九重鮮」始創店經過一年多後，再跳出香港大坑到九龍紅磡開分店，足見受歡迎的程度和實力所在。紅磡新分店比起大坑店大好多，座位闊落。簇新的裝修，一室暖木色系，加設的靠牆卡座更可將騷擾度減到較低，所以提醒大家訂座時最好要求安排靠牆卡座啊！另外一提是店家位處距離地鐵黃埔站稍遠，熟路的可以穿過商場捷徑，否則要費點時間和路程去尋找。九重鮮- 紅磡店的入口前設有一個很有玩味的等候區，這裡掛著多件男女及小童韓服供顧客在等位時試穿和影相。餐廳的韓式海鮮蒸氣火鍋有三個價錢，分別是$328的釜山塔、$398的首爾塔及$568的濟州塔，衡量了價錢後，我選擇中等價錢的首爾塔HK$398/位，感覺較為經濟抵吃。這種韓式海鮮蒸氣火鍋最底層是加了米和配料的湯底，上層分別有不同

之前同閏蜜食過尖沙咀舊舖，今次帶爸媽老公去紅磡回味九重鮮~餐廳地方夠，唔會同隔離枱痴得太埋。員工細心態度又好，令我地有個愉快嘅晚餐。我地四個人叫咗鮮活龍蝦人蔘雞海鮮套餐($1880)。一上個九層塔已經好期待~第一層有泡菜和牛。每人有兩件，泡菜唔太辣，和牛嫩滑。第二層係蟶子同蜆。餐廳話象拔蚌無曬轉咗做蜆。兩樣都新鮮無沙。第三層原本以為平平無奇，原來係花膠魚板串。花膠真材實料，加啲豉油更好味。第四層係我至愛嘅大元貝。睇啲汁都知鮮味無比喇第五層係海蝦。隻隻彈牙味美，唔駛醬料都好食呀～第六層係重頭戲-龍蝦。每人有半邊身加一隻拑。龍蝦唔鞋口，啖啖肉令人再三回味。第七層有龍躉。我食到呢層已經開始飽飽地，但龍躉皮煙韌肉軟滑，你唔會想放棄食佢。第八層玉子蔬菜盤。不過不失。第九層有鮑魚。雖然蒸得最耐但唔會過韌。最後係人蔘雞粥。有齊以上海鮮嘅精華，加埋半隻雞，人蔘，仲有韓式年糕，可以想像得到有幾好味。不過實在太飽，店員俾咗兩大個紙碗我地帶走，第二朝食仲好好味 總結係，樣樣海鮮都新鮮。食專啲好過任食果啲。

呢排突然好想食蒸海鮮, 適逢周年紀念日, 老公揀左黎呢度慶祝。聖子 (有車厘茄同韭菜花做配菜)、象拔蚌、元貝、刀蚌、海蝦、北寄貝 - 完全無鮮味, 下下要靠醬汁沙巴花蟹 - 將成個蓋整碎晒 , 但d鉗完全無幫客人預先整碎d殼, 每枱客都要主動問侍應拎用具, 繼而大家都好努力去拆, 細心留意d殼係四圍飛, 蟹肉相對有鮮味。花尾龍躉 - 由於佢係中間既層數, 食到佢時已經好鞋好老, 又係無味, 確實幾難食。鮑魚、墨汁豚肉丸 - 係最底果層, 而兩粒丸放正中間, 當下心諗咩黎, 食落.... 鮑魚係彈牙, 但又係無味!粥底揀左素菜鮮魚湯底 - 原本以為會好鮮甜, 結果...... 同食菜稀粥無分別......

閒日十二點幾黎到，基本上唔洗訂枱都大把位。上餐時間都快，鰻魚滑蛋飯，即整上枱都係熱，係唔錯。人參雞湯泡飯，飲落果湯感覺都是味精感重，湯有參味，但冇咩雞味，應該都唔似放隻雞一齊煲的鮮味，馬馬地。至於沙津吧還好，有火龍果，蕃石榴，蕃茄，泡菜火腿，同有冷碟伴菜，有三種菜如下蕃石榴俾食客清咗一碟，都冇再補上新的一碟。有木瓜白蘿白湯任飲，都是幾味精。然後就雜果沙津，凍豆腐，紅豆，黑豆，粟米，蕃茄片、青瓜，自行配搭。個人幾中意食凍豆腐，不過俾食客清咗一碟都冇再補上。自助飲品方面，有咖啡同茶，我就選咗熱奶茶，奶糖都是自己加。環境好舒服，好岩傾計，可惜同行人都是趕住走

食蒸海鮮只要夠新鮮就夠，食材相當唔錯，雖然地點未算最方便，但都唔算好吊腳：介紹食物之餘又唔太hardsell, 適當又唔過多嘅服務，食得相當舒服，下次多幾個人食，可以試多幾款

黃埔開啟港鐵以來我真係第一次入嚟，有咗地鐵的確方便！區內都有很多選擇，而且地方我覺得都特別乾淨，同埋企理，始終都係有錢人區！行了一轉黃埔，決定在九重鮮落腳食晚飯！他們地方好大，坐得舒服 他們新出左一個餐叫shake shake海鮮, 好似幾好玩我哋就叫來試吓！ 每位＄258，一人一袋龍蝦海鮮，自選醬汁，之後到自己shake shake,就放上鐵板上邊食我就揀咗日式芝士汁，配搭海鮮味道都幾好！海鮮也很新鮮，除咗海鮮亦都有蔬菜，午餐肉芝士丸牛脷等等！又好玩又好食，可惜一點沒有白飯跟！雖然配送的食材有10幾樣，但係最後我係唔夠飽！如果食佢哋嘅蒸飯應該一樣價錢會食得飽啲，這樣我就覺得有點貴了！如果將個套餐改良加個飯加個面咁就Perfect啦!!

之前去過大坑分店， 食過唔錯。 今次同同事4人去紅磡分店食team dinner! 成個過程由booking到埋單很順利。 可以有房坐。 房間夠乾淨， 可以有枱仔放袋， 冷氣足， 通風夠。 叫左個松葉蟹餐， 再另叫泡菜豬肉同黑蒜豬肉丸。 泡菜豬肉好夠油香， 每人大約食左2件。黑蒜豬肉大大粒， 新鮮彈牙， like! 隻蟹係夠新鮮既， 亦唔會無咩肉食。 另外， 同事話牛都好食 (因為我唔食牛) .我覺得服務幾好， 因為有2 隻蜆開唔到口， 員工自動攞番幾隻比我地換。 值得一提係個toilet...夠乾淨。

食物服務強烈推介1號同11號餐牛肋條好淋好入味鰻魚飯滑蛋Salad bar最失敗地方， 當大約2點，全場仲有半場空位，本身2人坐既4人枱，紫衫疑似女主管，安排一人搭枱，加上態度只講一句 : 呢度下午係有機會搭枱其實佢應該先安排1人坐其他枱，再有人入黎，先安排佢地搭枱，甚至唔需要咁做，即時變左茶餐廳感覺，佢要明白，客人有機會介紹朋友，加再帶多d人黎，但係而家無必要多左句 "小心，佢會無理搭枱，夠4個人先去啦～"

韓國出左海鮮塔都一段時間，香港都開左好多間，而呢間除左有海鮮塔食之外，仲新推出有得shake shake海鮮添!門面好靚，仲有韓服可以試著呀!裡面環境都好鬆動，坐得好舒服。有韓國果汁飲品叫左蘋果汁，味道都同出面蘋果汁差唔多，不過佢有椰肉係裡面呀!!有4款前菜，豆腐好好味。佢仲有特製辣泡菜，真係食得辣先好叫，睇唁睇得出邊個係勁辣果個呢。真係食左一小啖已經唔得啦!!!佢麻得黎好辣，反而正常果個泡菜就好好食~食海鮮有剪同膠手套，唔怕整污糟呀!Shake shake海鮮上陣!!!一大包，每包2人份量呀!我地就叫左3款唔同味。裡面料其實都一樣，shake完之後可以莎開倒係熱平板就熱住食，記得要攤開D海鮮，等佢每件都平均受熱~3個味分別係蒜香、芝士、辣味，最好食係蒜香，味道比較濃比較香，配料就都好足，仲有半隻龍蝦，件件都好新鮮!呢個九折板係紅菜頭蘿蔔包肉好特別個味好清，份量好足，一個可以包到好大個~蒸海鮮上場啦!!一開始睇住溫度，等9十幾度就食得第一層有蟶子，貴紀蚌，好厚肉好正呀!第2層大大粒帶子，鮮甜第3層有餃同龍躉，龍躉咁樣整又幾好食wor第4層係南瓜片、蕃薯片、蘿蔔、福袋同肉丸第5層有櫻花蝦