九重鮮 (已結業)

很久以前已有大坑九重鮮嚐過鮮，那時蒸海鮮還是新概念，足足有九層，逐層揭盅的感覺對沒有看餐牌的人來說，層層都是驚喜，更別說初嚐最底層的那超濃海鮮粥底的驚艷了。想不到再來的機遇，竟然是一年後的時間，店由大坑搬到來黃埔。黃埔店既大點，光猛點又有韓服在門口，韓風比舊店更強。首爾塔$398一人，很貴？每一層都是進口海鮮，同一個套餐其他中式蒸鍋必定會更貴吧！第一層有巨大蟶子跟象拔蚌，蟶子很有驚喜，用上蒜蓉豉椒調味，用上煙韌滿有口感的蘇格蘭進口貨，不俗。第二層是元貝跟海蝦，元貝的肉汁我全貢獻給湯底了，這決定果然沒錯！最後的粥底不會令你失望。第三層是花尾龍躉跟貴妃蚌，花尾龍躉的骨膠原多，入口富膠質，亦無腥味，煞是好吃。至貴妃蚌的湯汁，也是貢獻湯底。第四層是沙巴肉蟹，花甲跟芝士丸。這一層的沙巴肉蟹超新鮮，侍應主動幫忙拆殻，沙巴肉蟹之大足有兩斤！無需沾醬，可直接食用。芝心丸有點甜，𣎴知是否加了糖？第五層是滿滿的飽肚物，南瓜，粟米，番薯，鮑魚，不過還是難以抗拒，因為日本南瓜，粟米，跟番薯的甜度超高，連皮吃也可，於是又清了一層。100%飽之際，還有壓軸一層：海鮮粥！強烈建議一定要吃，全部的鮮味都在這裡，還帶些

媽媽上年不乖，沒有好好控制飲食，不過經過一番堅持和努力，今年的身體管理得好好，所以決定帶她去吃一餐她最愛的海鮮餐！我們去了位於黃埔的九重鮮，主打海鮮首爾塔！我和媽媽都很喜歡吃蟹，所以點了一個有蟹的套餐！前菜是任吃的，我特別喜歡這裏的泡菜，不算很濃味，但有一些清甜的味道！聽侍應說是再發酵的過程中加了一點蘋果汁和梨汁！蒸氣鍋有幾款粥底可以選！我們選了補身的粥底人蔘雞湯半隻！我們這個套餐的整個首爾塔有五層！侍應在頂層插上溫度計，然後告訴我們只要溫度計的溫度上升到大約95度，就可以示意他們前來把頂層打開！登登！頂層有紅槽蘇格蘭蟶子和象拔蚌！超級大隻的蟶子，加上紅槽，有淡淡的甜味及鹹味，更能提出它的鮮味！象拔蚌鮮甜彈牙，肥厚的肉，很滿足！第二層有日本元貝和海蝦，另外有百頁豆腐、勝瓜和金菇！來自北海道的扇貝，超級大粒，又大又厚肉，元貝上盛載的海鮮水也可以飲，很鮮甜！海蝦的蝦肉結實彈牙！豆腐吸收了海鮮的湯汁，也很鮮味！第三層有貴妃蚌、花尾龍躉和八爪魚！貴妃蚌的口感有一點點兒似象拔蚌，不過肉質比較薄身，也很鮮！喜歡吃魚的朋友一定不能錯過龍躉，啖啖肉，又冇骨，魚肉都幾肥美，熟的程度剛剛好！第四層是我和媽

#九重鮮 #9steamfresh 路經黃埔，見依間評分幾高，於是入內幫襯這間韓式蒸鍋，簡左江南塔，這個套餐沒有蝦蟹，貝殼類食物偏多，包括 扇貝、鮑魚和蠔等食物，當中海鮮十分新鮮，就算吾加調味料，都夠味，而食到最後的粥亦融合了蒸食物的精華，更是鮮甜，小編也忍不住添了幾碗。

其實聽過九重鮮呢個名好耐…感覺佢比蒸鍋更早黎香港…朋友之前試過…會跟據食物快到慢熟程度由高至低排位…我地就點左個餐有5層食物…安排入座後…哥哥仔就幫我地落左粥底先…有魚湯…豬手…泡菜同人蔘雞(要另外加錢…)...見到泡菜辣辣地好似惹味d...就點呢個…之後再上左幾個餐前小食有泡菜…白菜仔…豆芽同蓮藕片…食韓國野都幾期待餐前小食…呢度既餐前小食就不過不失…跟手就上個泡菜粥底…望個樣幾正咁…有珍珠米…泡菜…蜆同魷魚仔…個粥再加埋蒸食物既精華應該幾鮮甜…等緊去到98度…有得食…第一層有蟶子同象拔仔…平時蟶子都係蒜蓉粉絲蒸…呢度就用左紅糟醬…幾特別同幾夾…兩樣海鮮都好新鮮…時間都啱啱好唔會韌…第二層有扇貝…海蝦…第三層有丸…菇…木瓜同蟹…呢隻蟹堅好味…成晚最正既海鮮…好鮮甜…第四層有龍躉片...貴妃蚌同八爪魚仔…第五層就係鮑魚同蔬菜…鮑魚好新鮮同唔會韌最後就係吸收哂所有精華既泡菜粥…開頭諗住食5層野都未必飽(其實都好夠食)…有埋呢煲粥就一定唔會唔夠飽…個粥好鮮甜同帶少少辣好惹味…最尾都食唔哂要打包…整體食物質素唔錯…尤其所有海鮮都好新鮮…👍👍另外一提就係服務好好…由每一層食物安排到不停換碟…不

黃埔花園整個地區一向都係個美食區，林林種種，不論中，日，美，韓國，本地美食的確非常多，令人真係難以選擇，今晚幸好有男友幫我解決呢個煩惱，因為美食太多，樣樣都想試～最後決定食一間名為九重鮮既韓式蒸氣鍋。呢間食店其實開左一段時間，係黃埔花園可以屹立不倒一段日子絕對唔係一件容易事。為左打開呢個屹立不倒既秘密，即刻去到食店，門口既裝潢比人一個幾神秘既感覺，因為唔似本地食店咁，一去到門面即刻見到整個佈局。首先見到一位禮貌滿分既接待既內場姐姐先確定我既訂位。再而帶位入到內場後見到用餐區非常大，仲有三間ＶＩＰ房，如果人多既朋友，又想成班人一齊聚會，呢度都算唔錯既選擇！坐底後有位侍應哥哥介紹今晚食既套餐，我地點左$398套餐，個名叫首爾塔，因為我第一次食～所以心情特別期待。隔左一陣先上一鍋有米，豬腳，白蘿蔔既粥底料，之後再附上五種前菜，分別有菠蘿，泡菜，醬油薯仔洋蔥等等味道方面個人最欣賞泡菜，其次係椰菜，最後係薯仔。泡菜辣度一流，好開胃！椰菜好多時候食都有苦味，不過今次就食唔出。唔錯！最後就係薯仔，醬油味幾濃烈，薯仔都幾粉～都夠入味。隔左一陣就上左五層塔咁高既蒸籠上黎，上面插左個溫度計，侍應哥哥表示溫

其實之前想試呢間野㗎啦因為自己都好鍾意食海鮮咁就一次嘅機會就約埋一大班朋友嚟呢度共聚一下啦要讚嘅地方，海鮮其實大部份都好新鮮嘅食落去都非常之鮮甜可口不過如果用呢一個價錢同埋咁樣去食物質素去比就唔太值得囉因為其實只不過係將啲海鮮拎去正冇乜點樣用廚師嘅加工手法，所以其實買啲海鮮返屋企自己煮都平好多之後最失望嘅係個粥，但其實佢唔完全係一啲廣東式嘅粥佢有少少似韓國嗰啲湯飯。但係重點係好腥個魚唔太新鮮所以食咗一兩啖都冇再食啦整體來講個性價比不高未必再幫襯

星期五難得同朋友都係紅磡可以一齊食lunch☺️佢就介紹黎九重鮮lunch 有沙律吧夠哂健康😂嗌任何餐都可以免費食沙律吧 真係超級抵☺️個沙律吧勁多野食 除左沙律之外仲有部分韓式小食🙈可惜冇泡菜😭仲有啲粟米蕃薯湯同生果 真係剩食沙律吧都夠哂飽😂不過加十幾蚊就有埋正餐 點都加埋抵啲🤣我嗌左明太子韓式拌飯 佢加左啲肉鬆紫菜mix埋好有口感又好食 不過佢地比左勁多沙律醬 記得自己拎走啲唔好放咁多落去拌😂唔係就會邪惡到爆炸朋友嗌左個魚湯米線 個魚係醬油煎過既 好好食夠哂腍又唔會好多骨☺️健康之選 會再黎食😋

朋友生日要度encore呢度，因為性價比較水上人高，味道也很不錯。今次仲安排到卡位，唔駛咁open大大聲講野聲都沙晒。有好幾個餐，但其實分別不大，會煮飯的朋友在498同398餐裡面仔細研究了後覺得398更抵（其實佢係生日之星不用比錢的）所以大家有機會去可考慮398餐。而因為佢回唔切鐵層，我地由10層變左5層，之後再每層多咁食（無辦法喇)。蟹有一位服務員特意過來幫我地剪（可能我地食得太慢）即時加分UP！海鮮很新鮮，醬料已包不用額外收費（不沾醬也很好味），即時感覺完勝水上人，即時打算再帶朋友來吃～ 注意要吃到粥才夠飽，但粥太「漏」，食唔晒到係拎走，一係叫服務員開始時不要落咁多米。

如果覺得傳統蒸氣煱有點悶, 不防試下九重鮮😃今次點了套餐, 海鮮每樣有d, 種類算多加上全部十分新鮮肥美! 除了海鮮, 最後還有先前蒸既海鮮汁做粥, 食完包你飽飽👍🏻餐廳環境舒適, 下次食蒸氣煱又一個好選擇😋

之前經過呢間野已經好想試 因為本身我好鍾意食海鮮 所以就同男朋友講好咗情人節要來呢度食飯情人節當日佢冇特別嘅Menu我哋叫咗一個首爾塔 滿心期待等啲嘢食度雖然嗰陣啲客人都算係坐左八成嘅位置但明明啲嘢係生嘅 點解我哋都會足足等左成五個字先到😢😢其實啲食物大部份都好新鮮 味道都好鮮甜！//現實：不過呢個價錢 又唔需要餐廳特別加工 只不過係就咁蒸老老實實去街市買返屋企蒸會仲滿足😪//食晒海鮮之後 最期待一定係底下嗰煲「粥」諗住滴晒所有海鮮嘅精華落去 一定會好好味～～點知 ...... 其實只係湯飯 唔係粥 .....完全無海鮮味之餘根本係咩味都無 似白粥😞😞😞！可能係我哋叫錯咗魚湯掛 我諗如果我係叫泡菜湯 應該都會食多兩啖囉😭😭最後要打包第2日自己加調味食左佢💔

話說我朋友住在黃埔 今日同佢路過呢間九重鮮 我地平時好鐘意食火鍋 但係今日我朋友生痱滋 所以就順理成章試試呢款韓式蒸氣鍋 見佢地一次過放好多層上黎一次過蒸 同其他蒸鍋唔同 我心諗 大獲 要同時間競賽 我不逐樣逐樣評論了 蟶子 花甲 不同的蜆類 生蚝 鮑魚 蝦 扇貝 都有用料新鮮既 海鮮唔需要調味都有味道 同埋我鐘意佢每一層塔都有一d蔬菜 如南瓜西蘭花 菇類 粟米蘿蔔 去清清味覺最後食晒咁多層塔 就到最後既粥 差不多食台所有的蒸鍋最後都有非常好 吸晒海鮮既味道 我同朋友食晒全部 下次可以再黎

經常會經過九重鮮，今晚終於初嚐哩間評分幾高嘅紅磡區韓式食店。前菜幾好食，有比較少見嘅苦瓜。點餐後大約5分鐘，載滿海鮮嘅蒸籠就上台。店員叮囑當溫度計到 95 度就通知佢哋。唔夠五分鐘，95 度達標，可以開始續層食喇！第一層：聖子+象拔蚌仔跟住第2，3，4，5，6 層都無影相因為實在係要食得幾急。WHY? 因為蒸爐一直咁樣蒸住其他層嘅海鮮，我哋怕啲海鮮整得太老，所以唯有盡快食。一直到第7層嘅肉蟹：整體黎講，D海鮮唔算好鮮味。而且蒸籠嘅溫度調校得唔係太好，所以每一味海鮮都有啲老。由於需要食得好急，整個晚飯只係用咗1小時5分鐘就食完喇。

由於同事們都想試一下又食Salad Bar又食韓式料理的午餐，而且價錢大眾化！對我們來說，位置方面比較遠，所以急步行去，一入到門口就見到長長的Salad Bar 枱，但侍應帶我們去左邊的入口處的其中一間房，空間大，座位又適服！當大家決定了食那一個午餐後，就立即去挑選自己喜歡吃的Salad 🥗,款式很多而且又有湯及coffee自取！大家比較滿意Salad😋主菜一個一個送上！景福宮海洋湯烏冬：如果魚肉厚切少少及加添一些生菜或芽菜會好一點！韓式彩椒肥牛肉炒粉絲：真的比想像中「細碟」，幸好同事細食，否則一定很快肚餓！明太子肉鬆紫菜拌飯 ：不過不失，但明太子很少⋯

一班朋友出嚟聚舊，秋冬大家多數會打下邊爐烚烚下，最近朋友推介去食九重鮮，因為佢喺韓國食過。「海鮮九層塔」就是利用最簡單的蒸煮方法，將九層不同海鮮叠起來一起煮，其實是將海鮮分開蒸至9成熟，先叠起來上枱，睇見個塔幾有氣勢。「九層海鮮塔」的最底層是火鍋湯底，可以揀人參雞鍋、龍蝦鍋、清酒蜆鍋等等，讓上層海鮮蒸出來的精華滴落湯底，我地揀左龍蝦鍋，非常入味。食完海鮮，我地仲可以打邊爐呢。海鮮種類都好多，龍蝦都有5款，除左「海鮮九層塔」之外，仲可以選擇刺身、烤焗、烚等烹調方法。 今晚飲飽食醉，非常滿足。

黃埔美食多， 呢個午餐算抵食， 因為午餐+沙律吧放題， 味道就各有喜好。韓式鯛魚配牛肋條湯拉麵， 呢個湯麵味道都可以啦！人蔘雞湯泡飯， 有半隻雞，湯偏鹹人參味淡。海帶芽菜仔湯， 只是暖暖的 ，影響口感！沙律吧 放題，有蔬菜， 泡菜 ，芝麻凍豆腐， 菠蘿 ，粟米，雜菜沙律， 火龍果，芭樂……，仲有湯， 咖啡和茶。 反而沙律吧是我重點出擊！ 環境舒適， 地方寬敞！