九重鮮 (已結業)

費事年年聖誕節都同人逼去酒店食聖誕大餐，今年就特别d去食＂蒸氣＂海鮮大餐啦，最後去咗紅磡九重鮮食韓國海鮮餐。環境方面，就少咗啲聖誕氣氛，冇聖誕裝飾。點菜時，職員有細心介紹不同的塔有什麼分別，最後點左個2人首爾塔，同埋加咗個人蔘雞粥底，本來都想試吓個蒸氣和牛，不過覺得好似怪怪地，最後冇點。另外我們也想叫多半份蝦，但係冇得叫半份，八隻我們怕食唔晒，所以亦都冇叫。食物質素就很好，食材新鮮，不需要什麼調味料也能帶出食物鮮味。職員有主動幫我地拆開啲雞肉，同埋幫我地分埋一份份。

📍紅磡📍韓國五重鮮🤩鮮味滿瀉💯今次試下韓國五重鮮😍所有食材都好新鮮👌🏻👌🏻試下咩調味料都唔加，食原汁原味，原來都幾正😏而且蒸海鮮又健康好多❤️每一層都有唔同食材，第一層係蟶子王同大蜆💓個蟶子王夠大隻，啲蜆又無沙😎第二層係海蝦同扇貝🍤啲蝦好鮮，唔會怕霉🤩第三層係花尾龍躉同蠔🐟第四層係花蛤同蜆😉個花蛤都好大隻🥰第五層係鮑魚同花螺睇住個timer夠鐘就食得，最底層係粥，煮到好綿🤓吸收哂所有海鮮精華😍😍閒唔中食得清淡啲可以清下腸胃😹

*星期日晚仍然大把位剩，真係唔駛book walk in 都得，就知伏咗！😔*D海鮮算新鮮，新鮮到我懷疑洗乾淨未，d蜆有沙，成pat 黑色野，鮑魚唔會青走綠色的內臟。我從未食過九重鮮，唔知道係唔係要咁原汁原味。🧐*服務熊度算Okay *一人一個$398歺，你當係去試下新野，食唔飽。事後我哋再去第二間食甜品填下肚。*有d蘿白、南瓜、木瓜配菜，但也是一人一小舊，多幾舊都無。*蟹蚶個殼好厚，一般女人鉗唔開，唔明廚房點解唔扑幾下。😰*（（（總括來說，錢太多可以一試無妨，唔好期望飽肚，不如自己返屋企蒸海鮮😂😂😂）））

當日中午先決定試下呢餐廳 朋友唔想太熱氣又一班人最方便就係打邊爐 平日星期二晚去 餐廳冇咩人 食得幾舒服 5 個人坐6人長枱 黎到一定係叫海鮮package 不過有個朋友對海鮮過敏 一邊食海鮮一邊普通 個餐 有指定海鮮 每日唔同湯底 或者韓式部隊鍋底 除左本身set 左既野 有得簡2樣串火鍋 加粉麵飯 其實唔會好夠食 所以另加左好多海鮮同肥牛 再加野飲埋單成 $450如果話食海鮮有埋蜆 象拔蚌 聖子 蝦 蟹 既都算係甘 都好鮮甜好好食 唔建議叫隻蟹因爲都幾細隻 唔抵食 肥牛好正 蒸完d餸個火鍋入晒味 d湯都飲多幾啖😋

平時聽九層塔海鮮塔呢啲名就聽得多，親友遠自外國返香港話想試下蒸海鮮鍋，難得有機會一嘗滋味，於是就搵咗呢間位於紅磡嘅九重鮮。九重鮮店內環境闊落，原來佢係韓國餐廳黎嘅所以一坐低店員就上咗幾碟傳統嘅韓國前菜、小食等等。睇完餐牌之後，我地叫咗$398嘅「首爾塔」套餐，都係一啲大路嘅海鮮，最後就係粥底，我地揀咗韓式豬手湯，估唔到有意外驚喜！話明九層塔，店員真係好快就搬咗個塔出黎，亦真係有足足九層架！第一層係象拔蚌同蟶子，兩款海鮮都好大隻，尤其是蟶子又甜又厚肉，而且有足一隻手掌長度。第二層係元貝，都係好厚肉而且大隻，肉汁鮮甜，不過配菜勝瓜就有少少老同嚡口。第三層係眾人又愛又恨嘅蝦啦！因為要剝殼所以大家都您推我讓咁海蝦食落幾新鮮，肉質爽口第四層有貴妃蚌、龍躉同八爪魚，可能我地食得慢嘅關係，呢一層嘅肉質都比較老同縮咗水不過龍躉係三款之中比較好食嘅，可能係因為本身肉質關係第五層係花蛤、芝士丸同南瓜，芝士丸食唔出芝士味，感覺似普通的魚蛋，而花蛤正正常常，唯獨南瓜就淡而無味，連南瓜本身的味道都欠缺，而且蒸咗一段時間仍然係硬身。第六層黎到重頭戲沙巴肉蟹，4人份量係兩隻蟹，都幾大隻幾厚肉，而且好多膏，肉質剛剛好

初試韓蒸煱，我們點了個海鮮塔套餐， 價錢算是合理。層層都有驚喜， 每一層都有不同既海鮮， 配埋韓式醬油特別鮮味， 最底是吸晒海鮮精華的粥底， 😋😋 美味到不得了。 小碟配菜都很有誠意， 服務態度和藹， 值得推介。

蒸氣鍋開到成行成巿，要突圍而出緊係要攪攪新意思，呢間响大坑發跡的韓式蒸氣鍋一直都很想試，難得經過紅磡都有分店一定要捧場。睇得出呢度的每位待應都深受韓國文化熏陶，從化妝、髪型、舉止都俾到你致身於韓國的感受，微細如待應會幫小朋友拉開蘋果汁易拉蓋，又會幫客人斟水等等，比起日式餐廳口號式大叫「易拉沙醫媽咮」(irrassyaimase)有heart得多，抵讚！我地點左江南style及首爾塔兩款，好快就黎左兩座不銹鋼蒸籠小塔，塔上面溫度計度籠內溫度，大人細路坐定定，好期待溫度上升至95度。一層又一層海鮮好鮮美，有扇貝、帶子、蝦等。清蒸海鮮只要夠新鮮想唔好味都難，平時唔多食野的小朋友都爭住食。粥底由蒸海鮮的精華匯聚而成，用上等珍珠米滾足一小時固然綿滑，簡簡單單一個豬手粥已經令所有人著迷。其實蒸氣鍋比打邊爐更健康，更能食到食物的「鮮」味，少油少鹽值得推廣！

海鮮份量，二人剛剛好，即使女仔也很恰當，當然粥底是食不下，店員送錯了醉蝦，大頭蝦的我們照食可也，結果店方大量贈送，不用付款！good一向怕醜，不會打包，何況和「女神」食飯，但是在店員的推介下，結果打包回家當早餐

住咗呢度咁耐終於有機會試吓。基本上位置係死位，開咁耐都生存到，一定有D原因。簡單來說，佢係貴，不過D海鮮係新鮮。對唔煮飯或者唔識煮飯的人，係ok！但對煮嘢食ok嘅人，真係有D唔值！一次show晒D相再繼續評論～以上是兩人份，加一後$900幾！所有海鮮基本有齊，之不過全都一人一只，去紅磡街市買堆咁嘅海鮮清蒸，不用$400 唯一食飽肚係最后每人食咗三碗粥！食完真心飽！總結：。性價比極低⬇️⬇️。環境衛生好⬆️。食物質素好⬆️。價錢真心貴⬇️⬇️

第一次吃韓式蒸氣鍋,想吃得健康D無打邊爐咁熱氣。一行四人選了套餐,樣樣有些唔使諗。連粥底共分了九層,每層放不同飲材,不同時間蒸熟,一層一層輪著吃。海鮮新鮮,吃到鮮味😋,確是👉九重鮮😄。原來每款只吃一件雖不大,也會很飽,最後粥也吃不完,要拿走再回味。😜

見到呢度有成2百幾個好評，見到價錢， 諗著食番個有質素少少既韓式蒸鍋， 點知中伏。兩個人叫左個江南塔，肥豬肉好肥， 蒸鍋當然食原汁原味，舊牛肉居然用d 好似煮好左既中式牛柳比我地蒸番熱黎食！！既粒蜆仔， 仲要係唔新鮮有陣味。成個鍋都係得聊聊幾舊， 食完好似無食過野咁。個職員唔覺意提早左熄左個爐唔知， 要我地食食下先提番佢，佢先開番。但攪到d 蕃薯唔熟，佢拎我地舊咬左一啖既蕃薯去番蒸， 個感覺間野完全唔係路既。要我地提佢，驚舊豬肉丸唔熟先再開爐番蒸。個粥底滾左幾分鐘就話食得，好似潮州粥咁米還米水還水，我見隔黎檯個粥好杰，問佢可否煲多一陣，佢支吾以對唔知講乜，話個粥個咁既（我都知中伏，o徒氣），拿拿臨食完快d 走。唯一好食既係個泡菜，好好味， 但只可免費refill 一次， 鐘意食泡菜既人可以黎呢間蒸鍋店食泡菜（！？）。兩人埋單六百幾蚊。再講，與其出錢做d 不切實際既野，不如比錢攪好d 食物啦， 咁樣先可以長做，呢間野質同量都完全唔係路！！

有同事升職請食飯，想食海鮮之餘又唔想去太遠，於是來黃埔食韓式海鮮蒸窩。餐廳甚多韓式擺設，裝修新淨簡潔，光線充足，座位寬闊。點左招牌九層窩，每層都有唔同海鮮，最底層係素菜粥。韓式前菜，韓國菜必食九層蒸窩計時蒸海鮮蟶子及蜆，鮮甜惹味扇貝略為細粒新鮮海蝦配豆卜及金菇蒸魚滑漏及八瓜魚花甲鮮甜，配魚腐、蘿蔔及木瓜鮑魚及黑蒜素菜粥，於最底層吸了大量海鮮精華，一試難忘。餐廳價格合理，環境舒適，朋友聚會又一選擇。

有沒有喜歡吃海鮮的朋友呢～咁你一定要試下依間非常有氣勢嘅韓式蒸氣火鍋😙無錯就係你成日係fb會見到嘅九層海鮮塔😎個樂趣就係你一日未食完果層，都唔好諗住可以食到下一層呀😂如果同枱嘅人一個食得偏快、一個就成隻樹懶咁... 咁不如你地都係分開食啦🤣依度嘅泡菜任添，加埋啲海鮮一齊食好夾👌🏼我地今次食嘅係中等價錢嘅首爾塔，$398位💸海鮮包括: 蟶子、元貝、象拔蚌、貴妃蚌、鮑魚、海蝦、大花蛤、蟹(好多膏🤤)、八爪魚、龍躉、芝士丸、黑汁豚肉丸、百頁豆腐、南瓜、蕃薯🍠食到最尾就係吸收曬所有精華嘅豬骨粥🤤食左幾碗粥終於飽嚕😙😙

朋友們慶祝生日 知我鐘意食海鮮帶我去海鮮好正好新鮮 唔駛點醬汁都好好味話說叫左個首爾塔入面咩都有 有鮑魚有蝦有蟹有花膠唯獨佢話冇元貝要轉花膠 不過好好味真係有九層個waiter 話去到95度就可以開始食 每食完一層waiter就會拎走Service好好個蟹好多膏 反而個粥唔太夠鮮味 但都係好味既三個女仔都真係食唔晒 唯有拎走返屋企 我又食又拎不過好多謝佢地

本身住紅磡, 一直都好想試下呢間野, 事前都有上openrice睇食評, 見佢咁多好評諗住試下啦! 點知就中伏! 唔知D評語係造假, 定係D人真係唔識食? 根本一食就知唔係新鮮貨! 已經唔係叫平果D塔, 成5舊水人頭費, 都係想食好D姐, 但結果令人太失望啦! <景福塔> 泡菜和牛卷 -- 好食蟶子皇/象拔蚌仔 -- 冇鮮味元貝 -- 一打開個蓋, 見到每隻元貝都有好多"湯汁", 以為好正啦! 先賞一口"湯汁", 冇鮮味, 再食埋隻元貝, 好明顯係雪藏貨, "湯汁"係雪水!龍躉片-- 冇鮮味花膠魚片串 -- 可以接受龍蝦 -- 蝦身鮮味一般, 個蝦鉗鮮味OK!海蝦 -- 正常南非鮑魚 -- 普通 粥底 -- 加左$50要半隻人蔘雞, 不過唔覺有蔘, 至於粥底, 都預左唔會有驚喜, 因為上面D海鮮都唔鮮, 何來會有精華流落去D粥度? 服務係唔錯, 但食物真係一D都唔鮮, 唔配"九重鮮"呢個招牌!