九重鮮 (已結業)

九重鮮推出左集海鮮、燒肉、串燒於一身既套餐，一買返屋企就可以立即開餐，唔駛自己落街買兼處理材料，非常方便。海鮮方面，套餐提供鮮蝦、蜆同埋蠔。打開蓋既時候蝦生猛到跳左出嚟🤣蝦大約有二十隻，肉質比想像中彈牙。蜆亦洗得好亁淨，蜆肉仲好肥美。肉類分量幾多，包括牛脷、牛扒同雞扒。其中以牛脷最深刻，肉質柔軟、口感爽滑，可惜只係得兩件😢串燒款式亦數之不盡，首先出場係煙肉帶子卷、金菇肥牛卷、蕃茄煙肉卷同京蔥肥牛卷。金菇肥牛卷有驚喜，入面竟然有芝士😍。之後就係牛雞豬沙嗲串燒，串燒醃得啱啱好，唔會過鹹，肉質軟稔。蔬菜方面，牛油配金菇係不敗既組合🤣另外菠蘿同粟米好甜。甜品係椰皇三重奏，味道清甜。正所謂「紅酒配紅肉」，九重鮮套餐仲附送一支紅酒。紅酒既單寧有助緩解紅肉既油膩，並令紅肉風味更突出。套餐仲有一個咖喱飯，不過太飽嘅關係所以留返聽日下午再食。整體而言，賣相一般，但材料新鮮，味道超出想像，驚喜連連。

今日去左朋友屋企慶祝復活節再食我以前試過嘅燒肉餐水準不變真係好正！不過提提大家記得自備壯男先好去拎😂😂大家睇下場面幾壯觀兩大盤食物，四大盒海鮮仲有兩支酒兩盒飯同四個甜品杯(無入鏡)兩大盤食物係裝到滿晒有齊豬牛雞同幾款串燒海鮮盒中亦有中蝦同多春魚中蝦係新鮮撈起拎走果時仲郁緊㗎！份量超多中蝦好鮮味肉質結實蛤無沙，蒸起好鮮甜肉嘅份量幾好每款一兩件唔會食好多但就可以試晒唔同款👍👍臨尾我地仲清左個咖喱飯！燒完肉配咖喱飯食，又一種口味！

約左個朋友上黎屋企坐下所以揀左燒肉套餐一齊食朋友話九重鮮嘅燒肉套餐好抵食所以今次叫左2set去拎嘅時候就發現我地錯了因為真係好多野食😂😂😂有牛有雞有豚肉仲有海蝦，蛤同蠔拎果時仲跳緊㗎啲蝦🤩🤩仲有紅酒同甜品其實唔止肉食仲有少少蔬菜添！燒肉全部都醃左味但佢都另外再包左幾款醬汁好貼心呀🥰燒肉肉質都好唔錯海鮮都好鮮味！食到超飽～但仲有咖喱牛肉飯！呢個咖喱飯都唔求其牛肉超大塊咖喱味香濃，正！甜品又係驚喜！面層椰醬好香底層椰青水大菜糕好清甜呢個真係唔好錯過！！

去朋友屋企食飯我通常都係兩手fing fing 嘅本來以為會落去一齊食飯原來佢地叫左個四人餐一齊燒肉食仲買多左幾盤肉一齊燒見到佢地拎左好多袋野黎有飯有肉呢餐一定飽喇！仲有兩支紅酒送俾我地盡興添！我覺得燒肉好好味最正係佢已經串好左一串串除左肉以外仲有啲蕃茄蔬菜一齊咁就無咁肥膩我最鐘意就係煙肉配蕃茄仔又鮮甜，又好味！而且佢仲有海鮮一齊唔洗淨食肉海鮮都好易處理放晒入去蒸就得喇！方便啱晒我地！佢個甜品都好好味！好清甜

嗌咗幾碟生蠔要三催四請至上曬嚟，服務員仲唔多高興。收埋服務費，仲哩啲咁嘅服務態度。我真係惗唔明，點解咁多人去推薦。生蠔入邊仲有啲係蒸極都打唔開嘅，同埋有啲壞嘢，仲有佢哋嘅串燒質素根本就麻麻，串燒又凍曬。唔係嘅話又全部幹曬，根本唔係即點即燒。而且個價格係非常具有欺騙性嘅，佢一般就係價格加酒水再加埋服務費。所以都係嗰句說話認真唔抵，祝哩啲服務態度咁差嘅店早日執笠。仲有就係我哋自己食飯嗰個時間根本就唔夠兩個鐘之後埋單又提前半個鐘。到截止時間半個，鐘後就，落唔到單。所以哩啲咁嘅字無論服務質素食物嘅質素或者係，服務的態度都是非常之唔推薦。

約了朋友一家一齊吃午餐，於是到黃埔食放題。這間放題主打海鮮同串燒勁多款式選擇，$298可以任食150分鐘，都唔錯。每人有一份帶子粉絲、鮑魚、龍蝦、韓式人蔘雞湯同甜品椰子三重奏。侍應會話我地知每款海鮮既時間，而且會有個漏斗計時添，帶子大粒鮮甜，鮑魚爽口，龍蝦都幾大隻添。另外午餐任食蒸海鮮有有3款：海蜆、海蝦、蠔，海蜆隻隻都大開到，最估唔到有蒸蠔而且都幾大隻鮮甜！另外串燒我叫左16味燒牛脷串、七味雞肉串、雞軟骨串等等，都好惹味，其實仲有炸物、天婦羅、涼菜等等熟食。整體而言，呢間海鮮蒸鍋放題性價比都幾高，值得一試！

放假總想吃好一點，住黃埔的朋友就說不如去這間蒸氣海鮮始祖吃海鮮，原來仲有hkd268 放題優惠，最適合我們這些海鮮迷！午市海鮮放題 basic 包了龍蝦、鮑魚和帶子，分2層蒸，店員會給你一個漏斗，夠鐘就起第一層第一層是帶子，非常厚肉之餘，亦幾鮮甜，還有非常入味的粉絲。接下來是龍蝦和鮑魚，龍蝦是新鮮斬開的，放上蒸籠上還在動！每人一個開邊龍蝦🦞，肉質彈口鮮甜，還好重海鮮味，特別喜歡鮑魚，因為蒸的時間剛剛好，肉質好鮮甜，軟硬度好好。吃過basic 3款海鮮後，就點了些無限追加的蜆和海蝦、鮮蠔，特別喜歡蜆肉，越大粒越鮮甜，真係忍唔住要encore！另外還點了幾款串燒、天婦羅，都好特別燒銀子就聽得到，這款銀子燒是用錫紙包住海鮮，然後在你面前點火燒，燒過後就可以打開來吃，入面有蝦、粉絲和蜆，貪得意的話可以order一下😜芝士蛋麵這個小吃頗特別，有夾心的芝士和炸香了的麵，非一般能吃到的還有其他特色串燒、韓式小吃，全部都頗有心思的，真係一次過滿足幾個願望，又海鮮、又烤肉、又烏冬，好豐富🤩🤩🤩假期放縱一下，是應該的。

九重鮮唔知大家有冇食過？最近上網睇到啲人評價好高呢度主力食蒸氣海鮮窩 唔少網民話佢哋啲海鮮好新鮮 而且仲增加左外賣服務今晚留喺屋企食當然食好啲！叫咗外賣返屋企 外賣等咗15分鐘左右就有成個餐好有份量 真係要兩個人拎先夠力 見到堂食原來都好多人 個個都嚟食海鮮放題 店舖裏面有好多韓國特色擺設仲有漢服體驗同埋心形掛鎖 可以俾你許願我哋叫咗外賣海鮮餐返屋企 個餐好多嘢食返到屋企啲嘢仲keep住新鮮👍🏻👍🏻喺屋企你可以選擇用打邊爐、蒸氣爐或燒烤爐方式 樣樣方法都可炮製好味海鮮屋企人仲加咗好多自己私伙食物 令到呢餐海鮮串燒大餐更為豐富生蠔好正 夠晒鮮甜 仲有海水味我仲自己加咗芝士粉！另外冇諗過蕃茄煙肉串燒中間仲夾雜帶子超級特別嘅串法

今晚海鮮大餐😆😆外賣一樣咁正呀喂！$698有紅酒🍷+15隻海蝦+10隻蜆+多款串燒+6隻生蠔+牛肉咖喱飯+2杯慕絲椰汁果凍十分抵食 份量本身以為只係足夠兩人用但後來發現大約四人都夠飽！全部嘢食我都用咗個串燒燒烤爐去煮返到屋企仲見到啲海蝦同蜆都非常新鮮啲蝦仲彈下彈下 不過我已經急不及待將所有串燒排列好擺喺燒烤爐上包括有燒菠蘿、煙肉卷、豬扒、雞扒、牛舌、帶子同粟米🌽等等好正 每樣嘢都好好食 竹簽吉一吉 確保唔會甩👍🏻牛肉咖喱飯啲牛肉好厚身 感覺似日式 咖喱偏甜而唔係辣返到屋企半小時 但係個飯仲keep到熱呢個餐非常多元化又夠豐富 啱晒男女老友一齊食！

自己同朋友叫咗個二人餐外賣，返去諗住自家燒。我哋返到屋企之後，用炭燒起左個爐，然後放上燒烤網，開始整佢呢度嘅串燒。呢度嘅套餐，包含咗豬肉、牛肉、粟米、雞扒、海鮮、金菇、咖喱飯，亦都有紅酒送，雖然話係二人餐，但份量絕對夠四個人食。勁多嘢食，而且肉類一早醃好晒，所以對我來講都幾方便。我哋放咗上去網燒，有有睇過唔同人嘅食評，發現佢哋都會用一啲比較細嘅爐去燒，我自己就好鍾意鑊氣，加上屋企都有空間做得到，所以就決定咁樣嚟試一試。我哋燒好唔同嘅肉類，然後用碟放好，佢呢度個套餐有一樣嘢非常好，就係配上唔同嘅醬汁，我最鍾意嘅係佢嘅沙嗲醬。有非常重嘅花生味。金菇慢燒之後，有好香嘅蒜蓉味。呢度嘅海鮮亦都非常出色。蠔係充滿咗海水味；蝦亦都非常新鮮。最後餐廳有一個非常出色嘅咖喱飯，咖喱係用咗日式咖喱，非常甜，另外套餐亦都包含咗紅酒，拎嚟一齊食嘅話，一齊飲嘅話，非常好。

自己一向都好鍾意外賣海鮮返屋企燒，由於屋企本身都有天台嘅緣故，所以今次買咗了返嚟，就決定整一場BBQ。去呢度買完一份嘅海鮮餐，夠兩個人食，特別想睇嘅係，由落單到拎貨，大概要半個鐘左右，因為廚師都係新鮮幫我哋準備啲貨，蝦係生猛，蠔亦都非常新鮮。我哋準備咗炭、炭精，然後搵個煲就起火，起貨成功之後，再準備燒烤網。然後放上去燒。我哋首先放咗蠔上去，其實冇乜嘢需要做，因為蠔燒熟左之後，就會慢慢開榖，裏面依然有好豐富嘅海水，所以一路燒嘅時候，海水一路滾住，當個豪殼打開咗之後，我哋再加上調味料，好新鮮之餘，亦都好好食。之後我哋就放上蝦，由於鮮蝦係新鮮嘅，所以肉質都非常彈牙，我哋加咗鹽上去調味，就更加好食。以價錢來講嘅話，呢度可謂非常超值。

估唔到串燒都可以外賣返屋企自己整海鮮類嘅食物非常推介，生蠔、大蝦、蜆都新鮮好味！ 海鮮類好容易處理，亦都最快熟，梗係要食佢先啦生蠔煮完縮細咗少少，不過味道都好鮮甜！一份蝦嘅份量好多，隻隻都好新鮮，蝦肉爽口彈牙！蜆肉飽滿冇沙多春魚都唔錯，不過好難燒到靚靚囝囝！串燒豬頸肉都好正，肉質爽口，沙嗲調味幾好食，香而不辣！煙肉車厘茄卷都值得一試，健康啲！仲食咗豬扒雞扒同雞肉串燒，全部都啖啖肉，啱晒食肉獸！肉類味道比較濃，用嚟送啤酒啱晒最後食啲蔬菜，金菇配牛油真係冇得輸嘅配搭，好飽啊！

最近超為食朋友極力推介一間有蒸海鮮，又有串燒嘅食店俾我，叫我一定要去試吓，今日諗唔到食乜，決定打電去訂外賣返去自己整嚟食!約咗六點，去到剛剛包好攞得，由紅磡返沙田都好方便!呢個套餐唔錯，我地先蒸咗海鮮食，本地帶殼蠔非常有蠔味，一點都唔韌，雖然唔大隻但勝在好味；蝦就估唔到咁鮮甜，肉質彈牙，蜆就有小小沙，但肉質好滑；不過最令我地驚喜係串燒同肉類，醃得非常好味，我最鍾意係金菇芝士肥牛卷同埋泰式串燒豬梅肉，牛扒都好腍身，我個仔都食到好開心；太座就話喜愛豬頸肉串、泡菜豬肉串，其實其他幾款都唔錯，我地竟然食哂就知好味道啦!仲有一盒“咖哩牛肉飯”，食一啖忍唔住整多碗，真係飽到上心口!呢個套餐仲會送一枝紅酒，咁嘅價錢真心覺得超值!

今日又約左朋友一齊去食飯！又想食海鮮同多款式但唔想食太多澱粉質，所以揀左海鮮蒸鍋+串燒烤肉放題。先黎每人一份龍蝦、鮑魚同帶子，食材新鮮，龍蝦彈牙，鮑魚爽甜，帶子都幾大粒添，待應提示我地需要蒸10分鐘，每枱仲放了一個漏斗黎計時⌛️。仲有海蜆、海蝦、蠔係任食添，蠔連殼上，隻隻都打開到，鮮甜肥美，而海蜆目測有十幾隻。熟食真係幾多選擇，見到有麻辣海鮮蜆銀子燒叫左一客，估唔到即場火放，lee個海鮮蜆都幾辣🤣。另外炸物天婦羅蝦🍤、鳳尾蝦網米春卷、炸雲吞都唔錯，好夠脆。午餐任食$298有150分鐘添

之前買過呢間嘅外賣返屋企整嚟食，老公好滿意，覺得佢質素高，啲食物都好新鮮，知道原來堂食有任食，即刻要過嚟😄我哋食午市放題，平日$268一位，120分鐘，星期六日只係加$30，仲可以食足150分鐘添。一坐低，就俾我哋每人一份龍蝦、鮑、帶子，任食嘅item多到不得了，有韓式人蔘雞湯、 芝士煙肉焗蠔、岩鹽燒蝦、煎餅、各類嘅串燒、天婦羅、沙律、銀紙燒等，最吸引嘅蒸海鮮類，就任點老公至愛嘅海蝦、蜆、蠔🦪。蠔要自己開，好彩老公喺度，原來比想像中易開，職員教我哋拮住個底就開到👍任食嘅海蝦超級大隻，目測一隻有6cm至8cm長，而且隻隻爽口彈牙，夠新鮮😄我哋兩個不停再encore😍最後仲有送埋甜品，下面係椰青果凍，上面係椰子奶凍，食落好清爽😋堂食嘅性價比外賣更加高呢😄