九重鮮 (已結業)

走入偽韓國的九重鮮，店外店內都係韓式風格，食物除左泡菜，都冇咩令小編諗起韓國。 入去坐低，第一個感覺係好少店員，好似得一至兩個人係度走黎走去。 坐低後店員放低一個QR Code的紙，講左一句掃描code就可以了！小編掃描後發現係網站，可以看到套餐價錢，包鮑魚，龍蝦，帶子，甜品每人一份。 其他食物$0.0即係免費任點，有炸物，串燒，前菜，蒸煮。飲品要加錢，$15/人 無酒精飲品任飲。 $45/人，酒精飲品任飲。小編點左無酒精。試左菠蘿烏龍茶，偏甜，後來加另一罐烏龍茶，就覺得剛剛好。其他飲品有忌廉溝鮮奶，梳打，咸柑桔，竹蔗茅根，仙草凍。。。送每人一份的鮑魚，龍蝦，帶子，小編覺得還好，有口感但味道偏淡。燒蝦比蒸蝦更香，各款串燒都好味，菠蘿不太夠，可以再燒得入味些就更好。前菜同出面超市買到既無分別，不過不失。炸物有吉列蠔，炸粉有些厚，但蠔好味。蒸煮的蝦，蠔都不錯，蜆上第二輪比較鮮甜，蒸煮時間大概7-10分鐘就夠。店舖人流比較少，想靜靜地食野或者多人聚會都可以訂座，環境都算放鬆，坐得舒服。位置係黃埔花園紫荊苑附近，行落幾級樓梯就到。

最初留意到呢間餐廳係因為以為佢地係一間任食海鮮蒸氣火鍋店, 專食海鮮, 太啱我了, 即刻搵老公陪我去食, 但之後再睇真D, 原來佢地既海鮮只有3款選擇(另加每人一份已經SET好左無得揀既海鮮)。我覺得九重鮮 是一間集合多國口味, 菜色同款式於一身的放題店。雖然我愛海鮮, 不過咁都好既, 唔使要老公就曬我, 雙贏🙌。加$13任飲非酒類飲品。(其實點解餐廳唔一早將飲品價錢計入套餐內呢? 埋單$650同$680既分別, 客人會覺得唔飲野會著數左嗎? 又有客人黎得食放題會唔飲野嗎? 製造了不必要的收費規則。)先來每人一份指定海鮮 - 帶子,鮑魚同龍蝦🦞, 3樣都好好味, 同樣厚肉鮮甜, 爽口彈牙啖啖肉。任食部份我地叫左汁燒七味雞軟骨串 - 呢個我最鍾意, 燒得脆口得黎又唔乾, 調味和火喉也掌握得剛好, 咸香惹味。韓式一口牛 - 牛肉當中我只推介佢, JUICY又唔韌。烤韓式牛扒同泰式烤牛肉都偏韌同乾。炸物方面食左吉列蠔同韓式辣醬炸雞, 同樣不錯, 炸粉唔厚, 新鮮有肉汁。煙肉蘆筍卷串 - 本身我唔鍾意食煙肉🥓, 但見老公話好味仲ENCORE再點就試一啖, 又真係無介紹錯喎, 煙肉燒得一D都唔乾

呢日好想食蒸氣海鮮！係即興既情況下，就搵到呢間九重鮮，好彩都仲有位門口既佈置都好有心思好靚呢到既蒸氣海鮮放題有3個餐，都是採用QR code落單，非常方便咁期待，緊係食左海鮮先鮑魚、帶子、龍蝦。都好新鮮，顏色好靚。鮮甜彈牙，鮑魚大大隻海蜆、海蝦、蠔，呢3種就係任叫任食同樣新鮮，蜆完全冇唔開口既情況出現，蠔肉挺身，蝦肉爽彈清湯海鮮蜆銀子燒，幾特別係上面點火，好靚好吸引，入面既海鮮湯清新香甜亦有唔同種類既炸物燒物，有好多選擇全部都係任食推薦一口牛軟淋唔韌！烏冬幾高質細細碗，但味道濃郁，烏冬彈牙食完咁豐富既海鮮餐，仲有甜品焦糖濃滑，整體非常完滿

今次食B餐(加飲品$13,平均埋單每人$332)，海鮮有蝦蜆蠔任食本身對尼間海鮮都有幾大期望蝦 :三種海鮮之中叫最好，正正常常，有蝦味但唔濃蜆 : 正常貨色，但明顯浸太耐鹽水，較咸，蜆本身鮮味同甜味都冇埋蠔：唔推薦，勁咸其他野食普通

如果大家經過黃埔我一定推介你同啲朋友去呢間九重鮮食個蒸海鮮串燒放題，每一年我有個朋友生日都會想食呢間嘢唔知點解佢食極都食唔會厭，我自己本身都覺得幾抵食嘅不過佢用餐時間就得900分鐘但係喺依家嘅熱情睇下基本上你都可以食到十點啦，反而更抵，佢嘅種類就唔可以話同一般嘅日式放題店比比較少，但係佢志在重質不重量~佢啲串燒多真係幾正海鮮就得顯同蝦@@除非你升級版，不過其實基本版已經好抵食佢仲有埋酒飲非常之正呀~

之前去食嘅蒸海鮮放題，因為很少呢種類型嘅放題，咁啱睇人哋介紹，好似唔錯，所以就約咗朋友仔一齋去試下。位置係黃埔地鐵站附近，因為唔係住嗰度，所以平時好少會去。呢間店主要食蒸海鮮和燒肉串，龍蝦同鮑魚當然唔係任吃喇，每人一份，但蝦、生蠔和貝殼就係無限量供應，而且都好新鮮，我哋叫咗三輪。烤肉串都係呢度必點的，份量超足，味道都好唔錯，同一般居酒屋有得揮，牛、豬、雞都有。另外仲有炸物和天妇羅，味道也不錯。最後會送一個椰子凍當甜品，味道令我諗起海南島嘅味道，好好吃。

我地三個女仔揀咗B餐，一開始就俾咗龍蝦，鮑魚同扇貝我哋，三款都好新鮮，係扇貝加咗蒜蓉同粉絲都冇咩味，而且佢地嘅豉油同海鮮我覺得唔係太夾😮‍💨不過唔緊要，重點我哋都係食蠔，蠔真係好新鮮仲好夠味，唯一一樣就係唔係好容易開，我哋食左好多轉，開到手指都痛埋😂蜆有幾隻臭咗，不過都預咗有呢個情況，係可以接受嘅，蝦都新鮮彈牙，我哋都有食串燒同其他嘢食，質素一般，唔緊要，我哋主力係食海鮮🦞我覺得下次可以再encore，因為蠔真係好OK

*蒸氣海鮮x串燒x天婦羅放題！*經常都會和朋友說，吃過這餐後才減肥，前排在黃埔見到有$298蒸氣海鮮放題，仲有好多唔同嘅小食選擇，就拉了同樣愛吃的朋友去！包了的龍蝦、帶子和鮑魚是分兩層上的，店員會教你漏斗時間過後就可以食第一層的帶子，然後才到第二層的龍蝦🦞和鮑魚。海鮮都幾新鮮，上碟時還在動的。最喜歡是龍蝦和鮑魚，鮮味十足，而且熟度剛剛好，食到最佳狀態的鮑魚。然後就可以無限追加蜆、蝦等海鮮，蜆份量十足，一客有16-17隻，而且好多都厚肉鮮甜。蝦亦幾彈口，同朋友encore了2round！小吃方面，個人最喜歡天婦羅金菇，非常特別的款式，非一般地方可以食到。金菇炸得好脆香，而且感覺不油膩，還保留了金菇的香味。另外還有雞肉/豬肉串燒，肉質都幾好。最後想不到甜品都幾好食，係大菜糕+奶油，香滑得來不會太甜。假期放縱一下，感覺不錯！

有少少中伏感覺! 第一次並冇下次今日打算同家人一齊預祝母親節, 見到佢OPENRICE 多人讚賞又有海鮮又有其他野任食, 好似好多選擇咁, 就一於試佢. 佢有A,B,C三個餐, 因為A 有部份食物都唔食, 所以我地就揀B 餐. 飲品每人另加$13 任飲冇酒精飲品. 訂左位去到服務生帶位入坐, 有講解一下細節位. 都幾OK.然後拎左個大鍋黎蒸, 入面有龍蝦(半隻), 帶子同鮑魚. 哩個只係每人一份. 之後冇得再叫. 只有蜆, 蝦同蠔係任叫.點知, 叫左一份蜆黎食, 一食落去每俊全部都係沙, 好似冇洗過咁, 入面勁咸, 全海水味. 所以已經唔敢再叫第2份然後到蝦, 有D 係好梅, 死左好耐, 所以都係唔敢再叫第2份基於哩個原因, 我地唔敢叫蠔蒸黎食, 因為見到隔離檯既蠔殼好污衊, 好似冇洗過咁. 太咸食完好口渴然後到其他任食野食, 肉類全部都係燒但十分油膩. 串燒類大部份都燒到焦晒, 就唔明金茹有幾難整都可以乾晒同焦晒.炸物類竟然勁咸. 好似有一大口鹽咁 食熟食全感覺好膩, 好似求其搵D 肉呀, 烏冬呀, 飯呀整飽個肚咁同埋冇菜類可以蒸黎食. 得一個燒肉生菜卷入面係有菜. 佢叫九重鮮但係海

叫咗幾個小食，特別蒜蓉金菇唔建議，午餐去到紅磡自取了燒雞扒韓國粉絲味道不錯，另外叫了薯餅腩肉生菜，和蒜蓉金菇，蒜蓉金菇唔抵食唔建議大家叫腩肉生菜冇特別，不過燒雞扒韓國粉絲味道不錯，可以嘗試，環境尚算乾淨

有幾個唔同嘅任食套餐，揀咗中價位夾弘益塔餐，加$13有任飲無酒精飲品；加$38就可以飲有酒精及無酒精飲品。海鮮龍蝦、鮑魚、帶子就每人有一份。枱上已經寫明蒸幾耐，所以唔需要擔心。我覺得鮑魚味道唔錯，幾新鮮。帶子、龍蝦都OK。然後其他食物就任叫：海鮮類任叫有蜆、蝦🦐及蠔。有串燒、烤肉、炸物、天婦羅等等。基本上食物選擇都算相當豐富。我哋叫咗中華沙律、螺肉、泡菜做前菜，呢度個泡菜味道辣辣酸酸好開胃。螺肉都好大粒。先有人蔘雞湯及韓式煎餅。韓式一口牛份量都幾多，夠林。燒雞軟骨串有咬口幾香口。海鮮蜆銀子燒，店員會係你面前點火，入邊有蜆及蝦。仲叫咗吉列蝦，夠香脆。最後甜品，檸檬味好重～

九重鮮我bookmark左好耐！今次相約咗朋友嚟食個lunch，原來而家有午市海鮮蒸鍋+串燒烤肉放題，有三個價錢選擇，我同朋友就揀咗B餐！B餐包括左海鮮拼盤一份，每位半隻龍蝦、一隻帶子同埋一隻鮑魚！整體黎講都幾新鮮！龍蝦仲有羔添！鮑魚都好爽口，帶子鮮味，仲有粉絲添！海蝦、海蜆同埋生蠔就係任食！海蝦生猛紮紮跳，生蠔都幾鮮味，海蜆大粒蜆肉飽滿！我地另外仲叫左d串燒烤肉，餐廳燒好上菜，非常方便，而且選擇都幾多！最後就係甜品，椰子三重奏！上面係軟滑椰汁糕，下層係椰青水既果凍！味道清甜飲品可以+$13享用無酒精飲品，+$38就可以飲埋酒精飲品，整體食品選擇都幾多

去到黃埔都已經7:45pm仲以為閒日唔會好多人點知full house 等嗰陣心諗應該好好食先會咁多人而且OpenRice又好多好評點知呢餐真係期望愈大失望越大😞一行四人無人食過所以揀最平既A餐 加左$13無酒精飲品任飲食2個鐘QR code落單好似好快上菜但我地飲住野 等左超過20分鐘先出現第一碟野食就係兩件炸吉列蠔&兩件多春魚😐嗯...蜆同蝦呢？呢d唔係最簡單分定好哂 等上枱蒸熟咩？至於炸蠔&燒多春魚呢...係凍既...😐多春魚零調味... 但其實full house人手唔夠見d staff就算做到無停手都上唔切野食 收唔切碟所以有理由相信廚房做好 攤到凍哂先上到枱再等等等...出現第二碟野食 係幾舊燒五花肉&雞肉都係攤凍哂既...都係無味既然後落單半個鐘終於見到蝦&蜆即刻九秒九掃落蒸鍋D串燒&燒肉睇樣好似好得入口根本！根本！係無調味！無論豬肉定雞肉都係咁估計一黎係醃得唔夠二黎燒嗰陣又唔落醬燒面頭既七味粉孜然粉只聞其香但係食之無味煮到咁樣浪費哂d食材所謂泰式新疆式韓式唔好意思全部一樣樣 一樣無味鋪頭提供俾客既唯一一種醬汁係淡味豉油配海鮮係幾啱味既但串燒肉類就點完等於無點過牛脷好大方

今日得我同朋友一齊食飯又唔想煮不如試下叫個外賣燒肉餐返黎試下呢個餐好多野食下有海鮮同唔同嘅肉食啱晒我地呢班大胃王！啲肉好高質輕輕一燒已經食得！仲有好多串好左嘅食物又方便又好食！仲有海鮮可以加水用蒸嘅方法黎整咁就方便又快捷喺我地急攻完一輪黎個中場休息又可以繼續食食食！呢個餐仲有咖喱飯咖喱都好香而且有飯，一定夠飽！飽到我地差啲都無食到個甜品面層椰汁底層係椰青造嘅大菜糕唔會好膩，好清甜！用黎消膩剛剛好！

今日落雨唔想煮飯，決定訂海鮮和燒肉返屋企慢慢嘆，家用海鮮烤肉放題，有海鮮和串燒，種類算多。新鮮本地帶殼蠔燒8分鐘，直接開殼食，新鮮鮮甜；海蝦好生猛，燒5分鐘，加鹽已好好食，夠爽口，海蜆飽滿無沙。烤肉串燒有16款，牛扒、雞扒啖啖肉，泰式串燒豬梅肉夠嫩、牛柳頭惹味、豬頸肉爽口、墨魚鬚爽脆、牛脷嫩滑、車厘茄煙肉串汁多、泡菜豬肉惹味少辣、金菇又辣又惹味、菠蘿，粟米清甜。咖哩牛肉飯 香濃不甜，配埋紅酒都幾夾，紅酒唔太酸