九重鮮 (已結業)

抵食種類多 海蝦尤其正～～～放假係好友邀請底下去咗紅磡食午市放題 住附近嘅朋友話呢一間放題非常高質 知道我鍾意食龍蝦 鮑魚 同埋各種海鮮 所以就特登book黎同我食～～～佢哋嘅lunch放題 每一位客人都會有一份龍蝦 鮑魚 帶子同埋椰皇三重奏甜品 除咗呢個係一次性之外 其他食物例如海蝦 海蜆 鮮蠔 人蔘湯焗蠔海鮮煎餅 青木瓜沙律 串燒 烤肉 天婦羅同埋銀紙燒等等 就全部都係任食嘅～～～由於佢哋嘅食物種類繁多所以我就唔一一細講 揀咗幾樣特別推介嘅同大家介紹吓～～～首先就係鹽燒海中蝦 佢哋嘅蝦真係好爽口彈牙 而且大大隻 估唔到任食都會有呢一個質素嘅蝦 另外就係芝士煙肉焗蠔 蠔幾大隻而且滿佈芝士 雖然好邪惡 但係真係完全停唔到口 ～～～跟住仲有韓國泡菜 佢哋嘅泡菜味道做得好正宗 無論係連埋啲海鮮一齊食定係連埋串燒一齊食 感覺都好夾～～～另外韓式蔘雞湯你都係我想推介嘅食物之一 雞有雞味 蔘有蔘味 雖然係任食 但係做得完全唔馬虎 食完之後感覺好暖胃 好舒服～～～串燒方面 我就最中意汁燒七味雞軟骨串 同冬菇串 前者口感佳 好脆口 個汁味道剛剛好 冬菇就菇香濃濃 加上個汁 整體風味什佳～～～推薦度：

之前有個朋友介紹我食九重鮮呢一個 家用版海鮮串燒放題， 適逢老友生日 限聚令又未解封 咁就買返屋企試下啦 三四個人唔大食應該都夠嘅， 其實真係好方便乜都唔使洗 返到嚟開嚟就食得 仲要有埋生蠔😍😍 都係六百零蚊 望就覺得幾抵食 當然對於我哋嚟講味度先係最重要😋先講下海鮮有啲乜先，有海蝦，蜆同埋六隻蠔， 完全估佢唔到海蝦好鮮甜 蜆都好新鮮，但係講到出色蠔真係好好食， 海水味濃👍🏻👍🏻👍🏻， 串燒就少少地每樣兩串，但係都好新鮮， 尤其是泰式串燒 ，豬梅肉 ，豬頸肉 ，牛柳頭，牛脷，墨魚鬚 ，京蔥牛肉串， 金菇芝士肥牛卷 翠玉瓜豬肉串， 泡菜豬肉串， 全部都肉質 鬆軟 唔痴牙， 肉味好夠 食得出係新鮮食材， 呢個餐仲有其他， 韓式泡菜都好夠味道 唔會太辣 但係好開胃 另一出色之作 估佢唔到 滋味咖哩牛肉飯居然咁好味 用嘅係珍珠米 咖哩香濃度好出色， 令我再三回味 再飲埋杯紅酒簡直完美

叫左B餐只包一次：海鮮得扇貝，龍蝦，鮑魚😓隻隻都好細粒😅龍蝦🦞肉唔彈牙，好細隻加左個龍躉指天翅（可以5洗叫、得骨）任叫海鮮：蜆，海蝦，蠔蜆ok無沙海蝦🦐普通蠔🦪要自己開😥😥😥有d難度再有串燒，銀子燒蜆，一d熱食烏冬但款式唔多以尼個價錢CP值唔高😅另外甜品🍮反而有驚喜椰子🥥3重奏食落好好味😋唔太甜有椰絲椰漿同椰子啫喱，口感幾好$755/2位餐————————————————滿分5🔆🏝環境🔆🔆 🔆🛋服務🔆🔆🔆💲價錢🔆🔆😋食物質素🔆🔆💥翻兜指數🔆—————————————————————————————📍九重鮮#香港美食#美食#搵食團 #搵食 #搵食兵團 #foodie

前幾日，見到九重鮮有新鮮海鮮及燒肉串燒套餐$698！勁方便，有海鮮有燒肉準備好晒，洗埋切埋串好曬，真係懶人首選！輕輕鬆鬆買返屋企，用爐一路燒一路食！套餐裏面有本地生蠔🦪，呢個非常新鮮，而且食得出個食材好優質！好夠甜、厚肉。相當驚喜！估唔到外賣嘅海鮮都有質素！蜆亦都冇沙，仲有蝦非常新鮮！爽得來鮮甜！呢個套餐最好就係乜都有，連不同嘅醬汁都有，前菜仲有泡菜。套餐有多款不同串燒。有車厘茄煙肉串、泡菜豚肉串、金菇芝士肥牛卷、翠玉瓜豬肉串，除咗肉串仲夾雜埋啲蔬菜。有肉有菜，仲有甜品、紅酒添！喺屋企都食到好滿足！

有時唔想同人逼，尤其是而家疫情，就會選擇喺屋企食。懶得自己買材料，我就去咗九重鮮度外賣~呢個餐相當豐富，有海鮮有燒肉。先食海鮮，有六隻蠔、海蝦、海蜆。呢度嘅海鮮非常新鮮，拎到返屋企啲蝦仲識郁！蠔夠大隻先甜，海蝦爽口，蜆份量多。肉有牛扒、雞扒、豬頸肉、墨魚鬚、牛脷串、多春魚、肥牛、菠蘿等等，好多野食。一共有16款，每款有兩份。肉類方面都相當唔錯，勝在種類多。食下食下都相當飽！煮食仲有咖喱牛肉飯、小食有泡菜，個餐仲有紅酒🍷喺屋企食真係幾正！

想留係屋企都歎到海鮮烤肉，好友介紹我買九重鮮外賣套餐，有齊海鮮、串燒、烤肉、飯、甜品，估唔到仲送一支葡萄紅餐酒，性價比極高，真係超抵食!一早打電話預訂，準時到餐廳就得有拎，夠哂方便。二人份量，全部材料已經洗好哂，返到屋企用氣炸鍋或者燒烤爐整返熱就得。海鮮好新鮮，海蝦拎到返屋企仲會跳，大大隻入口香甜彈牙好鮮味。海蜆處理得乾淨，鮮甜味美無半點沙。鮮蠔有驚喜，肥美而且蠔味鮮甜，帶點咸咸地既海水味，熟左之後依然好大隻。串燒份量十足，有齊16款，每款有2件，牛脷串爽脆多汁，非常有口感；墨魚鬚串軟嫩爽彈好香口；豬頸肉串好有油份，咬落一啲都唔韌。泰式串燒豬梅肉同泰式串燒柳頭勁惹味，醃得入味，肉質厚實，彈牙又爽脆。咖哩牛肉飯香辣味適中，肉味濃郁，仲有唔少蔬菜配料，好豐富。香滑椰子甜品清甜Q彈，大家都好鍾意食!

口痕想食海鮮、烤肉，見到九重鮮新推出外賣套餐，有齊新鮮海鮮、燒肉串燒，洗乾淨哂，仲要切埋串好曬，極方便兩人份量岩哂情侶留係屋企撐枱腳!呢個外賣海鮮串燒套餐包羅萬有，除左重頭戲海鮮同串燒之外，仲有咖哩飯、甜品同送一支酒，好重本!一路食海鮮同串燒，再飲返杯葡萄紅餐酒，勁夾~小食有韓式泡菜，醃得入味，香辣又開胃。海鮮款款新鮮，尤其推薦紮紮跳勁新鮮海蝦，肉質爽滑彈牙，鮮味十足!海蜆大大隻好肥美唔會有沙~鮮蠔係特選優質本地生蠔，肥美肉滑，口感爽脆帶甜味。串燒有成16款，各有2件，真係勁豐富!推介金菇芝士肥牛卷，肥牛細膩柔滑，包住鮮嫩金菇同軟滑芝士，提升口感層次。京蔥牛肉串，牛味濃郁，京蔥爽甜。肉類串燒醃得入味，氣炸後外脆內嫩，正。滋味咖哩牛肉飯大大盒，份量十足，入口濃稠香滑，微辣帶點甜，拌飯一流。最後食埋個清香椰子甜品，真係超滿足!

三月份係老公同大囡生日月，我又要費盡心思諗吓點樣同佢哋慶祝。見近近地喺黃埔九重鮮有個外賣九重鮮-家用版海鮮串燒放題，一於買黎試下。呢個套餐基本上已經將你所有需要照顧好。食材為你預備好，返到屋企只需要開出嚟放上爐上面燒就食得啦！勁方便~海鮮有超過10隻蝦(半斤)，生蠔6隻，大蜆半斤。拎到返屋企打開啲蝦仲係好生猛跳跳吓超新鮮，燒一燒開出嚟食蝦頭嗰度超多膏，蝦身厚肉爽彈。生蠔原隻超新鮮，食之前先開，甘就可以保持入面鮮味，不過放上燒烤爐燒要啲時間。大蜆好鮮甜，打開後充滿海水鮮甜味，好欣賞食咗咁多隻我哋都食唔到有沙。除咗海鮮之外，燒肉都唔少得。拎嘅時候見到有一大盆串燒，串燒燒肉款式總共有16款，每款有兩件。大部份已經用竹籤串好，方便反轉同燒完拎起食。串燒入面有比較特別既墨魚鬚串，都幾大串又長。而肉類都事先會醃好，燒完已經直接食得。比較鍾意食濃味既屋企人就好欣賞隨餐附送的醬料，三款分別係麻辣，沙嗲醬同泰式酸辣醬。老公仲隨興拎咗雪櫃食剩條茄子，加左泰式酸辣醬，超正！小朋友都有岩食，車厘茄煙肉串，翠玉瓜豬肉串，金菇芝士肥牛卷，菠蘿和粟米，易食味淡。套餐仲有一支紅酒🍷，前菜泡菜，一大盒咖哩牛肉飯，同二杯

以前去過九重鮮食放題，食物質素有水準，最近朋友話我知，餐廳有一個外賣自取套餐 叫 < 家用海鮮烤肉放題>，$698。雖然話係二人份量，但係一家三口食都好飽。鍾意呢個套餐夠方便，一家人喺屋企食下韓燒，但係又唔使買餸，洗洗切切，好快有得食。套餐包半打鮮蠔，系本地生蠔,幾高質！海蝦，海蜆各半斤。👍👍套餐有海鮮同串燒，仲有小食韓式泡菜，咖哩牛肉飯，仲送紅酒，698蚊幾抵食。串燒選擇豐富，有16款，每樣兩件，包括牛扒，雞扒，串燒豬梅肉，串燒牛柳頭，豬頸肉，墨魚鬚，牛脷串，京蔥牛肉串，小朋友好開心。

九重鮮今日weekend同朋友去咗食午市放題！ $298 （150分鐘）呢間都幾抵食呀！ 每位有一份龍蝦帶子及鮑魚！仲有得任食海蝦，海蜆，鮮蠔！又有冬陰功湯🥰另外仲有得入食芝士煙肉焗蠔，非常推介！岩鹽燒海蝦都好好食好鮮😍朋友話青木瓜沙律都唔錯,好健康！韓式海鮮煎餅好特別，因為裏面仲夾有麵條！仲有大量串燒，烤肉，天婦羅！ 啲款多到樣樣都想食😍銀紙燒好有特色,用火燒住錫紙裏面嘅海鮮！ 錫紙包住有粉絲，湯，蜆肉同海蝦！加13蚊仲可以任飲無酒精飲品加38蚊就可以飲酒精及無酒精飲品甜品係椰皇三重奏，比較清新！

朋友聚會，但係我哋人數多過四人，所以就外賣回家，今次叫左想試好耐的黃埔九重鮮鐵板燒餐。「家用版海鮮串燒套餐」約4人食用也足夠，當然如果食量勁的，大約二人份量。三款海鮮包括尚算肥美的本地帶殼蠔、大大隻鮮甜海蝦及海水味算濃的海蜆。16款串燒、燒肉及蔬菜各2串/件，款式算多，尚算新鮮美味， 當中包括牛扒、雞扒、泰式串燒豬梅肉、金菇芝士肥牛卷、 車厘茄煙肉串、京蔥牛肉串、多春魚、蒜蓉金菇及菠蘿品等，仲配埋三款燒肉醬，非常惹味。套餐亦包括1份泡菜、1盒咖哩牛肉飯，2份甜品及1支紅酒。以這個價錢來說相當唔錯，下次一定要去堂食

自從上一次吃過蒸海鮮之後就念念不忘，很想吃多一次！上網找到一間韓式蒸海鮮，做午市海鮮放題，不但可以享受海鮮，還可以滿足食肉獸的胃口，就跟妹妹兩人一起吃飯！位置：很近黃埔站，需過天橋到黃埔花園那一邊。天橋的樓梯級是網紅打卡位，可惜顏料退色。環境：門口天花板上掛滿不同顏色的燈籠，店內空間大，裝潢帶有韓國餐廳風格，木桌椅，牆上有壁畫和韓星相架，有卡位，可以坐得舒服！服務：上菜和換碟都快手。午市放題：可以吃三小時，平日268元一位，需另收飲品價。重點是每位一份龍蝦、鮑魚、帶子和椰皇三重奏，這是最美味的部分，龍蝦肉結實彈牙，帶子和鮑魚亦是夠鮮美彈牙，最有心思是甜品，將椰青水製成啫喱作底部，上層是軟綿濃厚的椰子忌廉，再曬下焦糖椰絲，份量還不是一個小酒杯，而是像一個布甸杯，吃得滿足！另外可以無限點海蝦和蜆，大部分蜆都無沙，只有一兩隻帶沙，所以海鮮都很鮮甜，尤其是蜆！其次是特色前菜，有一個由公仔麵做成的韓式海鮮煎餅，雖然味道不出色，但用料是出乎意料，可以再辣一點，反而冬陰功湯夠辣，材料豐富，有濃濃的香料味！主食：麻辣銀子燒，其實是海鮮粉絲煲，不過用酒和火燒一次錫紙，有類似火山雪糕的特效，味道比想像中好

平時食開蒸氣火鍋都係蒸海鮮多，今次朋友就帶左我去黃埔到食九重鮮既午市放題，價錢$298加1，另外加$13就可以任飲(冇酒精類)，除左有海鮮食，仲有炸物同串燒，依個價錢，食到咁多唔同款式既食物，非常抵食每款海鮮蒸熟時間都會有餐牌說明，計時器就係用沙漏，方便簡單，首先第一輪會上龍蝦(有我手掌咁大隻，蝦肉結實彈牙)，飽魚(嫩滑，有嚼口)，帶子(鮮甜)給我地，每人只有1份另外蝦(爽口)，蜆(粒粒都好飽滿)，蠔(一d都唔會腥，仲好多汁)就可以任叫任食串燒類就有墨魚丸，節瓜，冬菇，多春魚等，就連焗金菇都有呀，串燒醬汁好入味，食落唔會好乾身炸物類就有茄子，炸蠔，炸蝦，蟹柳等，食落炸粉唔會好多，原汁原味甜品就有椰子三重奏，感覺似飲左椰汁水，清甜爽滑

朋友屋企有鐵板爐，間中就會邀請我哋去食鐵板燒，今次由我哋負責買食物， 我哋就去咗黃埔九重鮮叫咗家用版海鮮串燒套餐。套餐包括三款海鮮(本地帶殼蠔、海蝦及海蜆) ，16款串燒/燒肉/蔬菜各2串， 前菜泡菜一份，咖哩牛肉飯一份， 甜品兩份，餐酒一支，足夠3-4人食，好豐富又抵食。有幾款我特別喜歡食：本地帶殼蠔 - 燒完之後，仍然好有海水味，算肥美。牛脷串 - 厚薄適中，好軟淋。墨魚鬚串 - 鮮味爽口又唔會韌。翠玉瓜豬肉串 - 翠玉瓜夾脆，豬肉有肉味。支紅酒又幾好飲，配鐵板燒一流。

前排入咗黃埔同朋友食飯，朋友就介紹咗呢間位於佢屋企樓下嘅海鮮蒸鍋串燒任食放題餐廳，我哋係假日中午時間入座，每位298 +1，另外仲可以加$13任飲無酒精飲品，店員服務非常好，有主動介紹同幫忙蒸海鮮，同朋友都食得好滿足好滿意_首先入座店員會先送上每人一客龍蝦、鮑魚、帶子，另外仲會有冬陰功湯同韓式泡菜海鮮煎餅🥞值得一讚嘅係海鮮非常新鮮，尤其係龍蝦入口彈牙仲有好多膏添，另外小編都好鍾意佢哋嘅冬陰功湯，用料十足非常惹味😄_等待蒸海鮮嘅途中大家可以先用手機下單任食串燒、烤肉、天婦羅等等，餐廳提供多款選擇，小編特別推介燒菠蘿同燒牛脷，另外呢度仲有平時比較少見嘅銀紙燒，一上枱嘅時候店員會喺錫紙上面點火，等待火熄滅之後就可以食㗎啦，入邊有蜆、海蝦同粉絲，嚟到一定要試吓_蒸海鮮方便有部份海鮮係可以任食，包括海蝦、蜆同生蠔，小編特別喜愛蜆，大大隻清甜冇沙，另外餐廳很細心地提供了生蠔刀方便大家開生蠔，味道都非常唔錯㗎_食到最後仲會送上每人一客甜品椰皇三重奏，味道清甜能夠解膩，為整餐畫上完美句號