九龍坎麻辣火鍋

營業中

休息中

只能講完全冇服務可言，叫左A餐， 豬肉雞肉任食，但係雞肉冇咗完全唔知，冇人告知， 問個服務員可唔可以加雞肉，跟住就話冇，然後走咗，等我想講話要加其他都唔得， 咁樣我食放題有咩意義呢， 有嘢想溫佢地問嘅時候完全唔見人，但係一到畀錢就出曬嚟叫人埋單🙁😞裏面得一個黑色長髮有紮髻嘅女服務員服務好好，會同你解釋翻點解冇左雞肉

星期五收工，最好就係打個邊爐，仲要係麻辣嗰隻。“九龍坎麻辣火鍋”以宮廷式火鍋嚟講，”九龍坎”係走近川式嘅風格，所以麻辣會係佢嘅重點之一。不過我哋都唔食得太辣，所以就叫咗鴛鴦湯底 (麻辣/豬骨)。主力:太極鴛鴦湯底 - 兩邊湯嘅味道都好足，豬骨本身已經有好多粟米蘿蔔，麻辣嘅味道夠麻亦夠辣，基本上唔使點醬油珺珺功夫肉 - 牛肉卷得幾靚，事實上亦有一定牛味小郡肝 - 本身已經有調味，食落有啲似雞腎，充滿彈性火箭魷魚 - 個人認為係必叫！爽口，最重要係大隻，兩邊湯底都好適合其他配料方面:鮮腐竹 - 啱晒呢兩個湯底，份量偏多白蘿蔔 - 係今晚嘅奇兵，非常柔軟，浸湯非常入味，點醬油同樣出色。我哋食咗兩碟😂鮮藕片 - 煲完之後係好易咬，唔會一口渣油麥菜 - 如果點麻辣湯底要小心，係非常之吸湯百香果檸檬茶 - 鮮果佔嘅比例好多，好夠味，附近嘅人都有叫作為宮廷式火鍋，呢度座位寬闊，枱同枱之間相隔得遠，可以慢慢坐慢慢食。星期五終於可以放肆一下！

最近做緊北京research，見到好多好野食 勾起條癮想食麻辣火鍋，同frd子兩個去食，一開Lift門就係接待位置，估唔到呢度個氣氛做得咁好，上至一幅牆 下至一隻豉油碗 整個裝潢格局都係走中國古風仲有漢服可以隨意著上身打卡座位闊落 仲有幾間VIP房，4位或以上就可以book房了，仲可以唱K+打牌通宵到天光6點，下次問下兩個人Book得唔得先....太極鴛鴦湯底 $116招牌四川麻辣牛油紅鍋 x 豬骨濃湯本身唔太食得辣 都係點鴛鴦鍋穩陣D，豬骨濃湯入面真係有大大舊煲湯骨 湯底咸鮮適中，麻辣牛油紅鍋比想像無咁辣，先是入口香麻 辣味再慢慢滲出來，整個口腔同鼻腔都蓋住香麻味珺珺功夫牛 (小份) $148小份都有唔少片，切得厚薄適宜 輕輕一焯好快熟，入口鬆化，呢款牛既濃郁牛味同麻辣味好夾小郡肝 $68香港平時好少聽到呢個term，即時google先知係家禽的胃部，一次見 好似塗左醃料既香腸片，每件都會用竹籤穿住，燙熟入口就是不得了，彈牙脆爽 又麻又香，用豬骨湯底燙熟都一樣充滿麻香 醃得好入味火箭魷魚 $78鮮美Q彈 口感上同小郡肝有D似，味道就清鮮好多我的麻辣鍋4寶~❤️每樣都有淡淡獨自原味道 同

十二點收工搵野食🫠好彩呢間收凌晨可能太夜既關係，部份item例如羊肉已經無哂🥲好驚喜有酸菜魚湯底😂只為深夜打邊爐既我地完全無睇menu就入左去仲要有黑魚片任食😆實現酸菜魚自由🥰一揀好餐，佢就全部肉同海鮮都上一份其實本身對298無乜特別期望，點知海鮮勁新鮮，蝦同鮑魚都仲郁緊。黑魚片係睇得出既新鮮，爽口嫩滑。鮑魚同蝦好爽好甜平時懶得搣蝦既我都encore左兩大碟🤤今次無試到好多肉，但海鮮極推薦，真係食海鮮都回哂本。埋單忍唔住讚佢啲海鮮好食，然後老闆娘話我知原來啲黑魚片係廚房師傅親手片，原條片出黎鮮度完全唔同。

🎪 九龍坎麻辣火鍋 (油麻地)油麻地彌敦道469號新光商業大廈3樓古色古香重慶打邊爐， 性價比高。裝潢極具中國風，卡位是一個個中國式涼亭，座位寬敞，店外仲可以免費穿漢服打卡～🌟湯底：經典鴛鴦(招牌牛油紅鍋和高湯)是正宗四川麻辣湯底，非常刺激味蕾，而高湯呈米白色，材料有芫荽、紅棗、粟米、紅蘿蔔等，味道鮮甜，兩者是很好的配搭。🌟雪花肥牛：打邊爐必吃肥牛，肉質鮮嫩，口感柔軟。🌟西班牙黑毛豬腩片：一碟份量都頗多，薄切豬腩片，肥瘦均勻～🌟黑魚片：推介，材料新鮮，魚肉配麻辣湯底或高湯，入口都非常鮮甜🌟手打墨魚滑：心形的圖案，擺碟見心思。🌟筍片王：推介打邊爐吃筍，淡淡荀香，入口清脆。🌟潮汕牛肉丸🌟冬瓜/娃娃菜

吃过好多香港的成都老火锅，坠推荐这一家！之前在北角开的时候和朋友在那边充了近1w可见有多喜欢了！🏮油麻地新店维持了老店的装修风格，浓浓中国风，感觉就是进了成都的地道馆子味道也是特别经典地道的那种，招牌牛油红锅真的巨香，越吃越辣和朋友一起来推荐点一个九格格有虎虾、毛肚、黄喉、象拔蚌、海带、鸭肠、鸭血、牛肉丸和鱼片全都是火锅必备菜品！分量特备适合两个人又想吃多些种类本人真的很爱鸭血，而且他家用的是hk比较少的鲜鸭血，在开锅前下进去，又嫩又滑😋还点了份炸馒头，就是小时候特别爱吃的蘸炼乳的那种黄金小馒头，对我来说已经是comfort food 的存在，香甜软糯，zui喜欢的中式甜品🍊BTW小料台有很多水果可以拿，我们走之前还吃了好多西柚，很新鲜！老板介绍这里还设置了古装打卡、麻将房和KTV，好适合公司聚餐或者朋友聚会！

警世！唔好信IG宣傳！！星期日午市同朋友去 大約2:30pm入座裝修幾靚但紅噹噹幾傷眼環境頗為污糟 行緊入位嗰陣已經見到有間房擺晒雜物堆晒塵 地下同張檯都痴笠笠 木筷子又有啲跡醬料位設計亦都好差 啲醬瀉晒出嚟 個芝麻醬仲要係點腸粉食嗰隻 唔係正常放題沙律taste嗰隻...嘢食除咗肉同毛肚之類冇咩嘢可以order 雖然肉嘅總類算多 但豬肉片可以連住原盤血水上鵪春蛋甚至一望落就知唔新鮮 送菜阿嬸直接猶豫應唔應該拎走送菜亦都好慢自助區得丸同菜佢哋會refill 小食區淨係得雞翼同青口 兩粒鐘都冇refill過 而且一早畀人食晒 催過staff都冇用 甜品冰櫃得雪條同兩個甜筒 冇refill過 B餐宣傳嘅Hagan Dazs直接話冇貨 連普通雀巢雪糕都冇 布甸得6x2 十二個 清一色芒果味如果想體驗中國特色冰粉嘅話就終於可以任食啦（因為冇人食）同區同價位有更加好嘅打邊爐放題 無必要折墮自己 暫時試過咁多間入面呢間最伏

前排Ig 見到依間火鍋店，裝修特別，價錢親民。趁今日有啲時間去試吓啦我睇佢有得KTV就順便問埋可唔可以book ，佢話冇房，咁由佢啦😂反正我都係臨時book 都預咗入到唔係好似其他火鍋店咁有員工介紹餐牌，而係坐低就簡想要既套餐而令我最失望既係，$298 任食哈根達斯….無，得返雀巢熟食清空晒冇人feel飲品櫃啲野飲…得返少量啲豬牛羊冇上過，等左半個鐘，仲要問三次，第三次先話我哋冇落單，但手機明明顯示有落，最神奇既係芋絲，一件件既海鮮，烏冬果啲係有黎…ok都算重新再落唄，咁再落隔左十分鐘，黎咗第二次落單既豬牛羊之外，連埋對上一轉落既都黎埋，真係西飛利，點做到冇落到單…但又可以第二轉黎到第一轉？仲要既係…無羊啊，羊呢？啲員工唔識廣東話🤦🏻‍♀️要用普通話溝通…仿佛好似返咗深圳…我不如直接上去食都冇咁嬲…到底 $298除咗食左麵..丸…腸…蔬菜..少量海鮮…同埋要等運送途中既少量豬牛羊外，我都冇食到值依個價既野，仲要冇任食哈根達斯都夠擔收足我咁貴真心…唔會再黎…最期待既羊…哈根達斯…海鮮…全部都冇，你哋話打風冇黎到貨…實質唔應該要客人去埋單囉，你冇貨可以比優惠，或者同客人講聲…等客人去衡量去唔

食放題揀呢間等於倒錢落海。事情係咁，下晝2點去到揀咗個$298最貴嘅放題，落咗order先被告知，牛肉得普通牛肉，$298餐牌入面嘅 美國肩胛牛賣曬，羊肉，雞肉都話冇。至於海鮮，得貝類，鯇片，其他蚌嗰啲全部都話冇，OK！咁去自助區拿雪糕啦！成個雪櫃門大開，啲雪糕差唔多融曬！唔緊要，去拎野飲啦，雪櫃野飲全部都唔係好凍，種類好少。等到牛肉送上來，食咗一輪，唔知點解職員無啦啦收走檯面未落鍋煮嘅牛肉，好似係好驚我食曬佢哋啲牛肉，做唔起放題就唔好學人做呃人

呢度嘅裝修幾精緻，中式佈置顏色鮮明，有包廂、卡位，又有位俾你着漢服打卡，連豉油嗰個位都好特別，餐具亦都充滿着中式風，打卡唔錯 👍🏻叫咗鴛鴦湯底，入邊係微辣嘅招牌牛油紅鍋，入邊有好多香料，味道好濃烈，淥完嘅嘢就咁食已經好香，後勁都有少少辣，就咁淥唔點醬都好好食 ✌🏻另一邊就要咗高湯，見到佢入邊有啲紅棗同埋粟米、蘿蔔，豬骨味都好重，同樣地淥完嘅食物都已經好入味 🫶🏻碟牛肉真係好好食，肉香又彈牙，係咁意淥一淥已經好滑，另外叫左碟黑魚片，肉質新鮮，亦都好軟滑彈牙 😋另外叫咗毛肚同同埋豬黃喉試吓，淥幾秒幾爽口，放麻辣湯就最正 👍🏻 另外仲有午餐肉、龍蝦丸、粟米同埋冬菇，因為個湯已經夠香夠濃，直接淥熟左之後已經好夠味 😊 最後加個烏冬吸收湯嘅精華，唔錯唔錯 ☺️

之前去過九龍坎打邊爐今次再去係貪佢有得打麻雀而且喺九龍區都方便網上訂座好似有七折星期日晚上冇乜人包房係$2000 min pay 留意返麻雀房同打邊爐嘅房係分開好新淨仲好似有得唱K但係就不停滴水😅 有啲唔衛生中間有滴到落飲品同湯底🤮🤮🤮起碼一餐都滴左超過20次食物方面正正常常麻辣火鍋牛肉大碟嘅就$5xx有得叫手打檸檬茶，一開始上菜有點慢同埋少甜猩都幾甜價錢都合理，而且有得打埋麻雀去到凌晨4點早排上網搵咗好耐都冇同一個地方可以打麻雀同打邊爐😂人均消費$600

🥢油麻地竟然有宮廷風火鍋 $98 起打邊爐放題🥢油麻地有竟可以$98 起宵夜邊爐放題「被譽為全港最平海鮮火鍋放題」仲要免服務費，茶位費，調料費，可以瘋狂任食指定兩款肉類，凍海鮮區，自助吧，DIY冰粉，及飲品，仲有雪糕，裝修環境好有特色，充滿古色古香嘅宮廷風，位置仲要闊落坐得幾舒服🥢非常推薦選擇B 及C 套餐兩款分別$168 及 $298，肉類嘅選擇會多啲，今次食嘅C 餐總共有八款肉類，可以任食海鮮，Häagen-Dazs雪糕雪條，提得一提嘅係，如果夠4 位朋友可以$60升級包廂，一齊唱K或打麻雀，俾你玩到第二朝凌晨六點，另外門口仲有特式服裝俾你著住打卡，可以同班朋友嘆返晚，房間有限記得提前預約🥢今次就係試咗套餐C ,可以免費鍋底有好多款選擇，今次點了新推出嘅酸菜魚湯底，配搭無骨滑魚片最正，重點呢到新鮮海鮮任食，包括鮑魚，生蠔，元貝，白鱔片，脆鯇片，鱸魚片，魷魚，珊瑚蚌，海蝦，咁多款鮮甜海鮮都可以任食，另外仲有8款肉類包括巴西牛舌，美國安格斯肩胛肥牛，紐西蘭小肥羊，花雕雞件等等🥢自助區提供多款飲品及凍海鮮及雪耳糖水甜品，生果盤西瓜、芒果、哈密瓜、火龍果，最特別嘅係有自助DIY 冰粉，配料

呢幾日少少入秋，梗係即刻嚟返一場打邊爐，打得邊爐又點可以冇辣呢？所以嚟到呢一間四川風味。👍🏻經典鴛鴦湯底招牌牛油紅鍋同高湯，一紅一白有辣有唔辣！原片牛油落到鍋底，確保係一次性使用，湯底會越滾越麻辣！👍🏻珺珺功夫牛份量唔係好多，當係淺嘗，不過牛肉本身都幾腍，唔會太肥！👍🏻火箭魷魚魷魚非常之透徹，而且用上冰鎮，份量比預期嘅多，咬落去極為爽口。👍🏻小郡肝腎臟用竹籤串好，碌左分零鐘食，口感爽彈，搭配辣嘅湯底真係好惹味。👍🏻蔬菜類鮮腐竹、油麥菜、白蘿蔔、鮮藕片！邊個話打邊爐唔可以健康啲，叫咗一大堆蔬菜嚟平衡一下心理～👍🏻百香果檸檬茶當然要飲返啲比較清新嘅飲品，檸檬已經預先爆打咗，加上咗新鮮嘅百香果，飲落舒爽！✨餐廳嘅醬料費一個人$18 ，但係除咗有多款配料之外，亦都有四款嘅時令水果！另外為咗慶祝香港運動員，如果你個名同佢哋有一個字相同就已經有單點嘅7折！

呢度裝修勁有古代風味，門口仲擺設左宮廷漢服可以著黎打邊爐打卡，好似穿越咗古代禁，勁有風味。 叫左個經典鴛鴦湯底，一邊麻辣一邊高湯，我哋叫咗小辣，一上到黎見到紅噹噹，對我黎講都算幾辣了🙈，不過好襯食黑魚片，牛舌等食物，超香超惹味。另一邊高湯鍋底好足料，有紅棗、粟米、蟲草花、蘿蔔等配料，材料好豐富，好滋潤。岩哂碌菜冬瓜等火鍋料。潮汕牛肉丸爽口彈牙，帶有黑椒味，大大粒好好食。雪花牛舌牛舌口感有小小un 唔夠爽彈， 但放落麻辣鍋度夠晒醒神😂西班牙黑毛豬腩片肥瘦平均，肉質嫩滑呢個唔錯黑魚片食落非常鮮嫩滑溜，大大碟，肉味鮮甜，放落麻辣湯底食夠哂過癮。手打墨魚滑 好有心思，仲要勁大份，2個人食唔曬🙈每啖都咬到墨魚粒，食落好爽口，彈牙娃娃菜，冬瓜片同海帶食落好清新，岩哂打邊爐。

服務態度超差，訂位時說滿$2000就可以包房包唱k又可以打麻雀，我地就話book房點知黎到又叫我地坐大廳要問佢先俾返房我地，來到時話呢樣又要加錢果樣又要加錢又話間房只可以散叫唔可以叫套餐之後見到比張單張寫唱K打麻雀每人收$60，坐底d湯底都黎埋，枱面咩都冇，問佢地就話出面d嘢飲嘢食可以拎，肉果d之後送過黎，2個鐘任食，之後埋完單打緊牌果時走黎話嘢飲要另外收錢，話唔知我地枱面有嘢飲，一直上嘢食果時枱面都有嘢飲，收嘢走都有收走飲品罐！！！果時唔講要收錢？都講比冇問題！點解唔一早講？話見唔到我地有嘢飲🤣d員工係眼殘定博你飲多d之後收錢？