九龍香格里拉大酒店大堂酒廊

營業中

休息中

尖沙咀香格里拉的Lobby Lounge係一個優雅舒適嘅地方，特別適合享受下午茶同今次食嘅糖水。呢度環境典雅，配有大窗戶，可以俯瞰維多利亞港的美景，同時可以在放鬆的氛圍中享用美食。至於今次叫咗桑寄生蓮子蛋茶，呢個係一款傳統嘅中式茶飲，通常以桑寄生和蓮子為主要成分。桑寄生被認為有助於滋補肝腎，而蓮子則以其鎮靜和養心的特性著稱。這道茶的口感清新，香氣四溢。 不過略嫌蛋茶味道未夠濃郁，唯溫度都夠熱。不過要注意嘅係晚飯後嘅時間，人流會比較多，有可能要等位，人手亦可能未必足夠及時應付客人要求，有可能要耐心等候。飯後係Lobby Lounge享用桑寄生蓮子蛋茶，不僅可以品嚐到美味嘅糖水，還能享受舒服同獨特嘅用餐環境，絕對係一個非常值得體驗的選擇。

在港島香格里拉食過兩次下午茶都非常滿意，今次要一試尖沙咀的九龍香格里拉😋環境、服務：尖沙咀這間的Lobby Lounge比金鐘的大好多，會望到窗外有海景，同樣地在下午茶開始供應時間3點鐘有live music，這日有鋼琴同長笛🎶，提升了整個用餐氣氛同體驗的心情😌因為本身有dietary restrictions需要，事前已同餐廳溝通個別食物唔食的，chef好用心的調整了取代的食物款式，一啲都唔hea!紅蝦他他轉咗grilled sea scallop with guacamole；煙燻意大利布拉塔芝士撻轉咗slice lobster with mango Marie Rose sauce；士多啤梨意大利芝士蛋糕轉咗chocolate frou frou cake；柚子奶凍轉咗sakura strawberry agar agar🥳服務實在值200分！食物：鹹點方面樣樣出色！食得出每一小件的用料同配搭的醬料都充滿細節心思！如黑松露雞肉慕絲，外層係茶香核桃粉，而黑松露就以黑松露醬出現在雞肉mousse丸子的中心，充滿驚喜😍甜點的水準都非常平均不錯，只是個人較喜歡多層次顯心思功夫的cake，

香格里拉出糖水之前見人盛讚味道就真係唔好太大期待，1碗伏，其他普普通通碗楊枝甘露入口係唔舒服，非常杰身，但果種芒果汁係假甜d 柚子又苦, 佢已經唔係落西柚了, 唔知點解可以咁苦另一個合桃露, 水咁稀....不過好在味道係OK, 唔好預期好濃厚但湯丸有驚喜! 冇破皮或爆餡, 厚薄岩岩好, 好Q彈, 餡係芝麻, 滑溜又濃郁如果我有需要再黎, 我會剩食湯丸第三碗係西米椰汁桃膠, 中規中距, 呢一碗材料好多~椰汁/椰奶/椰漿既野可能比較正常發揮不過地方同服務就真係比去糖水舖逼好好多拉上補下，要有個地方hea 都係唔錯既選擇🙈

30年陳皮紅豆沙🫘💰: $78雖然紅豆沙煲得好綿但陳皮味唔算突出紅棗桂圓雪蓮子燉桃膠💰: $68各樣材料比嘅份量都十足材料融入咗係糖水度感覺好滋潤亦都係四款之中最好食芋圓薑茶麻蓉湯圓 💰: $58湯圓係芝麻流沙湯圓可惜芋圓同薑茶嘅味道都比較淡香芋椰汁紫米露🥥💰: $58椰汁味好濃紫米好有咬口芋頭細細粒，配埋紫米露都好夾四款糖水都嗌咗熱但只有紅棗桂圓蓮子燉桃膠係夠熱其他都係微暖另外，我地8:30pm左右去到即製薑汁撞奶同楊枝甘露已經賣哂如果想有多啲選擇嘅朋友可能要再早少少到

去咗幾次香格里拉，之前都賣哂椰皇，今次早去終於有，不過侍應問我有冇book位先知原來食糖水都可以😌book位，我答我walk-in，坐咗最邊嗰d位，唔係最舒服既大櫈。叫咗原個椰皇燉蛋白桃膠$78同擂沙湯丸$38，等咗5分鐘就有擂沙湯丸，一咬開就係黑芝麻流心餡，暖心🥰，甜度適中，湯丸煙韌，完美😍，平時我唔食黑芝麻湯圓都覺得皓皓食。反而等原個椰皇燉蛋白桃膠等咗皓耐，現場有live music，有小提琴🎻同鋼琴🎹演奏🎶時代曲，但等得唔耐煩攪到我冇乜心機，見到門口已排大隊。最後椰皇等咗25分鐘先到，但最少知係新鮮燉，比想像中細，但食落份量就都ok,蛋白夠滑，但冇乜椰皇味，圓頭匙皓難挖到椰皇肉食，皓辛苦😓，桃膠打卡靚但冇乜味

尖沙咀香格里拉酒店Lounge搞18:30後食住甜品聽聽歌，我哋晚飯時間到，無訂位都可以直接walk in，第一輪我點咗蛋白杏仁茶，朋友就點咗椰皇桃膠燉蛋白，屬正常發揮。第三論到我想試個椰皇，已經sold out😭 有興趣的話，建議第一碗就要order呢個咯🤤

當日晚上7點40分到達平日黎無訂位情況下都好快入座招牌即製薑汁撞奶,桑寄生蓮子茶已經賣晒楊枝甘露同芒果班戟,正常味道🆗芒果班戟嘅cream好重奶味,芒果好厚肉,口感十足👍🏻生磨杏仁茶湯圓,碗比西式糖水大,份量大D杏仁茶的確生磨,仲有陣杏仁香味💕湯圓有兩粒係芝麻餡,芝麻夠流心又有芝麻香😋中式糖水比西式性價比高最正係環境又舒服,酒店無限時坐⌛️到8點幾走嘅時候開始要排隊所以建議可以電話訂座☎️

昨日剛巧路過尖東，想起香格里拉酒店大堂有糖水，於是就去咗食了。☺️香格里拉大堂有一種特別嘅香薰味道，之前我和老公在這裏結婚，味道熟悉而親切。我去的時候都算多人，要排隊，酒店大堂的座位喂，都坐滿了，要安排座位在隔離烘焙店的座位。叫了蛋白杏仁茶，糖水其實都幾大碗，蛋白杏仁茶亦有濃濃的杏香。聽着現場演奏的小提琴些和琴聲，這湯糖水體驗是非常的值回票價。吃完之後，出海旁行咗陣，遙望望香格里拉酒店，八成房間都好似是有燈的，希望生意逆境下，生意捱得住。

夜晚10點半左右到，好多糖水都賣晒…求其叫左桃膠西米露（$68）同芝麻糊（$48），西米露係凍嘅，都幾多料，芝麻糊係熱嘅，無咩芝麻味，兩碗份量好多😵😵味道都有啲偏甜🫣勝在環境幾好，可以慢慢食，慢慢坐，唔會有人趕你走👍🏼

睇到報導話依度做糖水promotion，一向中意食中式糖水，仲要係酒店喎，同朋友喺附近食完慶生飯就入嚟食埋甜品啦。我哋9.30左右入座，只剩得7款糖水同1款西式嘅，咁我哋好快就拍板要6款(冇叫紅豆沙)。甜品上枱都算快。食序如下:紅棗桂圓蓮子燉桃膠 - 紅棗「林」而偏結實，唔係㷛到溶爛，賣相ok，有口感。其他材料都有口感，甜度適中。$68，飲完感覺好清潤，推薦。桑寄生蓮子蛋(熱) - 桑寄生味道好香濃，蛋我留咗比壽星女。$48喺酒店食到，抵嘅。椰汁桃膠蓮子西米露 - 由於落单時太趕，冇留意此品喺凍，其實係冇詳細睇 menu，以為係椰奶什麼，所以入口時有啲突然嘅感覺。西米有啲分不開，唔痴埋一舊就更好。味道ok。$68相對唔太吸引。香芋椰汁紫米露 - 芋粒夠「林」又唔會太大粒，紫米有口感。$58性價比高，推薦。陳皮紅豆沙湯丸 - 可能已經食咗幾碗，30年陳皮係咩味已經食唔出，但粒芝麻湯丸嘅芝麻味未入口已芳香撲鼻。比多$10就有2粒湯丸，值呀。$88 有30年陳皮㷛，性價比都高嘅。擂沙湯丸 - 呢款甜品坊間已經少見，所以就算$48得3粒，我都會叫。唔係抵定唔抵了，係唔普及。味道正正常常，中規中

教會boardgame完行過九龍香格里拉酒店🏨發現大堂酒廊有中式糖水「甜蜜月韻」，都有7成滿，坐位皓舒服😌，不過楊枝甘露、椰皇同芒果🥭班㦸賣哂😓最後叫咗椰汁🥥桃膠雪蓮子西米露（$68），上菜時皓大碗，抔入去都皓足料，椰汁🥥味濃，桃膠有咬口，雪蓮子唔苦，成個甜品🍮皓消暑。仲有中秋🥮燈籠🏮佈置打卡。1830供應，2230截單。

這裏的下午茶永遠是我最至愛的，喜歡他優雅梳化設計望向維多利亞海景休閒舒服，聽着依家音樂伴奏，特別心情放鬆。乘着奧運的熱潮，這裏最最新名為「夏日巴黎」下午茶。法國軟芝士、黑松露、啤梨：芝士軟熟，配上黑松露，既高貴又口感好。榛果焦糖布蕾泡芙：甜品中最喜歡這個，榛果味不太甜，加入了焦糖做點綴，泡芙口感好。蘋果生薑法式蛋糕：可愛造型小蘋果，看得不捨得吃，有薑味加甜美味道特別。精選鮮果串：鮮果串的設計精緻，一支竹籤一件生果。喜歡這裏有特色茶料選擇，特別喜歡香格里拉特選名茶。英式鬆餅包括原味、葡萄乾、檸檬及芒果味，總有一款適合你。

酒店大堂嘅環境非常之吸引，係一個打卡影相好地方，除咗下午茶有特色之外，原來佢嘅午餐都好有水準，今日我食咗個海南雞飯，雞肉質鮮嫩又肥美，而且配上佢嘅薑蓉同甜豉油汁，實在係一個好好嘅配搭，可以試到幾種唔同嘅味道，而且喺呢度可以望住一個好靚嘅海景，慢慢咁食飯同好好享受紅茶嘅樂趣，實在係賞心樂事。服務非常之好，又有禮貌，但應該人手不足，整個大堂只有一兩個人在服務的。交通非常方便，地鐵站就係旁邊，附近都有的士站同巴士站等等嘅交通工具。

對於這次的經歷感到非常失望。首先，在門口登記的女職員態度極其惡劣，完全沒有顧客至上的服務精神。當我到達時，登記處的情況非常混亂，沒有任何秩序可言。我在登記後被告知需要等候，但並沒有給出具體的等候時間，只係留低電話。結果，我在毫無資訊的情況下等了整整45分鐘，最終還是沒有任何結果。這樣的服務實在令人無法接受，最終我只能選擇離開。很可笑的，這是一間五星級酒店。最後我回到家10點前都未收到該五星級酒店的回電。

香港地家陣經濟差，你知我知單眼佬都知。但到底市道疲弱成點? 九龍香格里拉既舉動大概已告知一二。每晚六點半至十一點半，酒店大堂賣中式糖水 (其實仲有兩款班戟)，價錢三十八個大洋起...最貴嗰款燉椰皇，都只係七十八蚊，簡直直迫深水埗松記，大癲...老媽子得知呢個消息，即刻搵埋阿妹一齊去食，佢萬歲！本來想吃$48既貓山王榴槤班戟，可惜售罄，唯有退而求其次，選來芒果班戟，仲平，$38有交易。漲卜卜的班戟，仲有食用花和金箔作點綴，加埋酒店既靚靚餐具，淨係打卡都抵。再講，班戟皮軟熟，餡料豐富香甜，唔係雪到了無生氣咁，絕對無揸流攤。老豆和阿妹都食湯丸，分別要左合桃露湯丸，與及芋圓薑汁湯丸。兩款都好大碗，前者夠香，後者感覺更足料，阿妹話嗰薑茶好夠辣。老媽子就要全場最貴既原個榔皇桃膠燉蛋白，製作需時。即製的成品自然熱呼呼，面頭仲有唔少桃膠，唯老媽子覺得可以再甜些少，畢竟我家成員都是帶著甜魔基因。我既西米布甸，熱度充足，栗蓉都香，硬要挑剔的話就係面頭未夠燶。咁既價錢，係五星級酒店大堂舒舒服服咁食糖水，無限時無人趕，甚至有現場音樂表演，真心有啲不可思議。到底，係好事定係壞事?!