二兄車麵館

營業中

休息中

【車仔麵🍜與臘味飯🍚之間】又到咗食飯大決鬥，一個想食車仔麵，一個又話想食飯，而我就兩樣都想食……. 今次又搵到大圍，發現一間解決晒3個煩惱嘅好地方💕💕【招牌車仔麵】味濃，啲汁好惹味，魚蛋、豬紅、豬皮、蘿蔔，全部都份外入味。【籠仔蒸臘味四寶飯】一人份量，但出奇地大份！連埋個麵，我們2人都食唔晒！臘腸、潤腸、臘鴨、臘肉，仲有芋頭粒粒，加埋嚟蒸真係好好食，暖肚又暖身，又無煲仔飯咁熱氣，籠仔蒸飯無我今年主打。飲品我點了熱檸水，消消飽滯感覺。好食，下次可以再嚟！

去大圍探朋友後，找間餐廳食嘢，發覺大圍火車站附近好多餐廳。朋友帶我去食車仔麵 #二兄車麵館，見到門口餐牌有車仔麵系列，又可以任意配搭配餸料，餸料款式多，真喺好吸引。我拎起車仔麵嘅餐紙，剔選喜好嘅麵底、湯底同配菜或小食。我揀咗獨家風味墨魚丸同蟹籽丸，食落有鮮味而且有彈牙嘅口感；豬紅軟腍爽脆。麵底揀咗烏冬配麻辣汁，夠晒惹味。朋友點了干炒牛肉河，鍾意河粉炒得夠鑊氣，牛肉軟腍入味，河粉爽滑而且色澤均勻。小食：蝦卷王，外皮炸到黃金色，口感脆卜卜，蝦肉彈牙。飲品：熱檸檬水，檸檬新鮮，酸味夠醒神。二兄車麵館 Brother Cart Noodle地址：大圍大圍道1-35號金山樓地下2號舖

大圍開咗一間車仔麵館行到門口 我比佢嘅籠仔飯召喚左入去🤣🤣淨係見到佢三款飯都好想試最後決定叫咗個龍仔荷葉蒸龍躉飯😍😍大大塊龍躉 鋪滿係飯面 配埋金銀蒜 唔知以為自己去咗鯉魚門食海鮮佢個飯底做要係炒飯底！ 大癲！龍躉新鮮到不得了！ 講緊個價錢都係$78 ！配埋凍飲都係加$3咋🙆🏻‍♀️蝕本生意🤨🤨睇睇佢Menu 佢嘅車仔麵都非常出名每日都會有午餐 茶餐等提供呢個價錢 但有咁嘅質素真係物超所值下次一定要試一試佢個車仔麵🫶🏻📍 地址：大圍大圍道1-35號金山樓地下2號舖

二兄車麵館 • 大圍大圍火車站對開大圍道有一間新開嘅車仔麵館，見到門口嘅侍應姐姐熱情咁招手，所以一於就trytry佢啦😋😋..✅ 油麵配三餸 (蘿蔔、金牛丸、柱候牛筋腩) 🍜 $58蘿蔔幾甜，不過有少少筋，但無傷大雅。金牛丸同出面牛丸完全唔同，少少結實得黎又唔會硬都成粒波，而且好多汁，香味好濃～牛筋腩入味，牛筋稔滑，肉嘅部位唔算太鞋😋..✅ 粗麵配三餸 (香菇貢丸、金牛丸、蟹籽丸) 🍜 $63丸類都用左啲比較好嘅貨色，貢丸同金牛丸一樣，都比較多汁，成粒周星馳戲入面賴尿牛丸咁，蟹籽丸都大大粒，唔錯👍🏼..✅ 炸帶子🐚 $38外面炸得金黃，而且大大粒。帶子唔算特別，但至少肉質正常😛

今晚忙到又攰又餓😢就係附近快食完返屋企，見到大圍呢間新開嘅餐廳，又有車仔麵又有中西美食，選擇都幾多！籠仔荷葉蒸龍躉飯 $$78/1人份真心有驚喜🤩一人份量都算大，炒飯底夠香口，仲有荷葉、金銀蒜嘅香味，淨食飯已經好好食😋龍躉片又厚又大塊，肉質紮實都幾新鮮！濃雞湯花膠玉掌米線🍜 $55湯底濃郁有膠質，加上大大件花膠感覺充滿骨膠原😍鵝掌同冬菇都炆得好入味！感覺好補身😂炸蠔餅🦪 $39/細份點解細份都咁大嘅⁉️蠔肉粒粒肥大飽滿，炸得金黃酥脆，沾上魚露鮮味十足👍🏻本身仲諗住求其食個頹飯就算，又估佢唔到咁好食喎🤭餐廳地方寬敞，座位舒適，職員都好傾得！可以再嚟encore！

有follow 開我既都知我最鍾意食火鍋，其次燒肉，之後就係車仔都，由元朗既永x 到沙田既分店再到深水埗米之蓮既文x ，見附近開左間車仔麵，就同媽咪去試下。餐廳乾淨企理我地叫左一個侍應介紹既籠仔安格斯肥牛飯$78飯粒粒金黃再加上醬汁，連戒澱粉既我都忍唔住一啖又一啖，肥牛酒未夠重👍👍👍咁黎到一定要叫碗車仔麵，特別推介沙嗲湯底加米線，真係又忍我破戒，米線好入味又唔會太淋。餸我地樣樣都想試就左7樣，好細心有分左兩碗，推介南乳豬手，好入味，又夠淋，仲有豬紅同墨丸。大食積上身，食飽後見到竟然有蠔餅，仲要有細份量，媽咪至愛，唔叫唔得啦。黎到夠脆唔太油，蠔仔大大粒，正加埋檸茶戒膩，好滿足，米線同服務計，好味過文x 見到下午茶至6點都好吸引，仲要六日都有，焗豬扒飯加飲品都係$50，下次再試。

第一次令我有衝動寫食評夜晚行大圍周圍睇下有咩食見新開車仔麵好似唔錯就試下買左2個3餸車仔麵+一個蠔餅車仔麵價錢算合理 50幾蚊3餸包飲品蠔餅70幾蚊 埋單200幾落單姐姐仲幾好傾添返到屋企打開蠔餅諗住倒少少魚露落去等等先，點解魚露咁杰既？試一試 甜既喂？係西多士既糖漿？新食法？？本身D蠔已經好腥，係超級腥再加埋個糖漿...最後我地無食到蠔餅 成個掉左然後到個車仔麵湯底還好只有蘿蔔係好食豬紅有幾舊食落口好似豆腐卜咁乾爭爭 仲有少少實呢間真係唔敢再食

今早踩完單車返美林途中叫個早餐返歸食先，眼見都幾多人喎，是但啦就呢間啦本來想食沙爹牛，覺得火腿通 健康啲，好就叫一個（仿鮑魚火腿通粉 分湯，雙反蛋，多士，凍奶茶行街 ，等左7 分鐘 （唔算太耐）返到屋企沖完涼跟住開餐，成半個鐘之後先食一打開仲熱嘅，即刻夾隻蛋放落口，咦OK. 喎用靚蛋嘅，跟住火腿 仿鮑魚正常野不過不失，多士多左不過仲翠翠的，奶茶☕️ 正常野lor整體又唔錯喎，下次可以覆勺見到啲食評差，有啲奇怪喎。

路過見到張海報寫住最新出品，影出嚟都好吸引，係冬菇花膠炆幫我鵝掌嘅米線，寫住係濃湯添，我心諗呢個組合都唔會差得去邊。一於搵日要去試吓。入到去就二話不說，馬上落單，喺等緊嘅過程中見等得咁耐，都超過10分鐘，我心諗嗰啲嘢唔係一早炆好晒嘅咩？結果反正有時間，就上OpenRice睇吓啲評語。點知一睇，清一色負評，惡劣到我以為佢俾人惡搞，越睇越驚，心諗可唔可以取消呢？可惜為時已晚，唯有忍耐住等碗米線上桌。米線終於千呼萬喚始出來，一口咬落冬菇嗰度，又林又香，都幾入味，心諗好在冇中伏，安樂左一半。跟住試吓花膠，好似完全係由頭到尾用清水煮出嚟咁樣，零味道。再食下啲米線，完全冇味，試真下個湯底，其實只係得好少嘅鹹味，個味道絕對唔夠供給米線，所以個米線係完全冇味。再加上呢個鹹味，令我懷疑其實只落咗鹽，好難受！我完全唔明白，係咪冇味覺，點解可以整得出呢個咁嘅湯底！真係好驚嚇，我敢講，有生以來從來未食過淡到咁嘅湯底，感到心痛，覺得佢哋根本糟蹋左食物同埋食材。一心以為點碗米線可以幫佢哋洗底，點知好難受，猶有餘悸，之後嗰幾日經過，都有啲心驚。

兩個人入去食晚餐，入座時(約1830)明顯比早一個多星期流失咗八成半客人，點咗一個咖哩牛腩飯及一份常餐「沙牛麵+火腿奄烈」。先講咖哩牛腩飯，個飯底都算OK兼夠份量，但個咖哩牛腩就好奇怪，牛腩肉量小但就好多牛筋再配蘿蔔拓底打個咖哩汁在面。牛腩肉係五香牛腩方法煮，明顯係同車仔麵同一個餸，牛腩好實好硬完全係唔夠時間煮淋果隻，但係牛筋就出奇地好淋而不爛碎。咖哩汁係有色無味果隻，蘿蔔雖無生根不太硬但亦不入味，而成個餸係偏凍。而常餐沙牛麵就落單要爽麵，呢點係做到嘅，但個湯底都係唔太夠熱，至於主角「沙牛」就韌到不得了，完全係近牛筋膜位部分而且最離譜係未完全切唔斷，係一大片喺筋膜果邊連住。講返個沙爹汁就完全唔香唔濃，只係淡淡咁知道係沙爹汁囉。 另一主角火腿奄列就好夠份量，但個涵就好淡無乜味，好似得火腿本身嘅味當作底味就算咁。成個套餐最出色竟然係件多士，夠厚夠熱夠脆。最後係兩杯餐飲凍及熱檸茶，茶色都透徹但茶味唔濃，而檸檬就明顯係平價貨，只有苦澀味不覺有檸檬香。 整體因為新開店，衛生同環境都係好嘅，食物出品嘅時間較慢，食材用料明顯性價比屬中下程度。

價錢一啲都唔平 淡茂茂 個湯底就係一般嗰啲味精湯底 咖喱醬好明顯係現成 未經炒香過嘅醬料 其中一碗嗌咗個鯪魚肉配菜 超級魚腥味食唔到 如果你有炸過可能會好啲 油面太淋 餐廳應該係全新，裝修都坐得幾舒服，同埋周圍個感覺都幾乾淨呢樣係讚嘅 👍🏻 凍飲都可以 $10杯都好大杯，當然要配餐 另外朋友叫嘅兩碗 佢哋嘅評價係牛展都OK 其餘嘅配菜就係一般般 但係大家都異口同聲冇下次 不過新店佢有個promotion就係$39花膠鴨掌冬菇車仔麵 可能會好啲 相片沒有P過圖 口味大家見仁見智

真係好難食，個湯又膩d米線一上黎就已經係斷曬，好似比人食過咁然後仲有d不明物體係入面都唔明白點解會開到鋪真係唔會再幫襯。難食到要特登上黎留翻個差評。大圍難食之最。

一碗垃圾車仔麵 竟然等左45分鐘 先有得食，d餸吾係吾入味，係完全冇味，好似用清水白烚咁，叫左魚肉 牛栢葉，哇 ，仲係凍凍地架，好似未熟咁，返到屋企肚痛左2日（吾肯定關吾關事啦），個湯底仲衰過平時屋企d雞粉湯，但3餸一麵一飲品＝63蚊，車仔麵其實好難做到難食 ／冇味，去超市買個火鍋湯底加落去都一定好味過佢地個湯底一千倍，呢個價錢係大圍食麵，一定有超級多更好選擇。仲要食到一肚氣，叫待應又完全冇人理你，大家千萬吾好中伏

幾好，大圍區都冇一間好食同坐得舒服嘅車仔麵，開左當然要即刻去試下菜D，湯底有味，豬紅痴牙👍🏽豬皮夠脆，大腸唔勁蘇味，個沙爹汁好香，缺點係冇蔥粒，若有小小蔥粒就仲好杯奶茶都有茶味，價錢一般，好食便不貴會再幫襯

車仔麵的牛腩味湯不夠咸和很微的牛腩味，價錢偏高，選擇甚少。冷氣直吹頭頂，非常凍，員工稱不可調整，她說一開業已經是這樣，要去投訴給櫃面員工，他才立刻拿冷氣遙控出來調整頭頂上冷氣出風口方向。店員還把給我們的台無端端轉給第二個，未徵求我們的同意。有一個阿叔在不戴口罩的情況下四處在店內走來走去，還同員工吹水和撩鼻屎。我以後都不會再光顧！