二鍋頭 (福苑)

營業中

休息中

🍲二鍋頭（旺角）📍今次喺旺角想食雞煲同烤魚🐟，就揀咗呢間食，因為見到可以任食7小時無限量任飲任食包烤魚，再加雞煲🐥，牛尾煲，豬手煲任食，同埋打邊爐🥘，咁就一於揀佢。🍽️任你魚肉烤魚套餐｜成人  $298想講嗰餐真係好癲🤑，呢個價錢包咁多嘢，仲要樣樣質素唔差👍🏻，幾啱一大班人食🧑‍🧑‍🧒‍🧒，乜都有得食，唔使驚雞煲定烤魚好。​ ​🍴二鍋頭惹味雞煲  嗰瞓雞煲好惹美😋，而且啲肉都好多🐓​ ​🍴香濃黑椒豬手煲​ ​🍴秘製火焰牛尾煲  因為得我同嗰女仔fd食，就冇叫到呢兩個煲啦，驚飽到食唔到烤魚🐠，下次同一大班fd嚟再試吓。​ ​🍴任食烤魚｜清江魚｜香辣味  條魚唔算好大條，但啖啖都係肉🥢，同埋可以任添，添魚重可以揀唔同味，係成個煲咁換走，我見隔離格一大班fd 食，不斷喺到加魚😂。​ ​🍴鴛鴦鍋｜鍋泰皇冬陰功鍋｜懷舊沙嗲鍋佢真係好癲，連揀鴛鴦鍋都唔使加錢，推薦冬陰功，酸酸哋好開胃，而沙嗲鍋就比較濃味。而且啲配料選擇唔少，有墨魚滑同海鮮🦐。值得一提係，啲店員態度超好😚，會主動加紙巾等等。📍二鍋頭（旺角）旺角西洋菜南街138號福苑2樓

朋友介紹左一間可以一次過滿足3個願望嘅火鍋放題，仲要係無限時任你食任你坐任你飲嘅好地方!! 咁吸引梗係要搵朋友一齊黎試試佢 今次就同朋友黎到位於旺角嘅二鍋頭，一入到去店員已經非常熱情咁介紹餐牌選項同自助區。 一於就試試朋友口中誠意推薦嘅 $298/位 (任你魚肉之烤魚雞煲火鍋放題)。 第一食 - 豬手煲: 首先會有雞煲、豬手煲、牛尾煲比你簡， 雞煲就食得多啦,，一於今次就試下豬手煲先。豬手煲我地叫左小辣，上枱時店員會先炒幾下，因為加左黑胡椒碎，所以炒嘅過程已經聞到好香嘅黑椒帶小小辣嘅香味，非常吸引。 豬手肥而不膩，Ｑ彈軟嫩，食完feel 到成個口都係滿滿嘅膠原蛋白。而且豬手份量非常足夠，每舊都啖啖肉嫁! 唔夠食仲可以無限添加嫁! 第二食 – 清江魚 烤魚就有四款口味比你簡(麻辣味、香辣味、酸辣味、醬香味)： 今次我地就簡左清江魚香辣味， 烤魚係原條上的，大條厚身，而且外皮會煎得非常香脆，食落會有啖啖焦香味，好香口，而且魚肉唔柴又少骨，配料仲有大量芫荽，豆皮同萵筍等, 真係非常滿足。 食完條魚如果覺得仲想試下其他二款煲都可以點埋任食，真係比你話事，想點食都得! 第三食 – 火鍋 火鍋就有

298/位加一，即330/位，食物質素很普通，大家明就明。同區來説，比佢好的大把，比佢平的一定有，搵野執飽你完全唔値。講句難聽d，所謂有鷄煲有烤魚，根本就係質飽你，個d咩牛肉，豬肉個d質素，算把啦其實本來食評已經寫完，因為真係無乜好寫，之但系呢，規則話200字先可以評價味道，所以呢，我繼續呃字數，因為我唔想其他飯友，好似我咁，中伏。服務呢，明明有卡位，walkin就比，訂臺就唔比。服務質素，有嘅，但口臉串咀囉，夠字，講完，謝謝讀完。

每次想食火鍋有朋友生日聚會都會選擇哩到！房間可坐12至14人，雞煲，牛尾煲，豬手煲無限添食，飲品選擇都多，仲有雪糕雪條！今次帶細妹嚟，食豬手煲，選擇中辣，真係認真地中辣，辣到細妹變咗孖潤腸咀🤣🤣！叫咗中價位牛套餐，每人消費大約$310

嚟呢間食嘢最最最緊要就係留肚今次我又挑戰失敗了🫠🫠惹味雞煲、黑椒豬手煲、火焰牛尾煲比你食到夠本之後就到食烤魚有麻辣味、香辣味、酸辣味、醬香味仲可以揀海鱸魚/清江魚再再再有位就到打邊爐喇 鴛鴦湯底都唔使加錢㗎今次我就食咗個雞煲之後直接開始打邊爐啦雞煲值得一讚嘅係個色水做到好靚平時一食通常就係好鹹同好濃味 點知依度又唔係喎仲有加咗大量芫荽勁開心其實之前都有食過黑椒豬手煲 夠香口得來豬皮亦都好腍不過一煲都有成六至八件 今次得兩個人就放棄咗啦打邊爐嘅配料都唔輸蝕㗎 任點部份有海蝦同帆立貝牛板腱、鳳城水餃、墨魚滑真心推介自助區仲有大量蔬菜、丸類、豆品類當然唔少得仲有響鈴、炸魚皮、出前一丁等等啦鍾意吹水的話，呢個係無限時間啤酒都係任飲 呢度嘅卡位都幾多 慢慢坐都唔會唔自在最後當然唔少得甜品環節啦！雖然呢度嘅夥計唔多 但收碟嘅速度好快而且店員非常周到，又好禮貌

又嚟旺角打邊爐，今次揀「二鍋頭」😚 朋友推介呢間好多嘢食又好好味，一於嚟試吓👍🏻 夜晚六點幾去到已經好多人，氣氛熱鬧，好適合一班朋友聚會～ 食物質素不錯，款式豐富，自取區整齊衛生🥰我哋揀咗烤魚雞煲火鍋放題 💰$298/位 +10%，一個價錢就食到三款鍋，仲係無限時！真係超抵食😍雞煲正常質素好惹味，食完就可以轉烤魚～揀咗香江魚比較少魚骨，好大條，肉質鮮嫩好好味！😋打邊爐有多款湯底選擇，我哋揀咗正宗豬骨鍋+皮蛋芫荽鍋，有一大舊豬骨，真材實料 清甜滋潤配上高質安格斯牛板腱，口感鮮嫩 牛味濃郁！另有多款肉類，豬頸肉、紐西蘭羊卷肉、本地鮮滑牛和豬肚片等等，質素都很不錯，肉質軟嫩🤤 仲有海鮮選擇，包括脆鯇魚片、青口、帆立貝和活海蜆🥰最後食埋雪糕雪條就好滿足啦，食到捧住個肚走😆

第一次知道放題都有無限時 🔥首先係烤魚雞煲任食 🤩👉🏻 惹味雞煲｜黑椒豬手煲｜牛尾煲｜烤魚以上喺打邊爐之前都可以任叫❗️今次試咗烤海鱸魚麻辣味，金海鱸魚大大條魚肉份量多 😍 炸過嘅魚皮有酥脆感，浸湯後嘅魚皮索哂湯汁，超級香口 🥰食完魚之後自選鴛鴦湯底打邊爐，揀咗冬陰功同埋豬骨湯底 😆 不得不提呢到嘅湯底十分有水準同誠意！冬陰公香茅同南薑味十足，酸辣適宜，係正宗嘅冬陰公湯 👍🏻 豬骨湯底有粟米紅蘿蔔同一舊大筒骨，食埋舊骨入面嘅骨髓超過癮 🤭有大大個火鍋配料自助區！經 QR Code 落單嘅肉類海鮮類全部都黎齊，絕對唔會有叫十碟先嚟一碟嘅情況，值得一讚 👏🏻 活海蝦新鮮彈牙 🦐 梅頭片厚薄適中，肉質軟腍唔會太肥，好食 ！特別推薦必食：涼拌魚皮 ❤️ 魚皮爽口，配上麻辣汁涼拌，少有地除咗麻辣汁外仲會落鮮花椒，麻味同香味都十足，超好味 🤤

好耐冇食雞煲啦，今日約咗朋友仔去旺角食雞煲火鍋放題。我哋嚟咗位於旺角中心附近嘅二鍋頭食晚飯，餐廳主打特色放題。而家旺角同尖沙咀店仲推出緊最新嘅7小時任你食肉烤魚雞煲火鍋放題套餐，大家可以喺七個鐘裏面任食四款口味嘅烤魚、雞煲、牛尾煲、豬手煲同火鍋。星期一至四做緊$298 ，真係非常抵食呀！四款口味烤魚有麻辣味、香辣味、酸辣味同唔辣嘅醬香味，大家可以選擇海鱸魚或者清江魚，各有特色，任君選擇。等我同大家介紹吓雞煲先，我同朋友叫咗BB辣。雞煲嘅雞件預先炒熟，上枱時店員會將薑蔥稍為煎一煎，翻炒一下雞件，下面仲有電磁爐讓雞煲保持熱辣辣。裏面加咗花椒同辣椒，食落非常香口惹味。雞件份量好多，食到好滑，而且好濃味，醬汁味沾滿每塊雞件。另外仲有鳳爪、洋蔥等食材，吸滿雞煲醬汁，非常美味。雞煲可以任食嘅，我同朋友仔食咗兩大煲！火鍋方面，我揀咗豬骨湯湯底，豬骨湯呈奶白色，裏面有大豬骨頭、粟米、蕃茄等配料。粟米好新鮮好甜。火鍋方面，都有多種火鍋配料可以以飲食，包括係新鮮滑牛、鮮雞片、豬頸肉、海蝦、蜆等等。安格斯牛小排呢款牛肉油花分布平均，紋絡好靚，係跟套餐送嘅。牛小板食落比較滑身，有牛味之餘帶點油脂感，美味。安格

同朋友打邊爐最怕趕頭趕命🫢所以選放題都選無限時⏰嘅任飲任食火鍋店🙌二鍋頭$298+ 頭盤有雞煲、烤魚、豬手煲或牛尾煲任點☺️我地點左麻辣清江魚☺️一條大骨啖啖肉啱哂唔係好識食魚既朋友🤣鍋中配料有麻辣必配豆皮蓮藕、豆卜及萵筍🥰還有滿滿既芫茜🌿真係好鬼正☺️食哂條魚仲可以點埋其他3款煲任食🫢不過我地要留肚打邊爐😂鴛鴦湯底我哋揀咗胡椒豬肚湯及芫荽皮蛋湯底😂胡椒味非常香濃☺️配料方面有有幾十款包括牛肉、黑豚肉海鮮及☺️超脆口既脆骨腩😍自助區有多款丸、蔬菜類、麵食、炸魚皮響鈴等等🙌非酒精飲品方面基本既汽水🥤烏龍茶🧃枝裝飲品及任飲泰象啤等等…如果唔鍾意飲啤酒仲可以join任飲紅白酒🍷及其他附費啤酒😉總結呢度卡位坐得幾舒服環境光猛😊餐廳位置就喺旺角中心隔離真係非常方便

突然間口痕好想食雞煲，點知朋友又話要食烤魚😒正當我地仲爭論緊今晚究竟食邊樣既時候，就見到🔥二鍋頭🔥新推出左個🌟任你魚肉·烤魚雞煲放題🌟；雞煲、烤魚一take過，終於唔使再嘈啦😂🌟任你魚肉·烤魚雞煲放題🌟呢個套餐可以任食嘅招牌煲類有三種，分別系✨二鍋頭惹味雞煲✨、✨香濃黑椒豬手煲✨同✨秘製火焰牛尾煲✨本來想全部試晒，但係一煲就已經好大兜😂所以小妹淨係叫咗個雞煲，雞肉滑嫩唔太辣，隱約透出陣陣酒香味；平時出街食成嚿水先系得果細細煲，過嚟呢度終於唔使再就住食！食完個雞煲，就可以揀朋友心心念念嘅烤魚；烤魚有海鱸魚同清江魚可以揀，我哋揀咗醬香味嘅清江魚；條魚都算幾大條，魚肉嫩滑冇乜骨，朋友表示好滿意‼️食完烤魚之後，仲可以轉埋湯底打邊爐👍🏻我地跟住轉左個胡椒豬肚雞鍋繼續食😍湯底因為有胡椒既關係而有少少辛辣感，味道醒神又暖胃‼️至於其他可以任食既火鍋配料、飲品、蔬菜同雪糕種類仲多達成百款，真係超級豐富，令人花多眼亂‼️必食排介－定系牛味濃郁既安格斯牛板腱、安格斯封門柳、鮮嫩鵝腸、爽脆花枝片、新鮮白鱔片同爆漿雞子，我地都忍唔住encore左好幾轉呢😍🛑二鍋頭（褔苑）📍旺角西洋菜南街138號福苑2樓港鐵旺角站

火鍋店不只火鍋咁簡單，今日嚟到旺角福苑嘅二鍋頭，佢唔止系火鍋放題，仲有4款煲任點任食。今日試嘅系惹味雞煲，雞件都幾嫩，配料十分丰富，芫荽、紫洋蔥炒起超級香，索哂啲汁，忍唔住連配菜都食埋。呢間店嘅店員好體貼，幫我哋落單時可以比我哋揀份量，例如雞煲可以揀半份，如果胃口大啲，真系可以一次過試哂4個煲。食完煲就打邊爐，鴛鴦鍋揀咗豬骨同胡椒豬肚湯，湯底好似老火湯咁，開始前我哋裝咗嚟飲，哇～好濃郁好好味。菜品方面，種類都好齊全，肥牛、鮮牛、鮮蝦、水餃、雲吞、脆肉鯇、牛栢葉、墨魚滑、瓜菜、肉丸，款式之多，真系每樣1件都不得了。仲有飲品、雪糕都系任食，性價比的確幾高。

係旺角行完街，早早黎到二鍋頭食晚飯，食佢個無限時任你魚肉烤魚雞煲火鍋放題！因為由5點開始！餐廳好大，樓底夠高，位置就正正係新之城對面。坐低先拎飲品，雪櫃有各類罐裝啤酒、飲品及雪糕雪條。另一邊自助區有齊各款蔬菜、丸類、火鍋配料等，選擇都幾豐富。這個任食套餐好抵，可以任食煲類，烤魚和邊爐！包括了招牌惹味雞煲、香濃黑椒豬手煲及火焰牛尾煲。我地揀先食牛尾！牛尾煲上枱後再淋上玫瑰露，然後點火燒，玫瑰露蒸發後超香！個秘製醬汁好惹味。牛尾份量好足，煮得好夠腍。再配埋啤酒真係無得頂！然後食烤魚，選了麻辣湯的小辣，烤魚大大條，滾起就食得！份量同出面食烤魚一樣，好足料！魚可以揀海鱸魚或清江魚，清江魚肉質較細滑，海鱸魚肉質比較結實，我地選了海爐魚，入口啖啖肉又唔會咁易散！食完烤魚，我翻頭點了豬手煲。豬手份量又是不少，滿滿的芫茜鋪面，黑椒味醬汁好濃，豬手食落爽口又唔肥膩，帶點少辣，好好食，但真係好大煲，食完好飽~我地要抖一抖先再上個邊爐!!!鴛鴦鍋一邊豬骨一邊沙嗲，鍋底好足料，奶白色大大嚿豬骨，沙嗲亦好夠味，完全唔使點豉油。火鍋料好貼心，是細細份的，可以每樣都試。但因為食3樣野再打邊爐，其實已經有8成飽，所以

旺角西洋菜街，旺角中心對面雞煲、黑椒豬手、牛尾煲、烤魚、10種湯底打邊爐，加埋服務費人均$328。今日試左雞煲+冬蔭公湯/胡椒豬肚湯鴛鴦鍋，雞煲醬汁好濃味，D雞好滑，。火鍋點左鴛鴦鍋，冬蔭公湯味道好正宗，微辣加酸好開胃，胡椒豬肚湯底好足料，好似煮左好耐既老火湯好好味。放題可以食齊烤魚，雞煲，豬手，牛尾，多款湯底打邊爐，最後有雪糕食埋，呢個價位一次過食咁多款食物，而且不設時限，可以約一班朋友一齊食飯，慢慢傾下計。

[✨旺角二鍋頭• 高CP值任食火鍋X烤魚放題🥘]#旺角 #二鍋頭任食魚肉烤魚套餐 $298/each‼️星期日至四最長7小時無限時任食烤魚雞煲‼️‼️雞煲、牛尾煲、豬手煲任食‼️‼️再加埋打邊爐放題任食‼️🔸雞煲雞煲可以自由選擇辣定唔辣，雞肉嘅份量都唔少，炒得好香口，嫩滑得黎亦非常入味，做得幾出色😍👍🔸任食烤魚提供海鱸魚同清江魚，質素無因為任食而有妥協，肉質新鮮緊致鮮美🔸豬骨湯火鍋湯底湯底選擇左比較大路嘅豬骨湯，但都有D驚喜！熬得奶白色狀，有濃郁嘅豬骨香味，飲落去口感黏稠，感覺好真材實料💯😍🔸肉類肉類除左普通打邊爐常見嘅類別外，仲有提供羊肉，牛板腱，海蝦等等🔸自助區自助區環境乾淨，醬油調味料都好齊全。配料種類繁多，蔬菜等等都好新鮮🤤飲品好似茶類、汽水等等都一應俱全，而且仲有甜品櫃————————♡♡♡♡♡♡————————✨總結餐廳環境寬敞坐得舒服，通風都做得幾好，唔會太焗太熱，火鍋配料種類齊全，CP值甚高😊💞📍二鍋頭🏠旺角西洋菜南街138號福苑2樓

除咗時間夠哂長，一個價錢食晒雞煲、牛尾煲、豬手煲、烤魚同邊爐🍲任你魚肉烤魚雞煲火鍋放題 $298起雞煲既火鍋放題就成日見，但有牛尾煲🐮食都係第一次見，仲要有埋火焰🔥表演，牛尾好腍好入味😋，肥瘦均勻，咬落好銷魂烤魚🐟試左醬香味，揀左清江魚多肉又無細骨，肉質唔鬆散👍🏻以為烤魚唔叫辣一定失色不少，但又估唔到都幾夠味喎🫶🏻個底仲有吸哂味既豆卜、蓮藕、萵笋等，整體好唔錯火鍋湯底揀左麻辣鴨血同胡椒豬肚，兩個湯底味都👌🏻，除咗可以用QR code自助落火鍋料，仲有自助區俾大家夾蔬菜、丸類🤘🏻overall:餐廳同旺角地鐵站好近，方便度🆙，座位闊落都幾好坐，一個價錢食到好多款食物，慢慢食唔洗趕時間