五勺

營業中

休息中

富有日本風情的樓上居酒屋，店內的酒藏量很誇張，四處都貼滿日本酒瓶上的招牌紙，店員也很友善地向客人介紹！居酒屋的氛圍熱鬧，是下班後跟朋友聚餐的好地方，還有脫鞋才可坐下的塌塌米，枱下是中空的，不怕會坐到腳痺🙊⤫ ⤫ ⤫ ⤫ ⤫ ⤫ ⤫ ⤫ ⤫ ⤫<四款刺身拼盤> $280<活赤貝> $72二人用餐的話建議點四款刺身拼盤，每款都有兩片，感覺會比單點豐富，有吞拿魚赤身、劍魚腩、牡丹蝦及帆立貝，當中牡丹蝦和帆立貝都有驚喜，味道新鮮肥美！活赤貝為是日精選，口感爽彈不會有血腥味，很考師傅的處理技巧！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<鹿兒島和牛壽喜燒> $390<高山味噌安格斯肉眼朴葉燒> $178關東風壽喜燒像sʜᴀʙᴜsʜᴀʙᴜ，以壽喜燒汁為湯底，先把蔬菜放進鍋裏煮一陣，再夾進牛肉灼一灼，菜和肉可以輪流煮，進食前沾上蛋汁會更順滑！朴葉燒有點像懷石料理的主菜，切成小塊的安格斯肉眼放在鐵網上烤，味噌的濃度很強，這款比起壽喜燒的牛味會重一點🐮⤫ ⤫ ⤫ ⤫ ⤫ ⤫ ⤫ ⤫ ⤫ ⤫<照燒原隻魷魚> $98<牛舌海

這一家餐廳，飲清酒非常專業。 有好多選擇不能盡錄，通常都係服務員來按我地既要求，再推介環境裝修都係依日本清酒做主題除咗清酒，食物都好高質！特別係刺身，刺身魚好新鮮。 不過份量就少啲大概有十塊左右，一人兩塊就食晒了，輕輕貴左d。 地理位置好有氣氛喺諾士佛台樓上每消費$400都有一個金幣，可以喺門口玩扭蛋機，第一次消費是四個金幣，有一個抽中咗一支值$380的清酒。 所以今次再來食飯 ，今次又係4 個抽到一份小食。

日本開返關，但係都仲未有機會飛但係其實呢幾年香港有氣氛有質素嘅居酒屋都多咗唔少，今日就試吓呢間喺諾士佛台嘅五勺。以防萬一一早訂咗位，但係估唔到平日原來真係成個場都爆滿！第一次來覺得氣氛真係一流，燈光佈置都好有東京酒場嘅感覺，值得一讚。服務員介紹，每日都有新鮮魚喺日本返嚟。我哋就依佢嘅推薦嗌咗一條刺身來試試。無論擺盤，定係新鮮度都非常水準。冇伏！佢嘅餐牌食品，都算廣泛。從串燒、天婦羅到煱物等到一應俱全，而且樣樣都有水準。日本清酒嘅選擇亦都好多，上酒嘅裝備都講究。只係走嘅價錢略貴。總括而言，思鄉病發作就可以嚟呢度醫一醫！

一去難忘，一來再來的居酒屋。次次都係一大班人黎，第一次黎果陣已經係大學時期，好開心五勺捱到而家！今次係同朋友２個人黎，即興的做完運動 Happy Friday!9 點去到，場內氣氛好好，大家都好似有啲開始進入狀態 XD環境依然係好和風，燈光裝飾所有佈局都好有Feel 清酒走廊呀~~可以好靚咁俾人打咭~(不過今日無)今晚無嗌清酒，嗌左好多燒物。menu 係Scan code上網睇玉子燒，免治雞肉棒，燒青椒仔，燒豆腐，燒一口牛（都唔係一口， 係成串）：好味～😋😋😋～🥰🥰🥰🥰推介：豚肉蘆筍卷，黑松露炒雜菌，清酒煮蜆原條燒魷魚：好好好好好味呀！！一定要嗌！❤️❤️❤️❤️❤️係加單叫既，果陣已經好飽但真係太好味所以我地係食晒成條！燒得好好，十分香脆多汁。關東煮：入邊有福袋，魚豆腐，蒟蒻，燒魚卷，大根，仲有溏心蛋~～～但覺得有小小鹹，可能岩啲小小重口味既人。最後甜品嗌左菠蘿雪糕😍🥰～～完美句號。仲有一次夾公仔玩！！！五勺係其中一間我好想佢長做長有既店！！！支持落去！！

朋友嚟過幾次，我就第一次嚟，一入到去真係好似去咗日本咁，係傳統居酒屋嘅設計😍 一行4人，仲安排咗我地坐卡位，要除鞋坐入去果款~好有特色🤣 成間居酒屋都係比清酒酒樽圍住，你想飲咩清酒都有😙冇飲開清酒，冇心水唔緊要，可以叫清酒師發辦~米味果香甜啲濃啲都會滿足到你🤭我地飲咗2 round，分別要求果香同米味，都啱我地心水！今次都食咗幾多野，串燒食下食下就唔覺嗌咗好多，揀啲嚟講✨雞皮餃子啱啱炸起好脆，皮夠薄，油脂豐富海膽醬吉列蠔好正 如果平啲可以食半打！吉列蠔炸得一啲都唔乾，海膽醬好creamy好鮮甜鮟鱇魚肝多士 多士夠脆，略嫌鮟鱇魚肝唔夠香冇鴨肝咁重油脂味，但好處係唔會漏吉列黑豚芝士竹輪卷唔係幾食到黑豚肉，淨係食到一層炸粉同芝士，最特別係佢個醬都有竹輪嘅樣🤣照燒安格斯肉眼煎完加上照燒汁就變咗日式牛扒🤣好薄，肉質唔鞋，夠juicy，仲幫我地切好勁方便雞腎、雞心、牛舌牛舌世一，好彈牙！唔會好韌！雞心雞腎都係正常串燒，唔會燒到乾爭爭，唔會太濃味味噌飯團表面燒到飯焦，入面仲係好軟熟，加埋鹹鹹地嘅味噌醬同紫菜，perfect!臨走仲有幾個coins玩夾扭蛋抽coupon🤣個夾都幾實架，夾公仔高手快啲嚟

兩年前去過，覺得氣氛好，卡位得意。昨日再訂位去。今次很失望。食物質素差：1）魚生：秋刀魚苦，廚師處理不好，應該是割破內藏，但之後說沒有貨，只取消。第二條魚，剛剛放下就聞到不新鮮的腥味，我每週都會食日本菜，這個魚距離2呎都聞到腥味，真係難頂2）串燒：部分不夠熱的串燒，蕃薯🍠也不知道是微波爐還是煎的，lukewarm和外皮也軟棯。酒：清酒仍然是多選擇的，這個賣點沒有變。抱歉，我真的不想再來。

第一次來這家餐廳，一進到這間餐廳感覺自己好像到了日本一樣，這家餐廳無論燈光氣氛擺設都十足一間在日本的餐廳。食物方面，刺身極之新鮮，非常鮮甜，串燒也十分美味香口，我和朋友都非常喜歡吃串燒饍，燒得非常脆非常入味。我們也點了一些清酒喝，刺身海鮮配上清酒顯得特別鮮甜，串燒加上清酒凸顯串燒肉質美味可口。這間餐廳的氣氛加上清酒和美食，我和朋友也非常享受，𣈱談十分盡興，可惜這間餐廳11點多便要打烊，未能盡興，十分之可惜。整體上這間餐廳評分甚高，和朋友到來暢談傾偈，環境氣氛非常下次必定再來

💭每次聽朋友相聚都想揀到間可以坐得舒服又傾計傾得舒服既餐廳～呢間餐廳係一個唔錯既選擇👍🏻👍🏻👍🏻呢間居酒屋無限時食既，可以同朋友飲住酒食住野慢慢傾🥰🥰🥰d野食重要係好高質架😋😋😋🌸免治雞肉棒 HKD38🌟🌟🌟🌟🌟雞肉棒撈埋個蛋+醬汁，每啖都有濃濃既蛋香同埋醬汁既香味，真係好好味呀👍🏻👍🏻👍🏻推薦🙋🏻‍♀️🌸燒味醂魚乾 HKD88🌟🌟🌟🌟🌟去居酒屋有得點雞泡魚乾的話我一定會點！送酒一流🥰👍🏻🌸雞軟骨唐揚配辣蛋黃醬 HKD48🌟🌟🌟🌟只要係新鮮炸起即炸物，都好小會唔好食，呢個雞軟骨炸到熱辣辣，脆卜卜，讚👍🏻🌸炸慢煮黑豚腩 HKD78 🌟🌟🌟🌟🌟雖然炸+🐷腩肉呢個組合好肥，但味道誘人😍呢個邪惡既炸黑豚腩真係炸得剛剛好，個腩既油脂配上炸過既口感，又香又好味！🌸黑豚腩鹽燒 HKD38🌟🌟🌟🌟呢個都好好味，但係我個人覺得炸既🐷腩肉再惹味d🌸鰻魚鹽燒 HKD 48 🌟🌟🌟🌟鰻魚用鹽燒都好味，👍🏻🌸日本小茄子味增燒 HKD 28🌟🌟🌸炸厚豆腐味增燒 HKD 28🌟🌟🌟🌸牛舌海鹽燒 HKD 72🌟🌟🌟🌟🌟呢個牛舌好好味！唔會燒得太老，d 油脂有小小入口就融既感覺，好食+推薦🙋🏻‍♀️🌸黑松露牛油炒野菌 HK

友人慶祝求婚成功 為姊妹團開飯局餐廳最大賣點係可以試唔同種類嘅清酒而且座位寬敞 有隔間 相信同三五知己都可以坐得舒服得黎 又傾到計居酒屋路線 中上價格食物質素還可 性價比唔係太高 酒配小食 有串燒 燒物 同埋各式湯類唯一覺得食落去有驚喜係 鰻魚燒汁串 口感彈牙 層次豐富 而且熱辣辣其他菜式就不過不失

居酒屋一直是下班後約同事，好友聚腳的好地方，可以一邊食飯，又一邊小酌兩杯，㑠十可以吃串燒、壽司刺身，滿足不同人的喜好，而我最鍾意係嘅就係呢到嘅鰻魚！今次晚市則以開胃的雞泡魚干揭開序幕，接著豐富的日式串燒選擇讓我們大飽口腹，肉類方面有牛舌，牛扒等等。除此之外，呢到環境舒適，是談心、聚會的好選擇！我認為，芝士年糕係這間居酒屋的必備菜式，一場來到不可不試！

今日同三個朋友去到五勺食嘢，佢啲串燒全部都好好食，食得出係靚貨。尤其是個牛脷，佢哋切到一粒一粒，食落去個感覺好爽口，其餘全部雞嘅串燒都做得好好，係一間好有心機做嘅串燒掂，直得再黎。

今次想介紹嘅係一間我好鍾意食嘅居酒屋，平時諗唔到食咩就會提議去食嘅五勺。個環境同感覺都有少少日本feel，依幾年去唔到日本，唯有去果度止下癮。牛舌海鹽燒 $72佢切得幾厚，幾重牛味，燒得啱啱好，入面仲係粉嫩嘅顏色，如果外面再脆少少就更好。唐揚雞軟骨 $48去居酒屋要食嘅點少得雞軟骨，依度個雞軟骨炸粉唔會太多，雞軟骨唔會太細粒，唯獨個蛋黃醬偏甜，唔係個個鍾意。肝醬炒小墨魚 $68依個比我想像中好食，雖然我都未知肝醬係咩嚟，但佢個汁好惹味，除咗小墨魚，入面仲有蘑菇同洋蔥，都好好食。蒜香牛柳粒炒飯 $98個飯炒得幾好，粒粒分明，幾香蒜味，牛柳粒都唔算太少，亦都唔會切到好細粒，推薦晚飯需要碳水化合物嘅人叫。串燒果日叫咗美國牛小排、雞心、雞腎同雞皮。美國牛小排佢燒得好好，熟度啱啱好，重牛味不過頭一兩嚿稍為韌少少。雞腎雞皮都係正常發揮，雞心就差咗少少。其實依間嘢去過好多次，每次都冇令我失望。東風螺、吉列蠔海膽醬、免治雞肉棒都幾好食。唯獨係刺身我冇係度食過。

我們三個人叫了一些前菜，芝士洒盜，前菜三款等，整體食物比較鹹，而且份量少，價錢CP值不高，去一次就夠，不值得再幫襯。走前送了兩個金幣，可以玩門口的夾公仔機，連了一張烤魚肝多士。

聽好多朋友講，呢一間日式居酒屋喺諾士佛台好出名嘅，見OpenRice好多人食過都讚好，咁岩有朋友birthday 專登book咗呢度食🤣我哋兩個人叫咗三款小食，包括有燒牛舌、鰻魚玉子燒同埋有埋生流心雞蛋嘅雞肉串，燒牛舌牛肉味超級濃郁又唔會太煙銀🥩，另外因為我個人麻麻哋鰻魚，可能唔太熱覺得鰻魚玉子燒味道太鯹🥲，另一款雞肉串中規中矩一般發揮啦！喺main course 方面我哋要咗牛肉炒飯，成個炒飯都唔值得推介，炒飯太過油膩重手咗少少，而且牛肉太韌，有啲似茶餐廳嘅質素🫠最後呢度環境有啲嘈，如果要傾偈就大聲少少叫啦

五勺係一間位於尖沙咀諾士佛台嘅居酒屋，佢哋嘅Menu都幾多嘢揀，而且性價比都唔錯，係一大班朋友約出去食飯嘅好地方！居酒屋嘅裝修以木系為主，入面用咗好多酒樽同sake貼紙做裝飾。餐廳亦都設有好多卡位，卡位私隱度高，而且好闊落，坐得好舒服！覺得佢哋有幾樣嘢食都好值得推薦炸雞皮餃子餃子一碟有六件，餃子外層係雞皮，炸得啱啱好，有雞油香，但唔會過分油膩。明太子雞蛋卷雞蛋卷蛋皮有好多層次，雞蛋夠香，帶啲甜味，鋪喺面嘅明太子夠多，食落辣辣地，幾香口。燒月見雞肉棒免治雞肉入面加咗唔少爽口嘅雞軟骨，免層查咗甜甜地嘅燒烤醬，燒到表面濃濃地，有焦香味。配上蛋王，成件事好濃郁，好有滿足感！牛舌海鹽燒牛舌燒得好好，外層香，帶少少脆口，入面非常嫩，食落爽口，而且好有牛香。碟邊配有蒜蓉鹽，同牛舌好襯！炸雞軟骨炸雞軟骨係居酒屋必點嘅菜式，佢哋嘅雞軟骨好爽口，炸粉啱啱好，唔會話太厚，而且調味恰到好處，配上碟邊嘅蛋黃醬，好食到停唔到口！