五嫂石磨腸粉

營業中

休息中

深水埗 - 小食店真・石磨腸粉買少見少！平民價錢，好味又飽肚😋！橫巷之中隱世美食！污嘴狗提提你要加佢秘製醬汁🌶️🌟（辣辣地）更滋味～𝑭𝑶𝑶𝑫𝑺1〉叉燒肉蛋蒸米粉 $28（大推薦🌟）用料十足，絕不馬虎！米粉蒸得剛剛好，食落去超級入味～而且配蛋同叉燒非常之夾，兩樣都吸收哂湯汁，好入味！2〉香茜牛肉腸 $22腸粉皮超薄又夠滑，口感幼嫩～牛肉餡料又鮮又香！香茜嘅味道加埋落去，令成個腸粉更加提味，食落去特別清新～再加埋啲醬油，味道更豐富，簡直係一流！-環境．5/10服務．7/10人均．$30～40污嘴狗覓食指數．8/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅行 #美食料理 #美食相機 #美食玩家 #美食小吃 #深水埗 #石磨腸粉 #腸粉

諗起尼一間野係第一次返工放飯果陣同事介紹我去食 一過到去就已經大排長龍 心諗點解咁多人 就叫左兩三款既野食去試下 試左叉燒蛋腸同埋蒸腸粉 等待過程吸引我既目光係佢製作嘅過程 同埋佢有一部石磨機 食嘅時候覺得啲腸粉同平時食嘅點解唔同？點解佢皺皮嘅？點知食落去係咁鬼滑 直程喺口入面滑黎滑去 加上我落咗啲辣椒 就算食唔到好辣既我 都俾佢嘅辣椒吸引咗 不停係咁落 啲美食真係好似人咁 人不可以貌相 認真真係要嘗試吓先知 每一次去深水埗我都一定會食嘅舖頭

路過見到有好大牌，有好多款腸粉，忍唔住望多兩眼，見佢d配搭好少見，仲話係石磨腸粉，咁特別就梗係要試la嗌完之後先發覺有好多人等緊，即嗌即整，熱辣辣，正呀第一次食li個配搭嘅腸粉，皮超薄，正🤤菜脯蛋腸好好味，有機會要試埋其他

其實當日真係幾 random ，本來係去鴨寮街買電子零件，買完之後仲有少少時間先至同人會合，喺深水埗行嚟行去，無意之間，看到這一間小店。今日天氣，雖然不太熱，但是見到哥哥努力的，在廚房面對蒸爐，抽氣扇不停的噴出蒸氣，非常辛勤的工作。小弟真係未見過，孤陋寡聞，睇落有少少特別，加上好奇心驅使之下，所以就試吓。叫咗瘦肉腸粉，加蛋及菜。大約5分鐘便弄好。放了入食物盒之後姐姐加了神秘醬汁。腸粉是很薄的我估大約只有0.5mm的厚度。所以夾起比較容易碎。醬汁的味道好似是蠔油，溝稀咗的。所以我再加少少辣醬。味道同估計的差不多。可能是食慣的關係，我都係鍾意酒樓的那一類型腸粉。但是，可以加雞蛋及菜，也幾特別。價錢都大眾化。

由以前香港仲未係好多石磨腸粉店嘅時候已經好偏愛呢一款食物～ 依家終於慢慢興起喇！尋尋覓覓試過好幾間香港嘅石磨腸粉店，終於試到呢間會不斷𝗲𝗻𝗰𝗼𝗿𝗲嘅五嫂石磨腸粉🤘🏻五嫂嘅腸粉選擇都幾豐富，當中最鍾意食雞蛋瘦肉腸粉～ 因為呢一款係最多餡料最有口感，同時考驗到師傅對攪拌雞蛋嘅均勻度，所以一間石磨腸粉店好唔好食，最應該攞雞蛋瘦肉腸出黎比較。有時候想昇華口感會叫菜脯，食落更加香口同有質感。佢哋有特製嘅自家醬汁，每日新鮮製成，唔會太鹹或者太淡。腸粉嘅質地都好軟滑，唔會太厚遮蓋咗餡料嘅味道，不過略嫌太薄身而容易破損，真係無返咁上下筷子功夫都好容易夾斷。環境方面，平時慣咗熱辣辣新鮮出爐咁堂食石磨腸粉，覺得攞走就冇咁好味。五嫂啱啱好係巷仔對開，位置並唔多，只能容納𝟰-𝟱個人，加上都多人排隊，所以經常要企係到食。不過二三十蚊就可以食到好食嘅石磨腸粉都覺得值嘅。

一向都好鍾意食石磨腸粉有日經過深水埗就決定要試下價錢唔貴叫左菜脯蛋腸粉即叫即整等嘅期間都見到好多人買/堂食等左一陣就有。腸粉配嘅豉油唔會鹹落曬成包都ok辣椒油推薦要記得加埋落去會更加好食😋

🍴五嫂石磨腸粉📍深水埗北河街98號地下B3號舖外賣送到屋企石磨腸粉皮薄內餡多汁加點辣椒油更美味🥳✨雞蛋瘦肉碎腸 $24啱啱蒸出嚟嘅腸粉好韌內裏有一蓋煙韌嘅瘦肉碎同埋香滑嘅雞蛋入味唔肥膩🫶✨蔥花蝦米腸 $24蝦米好新鮮蔥味又好香而且腸粉都煮得恰到好處😚

今朝路過準備試下呢間腸粉，落左單等左15分鐘，途中係有人打電話order，都有人walk in，但當我發現有個比我遲去現場落order俾錢嘅，比我快可以拎到腸粉，我就問左一句點解佢遲過我黎又可以快過我嘅？女職員就態度一般咁講都係順單做，蒸緊腸粉條友就加一句，“我想俾邊個就俾邊個，佢係熟客，你唔好咁多野講，走啦”ok，我話咁退錢啦，又唔係得你一間腸粉鋪，串咩呢？早餐一個腸粉要等15分鐘都未得，味道我未食唔評論，但係咁嘅態度我絕對冇下次…

網上啲人講到好好食，所以經過就買返黎試下，現場人都唔多但都需要排隊，真係意想不到。不過食落覺得腸粉唔係啲人講到甘好食，係算簿，但係肉既味道普通，而且啲鼓油唔係甘岩口味，所以試一次就夠

 有冇人都好鍾意食腸粉😋平時多數食腸粉都係食酒樓果種布拉腸，而呢間五嫂石磨腸粉就係賣另一款腸粉——皺皮腸粉，食落又係另一番風味。呢度既石磨腸粉堅持每日即磨米漿，而且呢度既醬汁唔係普通豉油，淋落個腸粉到食好夾好好食，絕對係其他地方食唔到既味道！ 1⃣️雞蛋瘦肉腸（$20）本身唔係食過好多次皺皮腸粉，所以唔係好比較到🙈但係就咁食落，有米香而且算係透薄。雞蛋同瘦肉份量都算ok，見住佢地即叫即整都幾滿足🥰另外好鍾意佢地個汁！外賣個汁係會分開用個細袋仔入住，食既時候先倒落盒腸粉到，咁就唔驚浸淋曬啲腸粉。醬汁唔會好鹹，有少少蘑菇味🍄腸粉本身唔係好有味，加埋個醬汁即刻成件事升曬級🤩  

喺香港食過咁多間石磨腸粉，呢間係我其中最鍾意食嘅一間，價錢又平又足料，份量又大，最重要係佢的醬汁！ 他的醬汁並不是普通豉油， 係特別調製， 所以唔會太鹹， 襯腸粉一絕。

Openrice落單夠鐘就行過去攞已經買過N次次次都覺得好好食而且我一定會攞多包豉油咁樣先夠而且咁樣先會好食如果熱食仲好食不過凍左都好好食做早餐真係一流會再去食

久久沒有去深圳，香港冇咩腸粉可以做到深圳個質感，唔係追求滑個種。只係經過就吸引著我眼光，因為我真係好鍾意食呢種腸粉。好難得遇上。雖然環境非常一般，但係氣味，味道甚至其實可以講連環境都係深圳正宗屋村小店嘅風味。$20雞蛋肉碎腸粉，係香港個價錢算好平啦。 除咗做唔到深圳個豉油會加料煮得更濃冇咁鹹之外，其他我都好滿意。

✨深水埗傳統美食✨◻️五嫂石磨腸粉◻️新鮮豬潤腸（$20）◻️近日好似見到開左好多 #石磨腸粉 店，有間五嫂石磨腸粉都係新開既，一直都想試下，見到腸粉係師傅即叫即蒸，十分新鮮，同埋吾算多人排隊，一於就try try先👅◻️等左5-10分鐘左右，份量都算適中，腸粉嘅皮整得幾薄，口感滑溜🤤不過就好難夾，勁易夾爛🤦🏻‍♀️而個醬汁係自家製既，有陣香菇味，幾有特色，但個餡料就好少，豬潤係切得比較細粒，但食落有d嚡，可以再戰，試下雞蛋瘦肉腸粉😋！◻️地址：深水埗北河街98號地下B3號舖。◻為食指數:7.5(10分為最多)抵食指數: 8◻️

|深水埗 五嫂石磨腸粉 過份受吹捧😢 |之前興起石磨腸粉，五嫂就係城中熱話之一，所以一直對佢都抱住有番咁上下嘅期望，不過事實同理想係有落差😩雞蛋瘦肉碎腸 $20見呢個係五嫂推薦就試吓啦腸粉皮薄皺皮，唔算好滑，米味唔濃腸粉皮佔大比例，餡料少並分佈不均，瘦肉細碎，每啖得幾粒甚至無，所以唔係好食到味道，雞蛋如是😢配送醬汁係淡豉油，如果腸粉味出的確起點綴之用，可惜腸粉味淡，加咗醬汁都係淡😩整體感覺麻麻，總結五嫂過分受吹捧，或者咁啱幫我整嘅伙記未掌握到五嫂真傳🥺🧐味道: 4.5/10