五斗米 (厚和街)

營業中

休息中

去堅尼地城，本身想食阿元來了，但見難得黎一次，試下其他野。就見到五斗米有食評又有片介紹。見店員有用噴噴清潔枱，有按政府要求度體溫。但咁既時勢，佢比支飲筒我地既時侯竟然係掉上枱到。。。Errrrr...唔知你地點諗啦，我情願你放埋一邊我地自己拎/插落野飲...食物黎講，好一般。尖沙咀的六兩三，阿元來了，長沙灣程班長，都比這間好食和高性價比。個拌麺算差，厭醋味好重。飲品比食物好。但廿幾三十蚊黎講，我出便既飲品店都買到，份量比呢間多，仲有乾淨的飲筒🙄住得近既人就試下啦，好似我咁好日唔黎一次就不建議了，堅尼地城有更多值得試既野！

Weekend同朋友去摩星嶺行山, 行完過咗去堅尼地城食午餐 因為疫情嘅關係, 所以好多餐廳都已經冇開 睇下睇下, 最後揀咗台灣菜-五斗米可惜禮拜六、日冇午市套餐, 我哋唯有散嗌<滷排骨肉燥飯>滷雞髀肉燥飯嘅份量唔係好大, 肉燥偏瘦, 食落比較健康 雞髀望落好吸引, 但食落只得外皮有味, 肉質偏柴<玉米起司蛋餅>玉米起司蛋餅分量好少, 但食落又幾好味芝士同玉米落得一啲都唔手軟<滷味拼盤>呢個滷味拼盤嘅配搭就有啲強差人意, 除咗經典嘅百頁豆腐同滷蛋外, 就只得花枝丸同貢丸 選項唔夠多元化外, 丸類仲煮得過熟, 好軟爛...<白菜滷>最後, 為左均衡飲食, 我哋就加左份白菜滷原來只不過係肉燥飯裏面嘅配菜, 早知就唔特別嗌啦

價錢正常，但質素唔得呀...原汁牛肉細麵($60)：湯底ok，麵底份量夠，但係牛肉太少，麵太淋麻辣盪刀削麵($55+5)：湯底唔夠麻唔夠辣，肥牛太un，花枝丸好淋鹽酥雞($30)：味道口感ok, 份量略少珍珠奶茶($23)：茶底一早沖好，似港式多過台式，珍珠太淋冇味仙草芋圓($32)：芋圓味淡，最過分根本唔係仙草，係涼粉黎，成碗野太淡味呢間野成個感覺就係港式台灣店，店員全部香港人，食物都係港式材料做法，幫襯過一次唔會回頭

🥢西環地道台灣古早風味！超美味蛋餅 牛肉麵 鹽酥雞 🥢近期無得去旅行，特別想念其他國家的美食，由其是台灣的美食，好想去台灣早餐食蛋餅，午餐食牛肉麵，晚餐食麻辣火鍋，宵夜食鹽酥雞，同仙草芋圓，蜂蜜愛玉凍，終於俾我搵到一間滿足我六個願望，真正一間充滿台灣風味的小店🥢這間由台灣人開設的小店，真係有蛋餅，牛肉麵，麻辣火鍋（外帶），鹽酥雞，仙草芋圓，愛玉凍等台灣美食，入到去店員姐姐用台灣腔說歡迎光臨已經很親切，即時加分，原來店員都係識廣東話的，大家唔需要擔心要煲冬瓜🥢玉米起司蛋餅 (西環限定）$38好耐無食過蛋餅了，這個蛋餅即叫即煎，上檯時熱辣辣，口感鬆脆，同台灣早餐店食到的幾乎一樣🥢麻辣牛肉麵 $60牛肉很軟熟香料很入味，湯底濃厚飲曬唔口乾，感覺無落味精，真材實料，跟了少少酸菜辣辣地好開胃🥢鹽酥雞$30椒鹽味道好香，雞肉炸得很脆又乾身，呢個鹽酥雞真係好正🥢黑糖仙草奶凍 $32滑溜溜的仙草加入了黑糖珍珠甜甜的珍珠好有咬口又唔錯🥢台灣直送黑糖花生麻糬 $32外層皮是黑糖味道煙煙韌韌，入面的是花生膏，感覺很古早味🥢蜂蜜檸檬愛玉凍 $23愛玉凍我最鐘意的

原汁牛肉麵$60 食落湯底都幾正宗，牛肉肥瘦分明，但不算太大驚喜。反而滷水拼盤$55 幾有驚喜🤣🤣每樣食物都好入味，而且賣相都不錯👍🏻朋友的肉噪雞腿肉飯$55是整隻雞髀去骨上，食落啖啖肉超級滿足😋😋最值得推薦的是九份芋圓$32 裏面會有地瓜圓和芋圓兩種，中間仲會有芋粒！用一隻杯裝住，賣相好靚。🙈🙈顧住食唔記得影相。整體而言性價比都幾高值得推薦。.🏠五斗米 (西環)西環堅尼地城厚和街44號地下9號舖

其實我真係幾鍾意食台灣野，見到有台灣小店就會心絲絲想入去試下。今次探索去到堅尼地城。 本身其實係想食阿元來了，可惜新年無開，就搵上哩間台灣食店。可能係最近大家都唔敢出街，食飯時間都唔洗等，一去到就入得。 我地唔係特別肚餓，所以叫左一個原汁牛肉面同其他小食試下。原汁牛肉面d 牛肉係幾淋，不過個湯底就一般。食完無嘩一聲ge 感覺。👉🏻👈🏻 百頁豆腐 (小) D滷水唔入味, 叫咗小份都食唔晒.肉燥青菜哩個已經算係最好味。我鍾意佢d 菜夠爽身。 鹽酥雞睇已經睇到炸到好乾身，咬落去真係令人失望。 總結。 無期望，無比較，可能就唔會失望

由於我好鐘意食台灣野, 見街完街見無人就入去試下。叫左幾樣野，其中有加大肉燥飯, 炸物拼盤加蛋卷。加左大既肉燥都係好細碗，濕到飯底有水，啲肉燥同烚肉碎無乜分別。炸野無特別，只係炸到乾晒加華鹽，無鹽酥feel.蛋卷叫好少少，除左入面隻蛋煎到好老之外味道都正常。食過咁多間大大小小台灣野黎講，呢間都叫唯一一間去完就算既台灣餐廳。

當晚只有我地一枱客人 雖然空無一人 但我同男友都決定一試因為見到新假期有推薦 同埋都見食評好多正面評分我地2個人都叫左好多野食 個人認為最招牌推薦既我地都已經叫左最好味又推薦係炸花枝同鹽酥雞最有台灣風味 而且雞炸得好嫩滑大讚花枝分量都幾多 不過覺得滷味既食物可以有改善空間男友都係重口味人士 但都略嫌滷味太咸 唔知同我地係收舖前最後一台有無關浸得太耐？其次我地都叫左好多人推既牛肉麵同樣死因都係一樣 太咸 牛肉軟硬度係可以既 風味都幾有台灣既感覺既 分量都好足 我地點左細麵 麵既分量都好夠 唔會得好少基於真係太咸既關係我地點左杯檸檬愛玉出奇有驚喜 好fresh既感覺 都唔會太甜不過就無影相 之後最後我地仲點左好多人都推既芋圓呢個真係失望既 因為佢芋圓底無論熱凍都係冬瓜茶令到一度甜品既芋圓好淡 其次芋圓都唔夠q彈 無麥味成件事錯唒 敗筆 如果用番黑糖水底應該會好d 希望佢將來會改善下 另外2款小食就不過不失 無咩特別

卡比對「五斗米」呢間餐廳早已久仰大名，因為佢地已經被多家知名媒體採訪過，今次終於有時間黎到堅離地城會一會佢地既美食。作為一間主打台式料理既餐廳，卡比食得出佢地好正宗既台灣味道，據了解原來五斗米系由一位在港既台灣女生開，而且食材都系由台灣進口，難怪咁受歡迎。卡比當日留意到店鋪坐滿人，一檯接一檯之餘，外賣單亦不少呢，而且客群除左街坊、港台客外，外國客人都吾少，咁受歡迎果然有原因。🔷原汁牛肉麵 轉刀削麵💰60+5 💙83/100佢地既刀削麵真係幾出色，幸運地食到當日最後一碗刀削麵，賣哂之後都keep住有客到店order刀削麵，呢$5真系值得加黎食。刀削略粗身及非常有咬口，程度又不足以咬吾斷所以大受歡迎。湯底油份不算多卻食到清香濃醇既牛肉湯底，牛肉部分吾韌口且入味，份量亦都吾少，以酸菜鋪面中間完美呈現原汁正宗牛肉麵。🔷台式麻辣燙麵 💰55 💙72/100呢款麻辣燙系西環店限定，叫做Regular noodle 原因系刀削賣哂哈哈。辣既程度卡比會定義為中上，果種香辣系食極吾停，好辣好辣但都想keep住食，另外仲有肥牛、花枝丸、豆腐等配料，可以話系什錦應有儘有。🔷玉米起司蛋餅 💰38 💙80/10

肉燥雞腿飯🇹🇼 $55充滿台南風味既小店🤤 肉燥半肥瘦偏細碎 充滿乾蔥香 撈飯唔錯 但真心鹹左d 仲要面頭落左醬油膏 食完都仲有成大陣鹹味殘餘係個口 可能台南風味係咁 食唔慣🤣 雞腿都算入味 肉質未至於軟到一口就扯開 我同同行既hku友人都一致認為附近既阿X滷肉飯好食d原汁牛肉麵 $60牛肉湯味道比較清甜唔油膩 帶微微藥材味 我同友人都幾中意!😍 撈埋酸菜好好食 店員中途見到碗麵少左d湯問我地係咪d麵索曬d湯洗唔洗加湯比我地 其實係我地飲左🤣 (btw店員服務幾熱情!)用上切粒牛腩 少爽口但有點結實 再煮淋一點就好了~ 筋位比較少 間唔中食到少少坐忘既感覺! 店員比我地試左少少自家炒麻辣膽 落左好多蝦碎 麻辣味突出 幾好食😋 但感覺都幾辣下 如果係真係叫左麻辣牛肉湯我應該食唔到🙊玉米起司蛋餅😍😍 $38今朝起身涼涼地 如果有件蛋餅暖下胃就好啦!🤤 呢件煎到帶點酥脆香口!! 餡料集中於中間兩件 芝士滿滿 好正😍 充滿芝士蛋香! 面頭既醬油膏更加將味道昇華左😋 想念台灣了🤤炸物拼盤 $45鹽酥雞香口幾juicy👌🏻 花枝丸夠彈牙 但裏面本身唔太濃味滷味拼盤 $55百頁豆腐夠香彈入曬味! 仲

今日eatmug9 #69尖沙咀有條食街叫厚福街 而堅尼地城都有條食街叫厚和街而堅尼地城嘅小店會比作為鬧市尖沙咀多一份休憩嘅氣氛今日就嚟到西環嘅小店感受下呢種氣氛五斗米係一間台灣食店地方唔大 座位唔多 簡單嘅裝修 簡約嘅擺設顯得店舖入面都相當寧靜我叫咗一杯仙草奶茶一份麻辣牛肉麵同一份生菜 個奶茶唔同台式比較甜嘅味道反而係貼近港式奶茶重茶味嘅再加埋啲仙草令到杯嘢好有質感成碗麻辣牛肉麵味道唔係濃麵條比較軟啲牛肉比較彈牙唔算有太大特別反而份生菜係出乎意料生菜爽得嚟又夠甜再加埋面頭嘅肉燥再叫多份都唔過份

簡樸裝修，小巧店鋪，以木為主配偏暗燈光，確實有點台灣小店的風味肉燥乾拌麵：特別喜歡麵的質地，煙煙韌韌，肉燥味道都恰到好處；不會過鹹，配料有滷水蛋、貢丸、生菜，小小一碗，分量足夠，女仔剛剛好。男仔可能要加埋小食先夠飽。男友要了紅燒紅肉麵，更是大讚入味，好吃😋下次要試下

中午飯試左試臺灣菜，牛肉刀削麵，湯底不錯，刀削麵系手工做的，很有韌性，咬起來很彈牙，牛肉分量還ok，牛肉好吃，還點了個雞腿肉燥飯，雞腿肉好大只，好淋，好入味，搭配其他配菜，還不錯，分量足，性價比ok，值得一試。

肉燥同啲汁同啲飯嘅比例啱啱好好多其他餐廳飯多肉燥少乾爭爭俾我都唔會再嚟所以食完真係好感動另外就係要讚吓啲白菜軟軟食曬啲滷汁 加上粒好滷蛋YEAH得左一口一粒肉餡餅唔夠食再叫一碟就啱啱好鐘意呢啲送多過starch嘅幸福感覺鹽酥雞同炸花枝丸都正呀新鮮熱辣辣出爐佐飯一流雞肉超級嫩花枝丸都好有嚼頭一次過滿足曬咁多個願望不過附帶一句就係我本身分人重口味餐廳食物少少少少偏鹹所以我就覺得好正滷汁越入味我越開心強烈推薦

是日在堅尼地城補完習後與男朋友在附近吃晚飯，很久沒吃的阿元來了逢星期一休息😭由於太想吃台灣菜的關係😂便在openrice搜到這間台灣菜試試，結果充滿驚喜😍我們倆人點了一個二人套餐，店員先送上冬瓜茶和珍珠奶茶，冬瓜茶清甜解渴，珍珠奶茶因為點了熱的糖會分開上，可以自己調甜度👍🏻不過個人還是較偏好這裡的冬瓜茶😛然後是前菜滷味拼盤，裡面有白菜滷、貢丸和千頁豆腐，款式略嫌較少，不過勝在滷得入味，白菜滷薑味重，千頁豆腐夠彈牙，整體味道平衡不會死咸死甜，好評👍🏻另一小吃芝士粟米蛋餅用的是芝士片，雖然沒有拉絲但芝味濃郁🤤可惜醬油膏不太夠沾，有點太乾了🥺至於主菜我們分別要了原味牛肉麵和雞腿滷肉飯😎原味牛肉麵絕對大推👍🏻牛肉是牛腩部位軟嫩份量足，湯頭重藥材味不油膩，一口湯一口麵吃超滿足，這裡的牛肉麵沒有外間重口味的感覺，整碗吃下去也沒有罪惡感😍至於雞腿滷肉飯，滷肉多數是瘦肉不肥膩，最特別是滷汁加上了櫻花蝦更添鮮味😍不過雞腿男友認為滷過頭肉有點柴🙊不過雞腿底下其實藏有滿滿的白菜滷也是相當加分喇😛最後就以熱芋圓作結😽不過忘記拍照了😂芋圓是以冬瓜茶作底，糖水底清甜芋圓軟糯，一個心滿意足的結束😎整體來說這裏的食品