五龍薈

營業中

休息中

節日過來，因為新店所以沒有太多人可也不冷清。桌子排列不會太緊坐得舒服。服務員加水挺勤快，算是不錯啦！這次主要吃點心，選擇還可以價格算是中上价，點心沒有什麼驚豔不過不失。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃呢間酒樓係荃灣新開既，位於映日灣商場5樓(荃灣真係越黎越多酒樓😂）佢既裝修係走輕奢風，用左白色為主色配上金鋼色既裝飾，枱與枱之間有充足既距離，環境非常舒服。窗口位望到荃灣市景，感覺都幾開揚。今日黎飲早茶，試左幾款點心。可能係新開，人手同食物質素都尚可改善。🌟鮮蝦腐皮卷 （推薦💕)佢既腐皮卷賣相好得，d 🦐幾彈牙同新鮮。佢腐皮唔係炸得好脆果種，點埋醋食好夾，但份量就唔算多。🌟芝麻糊芝麻糊係裝落燉盅道上，感覺幾精緻。可惜味道好淡，食唔出芝麻味😅🌟鵪鶉蛋燒賣三粒都非常飽滿，個皮好薄，鵪鶉蛋好食，而且燒賣仲有蝦，唔錯😁🌟鳳爪排骨飯排骨同d飯都好似唔太熟，所以最後都冇食晒🥺📍五龍薈荃灣楊屋道88號Plaza 88 501 號舖

上哂小菜，我突然想食飽，見到有奶皇飽，小龍飽，點知話賣哂！我話咩飽都得，只要係飽，侍應話賣飽都賣哂！但一陣見到侍應攞咗籠壽飽去隔離枱，咁我問個侍應啦，又話無哂飽既，佢答我個個係壽飽嚟！我話咩飽都得架嘛，壽飽我都要，個侍應扮哂野去電腦到落單，唔使兩秒走過嚟話壽飽都賣哂，咁算啦！點知成晚見到3-4籠壽飽出嚟，咁唔想賣不如摺埋佢唔好做啦！好好聲氣話想食飽，客客氣氣咁問個侍應，就係唔想俾我？定唔想做野？真係好奇怪囉！

新開商場酒家，假日午市飲茶入座不用等太耐。早市、下午茶都有特惠點心紙，出品熱辣辣，質素不俗。其中，黑毛豬叉燒包、腸粉都值得推介! 附近泊車，可泊商場停車場，亦算方便。

新開張都咁廢，無下次淨係想要一壺滾水，叫足4次都無，最後同我講無壺，但全場得7成客。野食足足30分鐘先上枱，仲要唔熱既。。。廢到無朋友，亦無下次野食味道好普通，賣相又唔靚，相都唔想影

聽聞Plaza 88有新茶樓開張，近來好鍾意嘆茶嘅我同先生急不及待趁住週末帶兩老試下新嘢。新茶樓位於商場5樓，地方算大，新開張感覺光猛乾淨。食物方面選擇亦唔少，雖然價錢偏貴少少，但可以接受。茶位每位15蚊，香片味道較淡，一打開茶壺，入面原來係茶包，誠意欠奉。首先送上嘅係先生至愛嘅乳鴿，可惜細隻得可憐，醬油碟放喺側邊都顯得特別大，冇乜肉食，但即叫即炸熱辣辣，挽回少少分數。灌湯餃餃皮略厚少少，但大件飽滿，而且湯底鮮甜，仲有一細舊花膠，算係足料。蘿蔔絲腸粉加入脆網口感豐富，但味道單一，好似食緊素蘿蔔糕，稍為清淡。金錢肚係最出色嘅一道，加入海皇醬非常惹味，爽口彈牙，唔會太韌。蒸排骨略肥，算係入味而且鹹淡適中，質素中規中矩。南翔小籠包皮厚湯少，口感偏向扎實，可以不試。牛肉球中規中矩，而且大大粒，牛味亦可以。太極鴛鴦飯真係同個名一樣——與別不同，一送上枱真係俾佢嚇親，完全係茶餐廳廉價碟頭飯嘅組合——白汁蝦仁飯併黑椒汁雞絲飯，相信喺街邊買半價都唔洗，除咗無奈都唔知點形容⋯⋯飯嘅芡汁又稀又多，好似湯飯咁，味道亦相當麻麻，實在係伏中之伏⋯⋯茶樓新開張俾人嘅感覺都麻麻，價格唔平但食物質素好一般，實在令人有

最近喺網上見到荃灣有間新酒樓， 似乎冇乜人知，所以特登去試個下午茶。 可能真係唔係太多人知，所以特價下午茶都唔係太多人。一睇價錢，唔算平嘅酒樓，所以不禁對佢的食物有點期望。 但可惜，有期望就有失望。 食物整體上好普通，唔算好食。 但服務就幾好， 職員都好友善。首先係杯茶。我哋叫咗鐵觀音，唔苦，但又唔係好香茶味，普普通通。芋角 ~ 好脆，但有點硬，唔得鬆化。 而餡料同芋蓉都ok。鮮蝦腐皮卷 ～ 同一個問題，覺得啲腐皮有點硬，唔得鬆脆。 感覺似係未炸透咁。 入面啲蝦膠，就幾好食。牛肉腸粉 ～ 腸粉皮好滑，但啲牛肉就冇乜質感，同冇乜牛肉味。百花釀魚肚 ～ 蝦膠有啲好特別嘅味，感覺上係啲蝦唔係好新鮮。 而魚肚呢，唔知係做法問題，定係魚肚本身質素一般， 食落有點似豬皮嘅感覺。蝦餃 ～ 同百花釀魚肚一樣，啲蝦有同一個味 ，唔係好新鮮咁。黑毛豬叉燒包 ～ 啲叉燒餡正常ok，但個包皮就感覺有點實，唔得鬆軟。龍蝦湯鲜竹卷 ～ 無論賣相，定係味道，一啲龍蝦味都冇。 啲餡料ok， 同一般鮮竹卷嘅餡料冇乜分別。 其實唔知點解要冠上龍蝦湯命名， 因為覺得真係同龍蝦搭不上關係。星洲炒米 ～ 呢個比較濃味， 好香咖

昨天無端端比我發現有間新酒樓，裝修又靚，乾淨企理，拿拿聲試下先。入到去，啲姿客侍仔都有禮，唔會叫極都唔理🤣 傳菜同上菜係兩個人，疫情下做得幾好我哋兩個人都比我哋坐一張中枱最有驚喜係雪茄春卷春券啲蝦係爆滿貼實哂。花膠灌湯餃勁多料，味道好懷舊👍👍👍 。另外個鬼馬炸両外脆內軟上面仲有豬肉鬆好好味👍食得出師傅嘅心機雖然假期收費唔平，兩個人食左7碟都要$300，但食物質素同環境都係值得嘅今次主力食炸嘢下次會試蒸嘢今次7碟都勁飽了🤣

Plaza 88新開左間酒樓，位於商場5樓，係爵悅庭、立方、樂悠居、柏奧灣附近最近既酒樓！成個商場九成商舖都未開張，得物業代理、一間買酒嘅店舖、同埋一啲兒童補習嘅地方，另外仲有一間Spa同埋瑜伽開咗！位於商場嘅19樓，有空中花園，廿四小時開放比大眾，飲完茶可以去行一個圈消消滯！原本想睇吓食評睇下咩出名，點知一篇都未有😓😓😓早上九點半左右到達，當時都坐得有七八成滿，當時間佔更10:30左右，就已經坐滿人，仲有食客需要在外面排隊等候！服務方面，侍應加水加得很頻密👍🏻食物方面，同一般酒樓一樣大同小異，唯一唔好嘅就係冇蒸飯類！🔸翡翠鮮蝦餃（特點） $38.8◻️皮薄，蝦肉彈牙🔸鮮竹牛肉球（小點） $23.8◻️老公話太淋及無咩牛肉味🔸醬皇蒸鳳爪（中點） $28.8◻️味濃，入味🔸瑤柱珍珠雞（大點） $32.8◻️兩件珍珠雞，糯米煙韌，唔會話蒸完出黎太淋！正常水準！🔸黑金流沙包（中）$28.8◻️由於外觀唔好，朋友形容係整容失敗，因為個包表面係凹咗入去，而且三個包裏面，其中一個嘅奶黃餡係好少一啲都冇流沙嘅效果！其餘兩個就好正常。🔸雪茄春卷（大）$32.8◻️外表就好吸睛，春卷皮亦炸到好脆，蝦肉都彈牙！🔸金鯉