亞參雞飯 (威靈頓街)

營業中

休息中

亞參雞飯都喺中環開咗段時間，門口細細，所以好易走漏眼，錯過咗好味嘅海南雞飯！用上三黃雞，食落有雞味，而且因為去咗骨，所以食落啖啖肉，就算食雞胸，肉質都唔鞋，軟滑又有雞汁，真心好食。佢地嘅油飯以炒香嘅班蘭葉、香茅，再以濃雞湯煨煮，所以吸收曬雞湯精華；小妹唔太鍾意食油淋淋嘅飯都覺得呢個都唔錯。海南雞飯仲會包埋以雞隻浸煮慢熬嘅雞湯，湯入面加咗冬瓜，幫助解膩。除咗「亞參雞飯」，呢度仲有新加坡喇沙、檳城蝦麵、亞參豬手飯，同事食過都話唔錯。So far 佢係小妹食過好食而又CP值高嘅海南雞之一，所以食咗好幾次都係食海南雞。建議你加埋杯馬拉拉茶，用煉奶沖，所以特別細滑，而且茶味香濃。小妹發現依家外賣自取仲有85折，可以趁機試吓！

上環必食之選值得推介海南雞飯雞好滑好嫩，雞味非常濃郁，又有油香！油飯好入味飯粒分明！湯絕對沒味精！.....賣相同味道簡直一流Cp值超高，回頭指數極高！我叫左杯咖啡超濃，估佢唔到😍..............................簡直好似去左旅行咁👍🏻👍🏻

經網上外賣平台嗌外賣，以為疫情冇乜人幫襯。點知仲衰！叫了兩客海南雞飯，一杯拉茶。點知一些配料都沒給。只給了海南雞及飯。姜蓉豉油辣椒醬乜都冇，以為舖頭冇乜嘢買，點知都搞唔掂。咁少材料都做唔到，好失望！乾食.

疫情時期，食午餐都係外賣好啲。午餐時段，外賣自取都幾快，唔使五分鐘就有，服務態度良好。講返個飯，一打開就聞到陣陣香味，比一般嘅海南雞飯都要香。所有雞肉都冇骨，包括雞翼（連我一向都唔食雞翼嘅人都食哂啲雞翼），真係細心。雞肉好嫩滑，就連雞胸肉都咁嫩，師傅利害。至於個湯，亦唔係一般嗰啲冬瓜加水湯，味道清甜，好有雞味，正！醬汁都同一般嘅有啲唔同，黑豉油有啲酒香味，同雞一齊食，非常之夾，感覺到師傅啲心機。值得返食。

小弟自問都係一個「海南雞飯」嘅殺手，只要係出名嘅海南雞飯，無論幾遠，我都一定會去捧場。最近有朋友話俾我聽，喺佢公司附近開咗一間新嘅海南雞飯專門店，成日排長龍，叫我去試吓。喺疫情之下，星期六冇乜嘢做，專登由屋企大西北去到上環食「海南雞飯」。好彩未到食飯時間，喺門口等左一陣，就可以入去坐，睇得出呢度嘅老闆對自己嘅海南雞飯好有信心，因為除咗海南雞飯之外，成個餐牌差唔多冇乜嘢可以揀。所以，我都好簡單，揀咗海南雞飯套餐轉髀加可樂。等左10分鐘之後，海南雞飯套餐上枱，雞嘅份量都算充足，望落油份亦很足夠。即刻忍唔住，飲咗一啖湯之後，夾左一舊雞髀試吓，食完第一舊之後，即刻叫侍應攞返個餐牌睇吓，唔係講笑，「雞有雞味」！原來呢一間餐廳話自己係用「三黃雞」去做海南雞飯，係呢個時勢，我都唔信會有餐廳用新鮮雞來做海南雞飯，但係呢一間真係做得好出色。依家好多出名嘅海南雞飯，除咗食到嫩滑之外，其實雞味真係食唔出，呢間餐廳做得唔錯，抵讚！跟手試一試個油飯，我終於明白點解叫99分海南雞飯，個人口味，好食嘅油飯一定要食完之後好友罪惡咁先至叫做成功，可能呢一間餐廳都係主打附近嘅上班族，雞油嘅份量比較輕盈一點，如果唔係，佢可

經過中環見到呢間新開嘅chicken rice 食店，櫥窗仲掛住一隻一隻大肥雞🐔🐔色彩鮮豔又肥美🤤 決定要入去踩踩點～！！原來呢間係主打星馬菜，第一次黎一於要試吓個海南雞飯，睇吓係咪真係99分🤩佢哋採用嘅係三黃雞，唔怪得知顏色咁靚，至於食落去，肉質鮮嫩多汁、好香雞味、口感豐富，配埋個獨有嘅黃飯同埋三款秘製醬汁，如虎添翼😆 睇相都見到，雞肉份量都唔少，絕對抵食。最後飲埋個冬瓜清雞湯，鮮甜好飲！！真係大滿足😆

呢排好少出街食飯，咁啱有事去開中環，就順便食埋晏啦！點左個招牌 - 海南雞飯！🐔🐔雞嘅分量都相當多，而且好嫩滑，雞味好濃，係幾高質嘅海南雞！🍚至於個黃油飯都唔錯，一粒一粒嘅，唔係嗰啲淋到一pat pat嘅，有少少雞油香！我慣左點少少老抽，送飯一流！🍵仲有個雞湯，唔係嗰啲味精湯，幾香雞味！每樣野都above average，唔覺唔覺食多左，好飽嘅一餐！😋👍🏽希望疫情快d過去，唔洗一板之隔啦！🙏🏽

香港海南雞飯店，有很多但質素只是一般。於是，今日抱著不妨一伏的心態，再去嘗試中環比較新的阿參海南雞飯 。這次反而帶點驚喜，首先最近大家關心的店舖衛生問題，探熱，搓手液機是必須。然後同行人士大意地忘記了搓手，職員會即時提供搓手液，枱與枱之間當然遵守了法例。價值$88的海南雞，軟得比較薄和睇上去細件，但就有10多片，感覺很豐富，而且雞肉都頗滑，比較坊間那些雞肉粗糙，自稱最佳之海南雞飯，差太多。油飯水準正常，驚喜卻在馬拉式拉茶，甜度與滑度都讓人回想起在馬來西亞的日子，推介。整體上，此店值得吃，可再幫襯。

今日中午、行到威靈頓街、呢間新開、試吓 海南雞飯、都唔錯啊，好多 雞肉、有 D 煙薰味、好有特色！除咗 海南雞飯、仲有 巴東牛肉！裝修都可以、其實 D 檯有 D 細、幾個大男生 有少少逼！

一向鍾意食海南雞飯，今日第一次黎呢間亞參雞飯 附近唔少海南雞飯份量都偏細，呢間一睇就知足料d雞幾滑，個汁嘅調味又幾好，配埋油飯同有驚喜嘅雞湯，好滿足下次要黎試埋喇沙

意外買左呢個海南雞飯黎做lunch，都幾有驚喜！外賣包裝整齊，飯同餸分開放，可以試到原汁原味既油飯。講起個飯，望落去粒粒分明，食落口唔會太咸太油，好好味（p.s.食過太多啲飯太軟身）至於個雞，唔單止去晒骨，雞肉仲好滑，份量又多，同飯既份量可以話係一比一。有啲估唔到既係個湯，一打開個蓋就聞到好香既雞湯味，以為會好咸好重味精，點知完全無，仲好夠熱。值得再試！正！

最近少左出去食飯，機緣巧合見到呢間餐廳，見啲雞幾肥美 又好似好耐冇食海南雞飯， 決定今日lunch外賣番公司試下🍴🍴 我好少留食評.......但出乎意料呢個雞飯好夠味唔似雪藏雞 而且雞肉仲要勁滑 好juice... 開頭我冇點醬食都好夠味 送飯一留👍👍👍 我叫左少飯 但雞份量依然好足 淡淡肉 一啲都冇hea 啲客! 咁嘅價錢仲要係中環遭禮？ 性價比十分高 值得一試!我唔係海南雞腔 但呢餐飯的確幾回味🤔而且職員阿姐好有禮貌 目測店內都好衛生 總結 會再黎食 🤤!.

呢排公司唔比一齊放飯，唯有做個獨獨自己一路食 一路打下機釣魚。講返正題，呢個飯個賣相又幾鬼靚...啲雞都幾夠味！個人比較鍾意食個豉油，其餘果兩隻醬就可以再濃味啲。如果多兩舊青瓜送下或者多係菜會再加多啲分，但整體嚟講都係高水準！

Lunch time 無意中發現呢間海南雞飯小店，見到鋪面裝修幾有新加坡南洋風情就入咗去試下。店舖入面偏細，但又唔會坐得好唔舒服，而且張檯中間有塊板隔住，避免左同隔離檯有接觸。一坐低已經聞到好香嘅雞湯味，所以我地就即刻叫左海南雞飯，上菜上得好快, 等左5分鐘就有得食啦😋 雞肉嫩滑，點一點個酸辣汁，再加埋個令人驚喜嘅雞油飯真係好正，最後飲埋杯濃厚香甜嘅拉茶簡直係完美。我地一食完已經商量下次試埋佢個豬手同喇沙啦🤭

中環返工有個好處，就係lunch time可以喺大街小巷搵特色野食！今次就試下呢間專賣海南雞飯嘅小店！中環食海南雞飯嘅地方真係好多，但係講到好味就唔係咁易搵啦！首先講下賣相，正正常常，雞份量算多，仲有雞湯送埋🤩由雞肉開始評價，肉質鮮嫩，完全冇雪藏味，而且唔會感覺肥膩，再點埋老抽、薑茸同辣椒醬等醬料，簡直係配合得岩岩好！油飯黎講，有啖啖嘅雞油味，又唔會太濃搶唒focus, 絕對係有驚喜😍配埋南洋咖啡簡直一流！呢間小店就標榜自己個海南雞飯99分，雖然唔知果剩低果1分係邊🤪，但我應該會再食😋 下次試埋個喇沙先～