亞參雞飯 (威靈頓街)

營業中

休息中

Newly opened this Malaysian restaurant cutches the attention of the people. Not only because it’s one and only choice of this kind of food in a hood but it has big portion and authentic taste.It has a small menu with couple mains and sides, also drinks. No special lunch or dinner menu but some proposals with added options. We ordered chicken rice and laksa.The first you’ll probably think about is a portion. Very genius with clean and tidy presentation. Any of us couldn’t finish it at all (tanks

當看見它樣子時，心里已經有答案，但食落口時，對海南雞飯重新定義令我對海南雞飯改觀中間有些少插曲，在門外等外賣等了很久，原來店員只落了單沒有幫我準備，服務流程有待改善。

放工專登過海黎食海南雞飯，同上年係新加波食既感覺一樣！亞參去骨海南雞飯（HKD88) ！大大份好多肉啊！雞肉嫩滑肉味幾濃，有三個醬汁，我最鐘意每食一啖都蘸上黑醬油甜甜的！！或者蘸薑蓉都係唔錯既選擇！油飯粒粒分明調味剛剛好，最意想不到係雞湯！有驚喜比想像中濃郁，無味精飲完唔會口渴好好彩最後兩個椰青比我地叫到，大大隻仲要好清甜，裡面既椰肉都比我默默地食清光朋友就叫左個叻沙米線HKD80，佢大讚湯底香濃，不過我食唔到辣就無食到啦另外我地仲叫左個芽菜！佢地既醬係加分位，十分惹味！

朋友介紹一間隱世嘅中環小店專賣海南雞飯同埋喇沙最鍾意食亞洲菜嘅我 決定心動不如行動由新界專乘黎港島食呢一餐飯！亞參去骨海南雞飯 $88就咁睇賣相已經相當吸引海南雞肉嫩滑 意外地雞味亦相當濃厚🥰再配上香甜黑醬油 同油飯非常邪惡但同時非常滿足🥺！最驚喜嘅地方係呢度嘅雞湯係我食過咁多間海南雞飯之中最濃郁嘅雞湯！經過一番探究之後 原來餐廳係用海南雞殼黎熬製 所以呢個湯都係真材實料😌另外要讚嘅就係 叻沙米綫 $80鍾意重口味嘅朋友仔一定一定會好鍾意呢一個叻沙事關佢嘅湯底真係好濃同好香同埋d料都幾多 正所謂有圖有真相 叻沙已經藏在手機中🥰 一陣可以慢慢欣賞我哋仲嗌左個芽菜我朋友特別欣賞碟芽菜冇乜草青味之餘 仲好清甜再加上芽菜上面加入左秘製醬 食落更加惹味

早幾日食左聞名已久既charter box試海南雞點知失望而回，隔唔夠兩日就黎試呢間亞參。晚飯時段大慨7點鬆到剛好有位，黎到當然叫海南雞飯但竟然賣晒！好彩店員最後可以出多一份先可以試，另外我地再order 左喇沙同馬拉𦾟通菜，原本想叫芽菜都賣完，所以要試齊下次要早少少去！講返雞飯真係推介，尤其比較完charter box 我覺得雞算滑，雞湯好濃好好味，個人最鍾意係個酸辣汁，配黑豉油加件雞再加啖油飯一齊食真係無得頂。喇沙偏辣味重奶味少中規中矩，馬拉𦾟菜係烚菜加醬喺面我就一般。餐廳環境地唔算大但有兩人卡位算舒服，廁所好乾淨！！所以總括而言，呢個質素呢個價錢既雞飯中環區係絶對值得食！！

餐廳開左三個月左右，主打馬來西亞食物，有蝦麵、喇沙、海南雞、豬手飯😍講到明係亞參雞飯就梗係要試下佢d海南雞啦🐥.🚩「尋覓99分海南雞飯」$88呢度嘅海南雞飯選用左三黃雞，鮮黃色的雞件食落嫩滑多肉汁，而且唔會過肥過瘦岩岩好，不過師傅碎件咁上，賣相唔太靚仔，夾起雞皮都有啲吊吊fing嘅感覺🙊🙊同OpenRice上面d圖有d唔同🧐可能因為太忙掛~.因為小熊係新加坡留過半年實習，食過最出名果幾間海南雞飯店，但呢間食落真係唔似平時正宗海南雞果隻味道，諗住點返食海南雞絕對要配既黑醬油，希望尋找返果種幸福嘅感覺，但呢度嘅黑醬油味道完全唔一樣，完全唔甜😭😭嗒到最後仲有dd苦味🙈呢個位真係有d失望，姜蓉都唔濃味，比較似都係果隻辣汁，但老實說味道也是偏酸點🌶.呢度沿用金鳳香米，煮嘅時候加入左香茅、斑蘭葉，仲食到有d炒過嘅乾蔥，聞落去都幾香，食落口感一粒粒，似炒香既飯多過軟綿綿果隻香飯🍚✨.話說朋友仔係到發現咗個新食法，就係將d海南雞點落碗雞絲扎肉河既湯到🤣居然令到d雞有返d雞味😱超神奇～不過當然你要叫咗碗雞絲扎肉河先啦🤣🤣 (廢話).利申返食野呢家野永遠只係個人主觀味覺，重點係最重要既黑醬油佢居然唔似！因

黎到中環小街小巷，唔小心比舖面裝修吸左入去，又諗唔到食咩，就試下個海南雞飯啦。一入到去裝修係賣新加坡南洋風情，唔多枱，但都坐得舒服。海南雞飯一份一份咁上，雞既份量算多，去埋骨。門面寫用三黃雞，雞味幾濃，肉質唔會好鞋，好似各部位都會比啲你，我有唔鐘意食既雞胸，又有好鐘意食既雞翼。我自己唔多鐘意食濃味雞，要醮返啲薑蓉豉油辣汁，個辣汁除左酸仲有啲魚露味，唔錯。最鐘意、最好食既係個油飯，唔算好濃黃薑味又唔會好鹹，調味岩岩好。最驚喜係啲飯軟硬適中，粒粒分明。個雞湯都唔錯，夠濃不過有少少鹹，記得趁熱飲。飲品朋友叫左熱南洋咖啡，個杯好靚啊我就叫左凍拉茶，可能因為係凍飲所以似普通凍奶茶...應該熱飲會好啲油飯加左好多分

今日假日，叫了food panda.很可惜等了1小時還未有。直接去店舖問個究竟，真餓透了。職員很好解釋情況並說先準備食物給我，非常感謝！說回食物，那個招牌雞飯真的很好食，雞肉很嫩又多，飯也很入味。其實之前我試過附近幾間的海南雞飯，這間真的最好吃😋當時已差不多關門晚上九時了，店舖人也很多。這是新開的真是要多多推介👍🏻👍🏻另外也叫了新加坡的喇沙，對我來說有點兒辣，如果材料多一點會更好，但也不錯外賣也很貼心，湯和材料是分開的。職員未有見我不耐煩，而態度不好，很體諒我的情況，值得一讚一定會再幫襯！

中午午餐时间点deliveroo，本来点了两份只给我送了一份。打电话过去态度极差让我直接退款。中午时间点外卖本来就是为了节约时间，结果浪费了这么多时间。不会再点。

中環開了一間新的主打海南雞飯餐廳。雖然鋪位少少，都有不少的選擇。有馳名的海南雞飯，檳城蝦面，新加坡喇沙米線，巴東牛肉飯，阿參豬手飯或雞絲扎肉湯河。今次我們試了阿參海南雞飯,檳城蝦面及新加坡喇沙米線。全部都好地道，不錯不錯! 海南雞飯都有好幾件雞件，雞亦很滑。湯麵都很大碗，都好飽肚。飲品方面，我們叫了金橘特飲和馬拉拉茶，都好有風味。價錢方面都可以,套餐加$10可有特飲，除了椰青外。

Saw this new place on Wellington Street and decided to give it a try. Ordered their signature Hainanese chicken rice and it did not disappoint! The chicken was tender and tasted fresh, and portion was quite generous too, including both breast and thigh! The rice was nicely flavoured with chicken oil and stock, and texture was good, not mushy yet also not undercooked. The chicken soup was enjoyable too not loaded with MSG or too salty. Will be coming back to try their laksa and beef rendang!

午餐時段,威靈頓街不難見到要排隊等位情況最近出現嘅呢條人龍特別長,反正得閒，好奇心驅使我排下睇吓咩料🤪排咗廿分鐘,有人share梗係要叫多幾樣嘢開心share先叫海南雞飯開,雞有質感,味道同賣相好ok,重點要提提個雞湯, 好濃好有雞味,鮮甜,濃得嚟唔油膩,好重膠原feel本人最愛豬手,叫咗先算🤪亞參豬手同我想像有少少唔同,睇menu以為係硬硬哋嘅質地,嚟到食埋落口好有驚喜好冧身好入味,口感有層次，唔知佢用咗咩材料去炆,味夠濃但唔覺油膩,相比起平時食嘅南乳炆輕盈,食好幾舊停唔到口突然傳來一陣好濃蝦湯味,比附近食客嘅蝦麵吸引到試埋檳城蝦麵,淨係個香味已經唔需要懷疑！飲一啖湯再食個麵,兩種麵混埋一齊唔同口感,個湯係靈魂餸都唔少，我飲咗好多啖湯最後試埋喇沙米線,喇沙味道夠曬好地道！唔會太甜,好香,一樣有水準呢餐配以清甜嘅椰青好夾,感覺到呢間小店好有誠意,不枉我哋排咗好一陣子,價格亦合理,畢竟係中上環黃金地段,以後威靈頓街食lunch 又多個好選擇了I will be back!

放工朋友介紹，話公司附近新開有間叫「亞參雞飯」嘅餐廳幾好食，店名有得雞飯兩隻字，應該雞飯就最出名嘅，但我就懶特別走去叫豬手飯！冇計啦突然想食！餐廳都幾快手，等一陣間就有得食啦！未放入口就已經聞到豬手嘅香味，感覺係可以送到兩碗飯！放工超肚餓嘅我急不及待夾一嚿放入口。嘩！好好味呀！豬手肉質係腍軟鬆化，豬手皮帶膠質有咬口，如果皮同肉一齊食，更加係口感一流！正呀喂！認真如果中環係呢個價錢有咁嘅質素，算係性價比高嘅餐廳！

閑時無聊，總愛獨個兒走到中上環街頭「搵食」，特別一些特色的風味菜式，更是我前往的推動力。今日的主角是「亞參雞飯」，顧名思義它的招牌菜是：雞！飯！坐下翻開餐牌，不經思索便叫了「亞參去骨海南雞飯」。一會兒，海南雞飯送到！表面看來，海南雞飯與平時街外吃的不遑多讓，配的是雞油飯和冬瓜粒雞湯。吃飯前，先呷一口雞湯，濕潤一下口腔。溫熱的清雞湯雞味非常濃郁，有別於坊間的「例湯」感覺，加上一口過後並沒有「渴喉」，味精感不重，有驚喜！ 接著便是我最喜愛的雞油飯。香味撲鼻的雞油飯總令我又愛又恨。煙韌的飯粒盡吸雞湯精華，細嚐下還吃到香茅和班蘭葉的味道，層次分明。至於海南雞呢，肉質結實，肉汁豐富，雞味是濃厚的，但相比起雞油飯和清雞湯，還是相對比較有驚喜！

This maybe the best laksa I had found in Central ! This restaurant is pretty small and it only has like few table ! Their menu isn’t extensive but enough for a restaurant like this ! The laska was flavorful, it’s spicy for sure and not too thick or with a lot of coconut tone ! The noodle was perfectly cooked, was still chewy ! Topping included fish ball, shrimp, tofu and egg ! The chicken rice was average, had eaten better one but definitely wasn’t $88 ! I will for sure go back to this when I cr