亞參雞飯 (德福廣場1期)

營業中

休息中

四大一小入座，兩個老人家加一個三歲小朋友一枱，兩位大人一枱。因為前後枱坐關係，而且老人家不太懂點菜，所以我要企身到老人家那枱幫忙點菜。可能地方環境比較窄，惹來其中一位職員非常不滿。一開始已「黑口黑面」對住我們，到上菜時候，非常冇禮貌叫我地借開比佢放低食物。點知當食完飯時，竟然比我發現那位職員心口上的牌竟然寫住「執枱專員」。她未免太過份了，既然係「執枱專員」，為何可以送餐？另外，食飯期間，小朋友想叫我們，故推了一下相隔兩位坐位的板。我都明白小朋友有不對的地方，但她好惡咁鬧了我及那位小朋友。為何不可以好言相勸呢？他只是一個三歲小朋友。當我離開時，我一起身，就有個食客撞開我坐了我的位置。其實，當時我還未埋單。我先生還未喝完野飲。為何沒有職員安排入座？真的好奇怪，像快餐店一樣。至於食物水準，與其他分店一樣。也喜歡吃這店的海南雞飯。但這間個服務質素太差，完全不合格。貼$買難受

尋晚係度食晚飯，叫左招牌既海南雞飯，加55蚊有3個前菜，多士同魚餅都好食，仲叫埋通菜，都好食😋食完晚飯，返到屋企先發覺電話唔見左，好擔心🥺用find my iPhone發現電話location係德福廣場，醒起電話應該漏左係餐廳🧐即刻打返去餐廳但冇人聽，個時已經過左10:45pm，餐廳冇人聽都正常。成晚都好擔心，知道餐廳11am開，10:15am打電話去餐廳，職員話等經理11am返到先知。我11am前去到餐廳，即刻同職員講，咁岩經理返黎，用電話打返去我電話，證實到電話係我就拎得返😭聽職員講，餐廳收9:30pm，經理尋晚等到10:30pm，諗住等到我返去拎電話，但我太遲先發現😢感謝餐廳職員幫我keep住部電話🙏🏻

未食過尼間！見佢有個下午茶餐～雞絲湯河+各式飲品（椰青除外）（$48）～雞絲湯河分量都算正常！個湯底都幾有雞湯味有幾條菜而我叫咗杯柑桔特飲酸酸哋加埋裡面有粒話梅！味道好夾

今個下午突然之間好想食海南雞飯，網上搜尋一下沿途就近方便的位置，不消5分鐘便決定來此，無他老牌商場配套好而且附近可以吃完買一點餸才回家。。。一如以往大約11時多我便已就坐，所以堂食方面沒有三、兩個客人除下口罩感覺輕鬆，主角早早已決定所以不作它選快快手落單，落單以後大約10分鐘左右先上場是跟上餐飲加上Hk$10.拉茶，味道對板要上少甜感覺剛剛好符合個人味道～隨即而來便是海南雞套餐飯，附上（油飯）一碗加上冬瓜清雞湯，以及調味醬（黑醬油/辣醬與及姜蓉）海南雞做得好出色，每一件雞嘅肉質都非常柔嫩,起骨工夫做得好好，（連雞翼位都幫你細心地起骨呢一點未必間間可以做得到），至於油飯方面 ，明亮而有光澤，而且顏色方面較為深，至於冬瓜清雞湯自己就覺得太為清淡，硬要說出味道來深信冬瓜味道搶走了不少清雞湯風味～至於三款醬油沒有太大驚喜都是一般水準～☆整體來說我覺得得分相當高,重點係雞肉每一件都十分之滑，如果硬要將某比併如Chaxxxxrbxx Cxxx相信也不及今個出品,不過亦有些少缺點就是個人覺得飯可較為鬆手一點比多少少，會更為滿足^.^此店沒有加一服務對於此點分數再加一點。☆『此乃當日個人之評論』

趁冇人排隊，兩個人立即入座✌🏻第一次到訪叫了一個加央多士，加央香，鮮油厚了點！小食拼盤：有雞翼尖、扎肉、豬手雞翼尖肥大但冇任何味道，扎肉味淡，豬手炆得好淋，但確實有點肥膩呢。鳳尾蝦春卷就真係一冇是處，蝦，是甜蝦，細隻，面槳厚而不脆。不推介！檳城蝦麵，這個算做得最好，蝦湯味濃，真材實料，有蝦，蛋，五花腩，不過，五花腩太肥又硬而且都係冇味的！另，南洋㗎啡味香濃，不錯！拉茶也是香滑。或者我叫的食物不是這店的主打菜吧？！

見到間餐廳寫”尋覓99分海南雞飯，咁就吸引左我地試入去...海南雞飯$88:雞份量都幾多，雞肉唔嚡，雞有雞味，雞湯同飯還好，但99分呢真係要尋覓下😛另外試左個豬手飯$75豬手幾入味，皮又淋又滑，但肉呢...就嚡左啲。啲汁送飯一流😬仲叫左杯南洋咖啡，幾好味，味道濃，甜甜地，易入口。呢度價錢唔算好貴，味道都唔錯，有機會再黎試埋其他野😁

在德福睇戲，睇戲前先同朋友食晚飯，隨意的在德福覓食，被這句"尋覓99分海南雞飯"吸了來試試。後來才知這家亞參雞飯是太興集團旗下的餐廳，單講燒味方面而言，自己曾經有段時間都喜歡吃太興的叉燒。由於我想食咖央多士 ($22)，而朋友想食炸魚餅 ($28)，我倆決定share一份海南雞飯，再額外$20點多一碗雞香飯！點小食可享追加優惠價，$38可選兩款～～～亞參去骨海南雞飯，配雞香飯及清雞湯，一set $88。根據餐牌上上介紹，是選用三黃雞去做這道無骨海南雞飯，海南雞反覆浸煮至僅熟。雞件份量較想像中少，雞件皮爽滑肉又嫩，微微的雞香味，味道不錯！但三款醬料中，只得辣醬的味道較為合口味。雞香飯的飯粒分香而不油膩，還滲出淡淡的香茅及斑蘭味，幾喜歡這個飯的味道！清雞湯的味道清而不淡，味道恰好。特色秘製炸魚餅，魚餅的質感幾彈牙，不會太油膩，滲出陣陣香葉味。馬來斑蘭咖央多士，多士搽滿了咖央醬，中間還夾著鮮油，好邪惡！！多士香脆，甜甜的咖央醬中，夾著鮮油香，味道甜而不膩，幾好食～～總結來說，食物的水準都算不錯，如海南雞的份量多些會更好～～

係九龍灣食野, 好多時都會就方便係德福食, 呢排開左間新野, 叫新過下啦,今年開既,食海南雞飯做主打。 今次2個人都食叫左海南雞飯,都係叫左杯凍咖啡, 另外55蚊優惠價揀左3個小食。海南雞飯, 連碗湯, 湯係熱既, 飯就暖暖地啦, 有味既,可惜就係飯既份量比較少, 雞就反而係合理既。無骨雞岩晒我, 如果指定要脾就加10蚊。我幾鍾意呢款口味既咖啡點左加央多士, 呢個好一般, 加左牛油, 但比較孤寒, 得一小片分4舊包,同埋無加央味呢個炸蝦卷, 成卷油, 食唔到蝦,淨係食到包住蝦個皮。又油魚餅, 又係油參晒入去, 好多香草味小食下次唔會要叫, 雞飯都會食既,但唔可以肚餓黎食

在德福行完街，想買外賣。在亞參門口看着電子餐牌，等着轉下一幅餐牌😂店員見到，隨即遞來餐牌，還介紹可打電話嚟落定單，之後一嚟到就可以攞得。如果要等都係等十令分鐘，態度好友善。我哋買咗新加坡喇沙米線和馬來咖喱雞撈麵外賣。外賣一點都唔馬虎，用兩層外賣盒將湯和米線分開，咖喱雞撈麵也一樣，將餸和麵隔開，回到家不用浸到淋晒。而且每樣餸都擺得好整齊，喇沙味道還可以，本人略嫌椰漿不夠香。家人個咖喱雞撈麵就越食越辣，也嫌咖喱味不夠。

排左一陣，都好快叫左個海南雞飯、蝦春卷、咖央多士、拉茶試下呢個99分海南雞飯有咩特別雞：正常無特別飯：幾好食喎，煙煙unun咁湯：幾好飲蝦春卷，好脆，雖然佢得一隻蝦，但係佢釀左啲蝦膠係內壁唔錯咖央多士，食第一舊既時候，好食再食第二舊，好漏襯熱好飲，凍左就嘛嘛地總括黎講 海南雞飯除左隻雞無咩特別外，飯湯係Ok，而佢係咪值99分呢，我又覺得未到

從小就對雞飯特別喜愛，那時還不知道有海南雞飯的名字。那時這道菜在親友的家通常都是在大日子或招待客人時才會出現。到長大了才注意到，原來許多雞飯店都沿用海南雞飯做招牌！吃雞飯時，雞之外，湯、飯、醬料都是缺一不可。最怕是去到雞飯店只是有雞飯，無湯水和無醬料。今年最期待的雞飯是人氣雞飯店亞參雞飯進駐香港！皇牌推介「亞參去骨海南雞飯」秉承傳統海南雞飯的精髓，上菜時雖然是套餐但絕不馬虎，份量以女士胃口來說算多。店家更費盡心思讓濃郁雞味發揮到淋漓盡致，雞肉以濃濃雞汁配以輕醬油襯底，雞肉做到齒頰留香、濃而不膩！餐牌上標明嚴選雞味特重和飼養期只有120日內肉質嫩滑的三黃雞，雞隻剛好熟透，均匀入味，雞肉入口軟滑又肉汁豐腴。香氣四溢的油飯也一絲不苟，香味濃郁，濃濃雞湯煨煮粒粒分明、煙韌軟糯盡吸雞湯精華；另外一碗小小的雞湯，無添加額外調味，單以湯論已經贏盡全港，調合出不同層次的清新味道。上碟的海南雞份量十足、口感嫩滑，雞香飯軟硬適中，雞湯清香撲鼻！另外亦下單小食拼盤，除豬手肉非常美味其他都乏善可陳。建議有機會可試豬手飯及叻沙。

星期日去德福行街，經過呢間店舖，外邊排隊非常多人，所以決定一是究竟有幾好味。叫了一碟海南雞飯，味道唔錯，幾好食好香，海南雞完全冇骨，啖啖肉，但係肥膏太多。可能因為咁樣，所以特別香。另外叫了一個豬手飯，味道我自己不太喜歡。另外追加兩個小食，38蚊2樣，揀咗蝦春卷（4小條）同埋加央多士。個春卷新鮮炸起，熱辣辣，脆卜卜，唔錯。加央多士非常美味，脆脆的，中間有一整塊牛油， 十分邪惡， 但十分好味。美中不足，食完之後非常口渴。

今次試下九龍灣德福廣場一期的亞參雞飯， 門口排長龍， 我大約等了十五分鐘才進去， 店內環境光猛但坐位比較狹窄。晚餐有海南雞飯跟清雞湯$88、 巴東牛肉飯$75、 追加小食兩款$38（ 香烤豬肉串＆亞參雞翼尖）、 馬來拉茶$10。海南雞飯跟清雞湯～ 等了很久才到的海南雞飯， 海南雞皮滑肉嫩， 雞油飯粒粒晶瑩通透， 最正就是清雞湯，清甜又香的味道。亞參雞翼尖～ 原先想點咖央多士， 可惜已經賣完了， 所以就試下雞翼尖， 味道偏淡， 口感都算滑溜。巴東牛肉飯～ 巴東牛肉微辣又惹味， 伴菜有青瓜粒、蕃茄粒和魚乾仔， 送飯一流。香烤豬肉串～ 豬肉串啖啖肉， 味道唔錯。馬來拉茶～ 香濃奶茶味， 口感滑溜，值得一試。整體來說亞參雞飯食物質素唔錯， 下次希望可以食到咖央多士。

Emmm.. 海南雞飯88蚊呢個價位係抗疫時期都企得幾硬下。如果88蚊性價比黎講，個飯有啲貴。雖然餐廳有少少南洋風裝修。餐廳除左海南雞飯外都有啲喇沙嘅選擇，但叫完海南雞會即上（因為可以整定），但見隔離枱海南雞飯食完喇沙都未到就有啲老尷。好！海南雞飯！驚起嘅係個冬瓜雞汁湯飲落去係熱到辣口嘅雞就去骨三黄雞，油脂充足（減肥中既朋友就去皮叫白飯唔好點汁啊），雞肉唔會鞋同唔乾，正常發揮。我就比較好奇佢海南雞飯醬係咩環境，薑蓉溝左啲沙薑；辣汁有食辣生蝦感覺；豉油醬我不嬲麻麻，只食到甜味，無咩點過～到個雞油飯，其實有啲失望，一黎唔夠熱又鬆散，可以我孤陋寡聞，佢夠水份嘅，唔爛嘅，但如果可以團結到少少就好了～（定南洋啲米都係咁，而我唔識）飯量黎講，男仔就未必夠喉，所以⋯我忍唔住叫左小食。本身都只係想叫咖央多士，22蚊。 但做緊優惠，38蚊兩款小食，好喇，叫埋個豬肉串。咖央多士 邪惡嘅選擇個多士夠脆嘅，如果有啲熱力就好嚕🥺🥺🥺牛油就好細塊置中，所以切完見到啲又見唔到啲，咖央醬正常發揮。下午茶可以點呢個！豬肉串（感覺似油炸的）偏甜，點沙茶醬更油更漏⋯好彩有青瓜清爽一下。完。

真心好難食，碟海南雞下面全部血水，成碟水注汪，雞完全無味，絕對唔會再食，價錢連埋飲品都$100，如碟碟都係血水雞，要好好改善一下，小食同炒菜都好一般，無咩特別😩😩