亞參雞飯 (The LOHAS康城)

營業中

休息中

来康城看朋友，朋友介紹食亚參雞飯，不錯好食。铺頭细细间，但見他們生意好好要排队。排到我們可以坐卡位。叫佐1隻雞，同马拉盏通菜。真係不錯，间鋪的姐姐好勤力。服務好好。有求必應

喺樓下搵食，決定清清地食無骨海南雞，雞肉嫩滑，不過調味可以再重手啲另外嗌咗一個咖喱雞撈麵，加埋微辣嘅魚香醬，即刻香味十足，咖喱雞同薯仔嘅份量都唔少，而且咖喱味香濃

今晚原本想食日本嘢，因為太多人，似乎要等好耐。所以改變計劃，轉咗去食海南雞。呢間海南雞飯，配有雞湯，油飯，非常正宗。我個碟有雞胸同小小雞髀，好彩佢啲雞胸都好有味，唔會覺得淡。我個女就好鍾意食海南雞飯，人仔細細就食到半份。我哋仲嗌咗佢嘅多士，同埋串燒。呢兩樣都好好食，係有啲熱氣啫。我哋都有嗌佢嘅特飲，嗌咗青檸梳打，不過唔覺得味道就一般，下次都係飲返佢嘅咖啡好啲啦。

Lunch都好多人排隊，之前食過這裡的海南雞飯，但覺得冇咩特別，啲雞又唔係好滑，所以今次叫左個亞參豬手飯+薏米水。豬手很軟熟，調味非常入味，味道濃郁。不過當我食得越多時，開始感覺有些膩口，可能是因為豬皮的部分肥，或者是其中含有過多的骨膠原。旁邊的配菜不好吃。價錢黎講係少貴，但康城黎講算正常價錢。

平時呢一間—亞參雞飯 就係主打食海南雞飯。但其實佢仲有其他主食係唔錯😝馬來西亞咖喱牛腩撈麵其實我好多時食依一間都會叫呢個馬來西亞咖喱牛腩撈麵。首先個麵底，佢係偏向淋身同似油麵，但佢作為撈麵又好好咁掛到個咖喱汁係麵上面👍🏻但唔中意食淋麵既人可能就要同餐廳講聲喇。而手腩佢一係咬就分開到，唔會靭，有濃既手味，份量多，每一件都大舊，幾抵食😝另外配菜係入面就有薯仔同秋葵😋薯仔真係太大舊，唔係細切，咬入去唔係好有味。但秋葵就真係煮得岩岩好👍🏻外跪，爽，入面就保留番佢個汁，加埋少少咖喱就好好食👍🏻

去康城拎貨，順便食咗個新加坡嘅lunch！海南雞飯雞有好多件，佢餐牌寫住用咗三黃雞，首先望落去食水好靚，食落去味道比一般雞係特別重雞油味，雞嘅油脂好香口，雞嘅肉質好豐嫩，同埋雞肉好滑身，唔使點醬汁都好夠味。再加上雞油飯好惹味，雞湯都好香濃，成個set都好抵食。喇沙米線喇沙湯底超級香，湯底飲落味道好豐富，花生味好濃，所以成個湯都唔算好稀，反而仲食到佢嘅花生味。配料就有蝦、魚片、雞蛋、豆卜、同埋菜。豆卜同菜索咗湯特別好食。

康城呢間亞參基本上每個星期都會幫襯一次，有長者咭外賣仲有八五折，最鍾意食佢嘅豬手，非常軟糯入味，仲有斑斕吐司和椰香吐司，每次點套餐都會加兩份小食，鬆脆的吐司配小小冰的牛油，諗起都流口水😋另外檳城蝦麵真係好香，送到黎就忍不住即刻吃，今日仲試埋佢哋嘅奶茶同埋斑斕咖啡，斑斕咖啡有幾特別。呢間午餐同晚餐時間通常都要排隊，但好彩上枱好快，唔使等好耐，職員又好友善好傾，服務👍不錯。

我其實對新加坡的海南雞飯情有獨鍾。由於公眾假期的關係，我和媽咪一同去了亞森雞🐔享用下午茶☕️☕️我們到達時已是下午2點，卻意外地看到很多人在等位。坐下後，我們開始點餐。我點了他們的經典「海南雞飯」，媽咪則點了下午茶的「斑斕咖央多士」。今天的海南雞飯肉質肥美又鮮甜，一如既往地保持水準。相比之下，咖央多士真的做得非常出色，尤其是多士再加上鮮牛油和芥央，味道非常美味😋我見好多人都有點這個下午茶☕️餐，相較於其他店家的咖央多士，阿森雞的表現更加出色，值得推薦！值得一讚的是，他們的服務員經常非常殷勤和熱情地招待客人。總之，阿森雞的水準保持得很好，服務也讓人愉快！海南雞飯 $91斑蘭咖央多士* $48Malaysian Pandan Kaya Toast*可免費選配現蘭咖啡、轉凍飲加$3亞參雞飯 (The LOHAS康城)地址: 將軍澳康城路1號The LOHAS康城4樓428號舖

亞參雞飯的下午茶套餐平日下午兩點就開始。康城這間通常都冇乜人排隊，可以直接入去。今次點了輕盈馬來咖喱豬扒配白飯（$46），雖然餐牌上有隻辣椒仔，但唔會太辣，小辣更惹味。另外，雖然寫是「輕盈」，但份量都好足夠。除了豬扒，裏面亦有薯仔和秋葵，令食材更豐富。餐廳全日免收+1 ，下午茶套餐，還會跟一杯熱飲，今次點了馬拉咖啡，口感順滑又香濃。整體而言，餐廳下午茶性價比高，而且上菜速度快， 6分鐘，熱辣辣嘅飯就放在你面前。

朋友約左我入康城食飯諗返起上次食亞參個體驗都幾好就提議再食多次🤣侍應姐姐服務態度同上次一樣咁好帶完我地坐低就推薦我地試下新出嘅限量明爐魚同炒花甲落完單見我地叫咁多野食仲好貼心咁問我地條魚洗吾洗叫起後上 抵讚🫶🏻傾左陣計份涼拌雜菜就到左了雜菜係偏甜嘅酸辣口味有少少泡菜feel好開胃 但食多幾啖啲辣味就開始湧出黎🔥食吾到辣嘅要自行斟酌🫢海南雞同豬手就嗌左大份同上次一樣保持到水準雞爽滑嫩口 豬手一樣咁入味👍🏻然後就到黑胡椒炒花甲 佢餐牌個名叫炒啦啦 幾得意下🤣上菜嘅時候會跟埋骨碟 黑胡椒夠惹味得黎又吾會搶到花甲原本嘅味道 個汁攞黎餸飯一流🤤雖然食落有一兩隻有沙 但都係推薦嘅🤭當時帶位個侍應姐姐見到我地食得差吾多就問我地個明爐魚要少少時間整 要吾要叫起左先 咁細心得吾得架🫣上菜前行過見到我地啲骨碟有蜆殻仲換過新嘅比我地 抵讚🫶🏻最後終於輪到明爐魚壓軸登場啦原來明爐係指下面就兩舊酒精膏燒緊🔥個火有keep到個餸係滾嘅建議等佢再煮多陣煮入味啲條魚就會再好食啲🤤蕃茄香茅做汁底上面有少少辣椒有舊細細粒食落好似茄子嘅野 後黎埋單嗰時問返原來係泰國茄子🤣酸酸甜甜幾好食 個汁又係餸飯一流雖然話係酸辣魚但fe

今天跟朋友行康城商場被店外的大電視吸引入內進餐環境乾淨企理今次點了涼拌雜菜個人覺得有點辣但味道是不錯的朋友推介一定要試黑胡椒炒蜆雖然辣但好惹味，啲汁撈飯食一流！食到辣辣地，咁岩侍應主動問我們需要加野飲嚒，加分！另外還點選了明爐魚，侍應隨魚有骨碟提供，非常細心！個魚酸酸咪咪的，讓夾雜了不同的香料，非常開胃！海南雞飯是必點的，雞肉大份又夠嫩滑豬手飯超級入味又夠林，仲有青瓜粒蕃茄粒脆魚仔on side，中和了豬手的油膩感埋單侍應溫馨提示可以下載小伙伴apps 可以減$20整體非常滿意，下次再試食其他菜式！期待

返工聽D師奶講亞參呢期有新野，之前食開都係海南雞飯，咁8點收工係康城就去睇下咩料啦，今次星期日去到竟然唔使排隊，真係有驚喜，個侍應o靚妹都算醒目，見我同個FD拎著咁多野，即刻推開塊隔板合張台俾我，抵讚一坐低個侍應即刻問試唔試明爐魚，得番最後一條，咁就試下啦其實我都唔知咩叫明爐，原來一上台會點火熱著條魚，又幾盞鬼，跟著個侍應就同我地講出左新野，有炒花甲，咁又試下啦，一上台個賣相同份量都見得下人，同埋個侍應識得俾埋骨碟我地裝殼，呢樣醒水，咁就開始試味啦，魚好夠味，同埋可能一直熱著啦，1D都唔腥，呢個合格，跟著到試個花甲，好夠味，不過有D辣，食唔到辣既朋友要諗諗，味道係唔錯既，但有樣野要挑剔就係有幾隻有沙，呢樣扣番少少分，咁食完諗著埋單果時，個侍應話下載個App可以有券減$20，咁又抵啵，咁就加番D分啦咁小食同野飲就唔講啦，之前已經Post過，今次就講著咁多先啦，下次再試埋個蝦

在康城亞參味道算係中上的餐廳。今次點左亞參海南雞飯 - $91雞肉的口感。海南雞飯的雞肉質保持了極佳的鮮嫩度。雞肉都散發出濃郁的雞香味，肉質鮮嫩多汁，令人回味無窮。肉質細緻，不會有任何的筋結，帶來了極佳的咀嚼體驗。而套餐配上的係香飯,  散發出濃郁的香氣。它們不僅有著煮熟的軟爛口感，而且還帶有一點點的黏性，飯粒更易於入口。加上配以三款秘製醬料好味。套餐可以加咖央多士, 同其他小食。咖央多士加牛油真係冇得頂。咖央又唔會太甜, 牛油睇落好似好厚其實岩岩好, 一D 都唔"流" 推介。

我們排隊等咗二十幾分鐘，排到了在空桌上又等咗十幾分鐘 服務員才說明我們當時排的那條隊並不是這一家的。但是她所指的那條隊有個指示牌寫著“外賣”，試問食客怎麼預知那條是排堂食的？自己指引沒做好怪在人家身上？而且我們入座時候已經沒人在排隊了，在我用粵語解釋過的情況下反復問我是否排隊了沒，對我的點單需求置若罔聞，這種服務質素差過M記。絕對不會再幫襯！招牌海南鸡饭肉很松散，也并不好吃，便宜是便宜，但是各方面体验很差

“尋覓99分海南雞飯"呢句係亞參雞飯的店舖口號～咁係唔係真係有99分呢？就見人見智😆但亞參嘅海南雞飯$91係香港嘅咁多間餐廳黎講，我認為係真係算中上，起碼每次食都仲保持到高水準。👍👍亞參雞係已去骨嘅，雞種選用特別濃味的「三黃雞」，以獨門秘法細意分多次反覆浸煮至僅熟❣️肉質軟滑又肉汁豐膜。雞飯就拌入炒香的班蘭葉、香茅🌿☘️再以濃濃雞湯煨煮粒粒分明，煙韌軟糯的金鳳米，完全吸收晒雞湯嘅精華😋配以三款👌秘製醬料💞加上一碗”無添加”的冬瓜清雞湯！係值高分數嘅🧡💛另外嗌咗個肉骨茶$86一字骨鮮甜美味，我覺得唔使點任何醬料都已好好味！而個湯頭係偏辛辣的，啱晒鍾意食辣嘅我。