亞參雞飯 (The LOHAS康城)

營業中

休息中

食物素質都可以，但員工服務態度太差黎過2次都叫喇沙+小食，2次都係黎一碗，另外1碗半個鐘先到，2碗半個鐘後黎都冇甘嬲，當你舉手想搵人，一係望到你走左去，一係長期係入面，一係話：你等陣啦，好忙有次想叫外賣，當時20:00左右，我問2位堂食，有個男員工竟然話：我地last order 左😑😑8點wo，跟住佢問Cashier 仲入唔入，Cashier話入，點知同我講有好多野都冇，你地擺明趕客姐，唔係因為呢野餐廳D野食Ok，真係唔幫襯，寧願外賣都唔想受氣😡

係廣場搵好野食，見門口排好幾個人等堂食，所以都抱住一試心態，同行叫海南雞飯，肉汁嫩滑再配上雞飯，口感不會太油膩，仲有埋冬瓜清雞湯，無得挑剔我就叫左喇沙米線，雖然我唔食得辣，但都頂得住，湯底都好重椰香味，而喇沙內既蝦都彈牙新鮮，魚蛋豆卜都吸哂湯裡面精華，而最欣賞既點係👉🏻差唔多食完個湯底依然好熱好保溫，整體我好滿意今餐有機會再到此店！推介推介

堂食咖吔多士等半個鐘！ 追兩次仲要重重籍口！跟住嚟份冰冷嘅牛油多士🤮 雪藏ga?! 雞絲湯河送上只見到湯！同廣告好大分別lor!斑蘭咖啡完全冇斑蘭味！只係一杯普通咖啡加一塊斑蘭葉做裝飾！唔會再去！極度失望！

放工後，最開心係放工同老公去正野😋依家未食過，第一次黎，知道popcorn嚟緊都會開返間，事緣今餐就知會有下一餐😜海南雞超正👍🏻👍🏻👍🏻黃油，油香好重，啲肉又夠嫩滑個油飯都好香，唔會太油膩諗住嗌多個餐，食撈麵，但佢賣晒😔好啦，好失望地嗌左三個小食豬肉串、牛油多士、蝦春卷😍😍😍😍😍😍竟然，估佢唔到咁好食😍😍😍😍😍豬肉串唔乾，好彈牙，點啲馬拉盞好野味😚蝦春卷油咗少少啦，但係都好脆👍🏻牛油多士更加唔使講，個醬超香！面包烤得好鬆脆😍最後用拉茶配埋個多士就Very good!😍😍😍

最近走咗入去新市區日出康城找好野食，今個下午便試一試呢間既下午茶精選手絲雞湯河，見佢個圖都幾吸引好似好抵食，不過見咗真身你就會發現都算係幾大出入，因為啲雞絲真係小咗啲😅，個雞湯係夠味既，河粉都好夠份量和真係好滑，反而重點雞絲就唔多滑有點「鞋」口......下午茶還包了杯飲品，當然就會試特色南洋咖啡，個杯幾精緻......但又係細杯咗點，心想這個價錢都算吧！應該會再幫襯的☺️還叫了份班蘭咖央多士，好濃味又鬆脆，因為要熱食一上枱沒影相就食了，值得一試😋

今日係復活節假期第一日，一行二人，到到康城商場涼冷氣， 出去抖抖氣，約下午6點已經肚餓， 最後選了亞參海南雞飯店試試，之前係第2區已經想試，點了1) 招牌海南雞飯好有馬來西亞特色，雞湯好濃雞味，一啲都唔油，海南雞夠滑，油飯香口，配醬汁味道剛好，有水準2) 馬來咖哩豬扒飯少少辣，好有椰汁味，配埋薯仔，食得出keep到馬來特色，讚3) 凍柑桔特飲(跟飯另加$10)唔夠冰，但好有金桔味，下次要叫佢加冰4) 凍香茅薄荷特飲(跟飯另加$10)如果食完辣野，飲呢個薄荷香茅特飲又解辣，又解渴，又唔太甜，正，推介而家香港地竟然仲有連鎖餐廳冇加一， 真係難得，會再光顧!

我是海南雞飯迷見到新開張就去左試食食過將軍澳同又一城兩間唔知係心理作用定點覺得將軍澳呢一間係好食啲又一城嗰間雞皮超級肥好多皮都唔食得湯冇咁好飲但係將軍澳呢一間湯嘅味道好好料好足 有好多冬瓜同磨菇味道有啲似酒樓嘅冬瓜盅 好味既雞肉超級嫩滑 係雞胸肉都好嫩滑而雞油飯軟硬亦剛好🥲幾香有三款醬料可以揀 叫多左個炒通菜菜就正常發揮啦 都好食既整体係幾好既 會一去再去👍🏼👍🏼👍🏼👍🏼👍🏼👍🏼😌😌😌😌

知道康城開咗個新商場😳✨所以同朋友嚟行街🤤午飯就決定食我最鍾意嘅海南雞飯❣️呢度啲海南雞飯好高質😋好好味💯💯💯建議大家嚟康城行街就試吓啦🤤1.亞參去骨海南雞飯 $88 💯🤤❤️呢個飯係用咗雞味特濃嘅三黃雞👍🏻肉質非常之嫰滑👍🏻睇得出烹調方法用咗好多心思肉汁鮮嫩豐厚👍🏻🤤再點埋三種秘製醬料各有風味，而我最鍾意嘅就係點辣醬👍🏻呢個套餐仲會配埋一碗雞油飯同清雞湯🤤嗰雞油飯飯粒分明🤤雞湯味勁濃入邊仲有啲蘑菇同埋湯料🤤Feel到係勁新鮮😌😋😋😋成個飯都好好味😋令人難忘👍🏻終於尋覓到99分的海南雞飯❤️🤤2.香烤豬肉串🤤✨追加優惠✨好好味👍🏻必食記得要點埋佢配嘅辣醬😍呢個豬肉串外脆內軟😆好好味呀！配埋個薄荷特飲👍🏻

以咁嘅價錢，食物質素算唔錯。雞飯喇沙其實食得過。可惜啲員工嬸嬸講嘢倔無尾音，問多句就好似怪你阻住佢做嘢咁。幾好食都打節扣。試過兩次外賣兩次堂食，有lunch time有晚市都有同感。

1️⃣🧈鮮牛油🧈咖咉多士✝️，好味甜度適中😋；2️⃣🐔海南雞飯，🐔好嫩滑，油飯好香軟硬適中， 🐔湯香濃👍🏼🤤😋，3種汁醬都用心製作；3️⃣🐮巴東牛肉飯，香辣，不會死辣， 伴菜的炸魚仔都好香脆；4️⃣魚餅都好味喎；5️⃣蝦春卷就👌🏻。

周末食午餐 點了海南雞飯冬瓜草菇湯 都清 夠味海南雞 好多皮 又鞋口 麻麻地 但味道係不錯的個油飯 就好好味 唔會好油 軟硬適中 好易食晒成碗飯3個調味都無乜特別跟餐要了凍咖啡 唔會好淡 仲好濃味服務態度幾好

我因為聽朋友講, 亞參的海南雞飯好好食, 所以便去了.真的, 他們的海南雞飯好香, 好滑, 我好滿意. 我下次都想買隻雞返屋企做節, 和帶埋亞仔去食, 因為我個仔好鍾意食海南雞飯.回來後, 本來沒有打算寫食評, 但當我隨意看看在openrice的食評時, 卻發現有人覺得他們的服務態度不好.但這個我不太認同, 我覺得他們OK丫, 是踏踏實實在做野的人.尤其是高高瘦瘦短頭髮嗰個女仔, 我覺得她幾好, 好用心去聽人地的要求, 並且盡力去完成.

平日的一個星期四中午，第二次來位於將軍澳康城的亞參雞飯，為的就是再次品嘗他家的雞絲湯河。這次與家人來，所以多點了幾款菜式試試。熱辣辣的湯河送上桌面，迫不及待地就往嘴裡送，正啊！濃濃的雞湯～跟第一次一樣地讓人驚艷。爽滑的河粉伴著雞香味，不但一點都不油膩，而且鹹淡適中，雞肉嫩滑，確實是店裡必試之物👍🏻 另一款讓人印象深刻的是咖央多士，咖央的微甜與牛油的微鹹，夾在脆熱的多士中間，絕配！再看看家人點的海南雞飯，(圖中的雞油飯已吃了幾勺) 賣相相當不錯，無骨海南雞的分量一點都不吝嗇，家人邊吃邊對它的味道讚口不絕。不稍半刻，豬手就上桌了。哇，好大一盤～(吃到一半才記起拍照)，肉確實嫰，不過剛剛的河粉加雞湯已經滿足了我的大半的胃了，看來這分量，下次豬手可以點半份就夠了😂另外的幾款小食，不過不失，倒是可以說說它的環境，座位舒適，就是點了一份豬手，而且上菜快，桌子顯得有點小了。總的來說，這家亞參值得再來！

听讲康城有一間亞參雞飯，同同學一齐來試下。真係出乎意料嘅好味！雞好滑好嫩，雞味非常濃郁，又有油香！油飯好入味飯粒分明！湯絕對沒味精！依家好多出名嘅海南雞飯，除咗食到嫩滑之外，其實雞味真係食唔出，呢間餐廳做得唔錯，抵讚！仲有，啲姐姐服務都好好！雖然好多人排隊，但係佢哋都好熱情。總之呢間餐廳我啲都好鐘意！

叻沙湯底不錯,幾有新加坡食到的風味,海南雞飯無咩特登,唔算好食,重點係某個侍應阿姐服務態度很差,連基本禮貌都沒有, 黑口黑面粗聲粗氣,對話似係訓斥食客,似唔多想做咁,不知所謂,就算野食ok都無下次。完