亞參雞飯 (The LOHAS康城)

營業中

休息中

第一次食亞參雞飯 值回票價星期六與友人相約去康城晚飯時段見到呢間 咁啱又未試過 就打算一試帶位個短髮女侍應見到我哋買完嘢一抽二抽咁 特登安排角落卡位 細心加分🫶🏻店鋪採用自助落單 但頁面冇得揀嘢飲甜度於是落單後特別叫了侍應安排飲品少甜叫了兩份主食配五份小食小食上菜速度十分快👍🏻叫完隔咗陣就有熱辣辣嘅咖央多士到多士脆卜卜配上牛油同咖央 好食🤤之後小食都陸陸續續上菜值得嘉許嘅係 侍應見到我哋相機食先嘅時候 等我哋影完先上菜到枱上 冇任何唔耐煩🫶🏻炸物全部都熱辣辣 脆卜卜👍🏻另外個炸魚餅十分特別 辣辣地又帶啲香茅味 值得再試👍🏻主食方面叫了海南雞飯同豬手飯轉油飯嫩滑嘅海南雞搭配三款醬汁 最鐘意嘅係酸辣汁🤤豬手飯嘅豬手炆得十分入味 肉質軟滑 隔離搭配啲魚仔亦好香口絕對值得呢個價嘢飲方面叫了香茅薄荷特飲上菜時見到一大條香茅搭配一堆薄荷 真材實料友人叫了柑桔特飲 杯面跟了粒話梅 偏酸 很開胃🤣後來友人加點了個椰青亦不錯👍🏻買單臨走前 不小心跌了褲袋的現金 同一位短髮女侍應及時叫住了我 提我跌錢 工作認真 抵讚🫶🏻總括而言 未入去前俾個價錢嚇咗嚇 但用餐後覺得不論係食物質素定服務質素都值得呢個價錢會

呢間餐廳已經食過幾次，今次終於的起心肝為呢間餐廳寫個食評😛🍚亞參去骨海南雞飯 $91 🌕🌕🌕🌗🌑幾乎每次黎都會嗌海南雞飯🤣雞肉好嫩滑，冇雪藏味。雞油飯幾出色，好香雞油味，啲飯唔會太淋/硬，而且粒粒分明。最重要係食左幾次，都冇質素參差嘅情況出現。🍜新加坡喇沙米線 $85 🌕🌕🌕🌗🌑喇沙湯幾濃郁，而且米線都好索湯，啖啖都食到喇沙嘅香味😋碗麵仲有頗多配料，其中啲蝦都好唔錯，彈牙而且索湯😋雖然價錢比其他餐廳貴，但佢地唔收加一服務費，所以其實同其他計埋加一嘅餐廳差唔多價錢。不過唔知係咪因為冇收加一，所佢地嘅服務態度都唔太友善🤣而且店內燈光都做得唔係幾好，有啲地方好光，有啲就好暗。希望餐廳係呢幾方面會有改進啦～總括而言，呢間都係幾適合康城住客黎食嘅餐廳，一黎近，二黎質素都唔錯😆

2023.04.17 tea time好少tea time，咁啱呢日午餐食得唔夠飽，行過見到啲價錢幾抵喎，就入去試吓。好彩地有卡位，仲正🤭揀咗一個雞絲湯河，一個輕盈馬來咖哩豬扒飯，飲品我倆都揀咗馬來拉茶😁 個飯比起正餐叫細少少，不過茶餐嚟講就啱哂，味道正常。 個雞絲湯河就正常size，都幾大碗，好味呀😋 所以覺得茶餐都幾低食，平時叫杯拉茶都要廿幾啦，依家$46 食埋個飯仔，$58食碗雞絲湯河 😋👍🏼 至於馬來拉茶都幾香幾滑😌

聞說這店的海南雞飯還不錯所以特地慕名而來不過吃過以後就覺得只是還好雞肉其實感覺沒什麼味道但是肉質尚算嫩滑加埋醬料就比較好食油飯煮得算不錯, 多食亦不覺得膩不過肉骨茶就一般味道有點淡如果再濃味一點就更好但肉排份量算多的而小食類就點了蝦春卷,豬肉串及魚餅水準一般沒有太大驚喜總括而言,醫肚之選,還好

海南雞飯周圍都做，味道可以千差萬別，海南雞偏向食滑嫩的口感，雞皮要爽彈，不能太軟。亞參做的很不錯了，分量很足，配送的雞湯味道濃郁，不會像洗鍋水，三種醬料都擁有三種不同層次。肉骨茶屬於胡椒味偏重的，湯底很濃厚，溫度很高，很暖胃，豬肉排選擇的是精排，骨頭和肉的比例一比一，配上豆泡吸收部分湯汁，很有風味，味道不比在新加坡吃的差。當然，也不是什麼特別複雜的烹飪食物。剩下的小吃都還不錯，價錢和適中，下次會再吃。

日出康城商場雖然面積唔係好大 ，但係食肆嘅選擇都算多嘅，唔同國家嘅美食都有，除咗之前講嗰間日本菜之外，我比較多去嘅就係呢間可南雞店，呢一間可海南雞店 ，其實都係大集團旗下一個品牌 ，之前試過幾次堂食質素都有一定保證，今日因為晏咗去，九點先去到，佢已經過咗堂食嘅 last order，只能夠叫外賣，於是就叫左一個海南雞飯，同埋一個馬拉盞通菜，上去朋友屋企度食，海南雞飯套餐大概 100 元，有湯有飲品， 打開盒飯之後，賣相都保持水準，不過食落呢，可能因為用咗紙盒，堂食同外賣真係有啲距離 首先保持唔到嗰種熱辣辣溫度，油飯嘅油香幾亦都流失咗， 所以外賣就真係麻麻地啦，如果想食嘅話都係點樣大家堂食啦。

放假踩單車由調景嶺踩到日出康城.見到都差唔多六點.就上咗去食晚飯.星期日真係到到都好多人.見到哩間相對上小人.而且都幾出名好多分店.我同女朋友都未食過.所以就決定試下.等咗兩張枱就入得啦都幾快-海南雞（半隻）-新加坡喇沙米線-凍薏米水因為我哋唔算好肚餓.只係叫左一個米線.最想試吓都係佢哋去到出名嘅海南雞.所以直接叫咗半隻.海南雞唔係熱嘅.比較凍.都見到雞皮下面都有一層啫喱.估唔到個雞咁滑.雞皮都幾脆.食唔到雪藏味配埋個薑蓉同黑豉油好食😋我米線都幾多料.湯底都幾濃郁好香椰汁味整體都唔錯.份量都幾多夠我地2個食.薏米水唔會好甜幾好飲!總結：餐廳嘅座位唔多.而且張枱同凳都比較細.如果叫多啲嘢食一定唔夠位放.坐得都幾迫唔係幾舒服.但係嘢食都唔差.座低後自己用QR code落單都幾方便.等我一下就有.上菜都幾快.價錢適中.鍾意食海南雞嘅經過見到可以試吓！

Am fine with waiting especially during lunch time. I waited for 25mins for my chicken rice order and later found out another gal with chicken rice, got her order same time as me.(she came much later than me. Definitely not more than 5 mins wait for her). Am unlucky one in this case but would really appreciate if the waiting is fair for everyone!

雞飯店竟然冇雞飯賣。八點都未到得返咖喱豬扒撈麵賣。即係等於KFC冇炸雞賣，麥當勞冇巨無霸賣。咁你哋不如早啲打烊。唔好浪費想入嚟買外賣嘅人D時間。不如唔好叫亞參雞飯。改名叫白無雞飯會更加貼切。

第一晩冇堂食，放工後走去亞參雞飯買隻海南雞做晚餐先。去到舖頭大概7:15，已經有唔少人等緊外賣，問一問店員，好彩佢話海南雞只需要等10分鐘就有。落咗單，喺商場行咗一陣就有得拎，外賣海南雞比堂食平少少，一隻$220。一隻雞分咗兩個盒裝住，佢仲預咗四份醬料，疫情下都幾方便同衛生。食物質素同堂食一樣，隻雞好嫩滑，加埋啲醬料，好食呀。

今日第一次去亞參買下午茶，雞絲湯河套餐$48好鬼抵食，仲要包一杯飲品. 另外$55買咗三個小食🤤🥢雞絲河 ～ 湯底係雞湯好香好濃，河粉係幼身嘅好滑，雞絲同樣好滑😋🍹柑桔🍊特飲 ～ 少少甜少少酸，加埋柑桔好醒胃😚🍢香烤豬肉串 ～ 因為太好食啦, 所以叫咗兩份豬肉串, 豬肉串烤得好香口，豬肉仲好juicy 🥪馬來班蘭咖央多士 ～ 招牌多士❤️多士烘得好香脆，裡面搽咗班蘭醬同埋牛油🧈甜甜地仲有班蘭嘅香味😍，真心正

一行四人專登去食海南雞，叫咗一隻海南雞、馬拉盞通菜、三點小食（主茶加$55可以叫三款），包括炸蝦餅、鳳尾蝦春卷、斑斕咖央多士。飲品叫咗柑桔特飲、馬來拉茶、薏米水。海南雞味道唔錯，肉質好滑，三款醬汁都好食。馬拉盞通菜就正常發揮，三個小食熱辣辣，味道全部都唔錯，叫套餐或主菜加$50確實係抵食。飲品總括嚟講份量都算大杯，拉茶好滑，薏米水都唔錯，不過甜咗少少。

味道還可以，但肉骨茶分量越來越少，而家得兩嚿排骨。認真失敗！侍應全程黑面，全程能服務，但係會另收加一服務費。以前經過都要排隊，今日見到冇人排隊就入去試下，估唔到係因為食物質量下降問題，所以冇人排隊去食。

今日lunch走過黎試下，點知原來係一個服黎架😱一入到去d仕應好似唔想so你感，10叫9不應，叫到埋黎order, 唔會覆單，點完佢就走，完全唔想理你🙄🙄我叫左個馬來咖哩雞撈面！！嘩😱咩料呀@@汁唔多啦，雞極度殘啦，都唔知自己食緊咩😔😔咖哩味又唔濃，仲要lunch 既價位高，真係唔會再去第二次囉😅😅而咖央多士算係好味架啦！相比撈面黎講。。唔係試過，都唔知感差架！！睇食評都見到話d仕應態度差，果然🤐🤐一間餐廳再好食，如果d仕應感差，食客都唔會反轉頭

今日又係康城返工，商場開左之後，真係多咗好多選擇，不過開咗成年，今日都係第一次食呢間餐廳😅午餐時段，我同同事都一人點左一份麵食😋😋😋同事叫個份係咖喱雞撈麵，我都試咗啲，入邊有薯仔🥔，咖喱撈落個麵到麵ok,雞件都多，仲有啲花生碎添而我自己本身就叫咗個喇沙麵，相比較之下，我同同事都覺得喇沙麵比較好食😋碗野入面都好足料，喇沙湯濃郁😋😋😋😋😋我地點餐既時候，已經叫定左份咖央多士，烘到脆脆的！好味😋😋😋