亞婆豆腐花 (已結業)

此店並不是大埔亞婆豆腐花的分店因我已問了大埔店的老闆老闆話只此一間我覺得係好食既...自然會有客幫襯亞婆豆腐花係十幾二十年前只係流動車仔檔到而家入左舖...我屋企人都有幫襯如果咁樣被人同佢個名義...太不值

之前係openrice想搵下睇下有無呢間野, 因為新開食完好想寫下食評, 但搵吾到, 估吾到咁快已經update咗...勁呀...豆腐花 - $6有熱有凍, 我當然係要熱啦, 之前都聽過呢間野係大埔好出名, 估吾到會黎大圍開分店, 佢既豆腐花真係好好味, 好滑, 同埋佢用既碗好懷舊, 幾得意, 佢有黃糖同埋薑糖水, 吾錯吾錯, 唯一美中不足, 就係要企真度食, 無得坐...

唔知係唔係大埔個間既分店不過是同名的雖然我未食過大埔的亞婆豆腐花不過都聽過好多人都話掂不過呢間, 外賣成$7一碗, 真係貴左了 (以質素以論)食了個凍的, 不知是否係凍既關係無豆味的.....$7喎, 一d豆味都無, 究竟係咩黎架, 真係豆腐花嗎???其實真的很滑, 是真的, 但除左呢樣外, 都無咩特別了, 可能係特別在無豆味了都係比較like九龍城的公和, 義香 and 南丫島的建興亞婆豆腐花就係在這幾間食凍的, 都唔會無豆味架!~?但本身我自己都會咁諗的d人覺得好食 (南丫島的建興亞婆豆腐花 and 大埔的亞婆豆腐花), 係因為山長水遠咁去到, 特別係做完一輪體力勞動後食一碗, 就會覺得特別好食而已.

早幾日返屋企路上見到大埔亞婆豆腐花嚟咗大圍，猶疑咗一陣唔知係咪真係大埔嗰個亞婆，諗下大埔個招牌又係青底黃字，應該冇錯㗎嘞啩，六蚊碗，即刻試下佢，一羹入口，滑~，哈！仲唔係佢?!不過好似冇乜豆味啫...順便打包一個俾阿媽，佢不知幾歡喜，不過打包要加一蚊，七蚊碗抵就係唔抵，但係阿媽鍾意就多啲都無計。