亞婆豆腐花 (已結業)

經過大圍地鐵站，經常都會見到這家店大排長龍，今天可能由於時間倘早，還沒到下班時間，看到不用排隊，便走過去買來試試。它提供堂食也有提供外賣，由於我也想和家人分享，所以我也是去買外賣。它的價錢也不貴，它提供的東西也不多，是很傳統的提供有關豆類的東西飲料。最後我選擇了1) 花奶豆腐花；2) 芝麻豆腐花；3) 胚芽豆漿；4) 芝麻豆漿；回到家一試，果然好味道，終於了解為什麼經常大排長龍。下次有機會，要排隊也會再買來食和喝。

今日去大圍上堂，見有D口渴就去買左支豆漿。咁大個人都未飲過胚芽豆漿，就買左支黎試下，唔係太大支。豆漿飲落有豆味，口味偏甜，胚芽係另外加入豆漿，其實感覺唔係好夾，係滑嘅豆漿加左粗糙嘅口感，我個人唔太鍾意，淨豆漿應該會好飲D。擺一陣就會分開做2層，可以見到胚芽份量都唔少，飲果時要搖返勻先飲到胚芽。總結，胚芽豆漿試一次就夠。

由大埔開到大圍，食物質素一定有返咁上下。以往細細個食佢豆腐花，飲佢豆漿到大，豆腐花豆味十足又滑，豆漿就甜味剛好又香黃豆味。今日踩完單車見到大圍分店，決定要會一會久違了的味道。叫左芝麻豆腐花同芝麻豆漿，原來芝麻版本是即席加入芝麻粉。豆腐花一樣香滑，豆味亦好足夠，見佢鋪裡面用加拿大黃豆，有信心唔係大陸豆，分都加高兩分。芝麻方面有粒粒口感，個人覺得如果變成芝麻糊加入會更理想，保留滑滑質感。豆漿一飲就知正野，唔係平時超市麵店既普通貨，如果岩岩踩完單車飲兩支都應該無問題，如果有少糖選擇就一流了，同豆腐花一樣，加入芝麻後有少少芝麻粒質感。另外買左個腐乳拎返屋企食粥食飯都得，應該會好正。

宵夜肚宵一定係去大圍站對岀買野醫肚。有時想食健康啲，就買碗豆腐花，冬天暖胃一流。豆腐花有冷熱，堂食11，外賣12。不過到夜左就冇得用堂食碗。豆腐花做得好滑，入口即化。而且有得揀落糖漿定紅糖，仲可以要求自己落，控制甜度，岩晒想健康怕甜既人。

經過大圍站，一定會到對面馬路食超抵食豆腐花。大力推介花奶豆腐花，最好味必定係堂食熱食。瓷碗端上的豆花豆味濃郁，配上花奶、黃糖味道好襯，冬天食返碗暖粒粒。凍食反而味道無咁出。

步入秋季, 一碗温熱既豆腐花確係好好既掃街之選, 今次去大圍食晚餐, 順便可以去掃下街, 見到好多人食豆腐花, 搞到我都想整返碗~ 呢到豆腐花有普通口味, 仲有兩種特別味, 就係芝麻味同埋花奶味, 我就每款點左碗黎試。 芝麻味豆腐花唔係第一次食, 但次次都其實係豆腐花加左芝麻糊, 呢到原來係加左芝麻粉呢!!! 又另一種食法, 雖然粉既量唔太多, 但都好香濃芝麻味, 比起加芝麻糊無咁甜但口感更豐富, 另一好處就係可以同時加埋黃糖~~~ 因為芝麻糊既話無理由再加糖, 呢款就可以喇yeah! 花奶豆腐花顧名思義就係豆腐花加左花奶XD 花奶味道唔算突出, 但就可以再增加豆腐花個滑溜感, 照樣係可以加糖食, 都無cover左個花奶既質感。 每次食豆腐花都會想試埋豆漿, 所以試埋胚芽豆漿同埋芝麻豆漿, 原來係會即刻整, 將新鮮豆漿即溝芝麻粉而成, 兩枝相比下芝麻味會香D, 但無豆腐花咁濃香。

今日去大圍站，去左一間豆腐花專門店，雖然舖頭就在港鐵站對面，但一啲都唔起眼，只有一個簡單既綠色招牌，唔講都唔覺得有呢間舖頭。而呢度無提供任何座位，如果選擇堂食只可以企喺門口食，都幾有風味， 而餐牌係用普通既白色A4紙過膠店在舖面，雖簡陋但勝在一目了然。店內也沒任何半點裝飾，只係攞放貨品為主，但黎呢度食係會食到一種另類既味道-人情味。經營小店既係一對年老既夫婦，非常友善，而且佢地做咗豆腐花多年，依然堅持做豆腐花，非常值得欣賞。豆腐花可堂食或外賣拎走，如堂食就會比個傳統通花碗門口享用，我就選擇左一碗堂食加一碗外賣拎走。呢度既豆腐花非常香滑，而且豆味夠香，難怪在門口食既期間有唔少人黎買。除左豆腐花外，豆漿都非常出名，我就選擇咗胚芽豆漿及黑芝麻豆漿，既健康又夠match,個人特別喜愛黑芝麻豆漿，除咗飲出豆味，更食到黑芝麻既香。店內還有自家製既腐乳，有辣同唔辣，有唔少人捧場，所以都買回家試了，確實不錯。走之同店長傾計，佢話舖租越來越貴，如果生意唔好呢啲有人情味既小店好快便會消聲匿跡了

Taipo silky tofu is so famous that everyone goes to Taipo for it.They now have a branch in taiwai.Nevertheless, beyond Kowloon Tong is like the unknown to me so I always get taipo an taiwai mixed up.It was late at night but the queue was still long.Had three different tofus, original, sesame and condensed milk.All had a lovely tofu flavour with a silky texture.My favourite was the condensed milk because the fragrant soyabean and condensed milk go well together.

我住大圍，系佢度買豆腐花都算方便，咪試吓。點知買3次，2次嘅態度都衰到貼地。第一次買果陣，男staff問要咩糖，我見佢咁問，咪問吓有咩糖，點知佢係咪有咩特別嘅糖姐。點知佢話：「一係黃糖，一係薑糖，一係糖水架啦。」我已經嚇親，佢係咪覺得世界上所有人都買過食過佢地嘅豆腐花，一定知道有咩糖？仲要整緊嘅過程中，佢都係勁不爽、勁躁底，咩事呀，我得罪咗佢？點解對住客嘅態度係咁樣？我隔咗好耐，大約有半年，先再去買，態度正常。但過幾日再去買，就係呢幾日，另一個女staff態度又係咁差。唔該好好檢討吓你地嘅態度啦，做生意唔係咁做架，豆腐花一碗成本唔係貴，比嘅錢部分係買你地嘅服務，其實都係裝一碗豆腐花姐，都可以令個客咁嬲，都幾威。

如果我係住大圍，一定會每一日都黎阿婆豆腐花度報到一次！位於大圍站下，連住幾間小食店既阿婆豆腐花唔難搵食過咁多間豆花，飲過咁多豆漿，呢度係數一數二比較優質既一間，芝麻豆腐花，熱辣辣既豆腐花，加埋海量既芝麻粉，味道絕對媲美芝麻糊加豆花咁香濃，豆花軟滑好重豆香味，而且加埋黃糖既口感，健康得黎又好味！ 花奶豆腐花雖然簡單只有黃糖同花奶，但係味道一啲都唔單調豐富既花奶混合埋半溶既黃糖，加一口滑滑既豆花，口感層次分明，阿婆既豆花的確比別的豆味更香更淳，難怪人客不斷！

拜左車公咁多年，每次一出大圍火車站都會去阿婆豆腐花度買返支 豆漿飲，豆味非常濃郁，而且唔會好甜，有凍，亦有熱，就算夏天既時候都有暖既供應，真係非常貼心又新鮮！價錢亦非常經濟，一支都只係12蚊！ 今日食多左一碗黑芝麻豆腐花，滿滿既芝麻粉，混合埋黃糖就最好味! 豆花細滑又唔會好易散晒，同時好有彈性，豆味加埋濃濃芝麻香，（芝麻好難炒得靚，因為好多時會有草青味，但阿婆無，反而做到好重既芝麻味）讚! 其實個人口味熱比較濃味啲，芝麻味突出啲！不過溫馨提示一下先，過左8點就無得堂食架喇！

大圍香滑豆腐花，成日經過大圍港鐵站出邊，都見到依間阿婆豆腐花大排長龍，就買咗返屋企試吓！芝麻豆腐花，一凍一熱，再加枝芝麻豆漿及杯芽豆漿，豆腐花非常滑溜，再加埋薑糖水感覺不太甜，正，另外豆漿，本人覺得非常香濃豆味，芝麻味濃郁，正，值得一試。杯芽味比較冇咁重口味及豆漿的豆味出眾。

天氣可以轉涼，心血來潮約了幾個朋友去大圍踩單車。租單車附近、港鐵站對面好多小食店、魚蛋燒賣什麼都有。做這高燒耗運動之前我地決定買點小吃打個底、買了一些煎釀三寶後見到這間阿婆豆腐花。買了三款豆腐花大家試下。傳統豆腐花$11 清清地但豆味幾濃。花奶豆腐花$13，店主落左唔少花奶，個人略嫌甜了些。最喜歡的是芝蔴豆腐花 $14 ，加了黑芝麻粉在豆花上、芝蔴跟豆味都特別香。堂食的顧客還可以根據個人喜好自己加糖水和黃糖。

今日帶媽媽去大圍食豆腐花!阿媽話大圍佢好熟喎!咁所以今日就帶阿媽黎行一行啦～～其實大圍好多野食，愈夜愈熱鬧!講到甜品又點少得呢間係正大圍馬鐵站，未出閘已經見到大大個綠色牌寫住阿婆豆腐花😂😂平時放工都見到有長龍，都好夜收。所以今日同媽媽食完晚飯就去買返碗食啦😂呢到除左豆腐花之外，都有豆漿，麵豉，南乳同腐乳賣！豆腐花仲有三個口味，包括原味$15，芝麻$15同花奶$14(外賣價)😝。想食凍又得熱又得!😋😋😋豆漿方面都有三種口味，包括原味$12支/$9杯，芝麻$15支同胚芽$15支🤤!!因為貪新鮮既我，想試下花奶味😂我阿媽話靚妹真係靚妹，花奶有咩特別😂結果呢!我地叫左二碗熱芝麻豆腐花加一碗花奶豆腐花😆😆另外加支芝麻豆腐外賣😊呢到外賣比企係到食貴一蚊，如果冬天企係到食就應該好正!!!家陣咁熱就唔好攪我啦😗 姐姐好好人，落左好多黃糖比我地🤤之後未落蓋之前都比我影相😗十分豐富!!!🤤🤤🤤返到屋企約半小時，豆腐花既黃糖已經溶曬🤤🤤花奶味好岩我!!!少少甜好香花奶香味!!!豆腐花好滑，我就覺得好match😋至於芝麻豆腐花好甘香，好多芝麻粒，好香好滑好好食!!下次宵夜消消地一定會再買!!!

以為己吃盡所有類別的豆腐花？ 非也，原來大圍地鐵站A出口對開，有一間若隱若現的一間《啊婆豆腐花》，所買的非一搬的豆漿花- 花奶豆腐花; 芝麻豆腐花 , 胚芽及芝麻豆漿。 注：8時後不設堂食有花奶豆腐花（堂食HKD 13; 外買HKD14) ; 豆腐花很結實，而花奶加上黃糖混入豆腐花，味道雙重豆奶，甜度適中，怕甜者也可食用。喜愛奶類的也不防一試！ 芝麻豆腐花 （堂食HKD14;外買HKD15)把芝麻粉加上豆腐花內混入黃糖內，好像每一口在食芝麻湖，但其實豆漿花，感覺很得意呢。