亞蝦 (已結業)

當現今社會租金高企只有連鎖店可以生存之時侯，找到一家有心機+好食+不行貨的食店乃是難上加難。阿蝦是一家只有五，六張枱的小店，食物質素高，菜單細但專注。值得給一個食評。已光顧了好幾次。平常我會點亞參𡃤沙。香港沒有很多地方可以食到。今次叫了紅蝦蝦麵，油麵同米粉雙拼，78蚊。好大碗，湯很濃。兩隻大蝦，鮮甜。有一個建議，紅蝦真材實料但蝦殼好硬，跟平時香港的海蝦不同，用筷子湯匙和牙咬也難應付。建議將蝦頭的「閃電」，觸鬚和蝦腳先剪掉。食用就容易多了。

住吉隆坡十二年（做馬拉飲食節目三年），食過無數蝦麵，從未食過呢間咁好味嘅蝦麵，蝦湯味香濃、大蝦煑得好滑、肉質彈牙、米粉麵係星馬獨有食法、油麵滑淋不油，'在馬拉食都冇咁正' ⋯⋯絕對值得讚

今日路過喺街口俾佢個粉紅色嘅招牌吸引左，見到係食蝦湯麵同喇沙，就二話不說行入去。蝦肉片米，個蝦湯非常濃郁，份量唔少，仲有啲菜，成個組合ok嘅，$58唔貴。喇沙湯米，睇得出同一般喇沙唔同樣啦？唔止唔同樣，仲唔同味... 食落係勁酸，完全係冬蔭功味，成碗都係好似湯渣咁。配菜都唔合心意，個肉丸勁霉勁難食，無端端落啲菠蘿一啲都唔match。啲米粉係咁嘅樣，質感比較有彈性，嚡過一般廣東米粉。我都唔敢講呢個煮法同埋食材係咪某個地區獨有嘅味道，只係香港人食唔慣？但另一樣令我好在意嘅係，星馬菜餐廳，播咩韓文歌？？？係咁播快歌完全係格格不入，食品質素同環境都有待改進。

我係一個唔食得辣但係酷愛喇沙嘅人。上個星期日，自己一個人在厚和街搵嘢食，喺沒有做功課情況之下決定試吓呢一間麵店。我叫左一個大碗喇沙，$68，正如其他食評所講，當佢上菜時，第一眼以為是上錯了冬陰公。不過佢上菜時講明喇沙，所以我唯有硬着頭皮試試。對於一個唔食得辣嘅人嚟講，每去一個陌生嘅地方食喇沙，就好似賭命一樣。幸好今次佢嘅好味程度勝過辣度，令我可以勉強完成整碗面。又正如其他食評所講，佢最失色係啲蝦，一啲蝦味都冇。不過令我最驚喜嘅，反而係佢個樣似冬陰公，與平時香港人食開嘅喇沙一啲關係都扯唔上嘅湯底。個湯底一食便知非池中物，好明顯係用好多蝦或者其他魚、海鮮煲成的，沒有太多味精，偏酸甜，如果我是食得辣嘅話我會大口大口喝。平時很少寫食評，但係見到open rice咁多中評，覺得要幫佢個湯底平反一下。只要你拋開以往對喇沙嘅認識，當佢係酸辣蝦湯底，可能你會接受佢多啲。今時今日好嘅湯底真係難求。我會再幫襯的。

原本帶著期待的心去試喜愛的喇沙,去到先看菜單,只有米粉,瀨粉,生麵,已經覺得奇怪無河粉,金邊粉,只好揀米粉,叫咗大赤蝦嚟到先試大蝦,但隻隻都係霉架,以為只係1，2霉,喇沙嚟到居然似冬蔭冬,仲有職員係店內揼野,街已經鑽緊,加上播緊音樂,嘈上加嘈,唯有食完快快走,唔會有下次

西環厚和街全街都係餐廳，特色係間間都唔係大，所以如果你要寬闊座位，就請去第二度啦。星加坡/馬來西亞食物，西環真係唔多選擇，難得有間蝦面店，梗要試下。星期日午飯時段可能要等1-2張枱，因為真係得約二十個座位，叫左個大蝦面同大蝦米，前者鹼水味偏重，湯底冇星馬果邊重味，應該較適合香港人食，我亦唔覺有味精有咩問題，飲杯檸檬梳打就冇事啦。一分錢 一分貨，又冇競爭對手，ok啦！

走在西環人生路不熟,又一次感謝港鐵帶領來訪這個小社區、店子位置有點闢， 幸好 早早做好準備來訪前做足功課 ，所以也很容易找到。。。店內面積不算大擺位設計也要用盡心思, 一張長長的梳化，軟軟熟熟的咕臣、 以給人舒舒服服的感覺~店內以車仔麵般形式剔選配麵種類, 再行配上湯底 , 除了麵食當然亦有海南雞飯 ,食物種類不算多 ,但給予人一種感覺（ 專注）！價錢上麵食由HK$ 50至HK$78不等當日我便選擇上米粉加油麵配以亞參魚湯底HK$68. 湯底以小見的沙甸魚作主幹, 味道鮮明而特別、較一般椰汁比例濃重的湯底 、另有一番風味， 餸料方面配以魚蛋魚片大蝦等， 魚片切得其大而厚身、 魚蛋易富彈牙， 唯一挑剔的可能是蝦肉較為（削身）、 看其色澤 以感覺上是雪藏， 幸好不致有雪味 、而且大廚亦細心挑出蝦腸、略為拉平分數~沒有再久留,西環對於我這個九龍人實在有太多貪食、還是向下一個目標進發。🤔🤔

好開心西環有一間食喇沙嘅餐廳。餐廳環境舒適，唔算好大，可以容納十幾人左右。由於我真係好想食喇沙，所以點咗細碗阿參海鮮喇沙湯配米粉。碗米粉上枱時的感覺很美，令人有急不及待想食既感覺。第一口會試嘅係個湯，湯暖暖的、很清、有點甜但帶點醬汁嘅酸味，反而感覺不到喇沙同海鮮味，碗米粉內有兩隻蝦、兩件豆卜、兩粒魚蛋、兩片魚片、芽菜、香料等，食到底時會見到沙甸魚碎。對一個愛好喇沙者而言，佢哋嘅湯底須要濃郁啲同辣啲。由於佢哋係試業期，依間店只係開至晚上六點，還有一樣事情要留意，有時同一時間會有幾個員工一字排企係門口度，令人感到有點抗拒，唔敢進入。

I've been here only once  but that's enough to determine that their prawn noodles comes close to the real  thing (a rarity in Hong Kong, believe me). The shrimp soup-base seemed less oily/rich than that other mainstay of Malaysian-Singaporean "mee", the Prawn Noodle Shop in Wanchai, and the chilli comes separately so you can tailor the spiciness  to your liking. Will update this post once I have a chance to try other dishes. Recommendation however: Hainanese chicken-rice loyalists should definit