亞里斯餐廳 (已結業)

一段時間沒有來亞里斯下午茶，以前最抵是因為凍飲不用加錢，所以夏天的假期最喜歡來吃下午茶或宵夜，但這2年已經沒有免費凍飲了，加上新開的食肆越來越多，所以也忘記了這間上樓餐廳😅下午茶餐選擇算多，有輕食也有飯麵以前常常吃雞脾薯條，沒有來一年，雞牌做法也不同了，怎麼賣相變得像KFC，不過大隻了很多，薯條份量也多了😍炸脾雖然大隻，不過內裡不入味，而且偏濕，味道確實不如從前，但勝在份量增多，打個和吧😂

星期日下午，等得我老婆大人起身已經無左半日假期了，又係下午茶當早午餐嘅時間。我地兩公婆都係食肉獸，同樣對雞脾情有獨鍾，所以好多時下午茶都係食雞脾。不過平時去開茶餐廳都可以選擇沙律或薯條，但呢度無得比你揀囉飲品方面，老婆大人一向愛飲茶走，而呢度竟然要加$5，但係轉紅豆冰都只係加$3咋喎，最後叫左杯熱奶茶同熱好立克算了。真係想問煉奶係咪真係咁貴呀！

今日黎食個下午茶，呢間餐廳d座位都幾舒適，環境唔錯叫左芝士魚柳腸仔意粉食，因為呢排唔想食中國野個芝士汁好香濃，配意粉都唔錯，但好似配撈公仔面正d哈哈，下次試下先！魚柳炸得好香脆，好味道，腸仔無咩特別。呢個下午茶set$33蚊，ok抵呀連野飲。

之前見個小學同學係咁推介，就來試下。點知原來個華仁仔，真係foolish .呢間上一層的餐廳環境殘殘地，裝修不太特別，食物也是麻麻，坐左半個鐘，玩下手機感覺不太舒服不太自在。瑞士汁牛河，色水唔夠深味道亦唔夠就濃，鑊氣都唔交，幼河炒得散，不夠乾身，，牛肉落過多鬆肉粉。口感麻麻。價錢又唔算好大地方又唔算好乾淨。試過一次就算數

這是一間西餐沒有情調，茶餐廳又不像茶餐廳的食店😅。它晚餐有西餐廳扒餐的質素，又有茶餐廳風味的小菜套餐。是次選擇了西餐。我們叫了紐西蘭牛柳拼焗蠔和肉眼扒。西湯選了羅宋湯，較咸都算有料，餐包夠熱。牛柳充滿肉汁，不太覺雪藏味，焗蠔有很鮮的蠔味，整體都可以的。另外的肉眼扒，份量十足，很香很有肉汁。這兩個餐分別是七十幾同六十三元，不需加一。所以絕對超值抵食。臨走前見到鄰枱的椒鹽鮮魷，嘩，又香又吸引，份量亦相當不錯。下次再來試試小菜先😋

一個人的晚餐，唷，收工原來已經七時半，行下行下，見到店門海報，幾吸引喎。現時西餐廳，買少見少，租金趕絕生存空間，柯打了鐵板炸蝦牛扒配沙律，七成熟，可以選飯，意粉，粟米餐湯，一句好似白汁，麵包幾好，牛扒肉質味道不錯，配菜又要讚賞下，炸蝦就認真普通，但諗下價錢，其實超值，環境清雅都算舒適。八十元

28/29 呢兩日都響呢度食, 疊埋一齊寫啦, 無謂開咁多欄呢間舖響二樓, 地下有塑膠食品模型, 門口外觀唔錯上到去, D設計都幾新潮, 有別於普通茶餐廳, 位多亦寬敬28號食左個午餐, 點半鐘無咁多人可以隨便坐因為沿樓梯上去果陣見到貼左幅咖哩既相就因為咁叫左個"馳名"咖哩牛腩飯, 加杯凍咖啡黎到既時候其實想笑, 不如大家望下張相, 似唔似係"煮"出黎既咖哩?羅宋湯: 普通餐湯, 隻杯仔就幾得意咖哩: 唔得, 齋睇樣都知唔得, 仲話馳名, 大快活個咖哩仲似樣過佢飯: 普通飯一舊, 普通size配菜: 青豆, 紅蘿白片, 又係齋睇樣都知廚師無乜心機整牛腩: 細, 碎, 有筋但無咬口, 差過麵店果d凍啡: 唉, 又係普通作品總共40蚊+229號今日去食下午茶, 雞脾煎蛋配蕃茄汁, 即磨咖啡雞脾: 拎黎既時候仲冒緊煙, 皮脆, size一般煎蛋: 幾細隻, 一啖就無乜得剩蕃茄汁: 普通野囉, 無特別之處飯: 明顯少過午餐, 下午茶餐價錢都唔要求得咁多即磨咖啡: 唔係話唔得既, 但同我平常飲開既有少少距離惠盛33蚊, 估唔到個下午茶餐好過尋日個午餐

放工返到長沙灣先知食自己，記得早兩日記起Alex's 嘅意粉味，把心一橫行去望下樓下餐牌，見都有幾款啱食就貢上去，呢間算係長沙灣唯一有樓上玻璃景嘅餐廳，係街坊都識呢間西餐廳，隔住大玻璃望住條街車唔算多其實都幾舒服。可能人唔算多，啲冷氣都幾凉，一個人坐梳化4人卡座，又有電視睇，都算幾恬靜，嘢食賣相唔錯，味道都可以，招呼都唔差，整體黎講可以再黎，試下海南雞呀，德國豬手呀小菜咁…經濟實惠。後話^_^;)其實每次黎感覺氣氛都係怪怪地，唔似專業西餐，唔係親切住家，又唔係口黑面黑，裝修清新時尚，但又配深色恤衫黑圍裙制服，睇住電視但又唔係熱鬧茶記，又唔係情調浪漫燈光柔和嘅扒房感覺~

茶餐廳最賺錢的，當然係飲品啦！香港人每天必需飲，而比例偏高，莫過於咖啡同奶茶啦！點解一間餐廳嘅奶茶可以咁難飲架！？仕應話用石榴紅茶冲架？？？？？！！！！！！連廣告都會賣～錫蘭紅茶可以冲奶茶，檸檬茶啦！講番下午茶價錢不貴！我叫咗石斑沙律魚柳炸得外脆同金黃色，沙律有蕃茄、青瓜片、紅蘿蔔、粟米、菠蘿、薯仔…份量幾多，沙律醬又多！味道唔錯！賣相吸引！仲有一個是拉差牛肉炒意粉～味道唔錯，只係辣既程度頗高！意粉質感都可以！賣相可以！肉片比較少！總括黎講：除了奶茶外！食物方面都可以的！不過不失！

今天去了此間不老實及難食的餐廳！9:00去到，居然給晚餐餐牌！下了單！再問侍應樓下的廣告板！她才不願意的給我圖上的餐牌！再問宵夜幾點鐘開始呢？因為原先並沒有看清楚宵夜的時間！他便吞吞吐吐的說九點多！具體的都說不知道！要再問問廚房！後來我看到餐牌上寫九時！侍應又說不會的！這樣實在顯出他們不老實！到我們兩人的牛扒餐到了！味道的難食！簡直低於外面的快餐店！牛肉沒有牛肉味！配菜有馬虎！一塊的肉眼牛扒！居然全部都是根！不明白這間餐廳何以維持！奉勸大家千萬不要像我們般做(老襯）😖唉！

幾年無去過的餐廳我覺得幾好，因為佢餐前會忌廉湯同麵包送上麵包係普通甜包，奉上牛油查，味道ok忌廉湯，又香又滑，帶有甜味，真係吾錯，只有少少咸味叫左碗咖哩焗雞扒飯，配奶茶佢沖既奶茶真係幾香幾滑，同奶茶鋪comebuy 差不多，其他餐廳好多都飲吾到呢隻味個飯，係用珍珠米，但個咖哩就辣左少，可能呢隻辣吾岩我，辣左啲，我要無咁辣的入口味道都吾錯，好食，除了辣之外可以見到咖哩汁好多，飯又多，女仔就可能食可能吾晒雞扒焗得幾好，口感吾乾，帶有油加埋啲飯送入口，係好食如果呢間鋪係我屋企附近，我都會幾中意去

晚飯時間，肚餓想試下新野，路過呢間alex's cafe。個門口係幾靚行入去要上一層，d沙發位幾舒服。。我叫左個卡坡娜燴飯，姐係用carbona sauce整既燴飯，埋相幾好，味道都其實幾好，起碼唔會淡到死無味/太咸，飯個咬口都幾好，個味我幾鍾意，材料都幾足。不過d待應就麻麻 ，成日趕住收走d餐具(都唔知做咩鬼，個餐包仲食緊又收個餐包碟，搞到我食餐包無碟，笑左，d湯仲有d又問收唔收得，好鬼煩，d待應轉數麻麻)，唔多專業。 平時入茶記d待應都要收野架，但唔會咁大壓迫感囉，行黎行去望幾時收得，好q煩，d待應似有病 價錢就，正常普通啦。整體黎講叫可以接受。不過d待應令個用餐扣唔少分

吉列豬扒配芝士汁撈丁，原本我都抱幾大期望，但係都係失望收場。芝士汁份量都幾少同埋唔係好夠芝士味，坦白講都幾淡，唔夠撈晒成個麵; 吉列豬扒炸得唔錯嘅，之不過塊豬扒無咩味，唔知係唔係醃味醃得唔夠時間; 幸好個火腿奄列尚算正常, 都幾滑，未至於無淡好食~~

人生中最難食既海南雞飯D飯超油 (正常?), 但係D飯係乾得黎有飯焦又似糊仔(應該係隔夜飯)。D菜好難食,加埋杯紅豆冰係得好少紅豆好多奶既...好難飲!碗忌廉湯有點不乾淨,我地4個都唔敢飲。而在旁邊見到佢地d水杯邊同個大底盤既底係痴住。。。。特登開個ACCOUNT黎COMMENT!

與3年前相比, 食物味道質數下跌, 跌到谷底 為什麼要破壞自己的招牌?薄牛扒以前都是用煎的 , 今天卻是用炸 還要用鬆肉粉鬆到失去了肉味 ...OK, 別人的我不說 ... 午餐點了份辣海鮮意粉 , 飲紅湯 (千萬不能稱它為羅宋湯)紅湯內有大量雜菜、紅蘿蔔, 理應好好飲 ... 可是喝了一口後便知道錯了, 味道只是一味的死酸加點點鹹味, 那隻酸味並非來自鮮蕃茄 辣海鮮意粉 ... 首先, 意粉是茶餐廳式肥意。 海鮮料完全是無味雪藏貨, 除了那隻有殼青口叫做大隻外, 其餘都是手指頭般大, 醃也不醃, 雪味也不除便拿來煮, 可惜用了辣汁也無補於事 昔日坐得舒舒服服, 彈下彈下感覺的綠色梳化已經傷痕累累, 要貼牛皮膠保護了