亞里斯餐廳 (已結業)

以前試過覺得佢地麻麻地, 今次收到佢地張傳單話10幾蚊可以食雞比沙律，咁咪同女友走去試下囉，隻雞脾幾好肉，咬落去都有肉汁必出黎，大大隻，幾抵食丫~~沙律就都係咁啦~~不過不失囉~飲品就叫左杯凍OT，叫左正常比左少甜我，我女友個杯少甜就甜到死，麻麻地，不過整體都ok既，仲有進步空間囉!!!

係長沙灣黎講，呢間餐廳既環境算係好唔錯，而且佢既下午茶好平，凍飲又唔駛加錢，所以我下午茶周不時都會去個度食。而食物方面我覺得唔錯，叫幾好食，lunch個牛扒飯好味，唔好似其他餐廳個d牛扒咁，一d牛肉味都冇。服務就真係麻麻，侍應生還可以，但係上食物既速度同次序就真係，可以等20分鐘上一碟三文治，之後再催杯凍飲，死未？但係係長沙灣以食物同環境黎講，呢間確係一間唔錯既餐廳，可以一去。

如果大家係要求有番咁上下服務水準可以唔需要行入呢間野因為真係服務真係超差可以用惡劣來形容一行7人去食LUNCH因為近+平所以試一試之前都食過幾次外賣見D野食都可以接受一坐低就知呢間野不可接受落ORDER好似要求佢地咁叫極唔應落完等左10MINS開始有野到佢就咁拎過來叫我地接唔係直接放係台面真係奇聞一般菜式肉醬意粉等等都可以接受絕對對得住個價錢每位都係$40有找收碟個陣跌左隻碟落我個FD到一句SORRY都冇好彩隻碟咩都冇如果隻碟有汁我真係想睇下佢地有咩反應總結:食呢間野叫外賣

其實已經俾左兩次機會呢間餐廳。第一次去個時，剛開左一星期，很明顯人手不晁，有點手忙亂都尚可接受.....食物還是可以的，但員工的服務態度好明顯差...第二次去...剛好是星期天，成間店都係人...全場得5個staff...叫左野食..黎個陣，問都唔問就好大力擺上你張台上，嚇你一跳先。之後再叫餐飲，過左成3個字都唔黎，叫佢埋黎又扮睇唔到，走出去追佢先拎黎，d冰都溶左一半啦叫埋單都唔埋黎，要拎張單出去，忙極都唔係咁。呢間野真係以後都唔駛去...把鬼

今日特登同bf去食, 但我地對食品&服務都好唔滿意!!!!食物:叫左蒜茸汁雞扒飯同日式豬軟骨飯+2杯檸茶1. 兩個飯都係凍o既, 應該一早放定o係個碟到2. 蒜茸汁雞扒好細塊, bf幾啖食完, 仲有個蒜茸汁唔知點解酸o既有茄汁味3. 日式豬軟骨一d都唔日式, 有d似罐頭五香肉丁冇左辣甘~~4. 檸檬皮係黑色o既..個檸檬好似冇洗過甘...服務:1. 一上到去係冇人理我兩個人, 可能佢地岩岩午市完忙啦, 呢個都可以接受到o既...但當有waiter1 見到我地o既時候, 佢 一路執野, 望都唔望我地, 手指指甘指左我地去另一張桌-> 如果係茶餐龐, 一d上左年紀o既waiter 我都冇野講o既, 但呢到係cafe + waiter1 都不過30, 所以一黎印象已經打左折扣2. 我伸手示意要點菜時, 個waiter2 竟然俾面色我睇!!!!"miu"一"miu"嘴!!!! ->bf 話佢果時係幫緊另一桌人埋單, 可能唔滿意多野做. 之但係甘, 佢多事做都無理由俾甘o既面色我睇!!!!!3. 上菜時, waiter2 唔係將我地個餐放o係我地張桌, 而係放o係隔離, 要我地

食完三個月後才來給食評.因為係屋企附近既餐廳所以都憑印象補評番.上次兩個人黎食晚,有abcde set揀.我就揀左牛扒餐+田螺.對方揀左海南雞飯.牛扒普通啦,都係花園餐廳好食好多.上田螺時,知道隻碟係好熱.但一食個螺肉,完全唔熱嫁.於是就立即叫waiter整熱先上過.咁佢都好快手咁拎番入去再整.再上時就夠熱喇.湯同麵包都合格但沒有深刻印象.至於個海南雞飯就麻麻.飯是油飯但不是太香.而雞的色澤又不是太好.但我都預了這西式cafe不會有充滿驚喜的海南雞飯.除了食物方面.環境算舒適闊落,很光猛有電視.響長沙灣有間cafe feel既食肆都幾fresh.不過當晚,發現一個男待應佢帶有狐味.來回我們的飯桌時就明顯感受得到.每當佢經過,我地都閉氣.其實有影響食慾.我相信佢既同事都會感受倒因為連我都覺就真係好明顯~大致上,環境服務都幾好.食物ok但仍有進步空間.唔記得左埋單幾錢.大約一百左右

約了朋友在附近玩，之後一起食午飯，朋友說這裡價錢平，食物都算幾好，所以便決定來試試。我們各有各叫了一個午餐，我自已就叫了咖喱魚柳、套餐包括餐包、餐湯和熱飲。餐包- 幾鬆軟、還叮熱了上，都算這樣了。餐湯- 要了忌廉湯，忌廉味很淡，但這樣平的餐湯，也不要起求什麼吧。咖喱魚柳- 咖喱汁、椰汁味唔會好濃，帶有微微的辣味、可惜唔夠香、薯仔又只得兩舊仔、都算幾少；魚柳炸過、粉漿都幾厚、魚肉沒有什麼味道，好彩炸得幾脆、加上咖喱汁，都算唔差。熱飲- 要了熱檸茶，不過不失啦。免收加一，價錢又唔貴，味道也不是太差，還想怎樣、算吧啦！

其實開張到現在，我只去過三次，三次水準都有不同……第一次，星期六的下午茶，下午茶時間勁多人，去到要等位唔緊要，但食物不熱是問題，只是暖暖的，但不要給我看到碟底的油……第二次，星期六的午餐，可能去得早，12點左右，食物水準都OK，不過不失。第三次，今日的午餐，我同我媽媽去，我媽媽看到午餐牌後面全都是介紹咖哩，所以ORDER咖哩牛腩飯，而我就XX牛俐飯。個咖哩牛腩飯呢……我媽以為自己牙力不夠，所以食得有點吃力，我多手想叉一塊，但叉不入，可想而知其硬度呢……好辛苦切開一小塊放入口，嘩，我不知自己是否在食橡根，又硬又靳又無味，個汁又不是十分惹味……相比之下個牛俐飯係比人食。話雖叫西餐廳，但我覺得是乾淨多點、門面好點的茶餐廳，如果無什麼特別，很難再去……

之前我來吃過下午茶，不算好好，但也叫合格吧！是晚因公事心情欠佳，大發雷霆，朋友都被我嚇倒。來到下面，帶位話怕上面沒有位，要call咪上去問清楚才准我們上去。但上去發現原來只得幾店客，空台仲多過客，即時火起。瞄一瞄餐牌，我要脆皮咸豬手晚餐，朋友則要咖喱豬扒飯餐。未幾，餐湯和餐包送上。湯屬普普通通，一般平價餐廳水平吧，起碼叫可以接受。一如以往，我是沒吃餐包的。主菜端上台，外觀還算可以，不過吃一口我的火又來了！先是豬手的皮不脆，是全淋的，那叫什麼脆皮豬手?更甚的是，豬手毫無味道，連基本的原味也沒有，真的佩服那廚師能做出這樣的一道菜。老實說，吃了幾啖已有反胃的感覺。自己那碟實在太差，禁不住要試試朋友的咖喱豬扒飯。他那碟比我的好，起碼是吃得入口，當然水準也不是高，絕不及大快活的咖喱系列。服務算殷勤，但不專業。畢竟這班妹妹仔都不是從正統的餐飲行業出身，呢點可以理解。但有點不能明白的是，難道自己發脾氣也會影響餐廳的運作水平?

我嗌左個咖哩煎雞飯...諗住佢話佢咖喱出名諗住試下啦...點知個curry好so..雖然未至於難食...但超奇怪囉...最怪係佢個煎雞居然係拎左兩舊白切雞去煎囉...咁既curry飯我都係第一次食...佢有幾塊炸面包係隔離仲嘔心..應該係用一d番炸既油去炸..變左怪味面包...仲垽到好似食油落肚咁..shit!!!!無可能再食落去囉...我個frd既雜手八亦都普通到爆...可能你話50蚊差唔多啦...但係我覺得佢塊咁既雞手八同朱手八..加埋十五蚊都俾多佢...個waiter亦係度唔知做咩...我杯水我坐低無幾耐就飲哂...但到走都無人幫我加過...只係記得waiter係我隔離唱stephy既歌囉..救命...雖然佢裝修得幾靚...但d電視機勁多雪花囉..好心熄左去啦...真係以后都唔想再去食..救命...

入到去可能last order啦，坐左係到都無人比水。之後有水叫人先有meau。好顯然間野新到d logistic有待改善。之後叫左個鰻魚拉麵，好快到，但係.......條魚係凍同有鯩，d麵太硬，d湯係丁丁麵d湯，是次加一都唔想比，希望下次會好d啦!

呢間野新開左吾夠一個月，午市、下午茶、晚餐時段都勁爆......明明我住對面，竟然今日先第一次食到...早餐勁抵，20蚊，有勁大塊吉列豬扒，一件薯餅，又可以再選腸仔/火腿/煙肉/炒蛋，之後仲有一份多士，仲有小小水果...加一杯野飲~我真系認為太抵喇!!!而且又好味，豬扒大大塊仲要無骨，可能我甘好彩啦~哈哈哈~

這間餐廳的裝潢不錯，食物質素與同區的某餐廳差不多，但價錢比那間便七元。我和同事去食午餐，包餐湯、餐包及飲品，只是28元，非常抵食。個人推介雞扒，很夠味，咖哩又很香。若要吃o剌沙，勸大家不要吃了，可能我要求太高，吃不到新加坡的風味，反而灣仔有一間吃新加坡菜的餐廳的o剌沙就，味道與加東非常相似。基本上，這間餐廳可以再去。