亞金南洋茶室 (新都城中心二期) (已結業)

同老婆&外母落樓下食飯，發現開左間亞金，再醒起原來我從未食過🤔⋯其實我內子好鍾意肉🦴茶，但今晚佢話好飽食唔落，所以只叫左✌🏻個🍜食。亞金係用📱scan QR落單，我直奔菜單一氣呵成點左4️⃣樣野，招牌叻沙，芽菜鮮🐮湯河，炸🦐餅同🦑通菜。落單後我又想試下佢地既南洋🥛茶，外母又想食炸🐔翼，咁加單啦～正當我準備再QR個陣，有個店員拎張🧾過黎，好nice咁同我講，原來招牌叻沙可以叫套餐，除左送油🥬同飲品，叫小食仲有優惠😵。之後我叫佢幫我執執張單，加埋杯奶🍵同雞翼。好快，佢就拎左張改好既🧾過黎，比之前貴左🖐🏻蚊雞，但多左3️⃣樣野，真係好神奇！🤣呢道啲服務好唔好就見仁見智，但呢個靚仔店員就真係好好人，唔怕麻煩幫我改🧾，幫我慳左幾十💰。請容許我係度大大聲嘉許呢位靚仔店員，俾個爆Like佢先！👍🏻👍🏻👍🏻👍🏻👍🏻

已經食過好多次，亦係我近排食午餐的飯堂， 今次帶埋屋企人一齊嚟試下， 星期日下午都唔算太多人， 午餐今次點輕易招牌喇沙滲滲$45、 香茅豬扒迷你喇沙滲滲$45、試鮮牛油咖央多士配迷你蕃茄米線$34、咖央多士$20、 凍咖啡$3、凍奶茶$3、 跟返熱南洋奶茶。 喇沙味香濃，滲滲是油麵加上米粉，一爽一腍的口感好豐富，吸了湯汁後跟香濃惹味，跟叻沙是絕配。 這裏的奶茶咖啡各有水準，鮮牛油咖央士味道更出色，用牛油混和咖央，濃郁而不膩。之前也食過幾次海南雞飯，味道都正！亞金是一間有水準的南洋茶室。

終於可以六人一台食飯，所以今晚同屋企人一齊落樓下新都城新開嘅餐廳食！亞金精選套餐 - 四人餐 $398古老仔肉骨茶 大滲（一字骨、豬肚、豬手、腩肉）：個人覺得肉骨茶味唔夠正宗，亦唔夠濃味，一般！不過啲肉都OK！阿甘小食拼盤（香茅雞翼、炸蝦餅、雞肉串燒、炸春卷）：鍾意食蝦餅！同埋個雞肉串啲沙嗲幾好食！招牌阿甘無骨海南雞（半隻）：海南雞好滑，不過覺得偏肥，同埋好多皮唔算啖啖肉！馬拉盞炒時蔬油飯4碗飲品4杯 ：南洋奶茶極品好飲！實無死馬來咖喱牛腩配油酥餅：咖喱好食，牛腩都好淋！

茶記，冰室喺新都城越開越多。假日下午去咗《亞金南洋茶室》， 嘆吓南洋風味下午茶先！雖然係下午茶時間，但係見到推介海南雞飯 又忍唔住唔食喎。。個油飯好甘香軟熟唔油膩， 無骨嘅海南雞啖啖肉 夠嫩仲好有雞味！叫咗杯芒果沙冰就麻麻地， 非常人做嘅甜味和芒果味， 而且係過份甜。輕怡招牌亞金海鮮喇沙喇沙湯底唔會好辣， 唔算太濃郁有淡淡嘅椰香。配料豐富蟹柳， 蝦， 魷魚， 豆腐卜，魚角和半隻烚蛋。必試佢嘅『鮮油伽央多士』厚薄適中， 咖央醬充滿椰香😋， 融合鮮牛油 ～邪惡又美味！

一年幾間新嘅冰室進駐將軍澳， 好不熱鬧。这間『亞金南洋茶室』則以南洋特色美食作賣點。新裝修夾雜港式茶餐廳和星加坡風貌， 卡位也有 膠板間隔著， 即使餐廳坐滿人感覺 也冇咁親密，放心食～手機scan qr code 下單， 方便簡單。『輕怡馬來特色蝦麵』 下午茶餐蝦麵嘅精髓就喺個蝦湯～ 呷一啖味道鮮甜，蝦味濃郁。 除咗蝦，仲有蟹柳，雞蛋和豆卜， 豐富美味， 油麵啱啱好唔會索曬啲湯～『輕怡招牌海鮮喇沙』下午茶餐南洋代表美食梗係要試， 湯底濃郁得來唔会死咸，有鮮味，入囗好重椰香， 唔辣唔嗆喉， 都算係幾溫和的喇沙～ 揀咗摻摻- 油麵拼米粉， 雙重口感， 經典嘅組合～ 看看餐牌註明原來辣度可以 自由選擇， 中辣大辣也可。這杯南洋奶茶， 如果冇輸入要小甜 ，注意係非常之甜～ 充滿濃郁煉奶， 係當地人嘅口味！芒果沙冰， 揀選"正常" 甜度， 感覺也非常重手，而且芒果 味道比較人做feel ～一直想試佢哋肉骨茶， 這款下午茶配米粉， 湯底 藥材味唔算好濃郁， 而且應該有嘅蒜味也並不突出。 有數條一字骨和豆腐卜 感覺也很豐富。『椰汁紅豆冰』紅豆軟熟香甜， 奶味比較重椰汁味欠奉。『玻璃魷魚通菜』水魷魚同

見到新開諗住幫襯點知就失望到呢…叫咗招牌亞金無骨海南雞飯，無骨海南雞配地道叻沙同蝦餅撈檬。海南雞飯雞唔滑好"一鞋"，飯冇味又硬，好似食隔夜冷飯咁。蝦餅撈檬一樣冇味，好似食清水煮過嘅一樣。明明叫無骨海南雞但嚟到係有骨，完全仲伏。店舖環口境唔舒服，感覺唔清潔。其實等咗半個鐘冇食物，問店員情況但店員態度極差，只係話煮緊等吓啦！

星期日訓醒同屋企人到附近新開的亞金南洋茶室，星期日都有下午茶餐餐廳門面不大，但餐廳內原來有很多座位，空間感足夠下午茶有輕怡份量，也有正常份量的選擇，也可以加小食無骨海南雞飯 - 下午茶價錢有正常份量很抵食，有湯和海南雞的必食醬料雞肉是無骨的，而且非常嫩滑，配上醬料吃十分惹味輕怡一字骨肉骨茶 - 雖然是輕怡份量，但也有一整煲上。有一字骨，雞腳，豆卜和油炸鬼主角肉骨茶是非常香濃的藥材味，一字骨肉質非要軟腍入味輕怡亞參叻沙 - 是輕怡份量，最岩是下午茶。有沙甸魚，豆卜，蟹棒和魚片最精髓是湯底，非常濃郁亦帶點微辣，令我吃不停口炸蝦餅 - 熱騰騰的，炸得白脆可口玻璃魷魚通菜 - 這個醬料超惹味的，還有份量不少的魷魚，十分有咬口飲品跟餐點了冬瓜檸檬薏米水，和芒果沙冰特飲，都不會很甜，十分解渴這間餐廳下午茶種類多，有輕怡和正常份量選擇，食物質素也很高，十分抵食

晚飯光顧了在家附近的餐廳，店鋪光潔亮麗，環境不錯，坐得很舒服。餐牌選擇多，重點是價錢相宜，也不收加一，半價可以加特色餐飲。肉骨茶是馬來西亞風味的，帶濃濃的藥材香氣，愛吃肉骨茶的不可錯過。配料很豐富，一字骨多肉，而且肉質軟腍，煮得入味，豬手和雞腳膠質豐富，口感豐富。當然少不了肉骨茶的精髓－油條，油條沾滿湯汁，美味非常。蝦餅撈檬份量多，配特調魚露清新醒胃。蝦餅爽口彈牙，頗為厚身，炸得香脆乾身，口感一流，配上甜酸醬就更惹味。咖喱牛腩配酥油餅，咖喱有一點辣，但有椰汁中和的關係，也很容易入口。牛腩筋肉相連，肥瘦適中。豆卜薯仔和咖哩汁也很配合。脆皮豆腐外脆內軟，熱辣辣夠香口惹味。飲品點了芒果沙冰和椰汁涼粉冰，椰汁涼粉冰很足料，加了大量椰漿。芒果沙冰加了一點點橙汁去提味，有新鮮感，味道清新。

一向都喜歡吃星馬的食物，亞金南洋茶室新開張，迫不及待來試試。店內地方不少，平日中午有大量座位。侍應提供wifi密碼，二維碼給顧客自助下單。咖哩牛腩飯，豆卜，薯仔，洋蔥，牛腩，咖哩偏甜不辣，但餐牌上標示有2個火焰的辣度。亞參叻沙，可選大，中，小辣。湯底酸酸的，就算選了小辣，辣味也蓋過了所有味道，米線又煮得太稔，有少少失望。蟹棒帶出甜味，魚片頭，豆卜一般，有菠蘿，青瓜絲，生洋蔥等配料。玻璃魷魚通菜，材料新鮮，但味道只靠魷魚上面的醬，不過不失。

見佢新開打算去幫襯下，叫咗個扎肉雞絲喇沙米粉，點知返到屋企打開係扎肉雞絲湯米線，激死。俾錢時係$62 （我堅持唔要嘢飲，但收銀聲稱熱飲是免費的，咁我就叫咗一杯熱檸水），而外賣自取八八折，買單係$56。但係餐牌寫明單點係$56 ，我拎咗佢張外賣紙，所有扎肉雞絲嘅產品都冇$62，似乎係提高左個價格，再八八折，大家俾錢時留意一下。撇除價錢，個米線及湯底係幾好食嘅，雞湯好濃郁，雞絲亦都好滑，扎肉就切得太簿太碎，所以就唔係好食到扎肉嘅味道。而份量並不是太多，午餐以一個女士黎計其實是可以，男士就應該唔夠飽。