亞龍咖喱

營業中

休息中

味道:可能食得太多,所以對其咖哩味已免疫服務:今次唔見事頭婆,對住大聲服務員,食飯變受難!全情一半時間聽佢鬧隔離"阿龍"女人好煩!可能同"阿龍"女人鬧完交,心情未平伏....咁我咪中伏LOR!好員工除左對自己舖頭同老闆忠誠之外,都要照顧下客人先得架!雖然唔洗加一啫,都唔等於賣味道不賣服務架...

天氣下降, 想食辣野, 走到廟街亞龍買咖哩外賣, 返家開支紅酒慢慢嘆, 咖哩牛腩, 中辣, 見到已流口水, 侍應話專登比多些少我喎, 真定假呀?? 見佢同個個外賣客人都係咁講既, 係真係假, 無緊要啦, 最緊要好味, 亞龍出品, 絕無問題, 餐跟一件簿餅, 太少了, 多叫了一塊, 剛剛夠飽, 佢既簿餅都係差些少, 薄身, 唔夠彈口, 太乾, 下次都係叫飯搵陣

平時D食店,肉既來貨貴左就會慢慢加價,例如+$2 +$2 +$2咁今晚就奶晒野 ! 新鋪都係今年開始幫襯返,對上個禮拜,食咖喱牛腩 $55 咖喱羊腩 $98 ,都知價錢今晚3人入去...二話不說就落Order啦叫左咖喱牛腩 咖喱羊腩 咖喱雞咖喱雞 雞唔入味 好似淋D汁上雞到咁咖喱羊腩 夠林夠味 但$138 份量小 個碗大D咁 咖喱牛腩 咁既價錢 我寧願食生龍清湯腩既咖喱坑腩都係$7X 大大碟 食到咁上下...計下每人幾錢先 ! 一睇餐牌就中左伏 !每樣野至小加左$15以或以上 ! 碗羊腩至精彩加$40 怪就怪無睇清楚 ! 不過食開食熟...唔知咁樣都中伏我諗唔到點解一加可以加咁多 ! 行去隔黎"阿"龍咖喱 牛腩都係$5X 羊腩 $9x 一定無下次囉 ! 以後寧願去"阿"龍食

第一次去食，2個人，已近下午茶時間，吉位唔少。我地點左魷魚同雞，一款配餅、一款配白飯。魷魚肉質不錯~ 有鮮味。雞肉質不太好, 不夠滑。呢度既咖哩唔會有港人鍾愛既薯仔，味道同港式咖哩有明顯分別，由於成個汁滿佈碎雜菜，所以唔好睇少個份量，食得哂就應該會飽肚。白飯冇咩好挑剔，而個餅係左乾身帶軟果一款，相信有人會鍾意，不過有人會覺得"麻麻地"。每台會有壺水俾你自斟自飲，不過水杯比較唔清潔，切記要洗一洗。p.s. 我地見到唔少人黎買外賣。

前幾天心血來潮自己食lunch去了久未光顧的亞龍﹐當然十萬個支持本店!!!點了咖喱雞﹐雞也不用多講﹐都係雪藏雞﹐但大家都知食咖喱都係為左個汁!!!果然無令我失望, 這個翻印不了的秘傳咖喱汁落足料﹐有洋蔥番茄等蔬菜溶係入面﹐非常有層次﹐今次點了中辣﹐下次要向大辣挑戰!!!!!!!

聞說吳松街的咖喱王亞龍好好味，今天終於有機會同朋友們嘗一嘗，而我們當然去左啱白色門面那間啦 。吃咖喱的鋪頭裡俾人感覺係一陣味、黏次次、好熱的佈局，但這兒給我印象不差，沒有那些感覺，相反還很涼爽的空調呢。點了的3個菜好快上了枱 咖喱鮮魷 咖喱牛腩鮮茄牛脷這兒咖喱的烹調手法、香料及微辣咖喱汁，跟海鮮都是絕配，這裡用上新鮮的魷魚，爽口彈牙，鮮甜肥美，正，但份量偏少，一隻手數哂得5件，而碟飯亦不多，不足以吃光整碗咖喱汁呢 。 牛腩吃起來亦惹味，肉汁豐富，全是無根部位，好淋；牛脷配上新鮮蕃茄汁，味道一流，牛脷甚有咬口，伴以蕃茄同吃更清新滋味。咸薄餅一般，偏硬身，亦沒有應有的牛油"so"皮香味，份量亦少，扣分！服務員友善的態度 和 收銀處那個重覆 TBB "食得峰騷" 的片段令我印象難忘

知道呢度出名食咖喱好耐，終於有機會同老公食6：40我自己先入去坐住等，老公轉頭嚟，店舖細，人都差唔多坐滿。過咗幾分鐘，老公又未嚟，個收銀亞嬸好大聲咁叫我出返去等，因為有其他客嚟，我已經同佢講可以叫嘢食先，但佢點都唔俾我坐喺度（既然我坐咗入嚟，又可以落單，何必要叫我出去呢）我地點咗鷄，魷魚配飯同炒什菜，鷄好快嚟，有兩舊鷄胸咁多law份量小咗D，飯嘅份量合理可能出名唔係鷄la,所以麻麻地...老公嘅魷魚都ok,炒什菜好普通咖喱汁好稀，但係撈飯都ok埋單加埋1罐coke$170，老公話貴，因為唔值，虛有其名P.S. 有D亞姐可能平時"衝鋒陷陣",講嘢語氣重D la w，

心血來潮好想食蟹又想食咖喱,所以嚟買外賣咖喱蟹配薄餅,餐牌寫時價,咁即係幾多呢?價都唔報就入單.嘩嘩嘩! 原來$400好貴囉.唉! 心諗算啦只要好食又唔係經常食.真係唔食由至可,一食把幾火４百蚊食隻水到唔水嘅肉蟹,蟹鉗D肉無咗1/2,蟹身唔覺有肉,早知唔配薄餅,配飯啦,可以飽D一路食一路覺揾笨

跟友人看完電影.友人想食咖喱. 我們就去了亞龍試下.去到有兩間.就選了比較多人這間點了一個牛利+飯. 朋友點了雞. ( 小辣)來了買相不錯.看見很多洋蔥碎,吃下去味道是很多香料制成的,不是一般普通咖喱味可言點了小辣.食下去沒辣味一樣,只有咁香味.(巴基斯坦味道是這樣的)牛利很林口,不過好像不太入味.朋友的雞是兩大塊的. 不是塊塊的雞件,這個我欣賞因為最少是有份量給客人,不會好像其它店,雞的份量得 10% 配菜佔了 90%在食的時間聽得很多客人點牛根下次一定要來再試.我會試晒他所有類別的(有機會)環境確實有點迫. D 四人位比兩個人霸晒坐本來就位置不多了.服務阿姐好好人架

啱啱响佐敦做完嘢經過吳松街想起食咖喱, 即時諗起呢間馳名已久的亞龍咖喱, 即時入去幫襯, 好在係上晝接近十二點又下雨天, 不是太多人唔使排隊.-都係揀選我最喜愛既咖喱牛腩, 不是吃得很辣, 所以選小辣, 跟一碟白飯再配支青島啤酒, 己相當滿足, 水準依然, 係個汁今次較為稀, 無以往咁濃, 但整體而言仍是好味的. 今次由於一個人的關係並沒有點選我另一喜愛食品-甜薄餅, 下次一定要帶埋老婆去食. 連埋支啤酒埋單68, 諗起以前來吃時只不過係三十幾蚊, 價格提升好多, 但而家食材同人工又咁貴, 都要體諒呢啲苦心經營的老鋪, 繼續支持.

下午3時多，與太太經過佐敦，抱著期望來試近日蘇c父介紹過的亞龍。舖面面積不大，但座位有成四十個，感覺有點迫。好彩下午茶時間無咩人，很難想像午飯時段迫爆的場面。舖面得一個類似老闆娘的待應，很友善。 叫左個curry牛根 + curry蝦，一個跟飯，一個跟薄餅。點知...上菜很快，可能係客少加上早已煮好。但Curry牛根變左curry牛腩，七十幾蚊的curry蝦竟然只有3隻蝦。碟飯得3分1飯，薄餅得一塊。奇怪，呢度無下午茶餐供應，但正價食下午茶餐份量就絕對搵笨！！眼見食完都唔飽，立刻向老闆娘(應該係)叫多curry鮮魷，開餐。咖喱本身平平無奇，牛腩同蝦都無咩特別，但配料超多，最啱餸飯，但無奈d飯小得可憐...吃完，等左一陣都未見我嘅curry鮮魷，仲以為即叫即整等耐d，最後發現原來係漏單。 算，埋單$140，去第2間食過。但此舖有一點是我欣賞的，那是有凍水放在桌上任飲可解辣，而d水是夠凍的。

不止電視上的師傅識覓食，早於十多二十年前同叔叔拍拖拖之時、已到此一遊，今次走訪不多不少也要謝過師傅的提醒舖面保留着惜日樣子，食物也好像跟從前沒有多大改變、價錢分別亦要五十多元而上...咖喱雞跟白飯$53.來者是一道兩隻中翼加兩件雞件的碟子，評心而論濃濃的咖喱汁內包滿上溶透的洋葱、混和兩者，美味非常、只可惜雞件不能完全入味，拿揑未能準繩、略帶瑕疵，不復當年勇致於另一款咖喱雜菜配薄餅$59.咖喱汁辣度更勝之前的咖喱雞，不約而同的小辣、後者辣度更甚，幸好還能應付、不過雜菜也是小之又小，兩件椰菜花、 兩件西蘭花及一少許菜心絲混上大量洋葱身上，便成了這道零碎咖喱雜菜薄餅厚身而不及軟身，鎖汁情度慬屬一般、來個白飯更為理想寄語:主角雖好，亦要配角扶持、希望在保持咖喱汁外，也要顧及材料的平衡、才能留住有情人。

是媽媽的推介所以才去的到達的時候 全餐廳都滿座了可以感受到它的受歡迎程度其實就是很簡單的咖哩牛腩可選大,中,少辣可配白飯或薄餅份量大足夠兩個人吃我喜歡它不太油牛腩肉質ok清水任飲水壼就在桌上隨便飲可以開開心心地吃一餐白飯爽 配咖哩汁剛剛好註地方有點迫吃完不適合談天服務態度良好

廟街，左一個龍，右一個龍。有阿龍又亞龍睇講亞龍先係正宗，就入左去試試。要左份咖哩牛腩，辣度揀中。牛腩夠「林」身，有咖哩入味之餘都仲保留到少少肉味。這個咖哩汁，好少配菜，但聞落有陣辛香。配咸薄餅食，咖哩辛香於口內久久不散。而咸薄餅本身，就普普通通。叫多左碗香飯，因為有咖哩汁剩。物如店名，這裡只有咖哩好，但已經足夠了。雖然我已經食到額頭同個鼻出哂汗，但我更想研究究竟可唔可以剩嗌個汁打包返屋企。

睇完tbb介紹,翌日就去試啦...我有做功課,一早係到睇邊間係正宗先去到有好多人排隊,仲以為要等好耐 好彩人流快環境好窄,人又多我地3個人,坐6人枱,同另外3個陌生人疊枱(仲要係L字形咁坐)服務唔係差,但客人太多(so冇咩服務~)因為係3個女仔,所以order 2個,怕食唔曬...我地要咗牛腩同雞(小辣)咖哩牛腩:一入口最出係莞茜,咖哩味唔係特別重,反而蕃茄味重啲,仲有啲牛腩味個汁係冇薯仔,但有好多粒粒:原來係蕃茄﹑洋蔥切細粒同蒜蓉牛腩夠腍夠入味...gd~總結係香﹑濃咖哩雞:大致同上,只係轉咗少量雞味,比較淡...雞係冰鮮,所以冇咩味...因為係小辣,所以香而不辣,能夠試清楚味道我地試咗鹹餅同油餅,個人覺得油餅比較香,但太heavy